الجزء

الجزء الرابع من رواية إمرأة بلا هوية

الجزء الرابع من رواية إمرأة بلا هوية

وفي الجزء الرابع من رواية إمرأة بلا هوية دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بت محمد جمال الدين .

الجزء الرابع من رواية إمرأة بلا هوية

خطاب صره وشو وقال : عارف الحصل مزعج وسببت ليكم مشاكل انتو في غني عنها ،،، مروان انا بحسم موضوعه اما بخصوص رهف انا قررت اقيف معاها للنهايه ودا م بأثر علي بيتي ولا شغلي !!!!!
ميناس في ضيق : هات من الاخر اصلا انت حاله ميئوس منها خلص كلامك بسرعه عشان مواعيد المسلسل حقي قرب يجي 😒
خطاب عاين لي امه وقال : طردكم لي بت مسكينه لا حول لها ولا قوه،، دا تصرف م بليق بيكم ،،، صاح حصلت مشكله بس هي م عندها ذنب دا زول عديم اخلاق وانا عارف عنه الكتير ،،، بأختصار ،،، م بقدر ادير ظهري لي بت محتاجه لي خاصه في ظروفها دي ومفروض المسلم يقيف مع اخوه المسلم ،،،،،،
روضه رمت كبايه الشاي من يدها وقالت في غضب : شنووو؟ انت اكيد م في وعيك 😡 مالك ومال واحده م معروفه من وين ؟ ولا اصلها شنو ؟ يظهر انك فقدت عقلك ،،،
اتلفتت علي ميناس وقالت : عقلي راجلك دا 😡 بعدين من بتين الاسلام الكاتلك ؟؟
خطاب : اهدي ي امي المواضيع م بتتأخد كدا……. بعدين انا عاقل والحمد لله ومفروض انتي يا امي تقيفي معاها اكتر من غيرك لانو عندك البنات ،،،،
وواصل في اصرار : البت دي وحيده واهلها م معروفين وين ،،،ربنا اداها نعمه الجمال الوافر بس دا بخليها عرضه لي كلاب السكك،،،،،، لمن يكون في راجل بحميها مافي زول بقرب منها بعدين اتخيلو لو حصل لي واحده من اخواتي حادث زي دا ،،،
روضه في غضب : كنا عرفناها وين وجبناها بس دي باين عليها شارده من محل بعدين زاتا م بتشبه السودانين …… امكن حلبيه محتاله شافتك غني ووسيم عايزه تستحوذ عليك….
خطاب : امي حرااام عليك 😔 دي بت مسكينه…
ميناس : اسي انت مقتنع بالكلام البتقول فيه دا ؟ اسي لو كانت راجل م كان صرفت عليها ولا جنيه 👿
خطاب : دايما بتاخدي الامور ب سطحيه قرايتك بره دي اثرت علي انسانيتك ،،،،
روضه قامت من جنبهم وطلعت فوق مشت غرفتها ،،،،
خطاب مسك يد ميناس وقال : ارجوك انا قصدي شريف وما عايز اعمل حاجه في الخفاء زي الحرامية وفي نفس الوقت م عايزك تزعلي ،،،،،،
ميناس : عندي فكره انت ممكن تحميها بدون م تلاقيها وتكون بعيد خالص ،،،،
خطاب : كيف طيب ؟
ميناس قربت منو اكتر وقالت في حنان: نحن موش اغلي حاجه في حياتك ؟ م تخاطر بينا اديها قروش عشان م تخرب البينا وتخلي حمودي يتربي بعيد عن ابوه 😔😔
خطاب : الف مره قلت ليك م بحب لهجه التهديد ومحمد ولدي ح يتربي معاي حتي لو انتي م عايزه كدا 😡وانا م بحب زول يملي علي شروط ،،، ح اوفر ليها شغل وسكن واقيف في علاجا ولو سمحتي خلي عندك حببببه ثقه فيني وفي نفسك ،،،،، ميناس في غضب : انت نسيت العملتو ليك انا؟؟؟ بعد مصنعكم حق الادويه فلس الوقف معاك غيري انا وابوي منو ؟؟ وقفت معاك رهف حقتك دي ؟؟ عامله زي اسطوانه الغاز وريني العاجبك فيها شنو ؟ انا العملتك من جديد 😡 انا بت عز اتولدت وفي خشمي ملعقه ذهب ،،،، جمال واسم وجسم بس انتو يالرجال عيونكم م تملاها الا التراب و
خطاب شال الجاكت تبعه وطلع وخلاها تغلي وتجوط وتكسر في الحاجات ،،،،
🖤🖤🖤🖤🖤🖤🖤🖤
لبست رهف وطلعت من الشقه بدري زي 8 صباحا كدا ومشت الوزاره عشان تشوف نتيجتها وبعد مده ظهرت النسبه وكانت 80% وبعدها بقت تفتش لي شغل،،،، لفت كل المحلات لحدي م تعبت وشعرت بي دوار شديد وما قدرت تواصل،،،، وقفت تفتش لي كافتيريا ولا اي حته ترتاح فيها شويه ،،،،، عاينت في الجهة الجنوبيه لمحت صيدليه علي بعد خطوات منها،،،، مشت عليها ،،،، قالت يمكن يدوها حاجه تخفف ليها الدوار دا شويه بس لقت زحمه شديده …… دخلت و
اتسندت علي الكاونتر مسافه،،، حست بي جسمها منهار ووقعت علي الارض … الناس اتخلعت….جرو عليها ورفعوها وهم بقولو ي ساتر ي ساتر …….
الدكتوره جات عليها وبمساعده زميلها دخلوها غرفه فوق للحالات الطارئه ،،،،،، دكتوره الاء جابت ليها مويه وسألتا : انتي مريضه ؟
رهف : لا… طلعت بدري ومشيت مشاوير كتيره وتعبت 😰😰
الاء : لحظه اقيس ليك الضغط…
رهف : طيب
وضعت الميزان علي يدها وقرت القياس وبعدها قالت : عندك هبوط لازم تقابلي طبيب .
وقفت رهف عشان تمشي بس الاء قالت ليها : علي وين ؟ لازم ترتاحي بعدين تمشي ،،،،
فجأه الباب دق وكان الصيدلي نبيل ومعاه كبايه عصير برتقال وناولها لي رهف……
رهف عاينت ليه وقالت : شكرا ي دكتور م كان في داعي…
الاء عرفتها : دا دكتور نبيل وانا الاء 😊
رهف مبتسمه : انا رهف عماد ……
نبيل : اتشرفت بمعرفتك 🙂
رهف ودعتهم وقبل م تطلع لقت خطاب داخل علي الصيدليه وقال في دهشه بعد شافها : رهف… خوفتيني عليك يا بت الناس،،،، والله من مشيت الشقه وم لقيتك طلعت افتش فيك،،،، وبعدين خير م تكوني مريضه ؟
رهف : طلعت افتش لي شغل وتعبت قلت آخد حاجه من الصيدليه تروح لي التعب والصداع جاتني دوخه والدكاتره م قصرو معاي 😊😊،،،
الاء : العفو دا واجبنا 😊
خطاب : دكتور نبيل ودكتوره الويه ديل مافي منهم .
رهف في دهشه : انت بتعرفهم ؟
كلهم ضحكو ورد نبيل :
دا صاحب الصيدليه دي ي بتنا😅😅……
خطاب عاين لي الاء وقال : اها عروستنا ماشه كيف في التحضيرات ؟
الاء : تمام والحمد لله ودا بي وقفتك معانا ☺
خطاب : انتي زي اختي😅 م تقلقي عيشي حياتك وما تشيلي هم الشغل،،،، بجيب واحده مع نبيل اصلا محتاجين بت لي قسم مستحضرات التجميل……
رهف همست لي خطاب : ممكن تشغلني في قسم التجميل دا ؟
خطاب : انا عايزك تتعالجي وبعدين نشوف موضوع الشغل دا ،،،
رهف : عايزه اتعالج من راتبي وعايزه اقرأ من راتبي برضو !!
خطاب : عنيده م عارف طالعه لي منو ؟ خلاص ي ستي اعتبري نفسك اتعينتي من الاسبوع الجايي تنزلي ترينق نبيل بعلمك الشغل ماصعب بس تعرفي الاسعار…
اتلفت علي نبيل وقال : الاسبوع الجايي رهف ح تنزل معاك تتعلم الشغل عشان ناوي امسكا قسم التجميل !
نبيل ابتسم ابتسامه رضا وقال : خير انت تأمر 🙂
خطاب في ابتسام : بس براحه عليها م عايزك تتعبها لانها رقيقه م حمل تعب وكمان اوعك تحبها دي مشفره 😅
بقو يضحكو كلهم وقبل م يطلع الاء قالت : خطاب ،،،،رهف عندها هبوط ولازم تقابل دكتور !!
خطاب في قلق : يا ريت تسمعي الكلام يا رهف،،، يلا الدكتور من دربنا دا ،،،، انتي بعد طلعت من المستشفي مفروض تقابلي طبيب مختص… محتاجه مراجعه بعد الغيبوبه الطويله دي……
رهف : الورق حقي في المستشفي وانا م عارفه اسمو بس سمعت اسم دكتور فواز وسيستر اسمها امل وديل كلهم كان بوصلنا ليهم الاسمو مروان وانت خليتو يفلت من يدنا 😔😔
خطاب : بعدين ح اوديك ل اشطر دكتور الكنتي فيه دا في النهايه مستشفي حكومي ،،،،،
🖤🖤🖤🖤🖤🖤🖤🖤
الاء قعدت جنب نبيل وقالت : سمحه سماحه تعقد… والله انا موش عامله فيها سمحه حسيت بي نفسي صغيييره قداما ماشاء الله ي حافظ 😍
نبيل فضل سارح وم علق علي كلام الاء..
ٱلاء مررت يدها قدام وشو وهي بتقول : هييي نحن هنا 😊😊
م تقول لي اتكسرت في البت 😳 والله معذور بس جمال زي دا سكتو كلها اشواك .
نبيل اخد نفس عميق وقال : عمري م حسيت بي احساس زي دا 🤔
الاء بصوت عالي : يبقي السناره غمزت ي خساره كان نفسي احضر مغامراتكم دي😔 لكن في منافس خطير …… خلي بالك .
نبيل في حزن : كأني مديون للعذاب وبدفع سنين من عمري دين .
الاء في حيره : بس البنوته دي وقعت في سكه خطاب دا كيف ؟ 🤔 ي سيدي الراجل دا محظوظ حظ!!! م بنقي الا الحسناوات ودي مزززه طحن 😊 لكن ي حليلها فاقده الذاكره قالو يعني زي المولوده جديد ،،،،،،
سكتت الاء بعد شافت شاب داخل علي الصيدليه وسأل وهو بعاين وبأشر علي عربيه خطاب: البت الطلعت من هنا قبل شويه دي اسمها رهف عماد ؟
الاء في دهشه : ايوه بس انت منو وعايز منها شنو؟
————————————–
———————
*☆إمتناني ❤*
*☆بت محمد جمال الدين☆*
*☆يتبــــــــــــــــــــــــــــــــــــــــــــع☆*

لقراءة الجزء التالي : الجزء الخامس من رواية إمرأة بلا هوية

لقراءة الجزء السابق : الجزء الثالث من رواية إمرأة بلا هوية

للإطلاع علي فهرس أجزاء الرواية : رواية إمرأة بلا هوية ( جميع الأجزاء كاملة ) للكاتبة بت محمد جمال الدين

جميع الحقوق محفوظة للكاتبة بت محمد جمال الدين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى