وفي الجزء الثالث عشر من رواية قلب صخر يا تري ماذا سيحدث من أحداث جديدة مع ابطالنا ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .
الجزء الثالث عشر من رواية قلب صخر
صخر رجع يخبط ع الباب اطلعيي قاتلك امي شوي وتكون عندك ره
ياقوت: فتحت الباب
صخر: يشوفلها من فوق للوطه وكيف كلها على بعضها حمره
ياقوت: بعد
صخر: لحظه انا امس ماكنتش بوعيي
ياقوت: صخر خليني نمشي
صخر: بعد من على الباب ..تمام ياقوت براحتك
الباب طق طق طق
ياقوت خشت لغرفتها ماعدلت عليه وبدت الضم
صخر: فتح الباب
العامله :السلام اعليكم
صخر: وعليكم السلام خشي
خشت
صخر: اول شي خشي نضمي الدار بعدها ديريلي شن ناكل
العامله تمام
صخر: خش للغرفه يشوف لياقوت …خلي لي فيدك ونادى ع العامله خشي
ياقوت: من هدي
صخر: هدي الخادمه امتاعتك انتي ماتحركي ولا اي شيي فاهمه
ياقوت: انا حره لو بنشتغل او لا
صخر: اففف …بصوت عالي ياقوت
نضفت ياقوت مع كلثوم الدار بعدها بدن يحضرن ف الفطور
البا طق طق طق
صخر افففف وناض فتح
رحمه: اهلين
صخر: اهلين امي
رحمه: وين مراتك
صخر: داخل خشي
رحمه خشت ومعاكها المزينه
رحمه: شن دير كنتنا ف المطبخ
صخر: شدي هي
ياقوت: ا اهلين عمتي
رحمه: صباح الخير
ياقوت: صباح النور
رحمه:تشوفلها من فوق للوطه ماتوقعتها بهدا الجمال … شن ديري ف المطبخ
ياقوت: ف الفطور
رحمه: وكلثوم د لشن بعتتها نا
ياقوت:
رحمه: تعالي جبتلك المزينه كلهم تحت يستنو فيك
ياقوت: حاضر عمتي
رحمه: ابتسمت ف داخلها اصبري علياا بسس وطلعت
ياقوت: شبحت ف المزينه وبتسمت شني نبدو
المزينه: تحت امرك مدام
ياقوت:
صخر يشرب ف القهوه جاه اتصال من فيصل ورد
فيصل: صباحيه مباركه
صخر: من وين بتجي البركه احكي
فيصل: يحكي بصوت واطي البضاعه وصلت
صخر:بأبتسامه واخيرا كم شاحنه
فيصل: اتنين
صخر:تمام نظم مورك اليوم مش طالع تو غدوا ندير راي
فيصل: تم
كلثوم : استاذ كملت
صخر: ياكل ف سميسا تمام جيبي لرقيله امتاعتي
كلثوم: جابتله لرقيله
ياقوت: كملت مكياجها كان عباره عن مكياج خفيف وبسيط شافت روحها ف لمرايا واو ماشالله حلوو يعطيك الصحه
المزينه: تسلمي انتي الحلوه
روحت المزينه
صخر: ياقوت
ياقوت: دايره روحها ماتسمع وتزبط ف البدله
خش عليها صخر
صخر:
حلاوهه
حلاوههياقوت: اففف بتطلع مسكها صخر
صخر: تهبليي
ياقوت: خليني صخر
صخر: لحظه بس وفتح الدرج وطلع تاكمات ذهب اختار ارقى واغلى واحد لبسها ليه
ياقوت: بكل براء ابتسمت
صخر: ذااب ف ابتسامتها بس ماحبشش انه يبينلها ..انتي مراات صخرر هدا شويه وقليل فيك
ياقوت: اذكرت موقف امس وبعدت عنه بسرعه … معاش تقربني صخر
صخر: برفعت حاجبه هه والله ..ومن داخله ناار والعه فيه
ياقوت: مشت للمطبخ لقت السفره واتيه قعدت تفطر
جا صخر وقعد يفطر حتى هوا
وكل شوي واحد يشوف لتاني
ياقوت” صخر
صخر: نعم ؟
ياقوت:نبي نحكي مع امي
صخر: تمام مدلها التلفون
ياقوت كانو ابسط الاشياء يخلوها تفرح فرحتت وبكل عفويه ..شكراا وكتبت الرقم وتصلت بأمها
صخر:
كريمه: الوو
ياقوت: اميي
كريمه: بنيتي ياقوته صباحك مبارك
ياقوت: بتبكي تسلميي كيفك وكيف حال طه
كريمه: كلنا بخير الحمدلله خيرك طولتي عشان طمنينا عليك
ياقوت: تمسح ف دموعها انا بخيير
صخر: خيرها هيا ؟
كريمه: خيرك بنتي شن فيك
ياقوت: م ماخيرني شي يام هيا تو بنصكر بعدين نتصل بيك
كريمه: تمام بنتي رد بالك على روحك
ياقوت: صكرت الخط وحطت الهاتف وتمسح ف دموعها
صخر : خير امك انتي 24ساعه دمعي
ياقوت: شي ووقفت مشت لغرفتها
صخر: عليك حاله وخلاص
____♡____زهره الشيخ____♡___
ع السفره
محمود: اليوم جاي عمكم خالد مع عيلته بيتغدو عندنا
حلا: ياااه
اريج:
ناصره: باهي يتفضلو في ايا وقت
زياد: لا تعليق
ماجد: نوض هيا زياد ورايا كم مشوار
زياد: تمام هي وناض طلع وماجد طلع وراه
وحلا واريج وناصره خشن للمطبخ يفتلكن لضيوف
حلا كملت من لي دير فيه ومشت لغرفتها بتبدل
بعد ربع ساعه وصلت عيلة عمهم
اريج تهدرز مع بنات عمها
مايده: وين حلا مانشوفش فها
اريج: فوق تو تجي
سالم: وين زياد وماجد مازال ماروحو
محمود: مازال في عندهم اجتماع اليوم
سالم: اممم
حلا نازاله من الدروج ..
مايده: حلااا لييك وحشه
حلا: انتي اكثر وين مغيبين
مايده: تدلع دراسه وهكي وانتي تعرفي
حلا: اها اي بتوفيق
مايده:ةشني انتي وقفتي ولا شني
حلا:ايي
اييمايده: الله خسااره اختي رتاج نجحت وخدت شهادتها
حلا: باهي كويس
سالم: يقنص من بعيد … خيرها متغيره بنت عمك
محمد: واللهي الا متغيره باديه طررف الزح
سالم: صكرر
محمد:
____♡____زهره الشيخ____♡___
صخر: شني كملتي ننزلو الوالده من بكري شاده عليا اتصال
ياقوت تبخ ف برفانها
صخر: قرب منها … محلاه عطرك
ياقوت: هيا كملت
هيا كملتصخر: باه هي قدامي….فداخله خيرك ياصخرر اصحه شوي على روحك .
نزل صخر مع ياقوت وكان منظرهم يجنن مع بعضهم وكل العيله تشوفلهم وبنات العيله يشوفن لي ياقوت بقرف
رحمه: نورتو
ياقوت: انصدمت بعد شافت ميسم ؟
منى: محلاها
تيسير:
مافها شي حلو
مافها شي حلوميسم: تشبحلها من فوق للوطه وتفنص
قعدوها وبدو يكشكو عليها وصخر طلع لعند الرجاله
فيصل: لي اول مره ف حياتي نقعد 12ساعه ماشفتك وماصبحتش عليا ساعه 6
صخر:واللهي صار ارتحت مني
فيصل: من لاخيير دوم ياربي ان شالله كل يوم عرسك
صخر:
ميسم: نورتي ياقوت مرت خوي 
ياقوت: مصدوومه .. ف داخلها لالا ياربي مش معقولا هدي تكون حماتي
منى: شني الي باين عليك مش فرحانه
تيسير: لا مش قصة فرحانه كيف تبيها ترد على سيادها
منى: لو ماتعرفيش تدوي برقي عادي نعلموك كلنا نعرفو انك بنت بواب القصر صعبه عليك تدوي زينا
ميسم: عجبها الجو لي يديرو فيه وقعدت تضحك
ياقوت: نزلت راسها وقعدت دمع شوي رفعت راسها وردت بقوه … بصوت واطي وبأبتسامه بنت البواب لي قدامك انتي وياها تكون مرت صخر مالك القصر اكيد عندكن العلم.. ااه والرقي لي تحكي عليه مايشملكن عدلي كلامك انتي وياها بعدها ابدي تكلمي ع الرقي…
ميسم:
ف داخلها قصصصف
ف داخلها قصصصفمنى:
تيسير: طبعا زي كل مره …اصلا انا مانحكيش مع شكالات ومشت عنهن
منى:
____♡____زهره الشيخ____♡___
زياد وماجد روحو من العمل اول ماخشو للفيلا شافو العيله كلها ملتمه ويهدرزو
زياد: سلام اعليكم
كلهم وعليكم السلام
مايده احححي
حلا:
خيرك
خيركمايده: بنذووب
حلا: برفعة حاجب تي شننن في
مايده: شوفي زياد وشخصيته يهبببل شوفيه
حلا: تعصبت شن قلت لدب هدي تحشمي
مايده: وانتي خيرك انفعلتي هلباا شن في بالك حاطه عينك عليه
حلا: بللهي خطينيي
مايده: اصلا انا احلا منك اطمني حتى كان بينعجب ينعجب بيا نا
حلا: بصوت عالي ضحكتت واااك بطني
محمد: يناااري ع الضحكه
زياد: شني ماسمعتش يامحمد
محمد: لالا قلت يناري عليك ياسالم
زياد: اها حسي سمعت غلط …ويشوف لي حلا ويفنص
…ويشوف لي حلا ويفنصحلا: هدا خيره يشبحلي بعدها دكرت خصلة الشعر لي طالعه دخلتها وبتسمتله
زياد: في داخله اااخ الضحكه هدي نقطة ضعفيي
نجها لي فاهمه عليا
نجها لي فاهمه عليااريج تنادي على حلا
حلا هي جايا وناضت مشت للمطبخ ومحمد عيونه بيطلعو
ماجد يهدرز على ولد عمه سالم وعينه في خوه زياد شوي تاني وبيهجم على محمد
اريج وحلا يوتن ف السفر
حلا: مثقل دماها مايده
اريج: تو كيف عرفتي !
حلا: عارفتها من قبل بس اليوم زودتها الحق
اريج: تسقي ف الكسكسي اي بكل ريتها كيف مكبده على زياد
حلا: تاكل ف التفاح بللهي ماذكريني طيرتها ليا اليوم
اريج:
ليش لانها تحبب زياد خطيبك
ليش لانها تحبب زياد خطيبكحلا: اريجج
اريججاريج: تضحك خلاص والله نبصر مديلي القصعه التانيه
حلا:
ياقوت اضايقت هلبا من حركات حماتها وبنات عم صخر ومن عمتها لي كل مواضيعها ذهب وفلوس اواحد
ياقوت:تشوفلهم وتفكر …الله قداش نحنا الفقراء متواضعين وديما فرحانين ونحمدو في ربي عكسهم الاغنياء هدو لي كل حياتهم شريتي ودرتي وكل همهم ناخد طاقم زي متاع فلانه وعلانه لايفكرو يصدقو من النعمه لي عاطيهالهم ربي ولا يتهنو ويفرحو ديما قالقين ومش عاجبهم شي (حشاالبعض)
____♡____زهره الشيخ____♡___
بعد اذان المغرب
جا صخر وكلم امه عشان اطلعله ياقوت
ياقوت قاعد تهدرز مع بنت خال صخر الوحيده لي قدرت تبلعها وتتقبلها
رحمه: هيا ياقوت راجلك برا يستنا فيك
ياقوت: به ونضت مشيت مع عمتي لين وصلت لعند وجهه الشئم
صخر: مساء الخير
ياقوت: كنت مش حنرد عليه بس ماحبيتش اني نرده …مساء انور
صخر: شني نمشو
ياقوت: هوا على اساس كان قتلك لا تسمع كلامي
صخر: لنقنك ماتنقدري انتي بطولت السانك
ياقوت:
ومشو لين وصلو لدور التاني
فتح صخر الباب وساعد ياقوت لين خشت وخش وراها
خشت ياقوت لغرفتها تنحي ف السلاسل والحجول والخواتم اضايقت منهم
صخر: ينحي ف كندرته ..شني عجبك الجوو لوطه
ياقوت: تنحي ف السلسه عجبني بس على قولت اختك مش من مستوايا
صخر:
ميسم قالت هكي
ميسم قالت هكيياقوت: اي
صخر مشالها وبد يفكلها ف السلسله وكل شوي يزيد يتقرب منها….صدقيني هنا لي مش من مستواك
ياقوت: التفتتله وشبحت فيه صخر بللهي عليك خليني
صخر: ولو ماخليتك
ياقوت: نزلت راسها وبصوت خانقته العبره صخرر بللهي عليك
صخر: فكها ومشى خش للحمام شبح ف لمرايه معقوله انت تكون صخرر لي ماعنده قلب لي عمره ماثر فيه شي اليوم تجي فرخه تتحكم بيك خزززي وبدا يسب في روحه ..
معقوله انت تكون صخرر لي ماعنده قلب لي عمره ماثر فيه شي اليوم تجي فرخه تتحكم بيك خزززي وبدا يسب في روحه ..ياقوت بدلت بسرعه قبل لا يطلع وضمت الدار ورفعت مخدتها ومعطفها مشت بيهم للمربوعه وفرشت وقعدت تحضر
طلع صخر من الحمام ومالقاش حد ف الدار قعد ينادي عليها ومافي ايا رد طلع يدور عليها سمع صوت التلفزيون ف المربوعه مشالها فتح الباب
صخر: بللهي عليك بنسألك خليها قصة المربوعه ع جهه نبي نفهم بس عيله انتي مازلتي تتفرجي ع الكرتون !
بللهي عليك بنسألك خليها قصة المربوعه ع جهه نبي نفهم بس عيله انتي مازلتي تتفرجي ع الكرتون !ياقوت: تحضرر مش عيله بس مازلت نحبهم
صخر: سبحان الله وشن ديري ف المربوعه
ياقوت: من اليوم بنرقد هنا
صخر: مش بكيفك
ياقوت: بللهي صخررر
صخر: باه صكر الضي تصبحي ع خير
ياقوت: ناضت من مكانها وتعيطط صخررر افتحح الضي بنمووت
صخر: فتح الضي شن في
ياقوت: نخاف من الظلام
صخر: انا شن درت بسسس عشان يبليني ربي بيك
ياقوت: تفنص ساهله ردني عند امي
صخر: صكرري وطلع طفى المجمع امتاع الضي وناضت ياقوت مره خرا تعيط صخرر صخررر
صخر: هه
.
.
.
____♡____زهره الشيخ____♡___
روحت عيلة خالد وزياد مش باقي هلبا عشان يطربق وماجد ومحمود فاهمين عليه …
اريج وحلا قالبات المطبخ يغسلن ويسيقن
حلا لابسه شرت وكنتيره ومدايره كعكه فووق
زياد ناض متسبل ع اساس يبي اميه مشى للمطبخ اول ماخش قابلاته حلا
حلا: حيييي وتخبت ورا اريج
زياد: م م ماقصدي .
حلا: باهي ماقصدك اشبح لجهه لخره
زياد التفت وبدا يعرقق من الحشمه ويذكر في شكلها باهي عطيني كاسة اميه
اريج: قصدك جاي ع خاطر اميه
زياد: ايه هيا سقديني
حلا: طلعت شيشة اميه من الثلاجه وعطتها ليا
زياد: التفت شكرا
حلا: زيااد اطلععع خلاص
زياد: باهي واسف مره تانيه
اريج: غيرر اطلع انت توا
طلع زياد بيموتت من الحشمه وفي نفس الوقت فرحااان بشوفتها محلاها
محلاهااريج: تضحك
حلا: مافي شي يضحك
اريج: اي لاكني بنضحك
____♡____زهره الشيخ____♡___
صخر: ولع لفلاش امتاعه ومشى لياقوت
ياقوت: خيره الضي
صخر: مش عارف؟!
ياقوت: تعالا اقعد معاي هنا
صخر: لالا نا بنرقد في غرفتي انتي ديري رايك ولو طلعلك جن ولا شبح من الشباك عيطيلي بأسمي نوعدك اني حنجيك ومشى
ياقوت: لحقاته تجري استنى استنى صخر بنمشي معااك
صخر: ..طول عمرك خبييث
..طول عمرك خبييثقعد صخر على السرير وقعدت ياقوت جنبه
صخر: ماجاكش نوم
ياقوت: لا خايفه
صخر: تعالي لحضني وماتخافي
ياقوت: منبييش ولع لفلاش
صخر: تمام براحتك نا بنرقد ولع لفلاش ورقد ع السرير وغطى وجهه ب لبطنيه
ياقوت: صخرر صخررر
صخر: هممم
ياقوت” نووض الله خايفه
صخر: به قعد وطلع شيشتة من الدرج وقعد يشرب
ياقوت: شن هدا
صخر: مشروب تبي
ياقوت: اعععععع صخر شن ه القرف بعدد
صخر: ماليك علاقه بيا تسكتي ولا نطفي حتى لفلاش
ياقوت: لالا خلاص
قعدو على هدي الحاله لربع ساعه وبدا صخرر يفقد الوعي
صخر: ياقوت
ياقوت: همم
صخر: يشوفلها تعرفي قداش نحبك نا
ياقوت: قداش
صخر: قدد ه العالم كلله
ياقوت: صخر انت مش بوعيك صخرر والله بنموتت من الخوف
صخر: اشششش ماتخافي
ياقوت:
صخر: ياقوت
ياقوت” ها ها كرهته اسمي
صخر: تعرفي درت المستحيلل ورتكبت جرائم عشان تكوني ملكي لييش انتي ماتحبني
ياقوت: شن درت مثلا جيت لحوشنا وطلبتني من امي شن ه الحاجه الكبيره يعني
صخر: قعد فتره يشوفلها
ياقوت: خيررك
صخر: بتسامحينيي ياقوت
ياقوت: على شني
صخر: على الي سببته ليك
ياقوت:؟ مافهمت
صخر: انا عجبتيني وحبيتك وكلمت بوك قداش مره بس هوا كان ررافضني
ياقوت: بابا؟
صخر: ايه ب بووك رفضنيي ورتكبت فيه ج جريمه على خاطرك انتي لاني نحبك وتمنييتك ل ليا قتلت بووك ياقوت
ياقوت:
يتبع ………
لقراءة الجزء التالي : الجزء الرابع عشر من رواية قلب صخر
لقراءة الجزء السابق : الجزء الثاني عشر من رواية قلب صخر
للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ
جميع الحقوق محفوظة للكاتبة زهرة الشيخ .
