الجزء

الجزء الحادي والثلاثون من رواية عالمي

الجزء الحادي والثلاثون من رواية عالمي

وفي الجزء الحادي والثلاثون من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .

الجزء الحادي والثلاثون من رواية عالمي

العشاء كده اتفكفكو كل الناس الا يامن ومرتو اما بدر من عرف طلع طوالي بعد ما الناس مشو سلطان قال لي يلا نحن نمشي سلم عليهم واداهم الشنطه قمت قدمتهم طنط ركبت وسلطان كان ماشي بس رجع خطوتين والتفت لي فتح لي يدو جريت وانا ببكي حضنتو ببكي عشان اتخطيت بعد كل الحصل اتخطيت يامن وبدر وم ضعفت وكنت قوية بكيت عشان الرجال البسند فيني بدون احبو بسند وبحب يسندني لمن أضعف وم بحبني اكون ضعيفه سلطان 💛د الاختارتو الدنيا عشان يبقا لي وتين سلطان همس لي انا فخور بيك اوي فخور اوي قلت ليه سلطان زحاني منو وباسني ف جبيني مسافه قال لي خلي بالك من نفسك وم تطلعيش بدون تكلميني مفهوم؟ واكلي كويس وصلي وم تنسيش الصبح تدعيلي انا بدعيلك وم تستحميش بالمغارب وبطلي الحركاات د اياك ايه؟ اياك تستحمي ف المغارب يلا يا قلبي باس يدي الكان ماسكها ومشا خطوتين قلت ليه سلطان بحبك وقف زي دقيقه والتفت وجاني قال لي بنان انتي قلتي ايه مش فاهم بتحبيني ازاي لاا امكن انتي مش كويسه ادخلي طيب ارتاحي وبكلمك بعد اصل ومشا ضحكت ف توترو وتصرفو كأنو م مصدق م كنت قايلة جادي وحيمشي بس مشا وقفت مسافه بتأمل كلامو وانا سرحانه م عارفه كنت قاعده كم ف الحديقه ووبتزكر تفاصيلو وكلامو حتي لغتو معاي وهظارو ياااه قمت قبلت وانا بضحك لقيت يامن ف وشي كنت ماشه مسكني من يدي ورجعني قال لي ممكن اتكلم معاك قلت ليه اتكلم ي ود خالتي ف النهايه انت اخوي اها عادي طبعا استغرب ف برودي وتعاملي د بذات مني انا كنت قبيل اتعاورت وقلت م عاوزه ومشيت وبقيت اتعاور بس ابدا وقفت سمعتو عشان اوريه انه م فارق معاي قال لي مستغرب الغيرك كده شنو قلت ليه سلطان قال لي سلطان سلطان سلطان اي شي سلطان قلت ليه انجز عاوز تقول شنو قال لي انا ي بنان خليتك عشان امي عشان حتخيرني بين العفو م عندي مشكله ف انك عاقر بس امي بنان انا ندمان شديد قلت ليه والمطلوب؟ قال لي ترجعي لي زعلت شديد من كلامو انا مزوجه وهو متزوج كيف ارجع ليه وكمان بعد خلاني واستغني عني ف الوقت المفترض يثبت انه راجل وقدر الوعود البينا قلت ليه انا حياتي كلها سلطان انا كلي سلطان ي ود خالتي انا مدمنه سلطان عارف ليه لأنه ف أقل من سنتين قدر يكسبني بي محاولاتو وبعد عرف عيبي المزيف وافق بي بكل عقليه عارف قال لي شنو؟ قال لي بنان انا بحبك وبحب عيوبك انت تقول لي م بعرس عقيمه يامن عليك الله اطلع من راسي واطلع من نفاقك وهمك د انا عمري م حكون ليك ولا حكون ف حضنك زي م بكون ف حضن سلطان ولا حبنا حيمشي لي قدام انا لي سلطان وسلطان لي يامن بكل العصبيه الفي الدنيا خنقني اي خنقني وبقا يقول لي اقسم بالله اقتلك واقتل سلطان م بخليك م بخليك حموتك وبقا خانقني انا وشي بقا احمر وم قادره اتنفس كنت حاسه حموت بالجد وم قادره اقاومو عشان ضاغط علي الاوداج فجأه فكاني كنت شايفه طشاش زول وقع ف يامن وبقا يضربو كنت راقده وم قادره اقوم من الخنقه وبتنفس بصعوبه وماسكه بطني وعيوني مطششه بعيدا اني اتصدمت من يامن بس اتصدمت لمن شفت الرفعني منو كنت م قادره اشيل حيلي والاثار حقت يدو علي رقبتي واضحه شديد ومورمه قلت ليه س سل قال لي هشش هو زاتو كان متوتره ومعرق ومجروح ف فمو البنزف راسي كان لافي مسكت في يدو قوي ورقدت ف حضنو قعدنا ف الارض زي عشره دقايق والدوشه زحت وسلطان بطبطب علي راسي وظهري ويمسح ع شعري الانكشف لمن خنقني 💔لمن وعيت بالحصل قمت مخلوعه سلطان قام وملامحو ظاهر عليها الغضب عاينت لقيت يامن جاري مرتو ومركبها وركب ومشو قلت لي سلطان الحمد لله اني م عرستو الحمد لله حاسه ربنا بحبني بس دقيقه انت جيت ليه اخد نفس وقال لي عشان استوعب كلمه بحبك الانا مش استوعبتها والدلاله روحت امي وجيت تاني قلت سلطان اقعد نتونس قال لي اقعد ايه ي بنت امي وحدها قلت ليه معاها ميسره قال لي د صغير قلت ليه طيب خلي بالك من الطريق طيب قال لي بنان انا مش مطمن هنا قلت ليه م فهمت قال لي يامن قرب يقتلك وانا مش عاوز اخسرك قلت ليه د حيوان وحكيت ليه الحصل فجأه لقيتو ابتسم وعاين لي رفع راسو بفخر كده وقال لي د انتي طلعتي قليله ادب وبتعرفي تعبري قلت ليه م اسمها قليله ادب قال لي متعلمه ف مين قلت ليه سلطان طير من وشي انا م طايقاك قرب مني مسكني من حنكي وختا انفو مع انفي غمضت عيوني بتأمل ف الهوا وفي انفاسو الاتنفستها كل لحظه حلوه مع سلطان مرت علي تفاهمو وتفهمو لي ياخ بجد م قادره أصدق ان ف رجال الزمن ده م قادره اصدق ان في حب بالطريقه د في وقت زعلي بزعل وقت فرحي بفرح حسيت ان الخاطره د بتشبه حالتنا “وعندما استنشق من انفاسك اجد انني تهت في عالم قلبنا معا اتعلم لماذا قلبنا لانك وتيني💛

باسني وقال لي الوقت اتأخر روحي نامي بقا انا بقيت خاته يدي ف فمي ومنططه عيوني ضحك وقال لي روحي م رديت ومشيت وانا سرحانه فيهو لمن وصلت لقيتو خاتي يدو ف جيبو وبعاين لي قال لي يلا خلي بالك دخلت وقالت الباب عاينت بي عين الباب لقيتو ابتسم وعاين للسماء شويه مشا لمن حصل العربيه قبل يركب عاين لي وفي العين كمان انا لمن اتخلعت ابتسم كانو عارفني انا بعاين ليهو مشيت الغرفه لقيت امنيه بتتكلم قلت ليها امنيه قالت لي انتهيتي اخيرا سلطان د مالو يياخ ضحكت هي قالت لي الفي التلفون يلا برجع ليك وقفلت قالت لي تعالي عندي فكره لي عرسك قلت ليها شنو بقت تحكي لي وتحكي وهي تجيب افكار لمن حبيت افكارها جبت أفكار تاني من عندي وفضلنا الاسبوع د بنتدرب وندرب ناس سلطان وكلمناهم بالحاجات وافقو طبعا..
يوم عرسي وفرحي واهلي جمبي💛
وانا ف الكوفير مع صحباتي وبنات خالاتي وبنتصور نتهابل وشويه فيدوهات وناكل اقصد باكل قلت ليهم انا خايفه م تطلع زي م نحن مخططين قالت لي ي زوله اعتمدي علي قلت ليها عليكم العربات جات ونحن كلنا ركبنا كلهم بالابيض ونحن حقتنا الوحيده بي الأسود كانا هادين واي زول بحفظ ف دورو ومتوتر لمن وصلنا زي م طلبنا الانوار مطفين وفي ضوء لونو كحلي غامض قلت لي انور يلا م تتوترو كلهم استكانو وبقينا واقفين أنور طلع البدله وقف ب القميص ف سلم الصاله قال لينا اجهزو يلا وم تتوتروش ….

*_-_-_-_-_-_-_-_-_-_-_-_-_-*

*إختاري رجلا* 🖤
*لا ينسحب عندما يراك حزينة*
*ويتحمل غضبك لو كنتي عنيده*✨
*إختاري رجلا يغار عليك بعقل*
*رجل انيق المشاعر شريف الاخلاق*🖤
*للرجولة ف دياره عنوان إختاري عاشقا لكي انتي كما انتي يرى فيكي كل نساء الارض*🖤
*رجلا من النور و الايمان يؤمن ان لا إمرأة سواك ستكون إمراته شرعاا و قانونا و عشقاا* ✨
*☆اشوفكم🖤☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء الثاني والثلاثون من رواية عالمي

لقراءة الجزء السابق : الجزء الثلاثون من رواية عالمي

للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد

جميع حقوق الرواية محفوظة للكاتبة بنان عماد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى