وفي الجزء الثالث من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء الثالث من رواية زوجة المغترب
خشيت استحميت ولبست اسكيرت وقميص واتلفيت بي توب وطلعت.. شفت جوالي لقيت مكالمات من اممي..رجعت ليها ..
ما عارفه ليه بس اول ما سمعت صوتها عيوني دمعت
وهي حست بي قالت لي رغد يا بت انتي بتبكي؟؟ قلت ليها لالا يا يمه.. انتوو كيف عليك الله .. ابوي ومازن وشوق وككلكككككم
قالت لي كويسين بس فاقدنك
اتونست معاها لحدي اصحاب وائل جوو .. قدمت ليهم العصيرر والمويه..ودخلت خليتهم يتونسوو..
اتذكرت صحباتي نهال واريج .. قلت ادق عليهم .. دقيت ل نهال لقيتا مشغول..
قفلت دقيت ل اريجج
ردت من اول جرسس.. قلت ليها روجهه كيفك؟؟؟ ..قالت لي رغد والله شووق .. كتير والله يا اريجج كيفك ياخ.. واخواني كيفهم شفتيهم قريب؟؟
كويسه والله يا رغد واخوانك كويسين الصباح كنت معاهم
اتطمنت اتونست معاها.. لحدي العصر أذن مشيت ارص الغداء..
كان باين انو مظبوط او شكلوو مطمن نوعا ما مشيت قدمتو ليهم وانا يدي في قلبي..
بعد نص ساعه بالضبط الباب قفل.. عرفت انهم طلعوو.. بسرعهه مشيت على الصاله .. لقيت وائل واقف وملامح وشو كلها غضب.. عرفت انوو خلاص الليله يومي
……………..
كنت في غرفتي لمن جات فطومهه وهي بتكورك.. مززمملل.. ألحق البت..
بسرعه قلت ليها بت منو؟؟
قالت لي جيرانااا.. اصواتهم من آخر الشارع..
قمت من سريري.. بعدين رجعت قعدت تاني وقلت ليها مشاكلهم بحلوها هم مش انتي قلتي لي كده؟؟
قالت لي اي بس غير كواريكهم كان في اصوات قزاز وحاجات بتتكسر وصراحه بعد سمعت كده خفت عليها شكلو راجلها دا مجنون..
بعد جملتها دي قمت.. بدون البس شي في رجلي طلعت..
دقيت ليهم الباب وبعد مده جاء فتح لي الولد..
كنت بفتش بعيوني على البت.. اشوفها هي وين؟؟ كويسهه؟؟ عمل فيها شي؟؟
وبعد مسافهه شفتها.. كانت واقفه في كورنه الحيطه بي حجمها الصغير داك وخاته يديها في وشها..
والأرض مليانه قزاز مكسر..
لفتني هو وقال نعم؟؟
قلت ليو احم سمعت أصواتكم من بره وقلت اطمن؟
قال بكل برود ماف شي..
وكان عايز يقفل الباب .. ثبتو بي يدي ودخلت ..
وهنا وجهت كلامي للبت.. وقلت ليها .. ارح معاي اشتكي عليو..
هنا ما زي السودان.. ح يجيبو ليك حقك.. و ح يوقفوهو في حدو..
نزلت يدينها من وشها وبقت تعاين لي..
هزيت ليها رأسي وواصلت ما تخافي.. انتي م مضطره تعيشي معاوو..
قاطعني وقال لي اطلع بره!
م اشتغلت بيو و قلت ليها تعالي..
كانت بتلف بي بصرها بيني وبينوو.. وكانت خايفه وبترجف بي طريقه ما طبيعيه..
طلعت ورقه وقلم وكتبت ليها رقمي.. قلت ليها فكرري.. انتي ما مضطره بالجددد.. ومديت ليها الورقه..
هنا راجلها فاجئني ب كف في وشي.. وكان بكورك وبقول ..
وانت مالك يا بشر؟؟ الحاشرك فينا شنوو؟؟ وبكل استفزاز بتديها الرقم قدامي؟؟
رديت ليو ب كف تاني.. وحصلت شكلهه خفيفه انتهت ب رغد واقفه في نصنا وبتقول خلاص كفايه
طلعت وانا ما شايف قدامي من الزعل
ما عارف الحاصل معاهم شنو.. بس المتأكد منو انو هو مريض..
…………………
شال مني الرقم وشرطو ورماو في السله وهو بقول لي.. ما اشوفك تتعاملي مع ال بنى ادم دا .. سكت ساي وما حاولت اعترض .. قال لي بنهره انتي فاهمه؟؟
قلت ليو يا وائل كفايه ياخ.. الله يخليك كفايه.. يعني انا عشان في بلد غريب وما بعرف غيرك بتعاملني كده؟؟
انا ما عايزاك وما عايزه قروشك وما عايزه السفر..
انا عايزه امي رجعني ليها والله م تشوف وشي تاني .. وترتاح مني .. بس انت رجعني ليها .. مش كنت بتتكلم عن الطلاق .. اي طلقني يا وائل.. ريح نفسك مني وريحني معاك ..
بدون يتناقش معاي طلع وقفل الباب وراو..
…………………..
اها يا امي اضررب ليك لي رغد حسي؟؟
لالا يا مازن اتكلمت معاها
كويسس طيب وقالت شنو؟
قالت كويسه..اكيد ح تقول كده ..حتى لو كانت بتموت.. بتي وانا بعرفها.. م بتحب تشيل زول همها
يعني برضو م اتطمنتي يا امي؟؟
لالا ما اتطمنت والله .. والخوفني زياده انها كانت بتبكي..
طيب و ال ح يحصل شنو..
والله م عارفه م اقدر اشوفها كمان.. م عندي حل غير ادعي ليها بس الله يهون عليها ويسعدها
………………….
فتحت الباب وانا مهجومه.. رغد؟؟ قالت لي ممكن ادخل ؟؟
قلت ليها اكيد اتفضلي..
قعدت وبعد مسافهه قالت .. وائل طلع وخفت اقعد براي
قلت ليها تشرفي في اي وقت ياخ
فضلتها وقدمت ليها العصيرر..
وبعدين سألتها حصل شنو؟؟
قالت لي بتوتر كده مشاكل عاديه .. قلت ليها مشاكل عاديه لدرجه تكسرو قزاز؟؟ ..
عاينت لي وما ردت..
قلت ليها بعد اخدت نفس .. شوفي يا رغد انا عارفه انو الحاصل أكبر.. وحاسه انو قصتك طويله.. وكونو تكوني ما دايره تحكيها لي حقك بس صدقيني لو احتجتي تحكي انا جمبك وبسمعك
ابتسمت لي وقالت إن شاء الله..
قاطعنا صوت مزمل وهو بقول.. فطومه شفتي سماعتي..
وجا داخل وهو ما لابس قميص وماشي بالترينق..
……………….
اتسمرت مكاني ما عرفت امشي ولا ارجع ولا اعمل شنو..
والزاد من احراجي انها عاينت لي وضحكت..
قررت بعد صراع نفسي اني اقول السلام عليكم.. وارجع غرفتي..
رجعت وقلبي بدق شديد وبقيت بخبط في الباب بي رجولي..
وكل شويهه اتذكر وأتمنى الارض تتشق وتبلعني..
عدا باقي اليوم عادي .. ما حصل فيوو جديد ..
لحدي ما حوالي الساعهه ١٠ بالليل لقيت اتصال من رقم غريب .. رديت الوو
الوو.. قلت منو معاي؟؟
ردت رغد.
قلت ليها وانا ببلع ريقي رغد؟؟
قالت لي اي بت جيرانكم.. بس كنت حابه اسألك .. الكلام القلتوو لي قبيل دا بجدد؟؟
يتبع ……..
لقراءة الجزء التالي : الجزء الرابع من رواية زوجة المغترب
لقراءة الجزء السابق : الجزء الثاني من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
