الجزء

الجزء الثامن عشر من رواية قد كفاني

الجزء الثامن عشر من رواية قد كفاني

وفي الجزء الثامن عشر من رواية قد كفاني دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة آيه إبراهيم .

الجزء الثامن عشر من رواية قد كفاني

مرت الأيام وامتحنا شهادة الأساس ريتال كانت اكبر نسبة في العائلة جابت 265 وبعدها غيث 262 وليث 258 اما انا كالعادة الأخير 250 ناس البيت فرحو لينا شديد وعملو لينا إحتفال بسيط كدا بس انا كنت مفتقد امي شديد كنت بدعي كل يوم ربنا ينتقم من القاتل 😔 آمال ما شاء الله دخلت المدرسة وابوي كان معاها خطوة بخطوة وكانت مدلعة شديد دقيقة ما بتقعد من غير بكى والبيت كلو يحنس فيها كانت مالية علينا حياتنا بإختصار كانت أميرتنا😊 ودخلت معانا مركز التحفيظ وانا واصحابي ح نختم بعد شهر في يوم ونحنا قاعدين في الدرس شيخ إبراهيم قال لينا بعد مجموعتنا تختم في مسابقة جايه من السعودية والجائزة بإذن الله بتكون عمرة لكن خليكم فاهمين الأسألة ما ح تكون ساهلة والحفظ لازم يكون بالتجويد انا إتحمستا شديد وقلتا ان شاء الله ح أفوز بيها💪 رجعنا وكل واحد كان مجتهد وكنا بالعصر نحنا بنقعد في المكتبة ونراجع كتب امي الله يرحمها والصباح بقعدو البنات ورهف كانت بتراجع ليهم كنا دايما في حالة اسئلة وبنحب نحفظ الأدلة عشان لو قلنا الحاجة دي حرام طوالي بنستدل بالأدلة اخدنا زمن وختمنا الشيخ قال لينا يوم السبت التكريم لازم تكونو جاهزين… يأخ انا فرحان شديد وأخيرا قدرتا احقق اسمى أحلامي🥺 ابوي كان فرحان اكتر مني جهزنا حالنا زي التقول عندنا تخريج خالتي مثاني جابت لينا هدايا وكانت عبارة عن مصاحف اما خالتي مهاد اشترت لينا جلاليب عشان نحضر بيهم التكريم واشترت للبنات عبايات وابوي واعمامي جابو لينا تلفونات هدايا احمد للاسف ما ختم معانا لانو امو قالت بتقريهو في مكان تاني بعد يكبر وعلى كدا بقينا ما بنتقابل الإ من فترة لي فترة وآخر يوم اتقابلنا فيهو قال احتمال كبير يسافرو السعودية لانو امو جاها عقد عمل ومنها يمكن يستقر مع ابوهو لانو عمتي أريج مطلقة وبعدو ما إتلاقينا وما عارف هل سافرو ولا قاعدين🤷‍♂️ جهزنا البرنامج انا واحد من المجموعة اسمو فؤاد وأعدينا الفقرات وبعدو عرضناهو لي الشيخ قال لينا البنات برضو عملو واحد إختارو الفقرات الأجمل وجهزو برنامج واحد ويوم الجمعة ح نعمل عرض المواضيع ريتال جابت لي برنامجهم وعملنا زي ما الشيخ قال ويوم الجمعة بعد الصلاة عرضنا علي الشيوخ وعملنا التعديلات الازمة وإخترنا الأناشد البتناسب التكريم وجا اليوم الموعود قومتا من الصباح بوزع في البسمات زي التقول عريس😂 مشت الجامع مع اخواني وصلينا بعدو سألتا غيث اذا في حاجة ناقصة قال لي مافي حاجة قولتا ليهو لكن انا جلابتي لي الآن في الخياط وحاليا بكون غافل ليث قال لي وديتا التزري ليه مش كانت قدرك!؟ قولتا ليهو قدري لكن عاوز اقصر ما عاوز ملابسي تصل كعب الرجل غيث ضحك وقال لي نظام انصار سنة وكدا يعني🙂 قولتا ليهو ما انصار سنة لكن بحاول اطبق السنة رجعنا البيت وبعد شربنا الشاي طوالي مشيت انا وليث لي الترزي والحمد لله لقيتو قصاها بعدو قولتا ليهو ارح ناس حبوبة لانو انا عارف حبوبتي ما بتقدر على الحركة الإ بعد صعوبة مشيتا ليها وقعدتا معاها قالت لي كنت متأكدة انك ح تجي اقعد اشرب معاي الشاي قعدنا وشربنا معاها الشاي قالت لي ياريت لو كنت بقدر امشي معاكم قولتا ليها حبوبة يأخ عشان ما داير اسمع منك كدا جيتك اول واحدة عشان تباركي لي قبل أي زول قالت لي ربنا يحفظك مبروك لك وباستني في راسي وحصنتني وقالت لي يا ولدي هسي عمتك أريج دي لو ما عويرة كان تخلي الولد يقرا معاكم كان هسي ختم قولتا ليها هي بتكون عاوزة تدخلو في مركز احسن من دا عشان يطلع ليها احسن مننا واحمد اخوي ربنا يوفقو وين ما قرا إستأذنا منها ورجعنا البيت انا كنت مبسوط شديد عشان جبرتا بخاطر حبوبتي والجلابية طلعت في المقاس الكنت محددو وقلتا تاني طبيعي بإذن الله بلبس كدا ويكون فاضل لي الدقن بس ياسلام يأخ😂😂 احساس جميل 😊غيث قال لي بتتكلم معاي!!قولتا ليهو لالا بتكلم براي قال لي اصلا ببدا كدا قولتا ليهو هو شنو الببدا كدا؟ قال لي انت كويس قولتا ليهو انت دكتور😂 وضحكنا ورجعنا البيت لقينا الناس كلها جهزت وغيث كان في بيتهم بجهز وليث مشى يلبس عاينت كدا لقيت في اربعة منقبات قولتا في سري دي خالتي مهاد ودي خالتي مثاني ودي رهف الرابعة دي وسكتا مسافة وجريت عليها أي والله ياها دي ريتال لكن ما كنت متأكد قولتا ليها ريتال!؟ قالت لي ايوه نعم ورفعت النقاب😍 جسمي كلو رجف لي لحظة حسيت بيها امي يأخ سبحان الله شبه مبالغة فيهو وبالأخص بعد لبست النقاب بالجد انا محتاج لامي شديد نفسي بس اقول ليها خلاص يمه حلمك اتحقق والليلة ح يكون التكريم الطول عمرك كنتي بتحلمي بيهو بس للأسف ما حضرتو😭 كنت سرحان بعيد وعيوني اتملت دموع بس مافي ليها طريقة تنزل الدموع دي لازم تكون مكتومة وما يطلع ليها حس😔 ريتال كانت مبتسمة وقالت لي ما عجبك النقاب ولا شنو!؟ قولتا ليها بالعكس ما مصدق يأخ حضنتها وباركت ليها طول عمي كنت بتمنى انها تنتقب بس كنت داير الكلام يجي منها قولتا ليها ليه ما كلمتني!؟ قالت لي حبيت اعمل لك مفاجأة قولتا واحلى مفاجأة والله آمال جاتني وقالت لي يعني هي عشان تومتك بتتكلم معاها وتضحك كمان 🙄 قولتا ليها آمولة ما تزعلي انتي ذاتك حلاتك وفستانك احلى من عبايتا فرحت شديد وبقت تلف بالفستان وبتقول لي ريتال رئبال قال فستاني احلى😝 ريتال قالت ليها ايوه فستانك احلى😍 آمل دي بسيطة شديد وأقل شي بتفرح بيهو ريتال قالت لي امشي أجهز سريع لازم تمشي بدري عشان انت عليك البرنامج قولتا ليها انا نسيت انو علي البرنامج جريت استحميت ولبستا جلابتي وانا الفرحة ظاهرة في عيوني😍 بعد طلعتا ابوي قال لي شيخ رئبال مبارك عليك يا ولدي جيت بستو في راسو وقلتا ليهو تتبارك ايامك يا ابوي ريتال برضو جات باستو وطلبنا من العفو وطلعنا ……..
من جانب ياسر يوم قدمت الهدايا لي اولادي ريتال قالت لي ابوي انا عاوزة اتنقب قولتا ليها احلى خبر والله لكن النقاب مسؤولية هل بتقدري عليهو!؟ قالت لي ابوي ما هو التوفيق من عند ربنا وأنا بعمل العلي وبتنقب وبحاول اجتهد اني ما اغلط وربنا يقدرني عليهو انا والله عجبني في رهف اختي انسانة مؤدبة ومحترمة شديد سكتا مسافة وقلتا خلاص ربنا يوفقك وتاني يوم طوالي جبتا ليها النقاب وطلبت مني ما اكلم رئبال عاوزة تعملو ليهو مفاجأة يوم التكريم وفعلا دا الحصل بعد لبستو جاتي في الصالة وقالت لي اها كيف وكيف!؟ عاينت ليها وقولتا ليها مهجة صغيرة بس سكتت مسافة وشكلها إتاثرت وانا طوالي غيرتا الموضوع ولمن جا رئبال ما كان مصدق وفرحان شديد🥰😍 عبدالكريم صحبي جانا في البيت ومعاهو اسرتو حتى هو عندو مؤمن الليلة ح يتكرم مع المجموعة الأولاد سبقونا لانو عاوزين يساعدوا في تجهيز الصالة …..

نرجع لي رئبال جهزنا ومشينا الصالة لانو التكريم فيها كان قاسمنها جزو خاص بالنسوان وواحد لينا نحنا الرجال ليث قال لي فؤاد منتظرك في المسرح عشان تبدو البرنامج مؤمن قال لي خليك واثق من نفسك زي ما اتعودنا عليك قولتا ليهو تمام طلعتا فؤاد بدا بمقدمة القرآن وكان القارئ محمد عباس محمد جا وتلى ما تيسر من سورة مريم واستمر البرنامج بين أحاديث وحكم وشعر بس اكتر فقرة عجبتني هي كانت عبارة عن خواطر بتتكلم عن الأم قدمتا صبا عبد الكريم كانت الفقرة كلماتها بسيطة بس كانت اجمل ما يكون😊 وبعد انتهت شغلو انشودة عن الأم بتقول حبها في القلب ذائب وانا غايب عنها امي يا اغلى الحبايب والقرايب دونها (للمنشد جهاد اليافعي ممكن تسمعوها عشان تقدرو تتخيلو الموقف) انا ما عارف هل الناس دي عاوزة تفرح وتعبر عن حبها لأمها ولا قاصدين يذكروني اني فاقد امي في الزمن دا بالتحديد🥺 طلعتا من نص البرنامج ومشيت برا الصالة قعدتا ابكي جا قعد جنبي زول عاينت لقيتو دا احمد مسحتا دموعي وقولتا ليهو الجابك شنو؟ ضحك وقال لي ما عجبك اني موجود في حفل تكريمكم ولا شنو!؟ قولتا ليهو لالا يأخ نورتا بس انتو حتى الآن ما سافرتو!؟ قال لي امي أخرت السفر لمدة شهر وانا ما صدقتا وقولتا بمزاج احضر معاكم التكريم بس امي قالت لي مافي أي مشي وبعد تعب حتى إقتنعت ولمن جيت لقيت صبا بتتكلم عن الأم كنت متأكد انك ما ح تكون على طبيعتك وبالعفل كان ظاهر انك مضايق وبمجرد ما طلعتا انا طلعتا معاك رئبال رد انا بتكلم معاك …. طيب ارح ندخل جوة عشان تحضر التكريم احمد يأخ داك الشارع لو داخل ادخل وسيبني في حالي ما ناقص زول انا😤 احمد قام وقال لي اسف على الإزعاج ودخل الصالة قولتا في سري هسي احمد ذنبو شنو عشان اكورك فيهو بعد تعب حتى قدر يجي عشان يلقى التعامل دا مني 😔 بعد مسافة تاني جاني قولتا ليهو معليش ما كان قصدي وقبل اكمل كلامي جراني ودخلنا الصالة لقيت غيث واقف في بداية المسرح ومعاهو امو وابوهو ومشغلين ليهو انشودة (رفقة القرآن) مشى واستلم الشهادة وبعديها الشيخ قال الحافظ الثاني بتقدير ممتاز رئبال ياسر عبدالله معاوية احمد كان جنبي سلم علي وكان بصفق لي بحرارة وقال لي مبروك امشي استلم شهادتك ابوي وقف في المسرح وانا وخالتي مثاني وقفنا في بداية المسرح شغلو لي انشودة (نور على مر الزمان تألق للمنشد محمد المغيط) كنت بستمع فيها وانا على طريق لإستلام الشهادة اكتر مقطع عجبني كان بقول يا حافظ القرآن لست بحافظ حتى تكون لما حفظت مطبقة ماذا يفيدك ان تسمى حافظا وكتاب ربك في الفؤاد تمزقا!!
وصلتا ابوي وسلمتا عليهو واستلمت الشهادة وواصلو التكريم وليث استلم شهادتو وباركنا لي بعض 💕😍 ولمن ذكرو اسم ريتال انا وخالتي وآمال طلعنا معاها بالجد لحظات ما بتتنسي ريتال كانت بتبكي وكان مشغلين ليها انشودة ( يا حافظة كتاب الله) انتهى التكريم
من جانب احمد امي رفضت تماما انو تخليني امشي التكريم بعد تعب حتى قدرتا اطلع قولتا ليها انتي ما عاوزة تمشي ليه؟ قالت لي يا ولد امشي من غير ما تكتر اسألتك ولا هسي بغير راي وما بخليك تمشي سكتا منها وانا زعلان شديد نفسي اعرف امي ليه بتكره رئبال هسي زي رئبال دا في زول بيكرهو🥺 انسان ادب وذوق واخلاق ربنا يحفظو طلعتا على الصالة وكنت بفتش لي رئبال بعيوني عاوز ابارك ليهو وكان في إلقى عن الأم كنت متأكد رئبال ح يتأذى وانا وضميري مأنبني وما عارف اوصل ليهو الكلام كيف طلع من الصالة وانا مشيت وراهو وحاولت اخفف عنو بس كان ظاهر انو مضايق لدرجة كورك فيني عمرو كلو ما حصل كورك لكن انا مقدر ظرفو دخلتا الصالة ولقيت البرنامج انتهى وتوزيع الشهادات بدا نسيت اني زعلان من رئبال ومشيت جريتو وجبتو للصالة كنت فرحان ليهو شديد يأخ 😍
ورجعنا البيت عمتي أريج جاتنا في البيت وباركت لينا وقالت كانت مشغولة بتجهيزات السفر عملتا نفسي صدقتها وقولتا ليها عادي ولا يهمك قولتا في سري والله يا حليل عمتي جمان برغم من اني كنت ما بحبها بسبب لسانها لكن برضو ما حصل قصرت مننا ما حصل إحتجنا ليها وما لقينها قدامنا ياريت لو ما تزوجت وإغتربت😔 والله صح كلام الناس لمن قالوا الحاجة ما بتعرف قيمتا الإ لمن تفقدا 😴 كنت تعبان شديد نومتا طوالي بعد زمن ابوي صحاني وقال لي قوم امشي اقرا طلعتا من الغرفة وشلتا كتابي وقعدتا اقرا بس اتذكرتا انو عندي تمرين كورة طلعتا طوالي على الميدان وبديت ألعب شويه كدا احمد جاني جاري ومخلوع وقال لي ابوك قال لك تعال سريع مشيت لي ابوي قال لي عمتك تعبانة في المستشفى احمد هسي جا وكلمني اقعد مع اخواتك انا ما بتأخر ابوي واحمد طلعو انا قعدتا ريتال قال لي ليه ما مشيت معاهم قولتا ليها ابوي قال لي اقعد معاكم بعد زمن ابوي جا وقال انو عمتي بقت كويسة والحمد الله وكان ظاهر عليهو تعبان جبتا ليهو مويه وقولتا ليهو ابوي الحاصل شنو!؟ قال لي عمتك تعبانة يأخ قولتا ليهو بتبقى كويسة ان شاء الله قال لي ان شاء الله امشي اقرا طلعتا وانا مشغول على عمتي طوالي طلعتا على ناس حبوبة لقيت حبوبة عاوزة تتطلع مسكتها وقلتا ليها حبوبة ماشه وين؟ قالت لي وهي بتبكي بتي تعبانة انا لازم امشي قولتا ليها انتي ما بتقدري انتظري اتصل على ابوي عشان يمشي معاك اتصلتا لي ابوي وقال لي ما تخليها تتطلع انا هسي جايكم وانتظرنا ابوي وبعد جا طوالي طلعنا على المستشفى احمد كان مقلق شديد قولتا ليهو ما تخاف امك ح تبقى كويسة ان شاء الله وصلنا وبعد دخلنا لقينها نقلوها غرفة الطوارئ ومركبين ليها جهاز معدة ابوي مشى مع الدكتور
والدكتور قال…..
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء التاسع عشر من رواية قد كفاني

لقراءة الجزء السابق : الجزء السابع عشر من رواية قد كفاني

للإطلاع علي فهرس اجزاء الرواية : رواية قد كفاني ( جميع الأجزاء كاملة ) للكاتبة آيه إبراهيم

جميع الحقوق محفوظة للكاتبة آيه إبراهيم .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى