الجزء

الجزء الخامس عشر من رواية نبضات قلب

الجزء الخامس عشر من رواية نبضات قلب

وفي الجزء الخامس عشر من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الخامس عشر من رواية نبضات قلب

تاني يوم
ادهم حلق وصار يجننن 🤤🤤
ادهم خش: سومه
تسنيم ف المطبخ تجهز ف رضعه ببرونة🍼 لـ زين: اني ف المطبخ
ادهم خش: شن اديري
تسنيم شفاته عضت ع شفايفها التحتيات: نااعليااا 🤤🤤
ادهم ابتسم: غمزاتك يامدام 😂😂
تسنيم قربت منه ورضعه ف ايدها: للعلم ولدي يشبهلك وغمزاتك كل شي فيك عند زين نسخه مصغره
ادهم قرص انفها:هدا مش مني هدا منك انتي تتفرجي عليا هلبا وتوحمتي عليا 😂
تسنيم:لانك اربعه وعشرين ساعه قدام وجهي الله غالب
ادهم قرب منها ولصق فها:توا نبي بنوتة عيونها ناعسات وبيضا رومشها زيك نبيها نسسخه منك كل شي كل شي كل شي
تسنيم:وغمزاتها زيك انت نبي صغارنا كلهم فيهم غمزات
ادهم عض شفايفه التحتيات:القصة تبي تطورات يعني لاني مستعجل ع بنوته
تسنيم:مستعجل ع بنوته ولا مستاحشني؟😏
ادهم تنهد:الصراحه تبي الحق ف حكمه تقول خير الامور اوسطها ..وقرب من فمها فمه لمس فمها
زين وووووع ووووع 😭😭😭
تسنيم ضحكت:محظوظ هلبا..ومشت لـ زين وادهم لحقها
زين وفي فمه الببرونة 🍼
تسنيم تتلامس ف ايدين زين:ياروحي صحتين
ادهم خدي ملابسة وخش لدوش
زين رقد بعد الرضعه
تسنيم غطاته ورقدت جنبه ❤
ادهم طلع من الدوش ويمسح ف شعره.:سومتي اسمعي….سكت لم شافهم راقدين ❤
ادهم قرب منها غطها:ياقلبي
وخدي الكاميرا وصورهم ❤
#بعد_مرور_عامين❤❤
تسنيم حامل ف شهرها لابسة قفطان وردي وشعرها مفتوح:زيين
زين شاف امه
تسنيم:حبيبي نوض بابا عنده خدمه
زين ابتسم ويلعب باالعبه:ب بابا ب بابا
تسنيم قامت زين واتجهو لدار النوم زين فوق ادهم ويضحك
تسنيم بصوت واطي:قول بابا
زين يمس ف ادهم ع وجها بيديه الصغااار:بااابااا
ادهم عض ايد زين بشوية وشده ويعض فيه وياكل فيه:عم عم عم عم
زين يضحك:ااااااا😂😂😂😂😂
تسنيم ايدها ع بطنها ابتسمت:حي ياكل ف زين خلي زينوو
ادهم شافها وشعره مشفشف من ايدين زين:تعالي ناكلك حتى انتي
تسنيم ابتسمت بوجع:لالا ياعمري منقدرش
ادهم قعمز لمس بطنها:خيرك
تسنيم:موجوعه شوية
ادهم وقف بصوت واطي:حبيبي نعاينك
تسنيم شدت بطنها تتوجع:ااااه ادهم بنولد بنوولد
ف المسشفى
الدكتورة نفسها متع المرة لفاتت:مبرووك جاكم ولد
سهى ابتسمت:يبارك فيك شكراا
يمنى:تسنيم
الدكتورة.لا كويسة الحمدلله لكن تقول تبي زين ياريت تجيبولها زين مني زين؟
سهى:ولدها الكبير
الدكتورة:ااهاا مشالله الف مبروك عن ادنكم..ونزلت
الدكتورة نزلت شافت ادهم مقعمز ومعاه ولد صغير:السلام عليكم ادكرتني؟
ادهم وقف:وعليكم السلام اكيد ادكرتك انتي لسمحتيلي نشوف مرتي يومها
الدكتورة:اي الف مبروك جاك ولد اخ لـ زين
زين ابتسم وغمزاته فرحان كان شعره طويل واصففر
ادهم:وتسنيم
الدكتورة:صراحه مقدرتش نقول لـ اختك وامك هي تبكي وقالت انك تبي بنت وماتبيش ولد
ادهم ابتسم:اكييد لا اني صح قلتلها نبي بنت لكن هادي قدرت ربي
الدكتورة:طالبه تشوف زين هي توا رح ننقلوها لـ غرفة بروحها وتقدر تجيب زين يشوف امه وخوه والف مبروك مره تانية
ادهم.شكراا
بعد دقايق
ادهم وزين دخلوو:الحمدلله ع السلامتك
تسنيم ابتسمت:الله يسلمك
ادهم قام زين:الماما جابت بيبي
زين ابتسم وغمزاته زي ادهم
تسنيم بحزن:ادهم زعلت لاني جبت ولد
ادهم.يامجنونه اكيد لا
تسنيم ابتسم:البنت ف المرة الجاية
ادهم ضحك:مزال ف مرة جاية 😂😂😂
تسنيم:اي
الممرضة دخلت البيبي:الف مبروك يتربى ف عزك
ادهم خداه:تسلمي
تسنيم قعمزت ببطىء:ادهم وريني
ادهم قربه لـ زين:هدا خووك
زين عيط 😭😭😭😭
تسنيم تشوف ف زين:لا ي ماما هدا خوك
ادهم يضحك 😂😂😂😂
زين ولعه ويعيط 😭😭😭😭😭😭
تسنيم تصالح ف زين:زين تعلا حبيبي ادهممم شن تضحك الولد يبكي هات زين
ادهم حط البيبي جنب تسنيم وقرب من زين:خيرك بابا
جلال فتح للباب ويشوف ف زين يبكي ويشوف ادهم يصالح ف زين وتسنيم ف حضنها للبيبي وتكلم ف زين
تسنيم مشفتش الباب:ادهم حبيبي قيم زين هاته
زين هدي وقامه بوه
ادهم قام زين وحط ف حضن تسنيم:هدا خوك يابابا
زين يشوف ف للبيبي دموعه ع خده
تسنيم مسحت دموع زين:هدا ولدي وانت ولدي ياعمري انتم
ادهم :زين يابابا هدا خوك الصغير وانت الكبير
زين يشوف ف البيبي ويشهق:ميمي
تسنيم ابتسمت:اي هدا ميمي
ادهم تلفت بصدفه وشاف جلال ع الباب وقعد ساكت
تسنيم قامت عيونها شافت بوها:انت
زين يشوف ف جلال
جلال بيطلع شافها كيف فرحانه
ادهم:تفضل خش ياعمي
جلال ابتسم وقرر يخش:الحمدلله ع السلامه
تسنيم:الله يسلمك
جلال يشوف ف زين:مشالله عليه ربي يخليهولك
ادهم:اني نستادن
جلال شد مرفق ادهم:خليييك
ادهم رجع لمكانه
جلال قرب من تسنيم ولمس شعر زين:شن اسمه
تسنيم بغصه:زين الدين
زين يشوف ف جلال ومبتسم ببرئ
جلال ابتسم:عاشت الاسامي
تسنيم كاتمه دمعتها ومنزله راسها
جلال شد ايد تسنيم:كيف حالك بنتي
تسنيم منزله راسها ومنزله عيونها متبيش جلال وادهم يشوفو دموعها:الحمدلله كويسه
جلال طلع فلوس من جيبة دارهم ف قماط البيبي ووطلع وصل للباب
تسنيم مسحت دموعها: استنى
جلال وقف بدون مايتلفت
تسنيم خدت الفلوس من القماط متع البيبي عطتهم لـ زين: زين امشي اعطيهم لـ راجل هدكا
زين خدي الفلوس وقرب من جلال وهو ماد ايده وفيها الفلوس
جلال:خليهم للمولود الجديد
تسنيم:لا جديد لاقديم خود فلوسك ومعادش تكسرني اكثر مااني مكسوره بللهي عليك ارحمنيي 😭😭😭😭💔
جلال قرب:امسحي دموعك سلم بنتي اني جاي نطمن عليك وع صغارك
تسنيم مسحت دموعها:اني مش طالبه منك شي ومانبي منك شي يكفي لشفته منك
جلال شاف ادهم:ادهم شن دار فيك انتي مكنتيش هكي نبي نعرف كيف غيرك
تسنيم:بطبعه بااسلوبه وبسطته هو عيلته صدقني يابابا عنده عيلة تجنن وماعمرهم قالولي كلمة وجعتني ام ادهم تحبني اكتر من بنتها واخته تعاون فيا ف كل شي بدون مانطلب منها هي اختي وادهم بعد كل شي درتوه فيه صدقني الى اليوم ماعمره جاب سيرتك ف كلمة توجع كل يوم ندكر فيك ونبكي تعرف شنو يقولي لم نستاحش امي تكلللم
جلال:شنو يقولك
تسنيم تبكي: سامحيهم وربي يهديهم و يقولي بوك خايف عليك ويبي مصلحتك وهو يحبك هدا يلي مش عاجبك ولا مرة تكلم عليك بكلمة مش حلوة
جلال شاف ادهم:هدا من حسن تربيته واخلاقه
ادهم تلفتت ووقف ع شباك الغرفة مش حابب يشوف دموع تسنيم
تسنيم تبكي شافت ادهم يشوف من شباك:تعرف علاش لف وجها غادي لانه ميبيش يشوف دموعي هو ميبيش يشوفني نبيكي
جلال قرب من ادهم حط ايده ع كتف ادهم:من اليوم نبيك تجيبلي بنتي تزورني
ادهم تلفت:اكييد
جلال:وحني رح نزوروكم ف الايام هادي
تسنيم مسحت دموعها وابتسمت
جلال قام زين:يتكلم ولا مزال؟
تسنيم ابتسمت:يتكلم لكن يتحشم
جلال باس زين ولمس شعره الطويل:ربي يحفظه
#بعد_مرور_اربعة_سنوات
عيد ميلاد تسنيم
ف جنان حوش ادهم
تسنيم لابسة قفطان احمر تحت الركبه وفاتحه شعرها ومع مكياج وف حضنها بنوتة عمرها سنة اسمها غزل وولادها زيد عمره اربعه سنين وزين عمره سته سنوات وتلاته عيونهم رماديات وغمزات زي بوهم وبيض زي امهم ❤
ادهم طلع وف ايده تورته بصوت واطي :كل عام وانتي نبضي
زين وزيد قربو يجروو
تسنيم باسة زين:ياروحي
زين:كل عام وانتي شمعتي وماعمرك تنطفي وكل عام وانتي منوره حياتي
تسنيم ابتسمت بساته:يارووحي من علمك تقول هكي
زين ضحك:بابا حفظني الكلام هدا
تسنيم شافت ادهم:حليلي
زيد شد قفطان امه:ماما حتى اني حفظت 😂😂
تسنيم بساته:وانت شنو حفظت قولي
زيد باسها:انتي احلا ماما ف دنيا كل عام وانتي بخير ياحبيبتي ياماما
تسنيم بساته:ياروحيي (شافت ادهم)وغزل شنو حفظت
غزل ف كرسها وتناغي وتضحك
ادهم قامها:غزل شنو حفظتي تكلمي
غزل تضحك وتناغي:اااه 👶
تسنيم فرحانه قربت من ادهم: وين الهدية
ادهم شاف زين:زين بابا خليك مع خوتك باهي
زين:اممم باه
ادهم قايم غزل ف حضنه شد ايد تسنيم وخش المطبخ فتح الدولاب طلع تاكم فضة يجنن ❤❤
ادهم ف ايده غزل :انتي قلتيلي تحبي الفضة!
تسنيم فتحاته:محلااااه اي اني نحب الفضة ومانحبش الذهب
ادهم:ايي وف بوكي ف دار النوم امشي افتحيه
تسنيم شدت ايده:تعلا معاي
ف دار النوم
تسنيم فتحت البوكي وكان فيه قفطان حفلة ازرق غااامق ومع عكب اسود عالي ..وشافت السرير كان فوقه دبدوب احمر كبيييير
تسنيم :نموت فيك اني بدل الهادية جايبلي تلاته ❤❤
ادهم ف حضنه غزل:الدبدوب من زيد والتاكم الفضة اختارة زين والقفطان مني اني وغزل عطاتك بوسة
تسنيم باسة غزل بقوه:ياقلبي
زين خش يجري :بابا باب الخرجي يطقطق
ادهم:خودي غزل وغيري ملابسك اكيد بوك هدا
تسنيم خففت من المكياج ولبسة توتة وردي هاادية وقامت شعرها فوق وطلعت سلمت ع بوها وعلاء وامها ومرت علاء وعطعوو الكيك وعيدوها 💜💜
جلال:بعد ماتنزلتو ع الشكوة متع مهاب وعبدو عبدو سافر ومعادش رجع ومهاب تعالج من الحشيش ناادم ع كل شي وخطبناله بنت ناس وقررنا العرس توا ف الايام هادي
ادهم:ربي يسعده
تسنيم:ربي ينيهم
زيد قرب من جده:جددي
جلال ابتسم:نعم زيد
ادهم:متكلماش ياعمي هدا يخفف ف دمه
زيد: علاش مهاب مجاش اني قعد منعرفاش
تسنيم:زيد تعلا عيب
زيد قعمز ف حضن جده ويلعب بلحيته:لحيتك بيضاا ياجدي زي صوف نعجة العيد
كلهم ضحكوو 😂😂😂
زين جي وقايم غزل:ي ماما غزل نعست
ادهم خدي غزل وخش بها لدار النوم
علاء:زيد بوك ديما يرقد ف اختك غزل
زيد:يرقد فينا كلنا حتى لم ترقد ماما يقيمها ويدخلها
تسنيم وجها اصففر 😨😨
علاء تحششم
ادهم رجع قعمز وحس انهم ساكتين
زيد:بابا مش انت ترقد فينا كلنا حتى لم ترقد ماما تقيمها ودخلها لدار صح ولا له
ادهم وجها تغير 😨😨😨
جلال تحشم وقف :اااا تسنيم حني نستادنو
ادهم وقف:اا خليكم مزال الوقت
جلال وعايدة وعلاء ومرت علاء وقفو وسلمو وطلعوو
ادهم:زيد هدا الكلام معادش تقول ياولد
تسنيم نزلت راسها:حشششمني
زيد دار ايده ف نصه:خالي سالني سؤال تبوني نكدب عليه؟
زين:كلام زيد صح وبعدين قال الحق وين الغلط
تسنيم ايدها ع فمها:العااااار نفس اسلوب كلامك انت تتكلم زيهم هكي هما يشبهوك
ادهم ضحك 😂:قدر الله وماشافعل
تسنيم:ولدك ف كل شي يشبهوك كللل شي ياربي تطلع بنتي زيني اني مش زيكم انتي
ادهم:باهي راجل شةف مرته راقده وقامها دخلها لدار التوم وين الغلط ف الموضوع
زين وزيد يشوفو لـ تسنيم
زين:اي صح وين الغلط
ادهم:اي قولينا وين الغلط
تسنيم تعصبت: ادهممم معدش تعلمهم 😨😨
ادهم ابتسم: نبصروو عليك حني اهدي اهدي مرتي
زين:اهدي يامرت بوي خلاص الامور تمام 😂😂😂
تسنيم شافت زين:اني ف ولدتشي بيك قريب متت وف النهاية تقولي مرت بوك
ادهم:تسنييم اهدي خلاص
زيد:حلاص يامراة
تسنيم خشت لدار النوم: انتم اكيد بتجنانوني كل يوم طلعيلي بقصة
ف عرس مهاب
تسنيم لبسة قفطان متع عيد ميلادها متع ادهم ازرق غامق فيه فتحه من الضهر ومع تسريحه بسيطه ومكياج وعطر
زيد خش للغرفة شاف امه:محلاااك طالعه زي سندريلا ياماما
ادهم خش شافها:رسمي الدوه سندريلا
زين يوسهوك: الكندره ي ماما ردي بالك تريح ف الحفله
تسنيم:ونعممم التربية وللهي ادهم تعلم فيهم ف الغلط خييرك
ادهم:وين الغلط غير حني دمنا خفيف 😂😂
زين:دمنا زي عصير الرمان الفاسد حشاك ياماما 😂
ادهم يوشوش ف ودن زيد :قولها
زيد يشوف ف قفطان امه:محلاااك ياحليب حكاك 🤤😂
تسنيم:مشالله غير نرجع من الحفلة ورح نربيكم انتم وبوكم
زين وزيد يضحكو ع امهم متعصبه 😂😂😂
ادهم قام غزل:غزولة بتمشي معاك ولا بتقعد
تسنيم:لالا اصلا قريب ترقد غزل وديرو بالكم علها ولو صار شي اتصلو بيا
ادهم:اوكي
وتسنيم حظرت العرس ورجعت مع ادهم ❤❤
النهاية
مهاب تااب وتزوج وبدي شخص كويس
وعبدو سافر وتزوج وحده وطلقها تاني
رويدا ربي حاسبها وتزوجت واحد ولانها كانت مسمومه وحقوده طلقها بسبب معملتها واسلوبها
وجلال انعجب بـ ادهم هلبااااا
وزيد ويزن لساناتهم طوووال ودمهم خفيف وطروف
المحتوى من الرواية انه الحب ماعمره تقارن بـ الفلوس وللسلطه والفيلات
الحب هو انك تحبي شخص ومهما تكبري حبك مستحيل يتغير ❤
وشعاري اني ميشوو محمد (الحب والتقة موجودين لكن انتي شوفي وركزي من يستحقهم❤❤ )

لقراءة الجزء السابق : الجزء الرابع عشر من رواية نبضات قلب

للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد

جميع حقوق الرواية محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى