وفي الجزء الأول من رواية اصبحت حياتي للكاتب زين الشريف دعونا نعرف كيف ستبدأ الرواية ؟ وعن ابطالنا وشخصياتهم وكل ذلك في السطور التالية بإذن الله .
مقدمة رواية اصبحت حياتي
هـيي روايـهه شـويه واقـع و شـوي خـيال 
.
مـراد: ضاقـت بِ الواسعـهه متوقعـتش الخونـهه م ناسـنا وأصدقائـنا معش عرفـت ويـن ندير وجـي ولمينـا دبشنـا انـا والعائلـهه وطلعنـا م المدينـه اللي ساكنيـن فيـها بڪل نمـشي فـي الطريـق وهلـي مـعاي فـ السياره مـش عارف ويـن ولمـن بنمشـو ڪل اللي ڪنت عارفـهه اني مسـتحيل نرد للمڪان هذا مرا اخررى مع انه فيـهه ذڪرياتي وطفولتـي وأصحـابي اللي ڪنت معتبـرهم خـوت وباعونـي 
ـ
عـلي : روحـت تعـبان مش مصـدق يلي صـار ونتمنـيت الارض تنـشق وتبلـعني مـن اللي شفته واللي مڪنت متوقعه شي خـلاني معـش عرفـت روحي فـي حلـم ولا فـي علـم قعدت نصلـي ونبـڪي ونقأول يااارب خـوذ حـقي وحـق سنيـني الي راحـن حسـبي الله ونعـم الوڪيل وههـذي تـڪفي .
ـ
سيـرين: روحـت م الـجامعه باطلـه عزقـت مذڪراتها وغسـلت وجها وغيـرتت حوايجهـا وخشـت تغـدت وهي تفڪيرها فـي الموقـف اللي صـار وضحڪه خفيفه ع وجهـا .
.ـ
إستـبرق: تـصلي يـاارب ع قد الـقهر اللي عشـته واليـتم اللي حسـيت بيـه وهلي عايـشين عوضـني خيـر فـي راجلي ياارب مليـاش الا انـت حسـبي يارب خوذ حقي .
.الجزء الأول من رواية اصبحت حياتي
نستبق الاحداث شويه
ركزو معاي
…
ركزو معاي……………………………………….
-طبعآ ادهم صديق مراد كان زي خوه بالضبط وبالاصح كان يمثل انه خوه..
ديما مراد يلاحظ انه في الفتره الاخيره قعد معش يحكي في اسراره لمراد ومعش تلاقو واجد .بس مراد لانه طيب كان ماشي ب طريقة
“ألتمس لصاحبك سبعين عذراً وإن لم تجد له عذرآ قُل لعل له عذرآ انا لا أعرفه”
…شوفو الطيابه بس
يقول لنفسه اكيد مش فاضي وعنده مشاكل اكيد توا يجي يحكيلي….
وكان ادهم كل ما يستحق فلوس يجي ل مراد ومراد يعطيه ولما يردهن مستحيل ياخذهن ..
يقوله انا خوك ورزقي هو رزقك
ادهم تما طماع معش تما يشوف في مراد صاحبه يشوف فيه خزنه ذهبيه
وطبعآ مع ازمة البلاد مراد معش تما زي زمان ديما في يديه كاش فلوسه كلهم في المصرف مرات يعطوهو مرات يقولوله مافي سيوله
طبعآ ادهم اضايق من شي هذا ومن هنا بدا يتغير ع مراد…
وهيا نبدو وتوا تعرفو مع لاحداث كيف تما ادهم عدو مراد مش خوه….
….مراد: ادهم ياادهم عارفني منحبش الحاجات هذين أطلع وبلاش حركات ايوا راه والله نفتح الباب ..
مفيش رد ….!
مراد قال معش فيها نعتل الباب وفعلا فتح الباب انفتح بدون ولا جهد..
مراد…
أأااءااااءاددهمممم وبدا يتلكلك يااياياا ادهم وخاف وقلبه يدق بسرعه من شي الي شافه وفجأه الدنيا نقلبت برا وصوت شرطه 
والدنيا مقلوبه …….
والدنيا مقلوبه …….مراد معش عرف يطلع يشوف شن في ولا يقعد ويدبر للشي الي شافه
طاح من كثر الصدمه ع ركبه
وفجأه خشو الشرطه…….
ارفع أيديك سلم نفسك المكان محاوط ياديوث ياكلب ومراد رفع يديه وهو مش فاهم ولا حاجه وشن يلي قاعد يصير…..
رفع يديه وهو مزاال مصدوم
جو يجرو الجنود كلبشوه وبعد كلبشوه طلعو برا وهو ولا نطق ولا حرف مش مصدق بكل …..
جاه الامر متاعهم ضربه كف وقاله امثالك عاله على المجتمع يامرتشي يامتعاطي يا…… والله……
والامر رد ضربه ساكت توا اه متقدرش تحكي اه وكف اخرى ويضرب ع البطن ومراد ولا دار اي رد فعل وحطوه في سياره وشالوه لمركز الشرطه
والامر رد ضربه ساكت توا اه متقدرش تحكي اه وكف اخرى ويضرب ع البطن ومراد ولا دار اي رد فعل وحطوه في سياره وشالوه لمركز الشرطهلحظه …
اكيد مازلتو مافهمتو شن يلي صار …وكلكم تبو تعرفو شن يلي شافه مراد؟؟؟
الي صار انه مراد لما خش شاف جثه!!!
!!!اي جثه
واخرى جثة بنت شابه في عز شبابها وجمال حرام
معش عرف مراد من هذي وليش ادهم مش قاعد وشن جابها لادهم وادهم ليش محذرش وشن قصة الشرطه عرم اسأله في راس مراد؟؟
و في راسنا
..
..ح نعرفو شن صار في الاحداث الجايه
……………………………………
علي في الوقت هذا كان ماشي يبي يقابل وسن و وسن معندهاش علم
رنت ع علي قالتله: طالعه توا انت وين قاعد
علي: قاعد في الشغل متزرط كنت بنديرلك مفاجأه نشوفك لاكن مصار شي جاني شغل طارئ
وسن: ههههه نجك لي حبيبي نااا عرفت اصلن تسأل استغربت معليش خيرها في غيرها بايي توا بنطلع تمام
علي” تمام ردي بالك من روحك وراسك لوطه يرتفع نقطعه لك
وسن: نحلي يغييير من عيوني باي سكرت الخط
وسن: طلعت ومطمنه انه علي مش جاي ودارت المحرمه لنص شعرها والمكايج اوووفر ولا حاسبه حساب ل علي وطلعت وماشيه سلطانت زمانها وهي في الطريق ….
ألو حبيبي وين قاعد هيا نرجى في سريع سريع…طوووط
اكيد كلكم تفكرو انه علي طبعآ هذي كانت الصدمه انها كانت تضحك ع علي وتبي فلوسه.
ومشت لل حديقه اللي قريبه من شغلها وقعدت في نفس المكان اللي كانت تشوف فيه في علي
هي ديما قبل ماتخش للشغل تقعد هنا وتشرب قهوه وتفطر ..
قعدت وجا حبيبها الواطي قعد حذاها
صباح الخير توا غير جيت تأخرت عارف روحي
وسن: ولا يهمك حبيبي انت وروحي
ولما كان( علي) يتاخر تقلب المشيه ع راسه المهم قعدت وتمسك في يديه وجوهم سمح طبعآ لانه شتاء وجو يمووت
اكيد محد ح يقعد في الحدائق غير المجنون او اللي زي وسن!!!!!
وبدو احضان وجوهم فوق الريح
علي: قرب من الحديقه وجاي يبي ينزل يفاجأ وسن ميحساب انه هواللي بيتفاجئ نزل ودقات قلبه سريعه بيشوف ردة فعلها جايبلها ورد وفطائر اللي تحبهن وقبل ماينزل غرق الورد ب عطره
ونزل ماشي وهو فرحان ومشا لعند وصل ……
وفجآه!!!!!
يطيح الورد ويطرطش ويطيحن الفطائر ومعاهن قلب وحب واخلاص علي .
قعد ثواني وهو يدقق مش مصدق وهما ولا ع بالهم في الاحضان والحركات والسخه
..
..علي: وسسن !!
وسن: علي يوووم وصبت وطجت الحقير صاحبها
صاحبها هذا كلبك الي تاخذيلي منه في الفلوس
علي::
وسن :اسكت انت وعدي
ع عع علي متفهمش غلط
علي ارجوك وطبست ع رجليه علي ارجوك نحب ع كرعيك وراسك متسيبني
صاحبها: تبيعيني!!
ياعلي راه كل يوم تطلع معاي وراه اصلن مهياش بنت زي باقي البنات وفهمك كفايه
….
….علي : ضربه كف وطلق عليه نين بطلللل وضرب لين كسره
وبرم ع وسن بحت فيها وعيونه مليانات كلااام وعلي ميحبش يحكي…..
نظررته حكت كل شي( ليش ياوسن تبدليني بواحد سكير حشاش وسراق ليش والحب الي حبيته لك واللي محبيته لحد غيرك تي حتى في حلمي منخون فيك )
)بس فضل أنه يسكت ومايحكيش ولا كلمه تنهد حسبي الله ونعم الوكيل فيك …
وسن: لاااا يعلي وراسك مدير هكي ينعلللي
علي: معش بنشوفك ولا ترني وقسم بالله نشوف رقمك ولا حتى نشوفك بصدفه تنقلب حياتك جحيم وانتي عارفتني وطجها ع صاحبها.
وسن: لا ي علي وراصك انا غلطت سامحني عليييي ااخ وقعدت تبكي…
وهنا انتهت قصة حب كانت جميله او في نضر طرف واحد أنها جميله…
انتهت بسبب خيانه وزله ..
اما علي: مشا ركب في سياره طول وهو سارح ونفسه عالي مش مصدق يلي صاير بعدها ولع سيارته وعدا في اخررر سرعه لمكان مهواش عارفه وين مهم بيمشي من المكان هذا…
عدا بسرعه خياليه لقا روحه في مكان كله مزارع وفاضي نزل وعيط لييين خلاص:!!!
عللييييش علليييييش هكي ونا حبيتكككككك علليييييش خنتيني وكسرتي قلبي اللي كان ميت فيك؟؟
وضرب السياره بيده لين نحمرت وطلع دم وبعدها ركب وقعد قاعد ع الكرسي….
وبدا المطر ينزللل وينزلن معاهن دموع علي والاخبار يقولن انه محد يطلع لانه فيه سيول عنيفه …
……………………………….
في الوقت هذا سيرين دوبها واعيه وتفطر وبتمضي يومها بروتين عادي جدآ بدون أحداث وهي متشششوقه امتى تبدا الدراسه.
طبعآ سيرين عصبيه جدآ. ولما توعى تقول واخذه حبوب
عبدالرازق اخ سيرين: انتي هي ديريلي قهوه
سيرين:
عبدالرازق: مسمعتيش ولا كيف
سيرين: خطاني اييوا راه نرتكب فيك جريمه استغفر الله منعند الصبح
عبدالرازق: وحياة سيرين ديريلي معاي صاحبي والي تبيها نجيبها لك
سيرسن:
مش ماديه ناا بس جيبلي كبدا من المطعم بعدين وسكتت
مش ماديه ناا بس جيبلي كبدا من المطعم بعدين وسكتتوفجأه بصوت عالي بعدين فهمني كنه صاحبك من عند الصبح الناس ترقد.. لدرجه عبدالرازق انفجع
عبدالرازق: والله مجنونه ومانك طبيعيه ديري القهوه وعيطيلي
سيرين: يسير خير توا اقلب وجك معنديش لك مزاز
عبدالرازق:مزاز
مزازسيرين: شدخلك اقلب وجهك وشوي وتعال خوذ القهوه
عبدالرزاق: ربي يشفيك وطلع
…………………………………….
اماأستبرق روحت من شغل بااااطله لقت نعيمه عندها خوها واخ نعيمه هذا ديما عينه ع استبرق ويضايق فيها وهو دييما عند نعيمه الحقيرا …
بس هالمره كانو هلها كلهم من اول مخشت استبرقق
نعيمه: شرفتييي متأخره اليوم وين كنتي لاكن نعرفف كيف نتفاهم معاك
مرات اخ نعيمه انسانه طيبه جدا ..
خيرك يانعيمه مع البنت بشوي عليها دنيا زحمه ومطر
نعيمه: لا منكش عافتها انا اللي نعرفها امشي ديري قهوه خير لك
استبرق: حاضر وك العاده خش اخ نعيمه سند ينابش في استبرق ويضايق فيها وهي ديما متعدلش عليه وكل مايقربلها تباعده
ودارت القهوه وطلعت ومشت للغرفه وطاحت ع سرير بترتاح
جتها نعيمه :عطكك مووت ماقمتي صبي ديري عصير و ديري عشاا لهلي يارب تموتي ونفتك منك
استبرق ؛ ك العاده حاضر ومشت وهي ساكته ودارت كل شي
جا الليل ودنيا مطرررر وبرق والجو صقععع …
وبدن الهموم وكل حد يحط راسه ع مخدته ويبدا التفكير..
______________
علي:: فجأه طلع مزمار سياره انفجع لقا روحه راقد في السياره ودنيا ليل
وخر وعطا الطريق للسياره ورد في سرعه للحوش لقا الجميع راقدين….. خش خبط مفتاحه وتلفونه وحط راسه ع المخده وقعد يحكي مع نفسه
مش مصدق يلي صار ونتمنا الارض تنشق وتبلعني من اللي شفته واللي مكنت متوقعه شي خلاني معش عرفت روحي في حلم ولا في علم يااارب خوذ حقي وحق سنيني لي راحن حسبي الله ونعم الوكيل..
وخذاه النوم……
__________________.
واستبرق خشت متبهدله وبدت تصلي وتدعي: ياارب ع اليتم اللي شفته وبوي وامي عايشين ياارب عوضني خير في راجلي يااارب ياارب ملياش الا انت حسبي يارب خوذ حقي وسامحني اغفر لي وخشت لمرقدها وخذاها النوم بسرعه وهي تكرر حسبي الله ونعم الوكيل
يتبع ……….
لقراءة الجزء التالي : الجزء الثاني من رواية اصبحت حياتي
للإطلاع علي فهرس أجزاء الرواية : جميع روابط اجزاء رواية أصبحت حياتي للكاتب زين الشريف
جميع الحقوق محفوظة للكاتبة زين الشريف .
