وفي الجزء السادس من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء السادس من رواية رحلة الحب
صحيت الصباح،، لقيت أمير سافر 
لانو ودعني من امس لانو طيارتو ٣
فتحت باب غرفتي لقيت امي ف وشي،،
نهله :عرفتك م بتسلمي على، خالاتك مالك معاهن؟ بقيتي قليله أدب رسمي شكلك ي بت،، ليه يقولن لي بتك تقولينا م تستاهلو اسلم عليكن،، وصلت بيك لهنا ي هديل؟ سحبت مفتاح الغرفه تاني م ح تنومي هنا شوفي مكان شبهك،، انا تصغريني قدام اخواتي 
لو م وريتك قله التربيه دي
ومشت خلتني واقفه لا اراديا دموعي نزلت،، خالاتي كمان بيكذبوا ويفترو على حالتي خشمي م فكيتو معاهم.. نزلت بسرعه طلعت وقفت ف الشارع جمب المواصلات بقيت امسح ف دموعي بس كل م امسحا تزيد
ف زولل ضرب لي بوري اتلفت عليه لقيتو دا فارس.. ركبت وانا ساكته بس دموعي زايده حسيت اني عايزه ابكي ليه واحضنو بس هو مد لي منديل..
فارس:دموعك غاليه على ماتبكي ي هديل
وانا لسه مواصله بكا
م سألني تاني.. لحدي م وصلنا جمب المعهد نزلت المرايه وبقيت امسح ف دموعي رجعتها وفتحت الباب عايزه انزل مسكني من يدي..
فارس :هديل
عاينت ليه
فارس: استني
قفلت الباب
فاارس: أمير قالي انتي حساسه شديد، كانو كان عارف انك بعد م يمشي حتبكي
واصل : او لانو عارف انو الهو البطبطب عليك وبحميك حتى من نفسك،، كوني قويه عشانه 
في زمنا دا صعب تلقي اخو زي أمير دا،، ومافي زول حيحل ليك محلو مهما كانت الأسباب الزعلتك اسفهيها طيب انتي احلى من انو يتعكر مزاجك بسبب زول مغفل م عارف انو انتي جميله،، لما قال مغفل ضحكت 
فعلا لأنها مغفله،،
أنا :ارح معاي الكورس الليله 
فارس اتخلع :هديل انتي كويسه
انا :انا جاده،، صراحه هو م اتردد طلع تلفونه،، ودق تلفون..
فارس :الو، الغي لي مواعيدي كلها الليله عندي ظرف ضروري مع السلامه
فجأه بطل العربيه ونزل.. بالجد مجنون قايلاني م بنزل ضحكت شديد قلت ليو م توقعت دخل معاي المعهد وكلهم شاغلوني بيه،، كنت بقوليهم اخوي لاحظت تكشيرتو لمن اقول كده
دخل معاي الكورس وكان جمبي وحسيت بانبساااط م طبيعي انبساط من نوع غريب طول م جاني
خلص الدوام ودعت البنآات وطلعنا انا وهو
فارس:انا جيعان صراحه عارف لي مطعم ظابط قريب من هنا 
انا :ابتسمت ليه،، يلا طيب
وصلنا وقعدنا،، استأذن مني،، بشويه كده تلفونو اتصل،، لقيت مكتوب الحبيبه حسيت بغيره م عارفه سببه شنو بس يعني اذا هو مربط لي بطلع معاي
بعد شويه جا،، انا وقفت على حيلي
انا :ماشه البيت
فارس:بسم الله ف شنو؟
انا:خلاص بس حبكت ماشه
فارس:هديل مش كنا كويسين حصل شنو عشان تقولي كده؟
تلفونو ضرب،، عاينت لي لقيت نفسها الحبيبه
انا :رد مالك
فارس:طيب، رد الو ي مزتي، انا المشتاق ليك اكتر والله..
وانا عايزه اطق
امي ببعد اذنك مشغول شويه حرجع ليك،، لمن قال كده قلبي لمن عمل شححح
فارس:اها رديت
انا وانا بضحك : دي امك يحليله كيف هي كويسه؟ امك طيبه شديد سلم عليها
فارس:حاضر
انا :احنا واقفين ليه خلينا ناكل انا جعانه 
فارس :الله يهديك ي هديل
انا :ليه الاخو شايفني مجنونه
فارس ضحك ونادى الجرسون،
اكلنا وقمنا
اول م قربنا ع البيت اتذكرت مأساتي حقت الصباح..
انا :ماشه معاك البيت
فارس :م حتستحملي تقعدي فيه
انا:منو القاليك
فارس:دا م نفسو الكان فيه عيد ميلاد امي 
انا:اكيد طبعا لأنك قلت اجرت ف امدرمان وداك كان ف كافوري..
فارس :ايوه ونزل راسو
انا:حتسوقني معاك ولاكيف؟
فارس:عاداتنا م بتسمح لي بكده الا لو كنتي مرتي
انا : م مشكله بقيني مرتك بس سوقني معاك انا م بحب البيت دا بكرهو شديد
فارس :قالي حاضر بس هسي تنزلي وبوعدك اول م يجي أمير اجي اسرقك من هنا
انا:بعيد
فارس :طلع جواله وضرب لأمير.. الو
أمير :فارس حبيبي ي كعب انا قلت الروووب مالك م بتسأل مني
فارس:ماهو الروب دا كلنا قلناه سواء ف الامارات او ف السودان 
أمير :صدقت والله،. كيف اخبارك والشغل معاك
فارس:الحمدلله بخير والله جاي متين م قلت لي
أمير :والله ي فارس الكلام دا شكلو حيجر اكتر من اسبوعين ممكن شهرين عديل،، حاجات كتيره م مرتبه وابوي قالي ماحترجع لو م الأوضاع دي اترتبت،، انا خايف على هديل والله م متعوده تقعد بدوني دا كله
فارس:انا ضارب ليك بخصوص هديل.
أمير :هديل كويسه صح؟
فارس :لاكويسه، أنا عايز اطلب يد هديل منك
أمير :يومين بس. مع هديل خلوك تقول كده ولاا
فارس:امشي ي كلب
أمير : وانا القى وين احسن منك لاختي
فارس :عايز أعقد الجمعه الجايه
أمير :فارس انت مسخن ولا مالك؟ انتظرني لمن اجي وبعمل ليكم عرس م اتعمل زيو قبل كده
فارس:تعال الخميس احضر العقد وارجع السبت طوالي
أمير :هوووي انت عارف هديل دي م حكلفتا 
فارس:انا جادي معاك،، اضرب
ليها وولو وافقت انا بجيب اهلي ونجي
أمير :يعني انا كنت قربت اتحلل ف السودان م خطرليك تتقدم ليها الا وانا ماف
فارس : القسمه 
أمير :خلاص انا بضرب ل هديل بشوفا وبكلمك
أمير :انا من زمان نظراتك دي عارفااا م بتخيب
فارس:تجكسو انتو واعرس انا
أمير اي والله خلاص ي زول
فارس:هسي اقوليك ي نسيبي ولا ي صحبي
أمير : شايفك مستعجل شديد
فارس :لو قلت لي هسي أعقد وسوقا بعملا
ضحكو وقفلو
هديل:بالنسبه لأنك بتفاجئني كل مره برضو متوقعتها
هديل حست بحب م طبيعي اتكون ناحيه فارس احساس انو طلع راجل ميه مره من معتز
فجأه أمير دق ليها.. فارس ضحك
هديل : الو أمير
أمير :عيون أمير وقلب أمير وروح أمير وضحكه أمير،
هديل:مزاجك رايق شديد شكله
أمير :لو م رايق ليكي يبقى رايق انا عندي كم هديل.. بعدين شنو مشتاق ليك شوق
هديل :وحياتك بالاكتررررر
أمير : عندي سؤال؟
هديل:اسأل
أمير :رايك شنو ف فارس صحبي؟
هديل:ماشاءالله محترم شديد ليه السؤال لكن.
أمير :لو أتقدم ليك بتوافقي؟
هديل:لو انت وافقت انا م حيكون عندي مشكله
أمير :طيب ي ستي فعلا فارس ماف زيو اتنين فكري فيو كويس واديني رايك
هديل:انا وافقتا
أمير :اجي ي بت؟
هديل :فارس زول كويس افكر لي؟
أمير :طيب اتقلي عليه شويه
هديل:لالا كده م صاح لو هو اتقدم ليك قوليه موافقه لو عايز يعقد الجمعه الجايه انا موافقه لاني زهجت خلاص م حعرف اقعد هنا
أمير :خلاص ي ستي الف مبروك ليك ي قلبي هديل شافعتي عروس لكن برضو ح اضرب ليو بكره اشحتف روحو شويه
انا :الله يبارك فيك ي قلبي
أمير :خلاص تمام ح احاول اجي احضر
انا:اي العرس بدونك م حيتم
وقفل.. اتلفت ع فارس
انا :شكرا ليك ي فارس لأنك وقفت معاي
فارس :شكرا شنو؟ بما انو اخوك موافق ف ي ستي انا اصلا من شفتك م كنت علي بعضي واتمنيت انك تكوني مرتي وم صدقت انك قلتيها ف اطمني
انا سكت وغلبني ارد، بس دمعتي نزلت مسح لي دمعتي،، قالي م عايز اشوف اي دموع تاني حنعيش عشان نفرح بس يلا هسي خشي ي مرتي وغمز لي 
ابتسمت ودعتو ومشيت
اول م دخلت البيت..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء السابع من رواية رحلة الحب
لقراءة الجزء السابق : الجزء الخامس من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
