وفي الجزء الثاني من رواية بحر العشق والظلمات يا تري ماذا سنري من أحداث مع ابطالنا ؟ دعونا نعرف ذلك في السطور التالية بإذن الله مع الكاتبة زهرة الشيخ .
الجزء الثاني من رواية بحر العشق والظلمات
سمعت صوت قوي طالع من المطبخ مشيت نجري ورحاب وراي
اول ماوصلنا انصدمنا من المنظر كانت امي مرميه ع الارض وكان في دم في كل مكان من الصدم وقفت ف مكاني وحطه ايدي ع فمي ونبكي
رحاب : قربت من .. وتبكي ع عمتي نوضي خيررك ومشت تجري اتصلت بي فهد
فهد: ايوا
رحاب: ف فهد عمتي
فهد: شن في خيرك وخيرها امي
رحاب: مانعرفش لقيناها دايخه ف المطبخ وملابسها كلها دم
فهد: بخوف وصدمه ك كيف الصبح كانت تمام
رحاب: تبكي مانعرفشش
فهد: ت تمام هي جاي
إيناس تبكي وتعيط وتنادي على امها
بعد كم دقيقه وصل فهد ورفعها للمشفى هوا وإيناس
________زهره الشيخ_________♡♡
ريان انصدمت وماعرفت شن بنحكي او شن بنرد عليه فكيت ايدي وطلعت من المكتب نجري لغرفتي
عامر : قعد فتره واقف ويفكر شن عواقب الشي لي داره وهل بتحكي لي امها كل شي صار قعد حاير شن بيدير … فتره و ابتسم هه ريان انا لي ربيتها مستحيل تحكي ولا حرف لي ايا حد ورد قعد على كرسيه ويشرب ف قهوته بكل برود
ريان وصلت للغرفه وصكرت الباب باالمفتاح وقعدت تبكي وتعاود ف نفس الكلام لي قاله عامر ومش قادره تستوعب ولا كلمه
تلفونها ترن رفعت التلفون وهي ترجف شافت المكالمه كانت من (نبضي) دارتله مشغول و قفلت التلفون وقعدت تبكي لين خداها النوم
احمد:انا ديرلي مشغول باااه وشوي وصله اتصال من يوسف
يوسف : الو
احمد: ها شن صار
يوسف: تم تم كل شي تمام نادر وافق واكيد بضاعتك حتوصل غدوا
احمد: ان شالله وانته شن مخليك واثق من كلامك
يوسف : انا واثق من نادر وعارفه قدها وقدود
احمد: بااه تو نشوفوه ه انادر وصكر
________زهره الشيخ_________♡
ف المشفى
سميه ف العنايه وإيناس وخوها برا يستنو وكل شوي تتصل رحاب تطمن
بعد ساعتين طلع الدكتور
فهد: طمنا دكتور
الدكتور: المريضه صايرلها نزييف داخلي ولحد الان ماقدرنا نوقفوه ولو قعدت ساعتين تانيات بهدي الحاله حنفقدو المريضه
إيناس طاحت ع الارض ونهارت تبكي وتعيط
فهد: بخوف اسكتي فضحتينا
إيناس:
نادر ف المشفى يهدي ف امه لي شبه جنت بعد سمعت بلخبر
سلوى: حياتي تعبانه معاش قادره نوقف على كرعيه
منير: ب به هي خلي نوصلك للفيلا ورتاحي
سلوى: هي
جود : في داخلها هوا انتي بس لي عندك رجلين
منير : نا بنوصل سلوى للحوش تعبت
نادر: 
روح منير للحوش وقعدت العيله كلها تستنى
بعد كم ساعه فاق حازم فتح عيونه وكان يشعر بالم فضيع ف راسه
طلعت الممرضه تجري لعيلة حازم عشان تقوللهم علي صار مع حازم
وطلعو الدكاتره يتجارو وهشو لغرفة حازم والعيله كلها تدعي انه يطلع بكامل صحته
طلع الدكتور
نادر: احكي
الدكتور لي خايفين منه صار
نادر: لا لا ماتقولهاش بللهي لا باهي ممكن نشوفوه
الدكتور: ممكن تخشوله واحد واحد
نادر: تمام
وناضت امه تعيط وتحمد ف ربي
روحت .. من العرس خشت لصاله لقت عامر يقري ف الصغار
سعاظ: ياهلا
عامر: اهلين شرفتي
سعاد: وين ريان
عامر: تعبانه في غرفتها وفي عندها امتحان غدوا
سعاد: اوكي شني تعشيتو
عامرر لا
.سعاد: هي نبدل ونجهزلكم السفره خلي ناكلو مع بعض
عامر: تمام 
وفي داخله ان شالله يارب ماتنوض ريان لصبح عشان ناوي يهددها..
وفي داخله ان شالله يارب ماتنوض ريان لصبح عشان ناوي يهددها..ف المشفى دكاتره يخشو ويطلعو ع
طلع الدكتور وقال البقيه في حياتكم
فهدر معاش قدر انه يشد دموعه اكثر من هكي
اما إيناس ف انهارت تماما لين فقدت الوعي ..
________زهره الشيخ_________♡
ف الصبح
ناضت ريان من النوم وفتحت تلفونها ولقت كم رساله وكم اتصال من احمد ماعدلتش وناضت خشت للحمام(اكرمكم الله) توضت وصلت ولبست زي المدرسه ونزلت فطرت وقررت تمشي وماتقابلش وجهه عامر وطلعت من البيت ..
نادر فاق على تلفونات من يوسف
نادر: هااا شن في
يوسف : كيف صار مش قتلي البضاعه بتوصل كييف الشرطه اعتقلت احمد وخدت الشاحنه هدا هوا الوعد لي كان بيناتنا
نادر: ناض مخلوع وعيونه مفتحات ع الاخر تيي خيرك الن… نا مش قتلك ماتحرك شي لين نتصل بيك
يوسف : اني…
نادر: قاطع كلامه انته واحد غبيي انا مارديتش عليك امي خوي مداير حادث ولمور ملخبطه عندي افففففف
يوسف: الي صار صار تعالا خلي نتفاهمو ونديرو راي
نادر: شبح ف الساعه بنمشي لمكتبي انته تعالي وصكر الخط و طلع من الغرفه ومشى طمن ع خوه وامه وطلع مستعجل وطول الطريق كان يفكرر كيف بيحله الموضوع هوا ويحكي ف التلفون فجاء بوووم خبط بنت ب السياره ووقف السياره بسرعه ونزل
نادر : يحرك فيها اصحي اصحي وااااك الن.. شن ه اليوم هدا تيي اصحي
ريان: كانت فاقده الوعي تماما
نادر رفعها وركبها ف السياره ومشى لي اقرب عياده او مشفى قريبه منه
نزلها من السياره ودخلها للمشفى وجاته الشرطه تستفسر وقعدو يستنو في ريان تصحى لانه طمنهم الدكتور انه الخبطه لي حصلتها كانت بسيطه
روح فهد مع اخته للبيت اول ماوصلو وركب فهد الخيمه والناس تجمعو عليهم وكلهم
إيناس ف غرفتها تبكي وتصلي وجنبها صاحباتها وبنات خالتها وهك
ريم صاحبتها : هدي حاال الدنيا حبيبتي ياما بتاخد منه لين يجي دورنا هدي واستغفر وصلي ودعيلها
إيناس : ارتاحت بعد ه الكلام وناضت توضت وصلت وبدت تدعي وتقرا ف القرأن وتبكي ف نفس الوقت
بعد كم ساعه فاق عامر ومصدوم من الساعه كانت 11 وناض يدور على ريان مالقاها
سعاد في شن دور
عامر: ريان من رفعها للمدرسه
سعاد: هوا مش انت لي رفعتها
عامرر لا مانوضتني
سعاد: كيف من رفعها
عامر: يلبس في كندرته تو نمشي نشوفها لو في المدرسه ونجي
سعاد: تمام
ومشى عامر للمدرسه وسأل عن ريان وقالوله ماحضرت اليوم غياب
عامر: استغرب وقعد يفكر وين نمكن تمشي هالبنت …. معقوله تكون هربت لا لا ريان وطلع بسرعه يدور عليها
فاقت ريان وطلعت الدكتور تخبر في الشرطه ونادر
شوي وخس نادر مع الشرطه للغرفه
ريان؟؟
نادر:حمدلله على السلامه
ريان: هوا انا شن صار معاي خيرني
نادر: يشوفلها كيف خيرك فاقده الدكره ولا شن انتي درتي حادث
ريان: اها
نادر: الحمدلله انك فقتي كانو بيعتقلوني لاني نا لي ضربتك والله من غير قصدي
ريان: تغمض ف عيونها بشويه حصل خير مافي داعي ديروله شي
نادر: ابتسم لشرطه باستفزاز قاتلكم مافي داعي
الشرطه: تمام ومدله ورقة المخالفه والمره الجايا دير بالك وطلع
نادر:
يشوف لي ريان كيف مغمصى عيونها … سبحان الله الذي خلق ه الجمال
يشوف لي ريان كيف مغمصى عيونها … سبحان الله الذي خلق ه الجمالريان فتحت عيونها بسرعه كيف !
نادر: اا لالا شي
ريان: نبي نروح
نادر: لحظه عدقعد بدور ف تلفونه مالقاها اففففف
ريان: شن في
نادر: تلفوني ماهناك
ريان: باهي ونا حاسه روحي بنرجعع نبي نروح
نادر: ح حاضر فب داخله امك على ه لعيون طلع وجاب تلفون من واحد برا
نادر: رقم بوك
ريان : مش حافظته
نادر؟؟؟ ورقم امك
ريان: مش حافظه ولا رقم
نادر: تي واااك عليك .. به شن حافظه
ريان : حافظه طريق بيتنا اا ولا مش عارفه
نادر: 
خيرك انتي حالك باهي
خيرك انتي حالك باهيريان : غمضت عيونها بتععب ..لا
نادر طلع لدكتور وحكاله عن حالة ريان
الدكتور: عادي هدي تصير من تاثير الصدمه والحادث مازال مأثر فها
نادر: شن ه البنت لي مش قادر نشوف لعيونها ومن وين طلعتلي انا بسس
ريان: قعدت ع السرير انت هيي
نادر: عندي اسم اسمي نادر شن
ريان: طلعني منها المشفى
نادر: قرر انه يلف بها ممكن تزبط شارع ولا اي مكان .. طلعو مع بعض وركبها ف السياره
بعد ربع ساعه من اللوده ف المدينه
نادر: شبح فها لقاها راقده … ياربي شن ه ليوم هدا طلع بها الاستراحته
اول ماوصل رفعها وهو يتأمل في ملامحها الحلوه ودخلها للغرفه وطلع قعد ف الصاله ويحاول انه يتصل باالهاتف الارضي ماباش يشد معاه
طلع ركب ف سيارته كيف بيتحرك تم من عندن البنزين
نادر: انا نبي نعرف بس من داعي عليا اليوم الزح
عامر تعب وهوا يدور وروح للحوش
سعاد: شن صار
عامر: شكله بنتك هربت
سعاد: كيييف وليش بتهرب يعني بسس نبي نفهم نا بنتيي وين وقعدت تبكي عامر:مش عارفه
مش عارفهومر ه اليوم بخوف وقلق وحزن ومعنا على ابطالنا
الصبح نضت مخلوعه ومصدومه ونسال في روحي انا وين؟!
نضت طلعت من غرفتي شفت راجل مفرش وراقد ع الارض بصوت كله خووف م من انتت وانا شن ندير هنا
نادر:ناض مخلوع بسم الله اناس يقولو صباح الخير
ريان: نسأل فيك انت من
نادر: انا مطيوح السعد نادر امس مادكرتي وين يكون حوشكم بضبط جبتك هنا
ريان : قتدت نشوف لبرا كان واضح عليه الجو صبح بدري قعدت نعيط انا ه الوقت المفروض نكون ف البيت اكيدد اهلي خايفين عليا
نادر: اهدي اهدي وناض يحاول مع الهاتف الارضي لين شد معاه رقم يوسف
ريان: شني
نادر: اسكتي شوي
يوسف : ايوا
نادر: اسمعني يوسف
يوسف : نادرر تي وينك من امس نستنا فيك و
يوسف: قاطع كلامه مش ناقصني نغخ نا ع الصبح بلله جيبلي معاك بنزين للاسترحه امتاعي ضروري
يوسف: اففف به ربع ساعه ونكون عندك وصكر
ريان : ها شن صار
نادر: تعرفي تسكتي شوييه الزح
رياد:
نادر 
عند إيناس ناصت الصبح وقعدت تستغفر وتقرا في قران وكانت حالتها النفسيه صفرر ومش قادر تنطق ولا كلمه
فهد في غرفته ومنهار وماعنده خلوق لحد
رحاب: خلاص فهودي كان بتقعد بتمرض
فهد:
عند حازم فاق وقعد يشوف لرجليه ويحاول انه يحركهم بس للاسف كانو شبه ميتين مش حاسس بيهم بكل
ونفسيته ادمرت
خلي نعرفكم على بطلنا التاني
حازم م 90
يشتغل هندسه نفطيه
مواصفاته
طويل وقمحي ومعضل وعيونه خضر وشعره مشففس ع الاسود
وكانت شخصيته حنون وعاقل بس وقت يتعصب محد يقرب منه
من امس كان يستنا من ملك حبيبته وخطيبته رساله ولا اتصال ولا انها تجيي وتطمن عليه بس ماجت وهدا الشي زاد دمره
طلع عامر مع جارهم وقعدو يدورو مره اخره لين تعبو ورجعو ع البيت
يوسف وصل للاستراحه
نادر: شكرا توا انت اسبقني ربع ساعه ونكون عندك
يوسف : تم وركب ف سيارته ومشى
طلعت ريان وركبت ف السياره من الخلف
نادر: سواق بوك نا
ريان : خيرك
نادر: تعالي اركبي جنبي
ريان : لا
نادر: طفى السياره معناها مافيش مشي
ريان : اففف ونزلت وركبت جنبه … هكي ارتحت
نادر: اي وبأبتسامته المستفزه لي تجنن
بعد وصلو لنفس المكان لي صار فيه الحادث عرفت ريان طريق الحوش بعد كم دقيقه وصلو للحوش ونزلت ونزل معاها نادر
ريان: وين ماشي
نادر: بنوصلك شن وين ماشي
ريان: باهي تمام
عامر ف الصاله هوا وعمر خال ريان سمعو صوت الباب وناض عامر فتح الباب
وهنا كانت الصدمه
عامر: يشوف لي ريان ومعاها راجل غريب
ريان اول ماشافت عيون عامر قريب يطلعو من مكانهم خافت وتخبت ورا نادر
نادر؟؟
عامر: خش وخلا الباب مفتوح
وخش نادر وراه معاه ريان
نادر: ياعمي ا..
عامرر :قاطعه صوووت مانبي نسمع شي
طلعت سعاد هي وخوها عمر وحتى هما نفس الشي تفاجأو
عمر: يشوف لي ريان وين كنتيي يابنت احكي
عامر: هدا لي هربت معاه
نادر:؟؟ انتم فاهمين غلط
عمر مسك ريان من ايدها بقوه احكييي وين كنتي من امسس
ريان: تبكي وبشهقه والله ياعميي نا صحيت اليوم لقيت روحي في بييت والراجل هدا قالي درت حادث وبدت توري فيه الجروح ش شوف
عامر: ضربها كف لين طاحت ف الارض
ونادر:يشوفلهم وهوا مصدوم
ريان تبكي وتشوف لي امها بترجي بس للاسف سعاد عبولها راسها
عمر: مسك ايد ريان وطلعها برا
نادر: غير اسمعونا قبل بعدها احكمو
عمر: برااا
سعاد: قلبعا بيتقطع على بنتها حرام اعليكم علاش طلعتوها برا وتبكي
عامرر : انتي التانيه صوتك مانبي نسمعه وطلع لغرفته متكنطي
ريان تخبط ع الباب وتبكي واللهي نا مادرت شيي
نادر: وقفها تعالي
ريان: دفاته بقوه بعددد عني كل شي صار بسببك لو ماخليتني نرقد برا ماصار كل ه الشي
نادر:
يتبع ……….
لقراءة الجزء التالي : الجزء الثالث من رواية بحر العشق والظلمات
لقراءة الجزء السابق : الجزء الأول من رواية بحر العشق والظلمات
للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ
جميع الحقوق محفوظة للكاتبة زهرة الشيخ .
