الجزء

الجزء الثامن عشر من رواية افعال ابليس

الجزء الثامن عشر من رواية افعال ابليس

وفي الجزء الثامن عشر من رواية افعال ابليس للكاتبة زهرة الشيخ يا تري ماذا سنري من أحداث جديدة مع ابطالنا وهل ستكون مميزة ومشوقة ام مملة ؟ دعونا نعرف إجابة هذا السؤال في السطور التالية بإذن الله .

الجزء الثامن عشر من رواية افعال ابليس

ماخش اسحاق شاف هدى تبكي وحاطه يديها فوق راسها وحالتها حاله
إسحاق: خيرك لهدرجه تحبيه 🙄🔥
هدى: تبكي
إسحاق: جاوبي
هدى: وقفت وبتمشي مسكها من ايدها
إسحاق: فهمت عليك باهي اسكتي وامسحي دموعك ودعيله
هدى: به
مرام: اول ماسمعت باالخبر بكت شوي وسكتت وماصارش من العزومه
إياد واقف برا هوا والشباب شاف سمر كيف خاشه
وعيونه قلوووب😍
أوس: فمن تتشبح😒
إياد: ياكل ف الفستق ويكحل ومش معدل عليه بكل
أوس:🙄🙂
وطبعا اليوم كله كان زحمه وعياط
*_الكــاتـبـــــه زهــره الشــيـــــــخ_*
الصبح أوس روح ب فطوم وطول الطريق ساكتيين ولا صوت
وصلو
فطوم: شكرا وبتنزل
مسكها أوس : استني
فطوم: استغربت ونصدمت من حركة أوس
أوس: مازال مافكرتي ف الموضوع
فطوم:😔انا وانت مستحيل نكونو لبعض وحولت ايدها ونزلت تبكي
أوس: 💔🔥انصدم ماتوقع انه ترفضه بهطريقه مش فاهم شي🤦🏻‍♂️ نزل من سياره وشافها كيف تجري وتبكي ضرب ايده ع سياره ليييش باهي ليييش🔥
فطوم : مشت تجري لغرفتها طول قبل لا توصل نادت عليها نرجس
نرجس: انتي هي 🤨وين كنتي مخليه كل لشغل فوق روسنا
فطوم: تحاول تهدا وتمسح ف دموعها ك كنت عند امي مريضه
نرجس: بصوت عالي كنتي عند امك كنتي عند جدك هدا شي مايخصنيش هدا شغلك ولازم تلتزمي بيه فاهمه
فطوم: تمسح ف دموعها حاضر
نرجس:تعالي نضفي الارضيه هنا
فطوم: بتنفجر ب البكي 😭فوتيني مش ناقصتك
شوي قاطعها أوس
أوس: شن في
نرجس: ه لمشرشحه ابصر منين طالعه وتوا قتلها تعالي نضفي هني مابتش امالا على من عابيه
أوس: طايرتله ولقا على من يفش غله اننتيي هي احترمي نفسك البنت مش خدامه عندك بتنضفي نضفي بروحك ولا صكري فمك وقلبي وجهك لغرفتك احسن
نرجس : انصدمت من ردة فعله 😥💔
نور: سمعت الصوت نزلت شن في بس وشافت فطوم تمسح ف دموعها
نور: فطوم من مضايقك خيرك شن فيك
فطوم: شافت ل أوس حد😔
أوس: مشى لغرفته متكنطي
شوي خش إسحاق مع زيد
إسحاق:🙄 شن في بس
نور: مش عارفه خيرك أوس اليوم
زيد:😍
إسحاق: توا نشوفه🤦🏻‍♂️ ونتبهه ع زيد زييييد
زيد: اححم ن نعم ها شن في
إسحاق: قدامي خيرلك
زيد: حااضر وشاف لي نور وغمزلها
نور:😂🤭ف داخلها شكله اهبل زي إياد احم فطوم حبيبتي خشي غرفتك ارتاحي
فطوم: تمام
نور : وانتي نرجس لمي لي كسرتيه بروحك وفنصت فها😒 ومشت
نرجس:🔥
*_الكــاتـبـــــه زهــره الشــيـــــــخ_*
فؤاد: خيرك عليوه
علي: كان مضايق هلبا لانه قبل لا يموت خوه كان متعارك معاه ومايكلم فيه شي
فؤاد: عارفك شن فيك ادعيله بس ماعندك مادير
علي:😔
لميا : تبكي
جواهر: تو خطر عليك من يوم انسجن راجلك مشبتي لحوش هلك لا سألتي عنهم ولا دورتيهم
إبتهال: ماتزيديلها يام
حياه:الله غالب يا لميا هدا حالها الدنيا هدي
لميا: 💔🔥
مرام: خلاص بللهي عليك
هدى: خلاص والله سكتت
مرام: ماتوقعتك يوجعك لهدرجه مع انك كنتي مش طايقته
هدى: 😔مش عارفه خيرني
مرام: باهي خلاص اهدي هاك كاسة عصير
شوي وجاها اتصال من فؤاد
مرام: ايوا
فؤاد: ها وين
مرام: ف غرفة اختي هدى وانت وين
فؤاد: ف جنان مع علي بللهي عليك نبي شي ناكله جعان
مرام: حاضر من عيوني
فؤاد: يسلمولي ه لعيون هي اول ماتكملي رني
مرام: تم
هدى: من هدا
مرام: راجلي
هدى:😒توا بدا راجلك صار وانتي كنتي بتموتي ع شان ماتاخديه
مرام: ههه هدا قبل توا تعلقت بيه بدونه مانعيش🤭
هدى: تحشمي شوي
مرام: والله حق عسلاتي وحنين😊
هدى: تي باهي به بري ديريله شن ياكل قبل لاياكلك
مرام: تم تعالي معاي
هدى: به🙂
*_الكــاتـبـــــه زهــره الشــيـــــــخ_*
الباب طق طق طق
أوس: افففف تفضل
خش إسحاق احم شني مني
أوس:🙂
إسحاق: خيرك شن فيك
أوس: شن لي مافي💔
إسحاق قرب عليه وقعد جنبه اممم احكيلي
أوس: شي مهم انسى
إسحاق: أووس بتحكيلي بساهل ولا😒
أوس: افففف به انا حبيت
إسحاق:🙄😳انت معقولا به مبروك خير امالا ومن سعيدة الحظ إن شالله تطلع وحده من بنات عمك تعرف نشويك شوي وربي🙂
أوس: لالا 🤣🤣🤣حبيت فطوم
إسحاق: من فطوم ؟
أوس: البنت لي تشتغل عندنا
إسحاق”🙄بجد تحكي
أوس: اي 🙂وشن المشكله
إسحاق: صغيره نحسها🤦🏻‍♂️
أوس: اها لالا عادي نحسابك تقولي كيف تحب خدامه
إسحاق:🙄شني تشوف فيا متكبر ولا كيف ولا مهش انسانه هيا
أوس: فرح هلبا بكلام خوه صح والله لاكن عارف انهم بيعارضوني
إسحاق: من بيعارضك
أوس: بوك وامك وجدتك
إسحاق: بوي وامي مادورهم مابيعارضو اما الجده اكييد هدي🙂
أوس: اففففف
إسحاق: مادور انت مادامك تحبها وتحبك مافي شي يوقف ضدكم
أوس: وهدي المشكله شكلها هي ماتحبني
إسحاق: بلله🙄 انا قتلك صغيره تلقاها خايفه منك بس
أوس: يستر الله
إسحاق: تزوج حتى انت زي فؤاد قعدت غير انا 🙂
أوس:😂😂😂 وإياد
إسحاق: لا هدا بيتروج قبلك رسمي🤣
*_الكــاتـبـــــه زهــره الشــيـــــــخ_*
مرام وهدى ف المطبخ
هدى: تاكل ف الفراوله وتهدرز ع مرام
إسحاق خاش يبي عصير 😳اعود بلله
هدى:😒منك
مرام:؟
إسحاق: يصب ف العصير كيف حالك مرت خوي
مرام:😊تمام الحمدلله وانت
إسحاق: مش تمام بكل بشوفت ه الجنيه معاك
مرام:من؟
هدى: عاجبتك هدا علاش شفتها اصلا وتاكل ف الفراوله وترقص ف حواجبه
إسحاق:لاا وواثقه بزياده🙂
هدى:🙂
مرام:😂😂😂😂
إسحاق: شن طيبي مرام
مرام: مكرونة بشاميل لخوك
إسحاق: احسبيني رد بالك تنسيني
مرام: ان شالله
هدى: سمسااام
إسحاق: يسمسم اعظامك🤨🙂 وطلع
مرام:🤣🤣تضحك خيركم لاباس
هدى: بهييم ولد خالك هوا الصراحه
*_الكــاتـبـــــه زهــره الشــيـــــــخ_*
بعد نص ساعه كملت مرام
هدى: هاتي حصت إسحاق نرفعهاله بندير فيه مقلب
مرام: لا بللهي عليك
هدى: بللللللهي عليك كان تحبيني هاتيه
مرام: مدتلها الصحن فخااار يكسر بعضه تو خليني بنمشي لعند راجلي😌
هدى: 🙃بري ومشت لعند إسحاق
*_الكــاتـبـــــه زهــره الشــيـــــــخ_*
الباب طق طق طق
إسحاق: تفضلي
خشت هدى مبتسمه
إسحاق متعبه روحك وجايتني
هدى: اي شي فها ولد خالي فداااه🤗
إسحاق: يستر الله به صحيتي حطي ع الطاوله
هدى: لا نبيك ضوووق قدامي تعطي رايك
إسحاق: وانتي خيرك مش انتي لي مدايرته
هدى: انا ضايفه لمساتي اكيد بيطلع غير بلللهي ضوووقه
إسحاق: يستر الله وضاق منه يهبللل يسلمو ايديات مرت خوي
هدى:😊تسمسم هي
إسحاق:😳
هدى: خيرك مستغرب غايتك نجيبلك غداك وع غرفت هك وخلاص حطيتلك سم بش نتفكى منك 🔥
إسحاق: قعد يكح احححححم كح
هدى: حي وجهك ولا احمر
إسحاق: خاف انتي شن تقولي
هدى: انفجرت بضحك 😂😂😂😂😂😂 نبصرر عليك كول والله مافيه حاجه
إسحاق: يشرب ف ميه
هدى:😂😂😂😂😃😃 محلاك وانته خايف مش ديما فارد عضلاتك عليا🤣
إسحاق: وقف وشدها من يسها الزوز وقرب منها قعد يشبح لعيونها
هدى:🤣🤣🤣 خلااص والله معاش نديرلك مقلب
إسحاق: ابتسم تبي تقتليني
هدى: لالا بطولت عمرك حوول😂واااك
إسحاق: سرح ف عيونها وصوت ضحكتها
هدى:.
*_الكــاتـبـــــه زهــره الشــيـــــــخ_*
أوس قاعد ف غرفته طايرتله و يتصفح ع النت
الباب طق طق طق
ناض وفت الباب
فطوم: غداك
أوس: به خشي عندي معاك كلمتين
خشت فطوم وحطت الاكل ع الطاوله
أوس: انتي ماتحبيني
فطوم:🤦🏻‍♀️
أوس: جاوبي وبصدق
فطوم : حتى لو نحبك مستحيل نكونو لبعض
أوس: علاش بس فهميني شن في
فطوم: لاني انا مش من مستواك أوس افهم انا خادمه وانت أوس راجل الاعمال المعروف انت كل البنات يتمنوك مستحيل بنت بسيطه وخادمه زيي انت تحبها
قاطعها أوس: هه لو انتي مفكره اني هك انتي غلطانه انا كل ه الحاجات مايهموني انا حبيتك وطمني ناوي بيك الحلال وربي العز حبيتك اصلا انا حبيت بساطتك
فطوم: مانقدر الحق 💔
أوس: بس ليش لاني غني يعني مستعد نتخلى ع كل شر ونبدا معاك من الصفر وربي حبيتك يافطوم صدقيني نا نيتي صافيه عارفك فشن تفكري عطيني فرصه بس
فطوم: كانت مش مصدقه انه اوس يحبها بس بعد سمعت منه صدقاته وزاد حبها ليه به
أوس:😍
.
*_الكــاتـبـــــه زهــره الشــيـــــــخ_*
مرام لقت باب الغرفه مفتوح وفؤاد يعيط بصوت عالي ع التلفون
فؤاد: تيييي استني نفهمك ماتحكمي عليا اول شي انا مستحيل ننساك واي كنت نحبك بس توا نحاول نتأقلم معاها غصبا عني لانها مراتي خلاص افهمي
مرام: طاحت منها السفره وعيونها تعبو دموع وايدها ع فمها وتبكي 💔
فؤاد.
يتبع ……..

لقراءة الجزء التالي : الجزء التاسع عشر من رواية افعال ابليس

لقراءة الجزء السابق : الجزء السابع عشر من رواية افعال ابليس

للإطلاع علي فهرس اجزاء الرواية : جميع روابط اجزاء رواية افعال ابليس للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى