الجزء الثاني عشر من رواية نبضات قلب

#عبدو طويل وجسمه معبي شوية وابيض هلبا

#ادهم كان اطول من عبدو اسمر عيونه رمديات وشخصيته كلها رجوله يجنن ونقشه ع الاسود ولحيته وعنده غمزات

عبدو بكل وقاحه شاف تسنيم: حمدلله ع سلامه

ادهم تعصب: ضمم فمك الله لايسلمك معاد تشوفلها

عبدو: خيره ياعمي الكلب واعر شكله

علاء خش: خلو البنت مع راجلها يابوي مهاب يكدب عليك الكلب متع الحشيش هدا

جلال: علاااء اسكت

علاء: لا يا بوي اني سكتت هلبا لحد هني وبس ياسر مهزله اني واقف مع ادهم وراجل من حقه يدافع ع مرته

عبدو: علاء تفضل هدا عليا اني

علاء: يابوي اسمعني… قاطعه

جلال بعصبيه ويشوف ف تسنيم: عبدو نزل بنت عمك لسيارة انت ومهاب

عبدو قرب بشهوة لـ تسنيم ودفه ادهم

ادهم: وين ي حبيبي مش بساهل تمس مرتي

عبدو وقف. صار قتلي مرتك(شاف مهاب ) مهاب صكر الباب

مهاب صكر الباب

عبدو طلع سكين وقرب بسرعه ع ادهم وجت تسنيم قدام ادهم وغمضت عيونها لكن محستش بسكين فتحت عيونها شافت السكين يقطر ف الدم قدامها ادهم من وراها شاد السكين وايده التنين شادين السكين وينزفوو وشافت ادهم، ادهم لم شافها تشوفله ابتسم وغمض عيونه الرمديات وغمزاته

ادهم دف عبدو وجدي منه السكين ويدين ادهم ينزفوو،عبدو تراجع للخلف

ادهم ف ايده السكين وايده التنين ينزفو:اي مرتي هادي مرتي ولو كنت راجل كنت عرفت تستعمل السكين وغرزته فيا لكن الله غالب عيييل

تسنيم تشوف ف ايد ادهم ينزفو بدت تبكي:يابوي ياااااسر ياااااسر

علاء قرب من بوه بعصبية:شفت شن صار قدام عيونك بنتك كانت رح تموت بدل ادهم بسكين بننتك لم شافت راجلها حيموت جت قدامه ولم هو شاف مرته قدامه مد يديه ودافع ع مرته يابوي افهم افهم

جلال قرب من تسنيم شد مرفقها بقوة وعنف:تسنيم اني تعب مع راسك اليابس هدا توا بتجابي تي عبدو لعنده الفيلا والخدم وتعيشي زي الاميرة ولا تبي….قاطعاته

تسنيم:نبي ادهم

عبدو:ياعمي هي خايفه منه المتوحش هدا

علاء: قرب من عبدو:هدا مش متوحش هدا خير منك اني نعرفك انت رح تتزوجه يومين وتحدفها

جلال شاد مرفق تسنيم:علاش تبي ادهم تكلمي

تسنيم نفضت ايد بوها وشدت ايدين ادهم فتحتهم:شوف الدم شفت الدم هدا اني نبيه عشان هو مش هامه دمه هو عنده اني اهم من دمه هدا لتقول عليه فقير ومنتوف كلل شي داره عشاني اني (دموعها ينزلو)هو دارلي بيان وفضانيه دفع فها دم قلبه وكل شي من عرقه ومن تعبه لجبه ليا والحوش لعنده صح هو مش زي الفيلا متع عبدو لكن الفرق انه عبدو اول مافتح عيونه ع الفلوس وع العز والدلاع والبناات لكن راجلي اني فتح عيونه ع الخدمه وبوه ميت وتحمل مسؤلية اخته وامه وصان عرضه وقدر يحفاظ ع عيلتة وتخرج بعرق من كلية المحاسبه ومش زي عبدو ناجح بلوسطات وكل همه البنات وشرب والحشيش وبس إن شاء الله تكونو فهمتو عليا

جلال:هدا كله كلام فاضي:تسنيييم توا خلاااص يادلوعت البابا بتختار يابوك او راجلك

تسنيم تبكي:علاش هكي يابابا اني عرفاتك خايف عليا وتبي مصلحتي لكن بللهي عليك مديرش فيا هكي (تبكي)

جلال:جاااااوبي بوك او راجلك

علاء يشوف ف اخته:تسنيم اني معاك ماتخفيش

ادهم:علاش الكره هدا كله ارحم بنتك حرام عليك

تسنيم مسحت دموعها:الغلط غلط يا بابا انت كبرتني ودلعتني صح لكن البنت معادش عندها غير راجلها واني مستحيل نقارن بين ادهم بحاجه تانيه هو اب ولدي

جلال:من اليوم انتي لا بنتي ولا نعرفك

ادهم بعصبية:لدير فيه غلط الاب ميتقرنش بحاجه تانيه الغلط يقعد غلط مايتغيرش

تسنيم تبكي نهارت ع الارض

وكلهم طلعو ادهم حضنها ليه وايده دم

تسنيم حضناته وضغطت عليه ومسحت دموعها:ايدك ياعمري

ادهم ابتسم:سطحيات اني تحكمت ف السكين ماتخفيش ووقف انزيف اصلا

تسنيم تتوجع ف مكان العملية:ااااااااه اااااه

ادهم:ياقلبي خيرك

تسنيم تبكي وتتوجع:ااااااااه ااااااه.وداخت

ادهم كلم الممرضة وجاته

الممرضة:لو سمحت قيمها معاي لكن رد بالك ع مكان العملية

ادهم قامها بحرص وحطها ع السرير: بللهي عليك تسنييم افتحيهم

للممرضة تشوفله تحشمت

ادهم:سومة مرتيي نوضي تسنيييم،،شاف الممرضة واقفه..اني منديتش عليك تتفرج عليا شوفي شغلك

الممرضة خدت مية وبدت تمسح ع جه

تسنيم فتحت عيونها ودارت ايدها ع بطنها وتتوجع:ااااه ااه

ادهم:اهدي تحملي تسنيم

تسنيم وهي تتوجع ابتسمت

الممرضة شافت ايدين ادهم :ايديك

تسنيم:امشي اغسل ايديك وعقمهم

ادهم قعمز جنبها:بعدين

تسنيم:يعمري اني منحبش الدم اممشي

للممرضة: لوسمحت تعلا معاي اني نعقملك الجرح

ادهم:تمام تسنيم مش رح نتاخر..وطلع

#تسريع_الحدات

#بعد_مرور_شهرين

تسنيم لبسة قفطان ازرق لاصق ماشي ع جسمها وشعرها ديل حصان ومكياج خفيف جدا

رقدت زين واخييييرا

قربت من ادهم وهو راقد ع السرير قعمزت ع السرير:حبيبيييي

ادهم شبه راقد تعبان وعيونه مصكرات:عيونه راقدات

تسنيم ابتسمت:عيونه الراقدات شن رايك نفتحهم اني بحركه وحده بس

ادهم يتسهوك لم سمع حركه وحدة صحصح لكن مغمض عيونه:راقد اني

تسنيم قربت منه وتتنفس قدام فمه، ادهم فتح عيونه

تسنيم تتنفس قدام فمه: تنفست بس وانت فتحتهم ولو درت حاجه تاني كيف صار

ادهم : نقدرش نتحملك انتي زي المغناطيس ليا

تسنيم ضحكت وبدت تدلع عليه وتمرر ف صوبعها ع رقبة السورية: الدنيا نوو حولها السورية لو تحب

ادهم فوقها:نفتحوو المكيف لو تبي عادي

تسنيم ابتسمت:لالا للمكيف لا لانه زين حبيبي يمرض بعدين

ادهم يلامس ف خدودها بيد وايده التانيه ماشي ع جسمها :زين حبيبك واني

تسنيم حاسه ع ايده كيف تمشي ع جسمها:ادهم ايدك وين تدهور

ادهم:ع مرتي

تسنيم تفتح ف ازرار سوريته لـ اول مرة تتجرئ

ادهم يشوف ف ايدها يفتحو ف ازرار السورية:ف تطورات ف الموضوع؟

تسنيم ابتسمت:اي ف هلباا ولو مش حببهم التطورات نلغيهم عادي

ادهم :لااا عيب هكي بلعكس اني نحب التطورات هلبا

(اليوم زودت العيار ف الصياعه ياسر لحد هني )

تاني يوم

تسنيم ف الدوش

زين: ووووع وووووع ووووع

ادهم فاق وكان زين جنبه قامه:يابابا اششش

تسنيم طلعت من الحمام ببرنوص الحمام وشعرها مبلول:ياروحي ياماما،قعمزت ع للسرير خداته من ادهم وتسكت فيه

ادهم قعمز:عشان زين مافيش لا صباح الخير لا صباح الطير هكي

تسنيم تسكت ف زين:صبحخير حالك باهي

ادهم ناض بيخش للحمام:وللهي الحمدلله بخير ،،وخش الحمام

تسنيم رضعت زين وجهزتله شيشه سخونه وشرباته وفتحت قدامه التلفزيون ع طيور الجنه

طططق طططق

تسنيم قربت من الباب بتقول مني

ادهم صكر فم تسنيم وقامها ودخلها لدار النوم

تسنيم:خيرك

ادهم:بتفتحي الباب بـ البرنوص انتي

تسنيم ضحكت:لا مهو انت ف للحمام اني بنشوف مني يطق ع الباب

ادهم شد حزام البرنوص:ياروحي عارفك غير نتسهوك

تسنيم حست بلحزام نفتح بسرعه بعدت وصكراته:يااسر ادهم امشي شوف الباب

ادهم صكر دار النوم ومشي فتح:اهلااا خيرك

صاحبه سراج:حبي سيارتي عجلته انطبقت جنب حوشك نبي كان عندك عجلة ومردوده

ادهم طلع وصكر الباب:اكيد تعلا معاي

ادهم عطاه عجلة:انت كيف خشيت الجنان والباب مصكر

سراج:مصحح وجهك وللهي مفتوح كان

ادهم حاس بشك:تمام تمام هي سلام

ادهم خش دار النوم غير ملابسة ع السريع

تسنيم تغير ف ملابس زين:ادهم خيرك شن في

ادهم :مافي شي لكن خليك ف الحوش ومتطلعيش لجنان لعند مانجي تمااام ولا تفتحي الباب ولا شبابيك بكككل بككل

تسنيم شدت ايد ادهم:ادهم خوفتني شن في

ادهم :دقيقه ونجي اني تمام ماتخفيش مافي شي

تسنيم خافت بجد :خلييك معاي خوفتني

ادهم زاد :البسة رح ناخدك معاي اني مش مطمن نهاائي وجيبي زين

ولبسة تسنيم ولبسة زين وطلعوو ف السيارة

تسنيم:ادهم شن في قوليي

ادهم محبش يخفي علها:اني شاك انه ف شخص يفتح ف الباب الخارجي

تسنيم:وقف اني بننزل ندير حاجه ف الحوش وانت خلي زين معاك

ادهم ف حضنه زين :تسنيم ننزل معاك؟

تسنيم:لالا بسرع وجايه حبيبي ونزلت

دقايق ورجعشت ركبت

تسنيم خدت زين من ادهم:امشي

ادهم:شن صار

تسنيم:مش حاجه مهمه امشي

ادهم ولع ومشي خدي كاميرا:ورجعوو للحوش

ووصلو للحوش كان الباب الخارجي مفتوح

تسنيم شافت ادهم:كان مصكر لم طلعنا

ادهم ضرب ادومان:توقعاتي صح

تسنيم حضنت زين وخايفه:ادهم ماتنزلش

ادهم شاف الساعه ف ايده ونزل من السيارة عاااادي جدا فتح باب تسنيم:تسنيم اسمعيني انزلي ماتشوفيش يمين ولا يسر خليك وراي وشوفي قدام بس يعني ع اساس محسينا بشي انزلي عااادشي جدا

تسنيم نزلت ونفدت كلام ادهم وف حضنها زين

ادهم خش وشاف باب حوشه مفتوح وهني زادت صدمته ف شخص فاتح الحوش:تسنيم ردي بالك تبعدي عليا وخليك شاده زين كويس

وخشوو تفحصوو الحوش كانت الصالة كلهما مخربه وكل شي متحول من مكانه ودار النوم الدلاب كللله ع الارض والسرير مخرب وسرير زين مقلوب ومراية دار النوم مكسورة

ادهم قرب فتح الدرج لفيه فلوسه ومجوهرات تسنيم كان مخرب لكن مش خانبين شي والمطبخ مافي شي مكسر لكن الحاجات مكانتها متغيرات والكوشة مفتوحه

تسنيم حست بحاجه مست رجلها عيطت وتلفتت:اااااا

ادهم تلفتت كانت سيارة تحكم عن بعد والسيارة تتحرك

ادهم يشوف ف السيارة:امشي للخلف

السيارة مشت للخلف

ادهم تنهد تسنيم خايفه موت ولصقه ف ادهم:هياا ياحلووو حرك السيارة يسار

السيارة تحركت يسارة

ادهم تعصبه وكان يغلي دعكس ع السيارة وكسرها وخدي التحكم متعها وكسرها مدممممره

ادهم: تسنيم وين مانمشي الحقيني

تسنيم لصقة ف ادهم كانت خايفه مووت

ادهم:ردي بالك تسنيم تبعدي عليا وخليك متخبيه وراي

تسنيم خايفه وحضنة زين:حبيبي رد بالك ياعمري

ادهم بصوت واطي:خليك وراي وبس

ادهم بدي يمشي وصكر كل الشبابيك المفتوحات وصكر الباب

ادهم بهد ماصكر ابواب الحوش والشبابيك تلفت وحضن تسنيم وولده بحب:ماتخفووش مافي شي ف ولد حرام يلعب بااعصابي

تسنيم ف حضنها زين:ادهم تدكر لم اني نزلت من السيارة وقتلك دقيقة ونجيك

ادهم:اي

تسنيم:الكاميرا متعك اني علقتها ف شجرة الورد ف الجنان

ادهم تعصب:تسنيم فيها صورك الكاميرا ممكن يكونو شافوها علااااش اديري هكي

تسنيم:لالا درت فها سيدي جديد الكاميرا السيدي متع صورنا عندي فجيبي..وطلعت السيدي..هدا فيه صورنا لكن لـ في الجنان مافيش صور قعد جديد

ادهم:اني شاك ف القصة خليك هني واني رح نطلع نشوفها الكاميرا

تسنيم شدت ايده:لالا معاك وربي خايفه اني

ادهم شد ايدها:هي تعالي

وطلعو وفعلا الكاميرا موجوده

ادهم ابتسم:اااه يامرتي ذكيه وفتح الكاميرا وكان فها مهاب وعبدو

تسنيم:ياربي ادهم هادم سكرانين اكيد

ادهم:وجو هني عشانك كانو مفكيرين انك قعدة ف الحوش لانه واضح ف الكاميرا انهم ماشفونش لم طلعنا،،شد ايد تسنيم

ادهم شد ايد تسنيم:لو قعدتوو انتي وزين لكنت خسرتكم

تسنيم حضناته:لا حبيبي مستحيل مايقدروش يديرو شي

ادهم بعصبية عيط علها:كان ف الكاميرا عبدو يقول خسرها سمعتيه

تسنيم فكت ايدها وخايفه:ادهم اول مرة تعيط عليا..وخشت للحوش لـ زين

ادهم ضرب ايده ع الحيط:قال خسرها اني سمعتتته ..ولحق تسنيم وخش وصكر الباب

ادهم:تسنيم

تسنيم كانت باكيه تلفتت:انعم حبيبي

ادهم يتلامس ف خدودها:اول مرة نعيط عليك مش رح تنعاد وعد

تسنيم ابتسمت:انت تخاف عليا؟

ادهم:اني خووفي كله عليك انتي وزين انتم عيلتي

تسنيم قامت سرير زين عدلاته وزبطاته وعطاته شيشه ورقد

تسنيم تنظف ف دار النوم واطبق ف الملابس من ع الارض

ادهم سرحان ويفكر مع روحه :عبدو سكران وقال خسارها يعني كان خاطره ف مرتي،وقف متعصب طلع الهاتف:ايووه….شجو…اسمع نبيك تجيني وجيب معاك قفال نبي نغير قفال حوشي…ت تمام منور ماشيه..وصكر الخط

قعمز جنب تسنيم:مرتي الحلوة قعدة خايفه

تسنيم:لالا

ادهم :شااطرة حبيبي قصدي الحوش كله منكوت نجيبلك وحده تنظفه تمام ياعمري خلي من ايدك انتي

تسنيم:لا عادي هم الصالة والمطبخ درتهم كملتهم مزال دار النوم والغرف التانية بس

ادهم:اوكي اني رح نشوف منوين قدرو يخشوو

تسنيم اطبق ف الملابس:تمام

ادهم قعد يدور ع كيف خشوو كان كل شي سليم مفيش خلع وخش

تسنيم جهزت قهوة:ادهم

ادهم تلفت:نعم

تسنيم:حبيبي درت قهوة

ادهم خدي الكوب لقهوة: سلميدياتك

تسنيم:شن صار

ادهم:عقلي بينفجر كييف دون ماينخلع الباب

تسنيم:ادهم خيرك ف مفاتيح تشبه بعضها

طططططق ططططق

ادهم مد الكوب لتسنيم:ياعمري خليك ف المطبخ انتي هدا صاحبي كلمته يجي يغير القفال

تسنيم خدت للكوب وخشت المطبخ

وغير القفال ووصلو لدار النوم شاف سرسر البيبي

صاحب غزو:عندك عيل ادهم

ادهم:اي عندي ولد عمره شهرين

عزو:يتربى بعزكم ياحبي نبوو زردة

ادهم:هيا خف ايدك بلا جو

وعزو كمل وروح لحوشه

#تسريع_بعد_اسبوعين

يوم الجمعه

ادهم دار دوش ولبس زبون دم غزال

زين لابس زبون دم غزال نفس بووه

تسنيم:تهبلووو حليلي ني

ادهم بيفتح الموضوع مع تسنيم:تسنيم شن رايك ناخدك تهدرزي عندي امي واني نرفع زين ندهور بيه

تسنيم:لالا بنضف الجنان مسخ من الورق بسبب الخريف والورق كلهم طاحو وانت تقدر تاخد زين معاك

ادهم قام زين :اوكي رح ناخده ماتعبيش روحك انتي تمام

تسنيم:تمام ياعمري

ادهم طالع بـ زين:راجع منتاخرش

تسنيم:اوكي وطلعت دارت باي بيدها

ادهم وزين مشو ف السيارة ادهم كان مفكر يفاجا تسنيم انه رح يطهر زين وغضوا رح يدله لمه وحفلة صغيرة وبسيطه

تسنيم تنظف ف الجنان وفجأة ايدين حوطوها من خصرها تسنيم ابتسمت نزلت راسها شافت ايده هادم ايده كلهم شعر ومقززات تلفتت بصدمه كان عبدو

تسنيم تشوفله:انت انت ،،كانت ف ايدها الة تنيضف متع زراعه اسمها مساحه ضربت عبدو ع بطنه بككككل قوتها وطبعا كان سكران طاح ع الارض وقعد يضحك تسنيم صكرت الباب واتصلت باادهم

ادهم:ايووو…قطعاته

تسنيم داهشه وتبكي وخايف؛ادهم عبدوو ف الجنان

تتبع

لقراءة الجزء التالي : الجزء الثالث عشر من رواية نبضات قلب

لقراءة الجزء السابق : الجزء الحادي عشر من رواية نبضات قلب

للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد

جميع حقوق الرواية محفوظة للكاتبة ميشو محمد .