وفي الجزء الأول من رواية إدمان للكاتبة زهرة الشيخ تعالوا نبدأ التعرف علي شخصيات الرواية وبداية الأحداث الجميلة معهم داخل الرواية وكيف ستبدأ الحبكة المشوقة مع ابطالنا ؟ كل هذا وأكثر سوف نعرفه سوياً في السطور التالية بإذن الله .
الجزء الأول من رواية إدمان
انااسمي رغد م2001
مواصفاتي: قصيره بيضه شعري طويل وعيوني خضر
ماكنتش نشبه لي اي شخص من عيلتي لاخوتي ولاامي ولاباتي ولا اي حد ؟
خلي نعرفكم ع عيلتي
عيلتي تتكون من : امي عائشه .. بوي كريم ..خوي الكبير مالك وتاني انس ونا كنت البنت الوحيده
طبعا اني من ليبيا بس كبرت وقريت ف تونس والقصه صارت معاي ف تونس
_____________«زهره الشيخ »_____________
الصبح ..
زي كل يوم نضت بدري دوشت وساويت شعري وبدلت وحطيت ميك اب خفيف
التلفون يرن
شفت الاسم نسرين استغربت ..زعما شن تبي مني ف هدا الوقت
رديت ع الاتصال
ياسمين: وين شني جهزتي
رغد: اي كملت
ياسمين:يلا بسرعه ماطولي
رغد:باستغراب هي مش مطوله
نزلت ونا مستغربه من اتصال ياسمين بهدا الوقت
كريم: صباحو
رغد يسعد صباحك بابا
انس :يشوفلها 
اقعدي
اقعديرغد :لا مستعجله عطيني مفتاح السياره
انس لامش عاطيك
رغد ملقيتش حل قدامي خاطي باتي شبحتله بنظرة حزن
كريم :عطيها المفتاح انس
انس بسس
كريم :عطيها المفتاح
انس: عطاني المفتح بغلل
رغد خديت المفتاح وبست بابا ع خده وطلعت نجري
انس: بتفسدها بنتك ره
كريم ماليكم دخل وحيدتي هدي
انس:
عائشه طالعه من المطبخ وتنادي ع رغد
كريم طلعت
عائشه وكيف تطلع مش فاطره
كريم خلاها عادي تفطر مع صاحباتها
انس ف داخله تو نشوفو لامتى بتقعد دلل فها
كريم كان مدلل رغد ع الاخر وواخده راحتها بزايد واي شي تطلبه او تتمناه يكون عندها وكريم مافكرش انه الدلال هدا حيفسدها وحيندمه ف الاخير
وصلت للكليه وكانت نسرين تستنا فيا ع الباب بفارغ الصبر
اول مانزلت من السياره جتني نسرين تجري
رغد:باستغراب هلا
نسرين:وين طولتي
رغد:ماطولتش مسافة الطريق بس
نسرين: باهي تعالي
مسكتني من ايدي لين وصلنا تحت الشجره
رغد سحبت ايدي خير يا نسرين
نسرين: خير خير ماتخافي غير بنقولك اليوم في عيد ميلاد لميا ال… وكلمتني قاتلي تعالي انتي ورغد
رغد:به خيرك مش ع بعضك
نسرين:تتكلم وتشوف لجهه لخرا لالا شي
رغد :امممم به المحاضره بدت هيا تعالي بسرعه
نسرين: باهي انتي امشي نا بنمشي للحمام ونجي
ماعرفتكم على نسرين
نسرين طالبه تقرا مع بطلتنا ف تخصص الطب البشري وصديقة رغد
مشت رغد للقسم
نسرين اوا مالتفت انخبطت ف طه
طه :ع وين
نسرين: اففف خوفتني
طه:شن صار
نسرين:نحسها مازال ماقتنعت
طه:يحكي وعيونه حمممرر اسمعيني ياتقنعيها يااا
نسرين:ب باهي خلاص تم والله بنقنعها
طه:تم
نسرين:مشت تجري وقلبها قريب يطلع من مكانه
خلي نعرفكم ع بطلنا الصايع قصدي التاني (طه )
طه اكبر واصيع واسفل واقرف راجل ف المدينه كلها ومعرووف والكل يخاف حتى من اسمه يشتغل ف تجارت الممنوعات م 95
مواصفاته
طويل وقمحي انيق وشخصيته تخوف وديما لبسه ع الاسود ومستفزززز مستفزز مستفززز
هدي تاني شخصيه مستفزه معانا ف الروايه
طه انعجب ب رغد من اول ماشافها وكل مايحاول يكلمها ولا يقرب منها يصير شي ونادر مايشوفها ف الكليه بعت نسرين عشان تتقرب من رغد ويعرف كم حاجه علها وه المره قرر انه يتلقى معاها ويكلمها لاايف
الباب يخبط
عائشه تنادي ع انس
عائشه : اففف وقت نبدا نبيه ف حاجه يختفي وناضت فتحت الباب وهنا كانت الفرحه والصدمه والخوف بانو ف عيونها … ماالك
مالك:بابتسامه اميمتي
عائشه تحضن وتبوس ف مالك
مالك: كان فرحان بجد واخيرا بعد 8 سنين وهوا ف ليبيا رجع لتونس عند اهله وشاف اغلى انسانه ع قلبه
انس نزل يجري بعد سمع صوت امه وهي تنادي ع مالك ..اول ماشاف مالك قدامه انصدم لانه ماكنش عارف انه جاي ع تونس اصلا
مالك: يحضن ف خوه وين يا فأرون
انس:خزي توا نا اطول حتى من بوك
مالك يضحك اياااه
انس واللهي ليك وحشه با صقر
مالك انت اكثر. وين بوك ورغد
انس:رغد ف الكليه وبوي ف الشركه
مالك: اوك تمام
عائشه اذكرت رغدالله يستر
الله يسترمالك بطلنا الثالت انسان مزاجي وعصبي وحنون في نفس الوقت وشخصيته قويه وحلوه
مواصفاته
ابيض عيونه عسليه متوسط الطول معضل
_____________«زهره الشيخ »_____________
بعد كم ساعه كملت محاضراتي ونسرين طول الوقت وهي تحكي ع العيد ميلاد نفختلي راسي بيه
نسرين : شني بتجي ولا
رغد:حاضر حااضر
نسرين:المهم ماتنسي مع المغرب نكلمك
رغد:تم
وركبت ف سيارتي وراسي بيطربق ..
بعد كم دقيقه وصلت ع البيت
خشيت للحوش شفت العيله ملتمه ويضاحكو استغربت
انس :نورت الانسه
رغد نضحك ع انس وفجأه جت عيني ف عين مالك .. هدا هوا اي هوا مااالك ومشيتله نجري زي الطفله نبي نضمه بس استغربت وانصدمت بعد شفت مالك كيف بعد و مدلي ايده بيسلم 
كل العيله لاحظت هدا الشي لاحظت كيف كانت ردت فعله تجاهي
مالك بكل عفويه وتوثر ….وين كبرو السنافر
رغد
كريم حب يغير الاجواء .. هيا من بكري نستنو فيك عشان نتغدو
رغد عيوني تعبو دموع وجعتني حسيت كاني إنسانه غريبه خوي مالك لي كان يلعب فيا ومدللني ويدلع فيا وكنت نرقد ف حضنه ..قاطع افكاري مالك وهوا ماسك ايدي
مالك حس ب الشي لي داره مسكني من ايدي وين سرحتي هي خلي نتغدو
رغد سحبت ايدي بهدؤ وبأبتسامه لالا صحه تغديت برا مع صاحباتي ومشيت بسرعه ع غرفتي
كريم :بصوت واطي انت شن درت بسس
مالك: مش عارف
كريم:شن صاير خيرك عاملتها هكي
مالك: برفعت حاجب وبصوت واطي وكله رجوليه .. ماتنساش انه رغد مش اختي مايجوز انها تحضني بهدي الطريقه
كريم افففف وطيي صوتك
مالك
انس :ياكل شاركونا شوي
مالك: كلام كبار
انس: خزي هههههه
وقعدو كلهم يضاحكو وفرحانين بجيت مالك
_____________«زهره الشيخ »_____________
رغد قاعده ف غرفتي ونراجع ف تصرف مالك معاي قاطعني صوت التلفون
رديت
رغد:ها
نسرين :شني قررتي
رغد من غير تفكير …اي نتلاقو المغرب ف بيت لميا
نسرين ت:مام اخطمي عليا
رغد :تم .
صكرت الخط ونضت دوشت وطلعت الفستان لي حنلبسه ع العيد ميلاد وضبطت المنبه ع ساعه 5 ورقدت
مع الساعه 5 مالك كان برا مع انس
نضت بدلت وحطيت ميك اب وتسريحه وحطيت برفاني المفضل ونزلت
كريم ع وين رغوده
رغد حقا نسيت نقولك باتي عندنا حفله عيد ميلاد صاحبتي وضروري بنمشي
كريم زي كل مره ماحبش يرفضلها طلب ولا يبي يزعلها … تمام بس ماتتاخري
رعد باست بوها ك العاده وباست امها وطلعت
عائشه كيف سمحتلها تطلع ف هدا الوقت
كريم خليها تفرح شوي مع صاحباتها
عائشه تعرف لو عرف مالك شن حيصير
كريم يقرا ف كتاب صكره وحطه ع الطاوله عارفه بيقلب الدنيا
طلعت نا فرحانه واتصلت ب نسرين
نسرين ايو شني جهزتي
رغد ايه ونا توا فم بابكم هي اطلعي
نسرين تم هي دقيقه بس صكرت الخط وتصلت ب طه
طه ها شن مانشوفش فيكم
نسرين توا كيف جايين
طه تمام
نسرين صكرت الخط وطلعت ل رغد
ركبت ف السياره
رغد شني هيا نمشو
نسرين هي
بعد كم دقيقه انس ومالك روحو ع البيت
انس: يااام
عائشه: جيتو
انس: اي جينا ونا ميتت بجوع
عائشه :حاضر تو نديرلك اكله من ايدياتي
انس: تسلميلي يارب
مالك قعد يدور ب عيونه ع رغد .. شني مازال رغد راقده
كريم: لا
مالك :..به وينها مانشوفش فها
كريم: طلعت ف عندها عيد ميلاد صاحبتها
مالك: ….طوووووط
انس :ياساتر
رغد كيف وصلنا ع الفيلا خشينا ونصدمت بشي لي نشوف فيه ..
يتبع …….
لقراءة الجزء التالي : الجزء الثاني من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
