الجزء

الجزء الحادي عشر من رواية قلب صخر

الجزء الحادي عشر من رواية قلب صخر

وفي الجزء الحادي عشر من رواية قلب صخر يا تري هل سنري احداث تقلب الدنيا رأساً علي عقب مع ابطالنا ام ستسير الأمور علي طبيعتها ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .

الجزء الحادي عشر من رواية قلب صخر

ياقوت: انا مش مرتاحه معاك صخر حاولت نتأقلم معاك بس ماقدرت مش عارفه ليش مع انك انسان طيب بس ف نفس الوقت تخووف مانقدرش اني نعيش معاك بخوف و…..
صخر: بسسسسسسس ياقوت هوا الموضوع مش بكيفك قدرتي ماقدرتي انتي بتعيشي معاي تبي ولا ماتبي واااخر مره تعاودي ه الكلاام نصييحه ولا حتشوفي وجهي لي حيعجبك وصكر الخط …… اول ماصكر الخط قلب الطاوله لي قدامه وبدا يكسرر في ايا شي يجي قدامه
فيصل خش للمكتب
فيصل: بكل برود شن فيي
صخر: بصوت عالي اططططططلع اطططلع
فيصل:😳 عمره ماشاف صخر بهدا المنظر ف داخله زعما شن قاتله🙂🙃😂 وطلع
ياقوت: انصدمت من ردت فعله
صخر:🔥
.
.
.
.
ع السفره
ماجد: صحه عندي اجتماع توا مانبيش
نطول
محمود: ربي يعاون
زياد: ياكل وعيونه ف حلا
ماجد:🙄زياد سقدنا تربحح
زياد: حط طاسة الشاهي هياا به وطلعو
اول ماوصلو لشركه كل واحد فيهم مشى لمكتبه
ماجد قاعد يراجع ف لوراق
الباب طق طق طق
ماجد: افف تفضلل
فارس: كيف الحال
ماجد: اوووو فارس امتى جيت انته
فارس: ماليا هلبا الحق
ماجد: بابتسامه خش خش تفضل اقعد
فارس: قعد ع الكرسي
قعدو يهدرزو قريب نص ساعه
ماجد: انت خليك هنا نمشي نعطي وراق الاجتماع لخويا زياد ونجيك
فارس: لالا نا مروح عندي ماندير توا كمل اجتماعتك
ماجد: تمام غدوا ان شالله عازمك
فارس: تمام ونا عندي موضوع بنقوله ليك
ماجد:؟ شن هوا
فارس: بأبتسامه كل شي فوقته حلو
ماجد: تم
طلع فارس فرحااان ويدعي ان شالله يتحقق الشي لي ف باله….
زعما من يكون فارس وشن هوا الموضوع لي عنده وشن الشي يلي ف باله …..؟
.
.
.
____♡____زهره الشيخ___♡_____
تعبت نفسيت حلا هلبا خصوصا بعد سمعت بي مرض خوها وبوها لي سافر سافر ولا مره سأل عليها ولا كانه عنده بنت….. بس كان في حد واقف جنبها طوول ه المده واقف ك سند ليها وماحسسها بي ايا نقص ….
ياقوت استسلمت وبدت تجهز لعرسها شوي شوي
صخر طلع من مكتبه متكنطي وركب ف سيارته روح للبيت على طول
خش طول لغرفته يلاكم مش معبر حد
رحمه: عيين ماصلت ع النبيي ميييسم ميسسسم نوصي سخني الغدا لخوك
ميسم: منيششش مسخنتله حاجه قال ياقوتت اافففف كل ماندكرها نحسس روحي بنتفجررر بدموع
رحمه:💔
ْ____♡____زهره الشيخ___♡_____
تسريع الاحداث
الصبح
ع سفرة الفطور
ماجد: راهو صاحبي جاي العشيه بيتغدا هنا نظمي مورك انتي وياها نبي سفره صح
حلا/اريج: تم
ناصره: منو هدا صاحبك لي جاي
ماجد: فارس ولد…..
محمود: اها ماشالله امتى حله يجي مش ليه كم شهر برا
ماجد: اي قال نظم اموره وجا
محمود: تمام
زياد: هيا عندي ماندير العشيه بنجي
حلا:😊
زياد:🙃😊
كملو الفطور اريج وحلا نظفو الطاوله وخشن للمطبخ
ياقوت قررت انه مادير شي غدا والمغرب تروح لحوشها وتمت
كريمه عزمت الجيران واقارب
تلفون ياقوت ترن
ياقوت: ايوا
صخر: واخيرا
ياقوت: تستعبط واخيرا شنو
صخر: واخيرا بديتي مراتي
ياقوت:😑اها
صخر:يدخن شنيي حاسك مش فرحانه باالخبر
ياقوت: باالعكس فرحاانه هلباااا
صخر:؟؟! استغرب باهي به بنصكر توا حدايا رجاله
ياقوت: صكرت وسرحت اشوي وبدت تبكي
كريمه: لولولولولولولي
ياقوت:🔥💔
فارس ناض بدري والبتسامه مافرقاته اتصل ب ماجد
ماجد: ايوا
فارس: اهلين يسعد مسائك
ماجد: ومسائك شني وينك
فارس: نص ساعه ونكون عندك
ماجد: تمام هي
فارس : تم وصكر
ماجد مشى للمطبخ يطمن ع الغدا
ماجد: ربي يعاون
حلا: تسلم
اريج : تقطع ف الخيار يسلمو
ماجدر شني مني الغدا
حلا: كملنا
اريج: باقي التحلايه بسس
ماجد: سلمهن ياربي كان عجبني السفره غدوا نطلعكن
حلا: هه🙃وكان ماعجباتك
ماجد: بلله ماتحشموني قدام الراجل 😅😂
اريج:😂😂😌اطمن
بعد نص ساعه وصل فارس ورحب بيه ماجد وقعدو يهدرز ف المربوعه شوي تاني وصلاته رنه من اريج وناض للمطبخ
ماجد: شني
اريج: مدتله السفره
ماجد: نجيهن ياربي طلعتن فالحات
حلا: تضحك من غير نيه
رفع السفره وتغدا هوا وفارس
الباب طق طق طق
ماجدر ناض فتح الباب
زياد: خش وسلم ع فارس ومشى لغرفته دوش ونزل للمطبخ
حلا:اول ماشافاته ابتسمت
زياد: مساء الورد
اريج/حلا: مساء النور
زياد: وين غدايا ماعنديش نيه نتغدا معاه هوا لي ف المربوعه
اريج: خيره
زياد: مانعرفش دمه اثقل من دم جارنا علي
حلا: 😅
زياد: ياكل ف التفاح وين امي
حلا :طلعت
زياد: امممبه …قعد تغدا ونمشى للمربوعه
فارس: تفضل معانا زياد
زياد: لالا صحه متغدي برا🙃
ماجد:🙄😁
تغدو ورفع ماجد السفره وفارس كل شوي يفتح موضوع وزياد مش عاجبه الوضع
ماجد: قتلي بتقولي ع موضوع شن هوا ان شالله خير
فارس: اها اي اي خيى
ماجد: ادوي
فارس: قبل لا نمشي لتركيا ريت بنت عجبتني ونا نوصل ف اختي ل ثانوية ……
ماجد: بااه؟
فارس: قعدت انتبع فها وسألت عليها قالولي اسمها حلا ميلاد ….. وعرفت انها بنت عمك وسمعت انه توا حاليا عايشه معاكم ونا بجديات عجبتني ونبيها قلت خلي نكلمك مدامها بنت عمك
ماجد: اها اي اي حلا بنت عمي
زياد: سرحان بعد سمع اسم حلا …. كيف كيف عجباتك وجاي تقول فيه لينا
فارس: لا انت فهمتني غلط انا جاي طالب الحلال
زياد: شكلك ماسمعت انه اختها متوفيه وعندها اسبوع بس وانته جاي بدورها
فارس: بدا يعرق م مسمعت بها
زياد: حاليا …
ماجدر بعد شاف خوه زياد بدا يتعصب ادخل ت تمام فارس ماعندك ايا مشكله يروح بوي اليوم نحكيله
فارس: بأبتسامه تم هيا توا بنروح
ماجد: متحشم من معاملة زياد لي فارس ت تمام
زياد: طلع من المربوعه متكنطي مشى لغرفة حلا
حلا:😳 انخلعت ز زياد
زياد: اسمعيني كويس
حلا: شن فيي
زياد:بصوت عالي لو فتحلك بوي سيرة جا هدا ودورك ولاقالك جاك فلان ولا علااان صكري ع امه ه الموضوع قوليه مانبي مش توا صغيرا دبري راسك المهم ماتوافقي فاهمه
حلا: قريب ادمع بس ليش
زياد: قوليله زي ماقتلك وخلاص سامعه
حلا:🥺 مستغربه من طريقة اكلامه به
زياد:💔
محمود: شن في بس
ماجد: جا عريس لي حلا وزياد كان بيلزه
محمود: شني
زياد: امتى لزيته عليك كدب زايد ويشوف ل ماجد قريب ينط عليه
ماجد: صاحبي فارس لي قتلك عليه
محمود : اي خيره
ماجد: قال يبي حلا وجاي طالبها باالحلال
زياد: تو هداك شكله شكل واحد جاي طالب الحلال
محمود: بيموت من الضحك من حركات زياد و فاهم عليه …. اها نعرفه هدا ونعرف بوه عيله ماشالله عليها الحق وليش لا اكيده حتى حلا مش حترفضه🙂
زياد:استغفرالله 😒 بوي راهو عندنا عزا
محمود : عارف عارف😂😂😂 وغمز لي ماجد
ماجد: فهم على بوه ونصدم 😂
زياد: انا قلت شي يضحك وقت ضحك هوا تكنطى طلع
اريج: خيره اللطف
حلا: مش عارفه
اريج: شبحت فها بالك يبيك لروحه وتضحك
حلا: ضربتها شن تقولي انتي اكيد لاا انا معتبرته خوي
اريج:😏بااه توا نشوفوه خوك هادا
حلا:🤦🏻‍♀️
____♡____زهره الشيخ___♡_____
رحمه: استسلمت للامر الواقع وبدت تجهز للعرس
ميسم: امي بللهي اعليك شن ديريي بسس
رحمه: شن اندير يعني نكتب ف القائمه
ميسم: من جدك بتعزمي ناس عشان يشوفو كنتك الشرشوحه
رحمه:💔ماطيرها ليا ايوا شن بيقولو عليا الناس
ميسم: خليهم يقولو ونا مش حاضراته العرس ايوااا
صخر: نازل من الدروج سمعهم …. عادي بيك وبلاك
ميسم:🔥
صخر: عطي الورقه لي فيصل تو يجيبلك شن تبي
رحمه: به
صخر:🔥
____♡____زهره الشيخ___♡_____
ياقوت تبكي لين تورمو وانتفخو عيونها ناضت توضت وصلت وقعدت ع السجاده تبكي
الباب: طق طق طق
ياقوت: خشي يام
خشت كريمه وصكرت الباب … بسم الله خيرهم عيونك
ياقوت: شي يوجعو فيا شوي
كريمهر امممم به جهزي روحك تو بتجبك الحنايه بتحنيك
ياقوت: به
كريمه: البدله الكبيره وصلت
ياقوت: من غير ايا اهتمام به
كريمه: وغدوا الصبح جارتنا تيسير بترفعك لي احسن كوفير
ياقوت: به
كريمه: ياقوت خيرك مش على بعضك
ياقوت: تعبانه شوي
كريمه: يوم واحد وتعبتي امالا كان اسبوع ولا ثلث ايام شن ديري
ياقوت: ابتسمت من غير نيه
ياقوت:🔥
يتبع ………

لقراءة الجزء التالي : الجزء الثاني عشر من رواية قلب صخر

لقراءة الجزء السابق : الجزء العاشر من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى