وفي الجزء الثامن عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الثامن عشر من رواية رحلة الحب
امي زحت منو.. حقار دا.. ابوي ضحك قاليها بس حسافر بالكتير 6 شهور وتاني ح استقر في السودان للأبد 
امي قالت ليه ومنو القاليك ٦ شهور م كتيره؟ قاليها حبيبتي كمان دا شغل عمر لازم اظبطه اول بعدين بجي هنا وحضنو بعض 
-يخوانا الحضن دا ف اي علاقه بختصر علينا حب كتير وحنان كتير وأمان كتير
……………….
ابوي طيارتو كانت الساعه ٣ عصر مشينا معاه وودعناهه وسافر 
فارس نزلني عند امي قالي عندي شغل اول م اخلصه بجي غاشيك
معتز اختفى من حياتنا تماما
………..
في البيت..
امي قالت لي احححيا ابوك خلي لي فراغ كبير م عارفه ح استنى الشهور دي كلها كيف.. غمزت ليها قالت لي عيب 
ناديت تينا تسوي لي حاجة آكلها قلت ليها عايزه اي شي بس يكون فيو ملح كتير وليمون.. امي لمن مشت مسافه جات راجعه لمن سمعتني قالت لي قلتي شنو؟ عدت ليها كلامي 
قالت لي قومي معاي قلت ليها وين؟ قالت لي نفحص قلت ليها تفحصي شنو؟ جات قريب مني قالت لي بتي انتي عويره؟ ضحكت قلت ليها ان شاء الله قصدك حمل قالت لي اي 
قلت ليها لالا م ظنيت م حاسه ب شي قالت لي ارح قلت ليك وانا اصريت انو ماف شي ف مشت جابت لي كشف حمل العادي دا وفعلا كشفت وطلعت حامل امي قعدت تنطط من الفرح 
انا قعدت ف الكرسي وختيت يدي ف راسي ممتحنه قالت لي مالك م مبسوطه؟ قلت ليها انا م قادره اشيل مسؤوليه بيتي وراجلي لمن ولدو؟ امي قالت لي انتي عارفه انك وحده متخلفه وانا ولا امك ولابعرفك ومشت خلتني ضحكت براي تاني جريت ليها بقت تكورك هديل م تجري هديل براحه قلت ليها متين هو يحجه ولا اقوليك حبوبه؟ ضحكت لمن اخر ضرس ظهر فرحتها اليومداك كانت بالدنيا كلها وفعلا لبسنا طوالي والسواق ودانا أقرب مستشفى فحصنا واتأكد الحمل 
كانت الساعه 5 يداب.. امي طوالي ودتني الكوفير وقالت ليهم بقوها لي عروس عليكم الله من جديد قالت لي م فرحت بيك لمن كنتي عروس عقبال م افرح باولادك ي رب وم اتحرم منكم حضنتها شديييييييييييييييد اشتغلو فيني شغل عجيب، فارس الساعه ٨ دقا لي ماما شالت ردت عليه،، معليش ي ولدي مرتك تعال ليها بكره الصباح ولو م بتصبر تعال سوقا الساعه ١٢ وقفلت االخط وانا خدودي بقت زي الطماطم قالت لي لمن عرفت اني حامل اول مره بي أمير م كنت عارفه أوري كيف عماتك ساقوني بيتهم جيهوني جيهة حنة ودخان وظبطوني وشعري وغايتو،، ابوك لمن جا داخل قالي انتي منو وديتي امل وين؟ قلت ليو انا امل قالي امل عرسوها تاني ولا ف شنو؟ قلت ليو امل عرست مرة واحده وعرست سيد الرجال والليله عرفت انها شايله ثمره حبهم م صبر لي أتم باقي الكلام لقيتو بلف بي ف البيت كلو ياخي ابوك كان رومانسي بشكلل البت البتظبط لي ف شعري اندمجت قالت لي وهسي انتي حامل معناها ضحكت ليها اي قالت لي ألف مبروك ربنا يتم ليها على خير
الساعه ١٢ شوكه المره كان خلصت من حنتي فارس ضرب تاني ردت امي قاليها اها ١٢ جات امي ضحكت ضحك قالت ليهو خلاص تعالنا ف الكوفير الفلاني لمن جا كانت ١ الا،، غسلت حنتي وطلعنا كنا اخر ناس بعدنا الكوفير قفل انتو متخيلين حتى شعري دا صبغو لي بلون كبدي كده حلووو لمن كيفني طلعنا وفارس كان واقف لمن شافني فتح خشمو كده 
امي دي تتبسم وتتكشم انا انا دخلت جوه اضافر رجولي من الخجل 
جا على باسني ف راسي قالي ماشاءالله تبارك الله ربنا يحفظك امي طوالي ركبت جوه العربية وخلتنا 
قالي انا اصبر لحدي البيت كيف بس قلت ليو اتلم ي قليل الادب ضحك ضحكه قلت ليو فارس احنا ف الشارع قالي م بقدر عايز احضن الجمال دا وادسو جواي الحمدلله الكلام دا بليل كنت حغير من الناس الحتشوفكك بالنهار 
ياخي صدقو لمن قالو القمر م بطلع الا بليل قلت ليو عاين السما فاضيه مافيها قمر قرب مني ومسكني من خصري وانا شابكاه امي ي فارس قالي القمر خجل لمن شافك م قدر يطلع للناس قالي خليها تطلع بدلي بس انت عارفاني بغير ومستحيل اخلي الدنيا دي تعاين ليك 
انا اتكشمت واتخجلت وقلبي اتقطع قالي م عارف حستنى كيف لمن مصل البيت ياخ خلي امك تمشي وخلينا واقفين هنا دا بعدين قطعت ليو رومانسيتو قلت ليه فارس لو عايز تقعد هنا اقعد براك انا ماشه بيتنا ومشيت خليتو واقف وقف مسافه بتبسم بعداك ركب انا وامي سكتنا.. والله ي نسيبتي مفروض أخجل منك بس م قدرت اعذريني امي قالت ليه عاذراك وصلنا امي لحدي البيت ومشينا بيتنا.. لمن وصلنا قالي م تنزلي خليك نزل وجا فتح لي الباب ومد لي يدو قلت ليو يعني ابقى سمحه كل يوم عشان تفتح لي الباب قالي اسكتي خلي الرومانسيه تمشي كما ينبغي لها مسكت يدو ونزلت باسني في خدي قالي بكره انا مماشي المستشفى قلت ليو فااا.. قبل م أتم اسمو شالني قالي اوووباا عاين لي قالي حبيبتي وزنها زاد ولاشنو؟ قلت ليو ولسه حيزيد وقعدت اتبسم.
فتح الباب بصعوبه نزلني قالي استنى استنى قفل الباب وجرا فتح باب الصاله وجا تاني شالني قالي جديا كده انا شلتك قبل فتره اعتقد وم كنتي بالوزن دا امك اكلتك شنو؟ قلت ليو تاكل السم ي فارس اي شي لازم اشرحو انا؟ دكتور علي شنو انت؟ انا مش قلت ليك خلي رومانسيتنا تكمل.. سكت تكمل انتي حامل ايوه حامل وبقا يلف بي ويكورك ح ابقى ابو وو اناااا مرتي حتجيب لي طفل ويصرخ بقيت اهدي فيو ي فارس الساعه 1 الناس حتصحى وهو بقولي م شغلتي انا فرحان وفعلا سمعنا صوت حجه انصاف ي اولاد ي اولاد خلعتوني لكن الف مبروك لمن الصباح يصبحنا حتى فارس استحا ودخلنا غرفتنا وكانت من احلى ايام حياتي تقريبا احنا من الضحك والعواره والرومنسيه البتجي قاطعه فينا كل شويه م نمنا
كسره
انا عايزه واحد فارس
بعد اسبوع والفرح مالي بيتنا الصغير فارس قالي عندي ليك هديه قلت ليو هي شنو؟ قالي البسي عبايتك وارح معاي لبست عبايتي واتحركنا مشينا كافوري وفجأه فيلا كبيرة وبنفسجية وحديقه وعالم تاني كده عاينت ليو بزعل دا شنو؟ قالي كيف؟ دا بيتنا الجديد قلت ليو حلو بس م عايزاو استغرب 
اي مبسوطه بي بيتنا الصغير داك مبسوطه بجيرانا مبسوطة بخالتو انصاف مبسوطه بحمامي البي الجردل فارس مسك يدي وباسا 
قالي انا من يوم عرستك ومافي بالي غير اني اجيب ليك فيلتك البتستحقيها 
قلت ليو وانا قلت ليك معاك لو بتسكن صالحه قالي كضابه والله م تقولي كلام م قدرو ضحكنا واتفرجنا ف الفيلا ورجعنا وأما مقتنعه تماما انو ولدي حولدو هنا ف بيتي دا ..
مرت 5 شهور..
امي كانت قاعده معاي فيهم ف بيتي لاني كان عندي وحم كعب فارس امتحن وبقى نائب أخصائي أطفال
أمير ضغط نفسو وبقا ماعندو شغله غير الشغل وابوي كان مبسوط منه شديد كان مره مره بمشي المستشفى وبراقب لينة من بعيد معتز اغترب مشى السعوديه لانو خسر كل شي ف السودان وأمه زعلت منه بسبب العمله
يوم أمير أثناء م قاعد مستكين وبراقب ف لينة جات وهو اتلبش اول م شافتو بس بعد اتلبش شافتو.. جاتو أمير كيفك ان شاء الله خير؟ أمير لمن عرقو نزل لالا خير والله ماف شي هديل وخالتو أمل وعمو كويسين؟ لا كويسين الحمد لله قاليها انتو كيف؟ ابتسمت ليه الحمد لله كويسين امي كويسه ومعتز زي م انت عرفت سافر السعوديه قاليها كويس لينه وهي ف نفس الوقت قالت أمير عاينو لي بعض مسافه بعداك لينة كسرت عينة أمير وعى لنفسو لينه انا بحبك وعايز اتقدم ليك؟ ليينه بقت عامله كده 
بعد شويه جا واحد طويل كده اسمراني ملتحي.. لينة حمدلله لقيتك ارح يلا اتأخرنا،، لينة سكتت شويه انتبه لوجودي عاين ليها دا بيشن ولاشنو؟ أمير اتحسس وقال ي ربي شكلي عيان ولاشنو؟ ابتسم لي لينة ومشى لينة بقت تعاين لي أمير لمن اختفى
لينة اتخطبت لي واحد م بتحبو وافقت لانو امها قالت ليها بعد شكلتهم دي مستحيل أمير يحبك
…………
بعد كم يوم لينة اتصلت لي خطيبا وورتو انها م بتقدر تكمل لأنها م لاقية نفسها ف العلاقه دي والحمدلله هو كان زول متفهم وقفلو على كدةة
لما دخلت انا الشهر السادس بي كم يوم ابوي ضرب لينا وقال انو حيصل بعد يومين السودان م شفتو امي وفرحتها انتو والكبكبه.. فارس دا حالتو لسه م جا ي خالتي
في نفس اليوم.. أمير كان بقفل ف مكتبو مافاضل الا هو ومعاه موظف بضايرو حبة ورق..
أمير للموظف خلاص انت بإمكانك تمشي انا حخلص ونبه السكيورتي تحت يبدا يقفل.. ومشا أثناء ما الموظف نازل لاقي لينة في السلم سالتو مكتب أمير وين وصف ليها.. دقت الباب..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء التاسع عشر من رواية رحلة الحب
لقراءة الجزء السابق : الجزء السابع عشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
