وفي الجزء الخامس عشر من رواية لهيب الإنتقام يا تري من رأيك هل سيحدث شيء غير متوقع ولا علي البال مع ابطالنا ؟ ام ستيسر الأمور بشكل طبيعي ؟ دعونا نعرف إجابة ذلك في السطور التالية بإذن الله مع الكاتبة ميشو محمد .
الجزء الخامس عشر من رواية لهيب الإنتقام
نيسان وصقر ياكلو ف شيبس ع الشط
نيسان: ياعليك كذذب ياسرك البحر قريب ينزح من الكذب
صقر: نحبببككك مش مصدقه؟!
نيسان تاكل ف تشبس: لا مش مصدقه
صقر: جعنك لا صدقتي ليا من الصبح نقول فها
نيسان ضحكت: نبصر عليك حتني نموت فيك 
ساعة
ووصلو لعيلتين مع بعض
صقر: رواسي!!! معاهم
نيسان: بنت خالتكك
وقربو وسلمو
نيسان خشت مع صقر: صقر خيرك
صقر: رواسي شن جابها
نيسان: شن دخلك بها انت
صقر: نيسان خلي البصاره ع جنب هادي شنن جابها
نيسان: منعرفش
.
ع الغدي بعد نظمو كلهم امورهم
وقعمزو يتغدو
راغب طبعاا حطهم ورجع للحوش
قعد صقر مع رواد
تغدو
ميسون: بنتي القنينه
نيسان: سلمها عميمه
ميسون: ياريت جبتي حت امك
نيسان: لالا ماما متحباش
رواسي اضم ف الغدي
نيسان: خلي عليك
رواسي: لالا هي خودي الباقي انتي
.
صقر كان يبي البحر مع العيلة بس شاف لـ رواد كان يشوف لـ خيمه التانيه لفي ميسون والباقي
صقر قام السفرة متع الغدي خش شاف رواسي : نيسان خودي مني
نيسان خدت
صقر تلفتت بيطلع
رواسي: اظن انك شفتني
صقر : اسمعي وافتحي وذانك تشوفيني لانعرفك ولا تعرفيني صوتك منسمعاش اظن وصلت
رواسي: الماضي… قاطعها
صقر: ضمممم فمممك يابنت…. وسكت وطلع
نيسان شافت رواسي وطلعت لحقت صقر: صقر صقر استنى تسمع فيا
صقر تلفت: شني نيسان معانديش خلوق اخطيني … وخش لخيمتهم
نيسان وقفت نصدمت من كلامه اول مرة يتكلم هكي شافت وراى الخيمه شاف رواد يفصل فها رجعت تنظف مع رواسي وساكته
رواد خش
نيسان عدلت وشاحها ودخلت شعرها: رواسي اني كملت… وطلعت
رواد: رواسي البنت ف الحقيقه احلا من الصور شن هدا النمم الاحرف شن جاب فريده لـ هادي
رواسي: اسمها نوسه
رواد: قبل شوية كشخ علها صقر كان اني عندي الجمال هدا كله نخاف نطلع بها برا تضربها النسمه
نيسان قعمزت جنب ميسون
ميسون: بعدين نمشو للمول
نيسان ساكته
.
ف الخيمه التانيه
صقر اتكى متعصب: هو هدا تعصب وانحرق وانفش ف مرتك النمم
.
ف خيمتهم
رواد خشلهم سلم عليهم ووصلت ايده لـ نيسان كانو ايدها ناعمات مصقعااات
رواد شاف ايدين نيسان كانت بيضا واظافرها مقلمات ايدها ز البيبي ناعمات وباردات
شاف ايدين مرته
عروق بارزات واظافرها طوال الزمالطو مقش صبع مزمط وصبع لا
قعد رواد يقارن ف مرته ف نيسان
هدرز معاهم
صقر طلع شاف رواد جنبها قربلهم: شن في؟!
سليمه: شي نهدرزو
صقر شاف نيسان كانت مقعمزه جنب ميسون ويهدرزو بروحهم ويضحكو
صقر قعد يشوفلها رواد حس عليه
صقر قربلهم رواد ع اساس لحقه
رواد: شن خالتي تخشي للبحر..وشاف لـ نيسان
صقر ميبيش يتكلم قدامه
ميسون:لالا منحباش حتى وسن مابتش تجي حني عيلة منحبوش الفوضة
رواد شاف نيسان: شن اسمك انتي
صقر شافله شاف نيسان:تعالي نبيك شوية داخل
نيسان خشت
رواد قعمز ف كرسي نيسان:ولدك م بكري يكشخ ع مرته شفته حرام عليه ياخالتي
ميسون: امتى؟!وهي مسكينه شي متقولش متبيش تنكد عليا
رواد: البنت كويس متبيش مشاكل تو كان انوض نكشخ اني ع مرتي طوول تقولي تبي اهلها
ميسون ضحكت
.
صقر متعصب: شفتي شن صار
نيسان: اني هني ز الطرشه انت كيف تعلم بنت خالتك هكي قدامي
صقر: اموري بنت خالتي ونكلمها كيف مانبي
ميسون خشت: خيركم شن في
نيسان شفتله: عندك حق اني من نكون باش ندخل سامحني استاد صقر
صقر: اي ف الجديد هكي بيصير معاش تدخلي لانه ف الجديد…قطعاته
نيسان :عن اذنك عمتي وطلعت تبكي هربت بعيد عليهم مسحت دموعها وقعمزت
.
ميسون:خيرك معاها انت كلمتني وقتلي جايبها باش تغيرلها نفسيتها هكي بتغيرلها نفسيتها هكيي
صقر:يام معاش تعامليني ز الصغار
ميسون بصوت عالي: خيررر مصيبببتتتكك
صقر طلع شافها مقعمزه بعيد قربلها
رواد يشوفلها 
صقر قعمز جنبها: نروحو ارجل
نيسان بنبرة باكيه: اعيي نخلو عمتي بروحها وحني قلنالها تجي
صقر: رواسي ال
هادي هي لـ حكت لـ امي انه اني مغتصب سجود وفتنت وبعد مابانت الحقيقه وطلعت ملياش علاقه ام لليوم كارهتني ومتغيره ع قبل وهدا كله بسببها امي تقولي يامصيبه وتقول يامغضوب وياكاينه وبعد مبان كل شي قالت رواسي واعتذرت لـ امي
نيسان:علاش تكرهك شن درتلها
صقر: اني كنت اعزب وقتها خالتي قالت خلو صقر ياخد رواسي وامي خشت لـ راسها الفكرة اني رفضت مش كره لـ رواسي ولا شي بس اني منحبش جو متع العيل
نيسان: ضرتي رواسي؟!
صقر: عليت صوتي عليك ..قطعاته
نيسان ابتسمت: المصارين ف البطن يتعاركو
صقر:فدييت النمم شن بيفوتهم يومين …شاف الخيمه شاف رواد يشوفلها
نيسان تشوف ف البحر
صقر:خير مصيبته هدا يشوفلك
نيسان: ولد خالتك وين نعرفه اني
صقر:نوضي متقعديش مقعمزه بروحك هني
نيسان ناضت ومشت معاه:احيي الرمله سخونه
صقر ضحك ونيسان ضحكت
رواد يشوفله حسده علها
.
عامو لين دهشوو
نيسان نعست:عميمه اني بنرقد بنركب
ميسون:نوم العوافي
نيسان ركبت لغرفتها هيا ورواسي لانهم قسمو الغرف
فرشت ورقدت حولت وشاحها قامت شعرها ورقدت حست الباب نفتح فتحت عيونها وكان رواد
نيسان قعمزت:انت شن جابك هني
رواد: اسف نبي رواسي
نيسان وقفت:اطلع
رواد طلع
ميسون ركبت شافت رواد:انت شدير هني
رواد:نبي رواسي
ميسون:رواسي ف الخيمه
صقر شاف مرته مش موجوده وقالوله ركبو بيرقد لحقهم لقاها سامطه يقعد مع مع عيلة خالته
رواد نزل
ميسون خشت لـ نيسان:خيرك مرقدتيش
صقر وصل للباب
نيسان:عمتي الراجل هدا فتح عليا الباب كان بيخش وقالي يبي رواسي
ميسون: لعنة الله عليه واني عرفته لحقك هدا واحد العياذ بلله هو لحقك واني لحقته
صقر نزل خش للخيمه
رواد متكي يتكلم ع الهاتف: شعرهااا طويل ولابسة قفطان دم غزاال الناس شفوها ف بيان ولد خالتي محولوش عيونهم علها ليطربقوها بعين واجهضت عيل
صقر وقف مكانه
رواد:قصيرة شوية عيونها ايدها ووااااك يامحسن جلطه
صقر ضرب ع راسه لهاتف طاح من الرواد:تفصل ف مرتي يا ونزل يضرب فيه
صقر فرغ كل غضبه ف رواد
سليمه:الله لاتربحك شن دارلك
صقر شاف خالته: ولدك زودها …وركب
نيسان رقده
ميسون متكيه جنبها
صقر خش وصوت ز الفولاد:نيساااان
ميسون فنصت فيه
نيسان فاقت بفجعه شافتله
صقر: خودي بعضك بنروحو بسرعه عندك دقيقتين ..وطلع وقربع الباب
دقايق
ونزلت
ميسون معاها ركبوو ركبت ميسون من قدام
ميسون: خيرك ولدي ملبووس مسحوور
صقر يسوق بسرعه
نيسان:صقر نقص سرعه
صقر يسوق دقايق وصل ميسون:انزلي يام
ميسون نزلت: كان صار شي يانيسان غير اتصلي بس
صقر مشي
نيسان:صقر ياعمري نتقص سرعه
ووصلو ونزل صقر بسرعه نيسان لحقاته تجري
صقر خش وقعد يفتش ف الدرج
نيسان خشت وراه:شن ادور
صقر.مسدس كان هني وين
نيسان: اسمعني المسدس عندي..قاطعها
صقر:هاااتيه
نيسان: صقر اسمعني…قاطعها
صقر بصوت عالي:روووواااد كيييف يشوووفففككك ف البيااان كيف شافك فهميني تبي مفصلك تفصيل ياهمي
نيسان تشوفله:كله بسبب اليله المنحوسه لبسبببها فقدت ولدددي ياريتننني مامشيت
صقر شافلها
نيسان نهارت ع الارض تبكي: محلااك تهبلي شعرك عيونك طولك جسمك
كل شكلي سبب موت ولدددي
مشاكلك انت كلها بسبب شكلي بتقتل رواااد عشان شكلي …قاطعها
صقر وقفها وحضنها
نيسان تبكي: خليهم كلهم يشوفوني اني مش رح نشوف لحدد انت مالي عيوني
صقر بسها بوسه بعنف 
صقر بعد بهدؤ يشوف لعيونها: نحبسك ولا شني ندير اني
نيسان: نموت ف غيرتك صقر
تتبـع……
لقراءة الجزء التالي : الجزء السادس عشر من رواية لهيب الإنتقام
لقراءة الجزء السابق : الجزء الرابع عشر من رواية لهيب الإنتقام
للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد
جميع الحقوق محفوظة للكاتبة ميشو محمد .
