وفي الجزء الثامن من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الثامن من رواية رحلة الحب
في جانب اخر..
أمير :فارس صحبي زول كويس شديد وانا مطمن على هديل معاه
عبد المولى :انا هسي مافاضي شوف المناسب واعملوا… كان عايز يقفل…
أمير :يعني م حتجي تحضر عرس بتك الوحيده؟
عبدالمولى :ياريت والله بس عندي اجتماعات مهمه شديد م بقدر 
أمير :خير..
عن نهله :
نهله: ابوها ضرب لي قال صاحب أمير داير يعرس هديل وعقدهم الجمعه وأمير جاي الليله
نهى :لشنو بالسرعه دي م تكون غلطت معاه؟
نوال:م تستبعدي اي شي من بنات الزمن دا،، لكن ي نهله خليها تغور ف ٦٠ دهيه،، عشان انتي تملكي البيت كله تحنكي عبدو يكتبو باسمك..
نهى: اي بذات انو ف الاول قاليك هديل وم هديل وهسي خليه دي فرصه مناسبه والله
نهله ابتسمت فعلا والله..
….
صوت فارس وهديل بضحكو 
حتكوني اول عروس جات بيت عريسا من غير حبسه ،، قلت ليو اي احبسني انت هنا بالله 
قالي اانتيي م محتاجه ياخ
ضحكنا.. بعدين قالي يلا عشان نمشي نجيب أمير من اللمطارر
فعلا مشينا جبنا أمير وكالعاده اتبكيت واتعاورت أمير دا بالنسبه لي اخوي ودنيتي كلها احن اخو ف العالم
أمير اول م جا بدا تجهيزات ف البيت ظبطه وأي شي وم لقى وقت يعزم بيه ف عزم أصحابه وناس الشركه وعماتي تلاته وئام وسميره وسحر جو هم وبناتهم
رجعت البيت ورجعت غرفتي وكان معاي بنات عماتي اميره وهدى وتقوى وريان وعلا ظبطوني ف باقي الخميس داك ورتبوا لي شنطتي وبخروها لي وحاجاتي القديمه كلها العايزاه كلو رتبو لي والماعايزه دخلوا لي ف الدولاب،، كنت مبسوطه شديد وحاسه بدفء الاسره
لاحظت انو عماتي م شغالين ب امي الشغله… وأي حاجه رتبوها وظبطوها اما عمتي سحر كل شويه تقول بس حسبي الله ف اختيارك ي عبدو ناديتا ي عمتو تعالي،، جاتني قالت لي انتي عروس ريحي نفسك قلت ليها سؤال،، ليه انتو م بتجونا كنتو وليه شايفه علاقتكم مع امي كعبه،، قالت لي تفي كلمه امي دي من خشمك هي تطول تبقى امك 
انا استغربت شديييييييييييييييد قعدت ف الكرسي وقعدت جمبي قلت ليها م فاهماك ي عمتو،، قالت لي انتي حتعرسي وانا بعدا م حمسك لساني اكتر من كدهه.. جات سميره قالت ليها ي سحر م تفتحي الماضي قالت ليها انتي شايفه الحربويه دي متحكمه ف البيت وف الاولاد كيف،، فكرك تينا م حكت لي انك كنتي مطروده من غرفتك والمصايب البتعملا فيكم نهله دي وكمان جايبه اخواتا دا الفضل سميره انا متأكده انها عامله شي لي عبدو اخوي دا اصلا م طبيعي انا بقيت مصدومه والدنيا لافه بي ومافاهمه شي من كلام عماتي،، عمتو سحر حضنتني قالت لي عايزه تعرفي امك وين؟ قلت ليها وين؟ قالت لي امك عايشه ف بيت براها لامعروف مجنونه ولامعروف نصيحه انا ختيت يدي ع قلبي،، إحساس اني كنت حاسه انو نهله دي عمرها العامر م حتكون امي قالت لي امك عايشه واسمها أمل كمان دي حكايه طويله شديد قلت ليها احكيها لي ي عمتو عليك الله وئام جات داخله وقفلت الباب بالمفتاح،، انتي بتهببي ف شنو ي سحر.. عمتو سحر قالت ليها انا لما أمير ضرب لي م جيت عشان احضر عرس انا جيت عشان اقوليهم الحقيقه هسي اضربي لأمير يجي.. وفعلا انا ببكي وبضرب لأمير،،
الو أمير وينك،،
في شنو ي هديل مالك
تعال لي ف غرفتي سريع وقفلت
جو بنات عماتي يطبطبوا على فجأه الباب دقا افتحي ي هديل انتي كويسه فتحت ليو عمتو سميره جا لقاهم كلهم حولي وانا ببكي قالينا خير ان شاء الله
انا جريت عليه، أمير امنا عايشه ي أمير نهله طلعت م امنا جراني لي ورا ولمس راسي قالي انتي جنيتي ي بت؟ كيف يعني من فتحنا م لقينا غير نهله حتكون م امنا كيف؟ ردت ليو عمتو سحر زي م قالت ليك فتحت تلفونا وورتو صور قالت ليه شايف المره دي؟ دي امل،، دكتوره امل بس دمرت حياتا الملعونه دي الله يدمرا امير عاين لي عمتو قاليها كيف يعني وليه م وريتونا من زمان
عمتو سميره جينا كم مره بس كان نهله بتطردنا وبتهددنا كمان وم بتخلينا نشوفكم اصلا
أمير تاني عاين للصوره فعلا بتشبه هديل المره دي طيب وهي وين هسي؟، ردت ليه عمتو سحر امك هسي ساكنه ف بيت ف نفس حينا لكن عايشه براها وف ناس بقولو مجنونه وناس بقولو مريضه مشينا ليها كم مره عسى تتذكرنا بس م تذكرتنا وم متذكره انو عندها راجل اسمو عبد المولى بس كل إلهي عارفاه انو بتها ماتت وهي بتلدي فيها وولدا مخطوف من 25 سنه أمير قعد يبكي.. بعدشويه جات علا.. عايني ي ماما صورت منها الصور إلهي بتمسكهم طوالي وبتبكي،، أمير عاين فعلا دا انا لمن كنت صغير ،، هديل زادت بكا أمير يلا نشوفا ي أمير حتتذكرنا اكيد أمير بقا زي المصدوم وم برد على،، عاين لعمتو سحر طيب ليه حصل كده ولشنو،، عمتو قعدتنا انا وأمير،،
عاينو ي أولادي 
عبد المولى وأمل ديل كانو عايشين احلى قصه حب،، وقتها عبد المولى كان لسه شغال عادي ف الشركه دي بكون فيها (فرع السودان) كانو عايشين ف أمن وأمان واحنا وامي كلنا بنحب امل لأنها كانت رقيقه ولطيفه لأبعد حد بقت اختنا وطوالي ياهم معانا ي احنا معاهم لحدي م جابتك انت والسعاده كانت غامرانا كلنا، اما عبد المولى كان فرحان بيك عايز يطير السما 
بعد ٤ سنه امك حملت بي هديل وكنا برضو مبسوطين شديد، لحدي م دخلت نهله حياه عبد المولى وبقت تضلله وتتودد ليه 
كلنا حذرناه منها بس كان فجأه بقى عميان وم شايف غيرها كان بضرب امك،، لحدي م امي قالت ليو لو مديت يدك عليها تاني َ م عافيه منك لمن امك كانت في السادس،، ابوك عرس نهله وكلنا كنا م رضيانين وبعد شهر بالضبط اكتشفوا انها عقيمه فما حتلد بقت لسه حاقده ع امك وعرفت انها م حتورث كويس لحدي م مشت واتفقت مع دكتور علي اساس انو يقول الولد مات هي م كانت عارفه اننا متابعنها واكتشفنا الحاجه دي وفعلا يوم ولادتا الدكتور قال انو كانت بت وماتت،، امل تعبت شديد وحالتا النفسيه برضو مشينا عشان نكلم عبدو اخوي ب انو نهله عملت دا كلو اتصدمنا بانو كان عارف وهرشنا بأننا م نوري امي
بعد شهرين.. ابوك طول الشهرين كان منقطع مننا ومن امك وجا قال انو طلقا وعمل بيت جديد وحيستقر هو ونهله فيه ساعتا كرهناو شديد.. وفعلا امل كان عندها امها حيه وتوفت حسره ع بتها والحصل معاها امل بقت وحيده ف الدنيا معاها بس أمير بعد أيام من موته امها أمير اتخطف وهو ف الروضه والحصل دا كان كتير شديد على امكم انها تستحمله خصوصا انو حصل ف فترات قريبه وورا بعض،، ويوم اتفاجئنا بيها مافيشه وقلبنا الخرطوم كلها وم لقيناها،، اتاريها يوم طلعت تتمشى شويه وتفرق ع نفسها ووقعت ف الشارع وزول وداها المستشفى واحنا م عارفين افتكرناها هربت فتشناها م لقيناها ولمن المدة طالت افتكرناها ماتت،، زعل…
يتبع …………..
لقراءة الجزء التالي : الجزء التاسع من رواية رحلة الحب
لقراءة الجزء السابق : الجزء السابع من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
