الجزء الثامن من رواية ضوء في آخر النفق

مهند أدهممايو 9, 2022

0 97 5 دقائق

هيا بنا لنبدأ قراءة الجزء الثامن الذي بالتأكيد يحتوي جميل المواقف الحلوة بين ابطالها أو كما نقول بعض المواقف الضرورية لحبكة الرواية، لذلك هيا بنا دون اي مقدمات ولنبدأ قراءة الرواية سوياً .

الجزء الثامن من رواية ضوء في آخر النفق

طلعت منى وهدى من دار وسكرو دار وراهم وطلع مؤيد من تحت سرير بسرعه وعيونه كلهممممم شرارت حقد وكرهيه وضغينه على صفيقه منى وهوا كيف بيطلع من دار وفتح مانيلة باب منى قالت لهدى ..
منى .. برى برى نسيت فوطه على سرير نجيبها باش نحطها على منشره تجف ونجيك ومشت ….. وبينما هدى طبعا قعدت زى مهبوله تخظ وتضحك وومعاش عرفت كيف تنقد موقف وطبعا اول ماقربت منى من دارها بدت علامات الصدمه على وجهها ولقت دار مردوده برغم انها كانت متأكده انها سكرتها فاقعدت واقفه شويه تشبح زى مستبلهه وبعدين خشت لدار بتاخد الفوطه ووهيا كيف بتاخد الفوطه لقت نقالها يشرين فاقامت تلفون وردت عليه وفى الوقت هدكا كانت هدى واقفه وتقول ….
هدى … خيرها هادى ماتت فى دار يالله نمشى بروحى وخلاص اكيد واحد فيهم قتل التانى هههههههه ..
وهيا كيف ماشيه شبحت واحد زى فار مطلع عينه من شق باب ويقول …
مؤيد … بس بس .. بس بس
وهنا هدى تلفتت وانفلقت بضحك وقربت من باب الدار متعه وقالتله ..
هدى … نفدت منها هههههههههه والله صحه عليك …
وفجأه شدها من ايدها ودخلها لدار وقاللها ..
مؤيد …. اسمعى فى لقطه مبكرى منى قطعت علينا فيها هيا تعالى نكملوها وراس امك انى عارف توا طول الليل تقعد فى خاطرى ..
هدى … شن هيا ؟؟ شن تقصد مؤيد ؟؟ بعد بنطلع من دار .. والله نحرش منى هههههه
مؤيد …. نحى الخاتم توا نقولك خلى نعاودو السيناريو من اول وجديد هههههههههههههه
هدى …. مبردك حول عاد بجد منى تشوفنا تفهم غلط ..
مؤيد … منى ترغى فى تلفون صوتها يجيب لاخر الشارع ههههه … وعلى عموم تطلعى بس بشرط
هدى …. هيا خلصنى وقوووووول بنطلع .. مؤيد بجد ندوى بطللللللل …
مؤيد ….. خلاص خلاص والله بجد نبيك تفتحى دولاب وطلعيلى لبسه لبكرا نمشى بيها للخدمه …
هدى …. اوك خلاص وتخلينى نطلع ..
مؤيد …. اكييييييد ….
مشت هدى لدولاب وتلفتت باش تقلب اللبس وهوا قرب جنبها وفجأه لقى خصله من شعرها طالعه من الوشاح ونازاله على ظهرها فاكيف بيحط ايده باش ياخدها ويشمها … حست بشى قرب من ظهرها .. فاتلفتت بسرعه مدتله كف رياحى وطلعت من دار بسرعه … وهنا قاللها …
مؤيد …. انتى فهمتنى غلط والله مانقصد الا فى بالك … هدى استنى
وهنا هيا قالتله …
هدى … انى فهمتك صح ومشت تجرى للحمام وسكرت على روحها وقعدت تشبح للمرايه وبعدين خدت بعضها وطلعت من الحوش بسرعه ….
فاكملت منى تلفون ومشت للحمام وقعدت طقطق وتقول ….
منى …. طق طق طق …. هدى … هدى ..
ماسمعت صوت شى فافتحت الباب لقت الحمام فاضى فاقعدت تلود فى الحوش وتقول …
منى …. هدى يابلوه وين مشيتى … زعمك …. لا لا مستحيل … نهااااار ابيض .. خلى نفقع الباب عليه ونشوف ..
خشت منى لدار مؤيد ولقت مؤيد واقف على روشن ويقلب فى نقال والباين انه يحاول يتصل بحد وهنا قالتله …
منى …. مؤيد وين منى ؟؟؟ كملت تلفونى مالقيتهاش … مؤؤؤؤؤؤيد وين ماشى استنى …
طلع مؤيد يجرى زى مهبول بس للاسف مالحقش عليها فاقعد واقف على حيط ويخبط ويلعن ويقول فى كلام يدل على انه تعصب وبعد شويه ولع سيارته وطلع من الحوش ووقف على الكورنيش وقام تلفونه واتصل بيها بس هيا اول ماطلعت النقال من شنطتها الصغيره الا كانت فى ايدها من لما جت بتخش للحمام .. ولقاته هوا يتصل فاسكرت عليه تلفون ودارته مقفل وروحت للحوش واتصلت بى منى على الارضى واول ماقامت منى تلفون قالتلها …
هدى … ايواااا
منى … خيرك يادعوه شن فى شن صار ؟؟
هدى … لا لا شى بس امى قالتلى بوك تعب وتعالى بسرعه وانى لقيتك تتكلمى فامبيتش نقطع عليك فاقولت توا نتصل بيها على الارضى وبكرا نتلاقو فى الجامعه …
منى .. الف لاباس عليه مايشوف شر بس لقطتك والله غريبه ياهدى ونحس حتى صوتك متغير بس يالله مهم طمنينى على بوك ماشى ..
هدى …. اوك حبيبتى سلام … منى اسمعى استنى بنقولك شى كانا سألك مؤيد وقالك هدى اتصلت او اى شى قوليله لا وديرى روحك متعفلقه وتبى تعرفى سبب ماشى …
منى … هدى انى حاسه انك كدبتى عليا … شن فى يابنتى حسك خوفتينى … ماتقووووليلش صااارررر ..
هدى …. توا نحكيلك بكرا فى الجامعه وعد والله نحكيلك كل شى بس مهم توا ديرى زى ماقتلك وكانا قالك كلميها على الارضى قوليله كلمته ولقيتها بنت تبكى امها قالتلى وماتبيش ترد ماشى ..
منى …. رغم انى مش فاهمه شى بس اوك ونهارك بكرا ماتقوليلش كل شى من الباء لتاء .. سكرت سماعة الارضى من هنا وقعمزة على سرير من هنا وفتحت كتاب وقعدت تقرا فيه وقعدت على الحال هوا لحد ساعه 9 فى الليل وفجأه سمعت الباب تقربع بالقوه فاحطت الكتاب وطلعت ولما طلعت مالحقتش الا على باب مؤيد يتقربع فاعرفت انا مؤيد خش وهنا قربت من دار..
منى ….طق طق … مؤيد نخش …
مؤيد …. لا ماتخشيش … ولانقولك تعالى نبيك ..
وهنا مؤيد غمض عين وفتح عين ولعب شيطان فى راسه وقال
مؤيد …. شن الهدوء الا نازال على منى هوا وصاحبتها طلعت من حوش … وبعدين قال … خشى قولنالك ..
خشت منى وقالتله ..
منى ….. ممكن تفهمنى شن صار بزبط ؟؟
مؤيد ….. ماصار شى ..
منى …. شنى يعنى مهبوله هدى ؟؟؟
مؤيد …. باه اوك نقولك شى ونفقش معاك الحدود .. انى طلعت واحد واطى وكلب ومانصلحش … او تقدرى تقولى هيا فهمت هكى .. وخلااااااااااااااااااااااااااص ماتخلنيش ندشدش الدار بلى في امها اطلللللللللللللللللللللعى برا ..
وهنا منى خافت لانا اول مره تشوف مؤيد متعفلق هكى فانسحبت وجت بتطلع وهنا قبل ماتطلع او تحديدا وهيا فم الباب قاللها …
مؤيد … كلماتك هدى توا ؟؟؟
منى … انى كلمتها على الارضى وامها ردت عليا وقالتلى من لما روحت وهيا تبكى ومسكره على روحها الباب ..
وطلعت منى وسيبت الدار ووهيا كيف سكرت الباب وتقدمت خطوه سمعت مؤيد يتمتم ويلعن ويسب بعدين سمعت صوت شى نحدف على الحيط وانكسر وهنا طلعت بسرعه تجرى لدارها وردتها وطفت ضى ورقدت ومشت فى نوم العميق لدرجة انها مافاقتش على صوت خشت امها وبوها واختها وفاتت الليله وناضت صبح كالعاده خشت للحمام دارت لازم وخشت لدار لبست حوايجها وطلعت ولقت بوها يشرب فى القهوه ويستنى فيها فاركبت لسياره ومشو واول ماوصلت قعمزت فى الكفتيريا وطلبت كابتشينو وقعدت تشرب فيها لحد ماجت هدى واول ماوصلت هدى قالتلها …
هدى …. صباح الخير … صحيتى شكلك حسبتنى فى واحد معاك ..
منى …. اكيد ياكلبه من امتى ناخد لروحى بس .. بس تعالى هنا شن صار امس ؟؟؟
هدى … هههههههههههههه خوك مراهق اساليه ؟؟
منى …. نسال فيك بجد احكيلى …
وهنا هدى بدت تحكى لمنى شن صار بس فى بداية الحكى وفجأأأأأأأه شبحت وائل قعمز فى طاوله الا قدامها بززززززبط ويشبحلها فاحاولت تبان طبيعيه جدااااا وانها مش منتبهتله وتحكى مع هدى بس العقل والقلب وروح معاه بالحدفيييييير ومافاقتش منى الا على صوت هدى تقوللها …
هدى …. توا بالله شن رايك هادى لقطه يديرها ….
فاردت عليها من من غير استيعاب اصلا للى نقال .. وقالتلها ..
منى …. اى اى صح بصراحه مفروض يدير خطوه القدام …
هدى …. خطوه القدام .. وفجأه نزلت حاجب ورقت حاجب وتخايلت شن الخطوه الاممكن يديرها مؤيد بعد لقطه الحقيره الا دارها الا …. لاااااااااااااااااااااااااااااااا منى حقيررررررره شن تقصدى ..
منى …. هدى وائل وراك اشبحى من غير ماتتلفتى .. يابلى مش هكى فضحتينى مرررررض *_*
هدى …. هههههههههههههه انى نقول علاش خارج الخدمه انتى ومشغلة الاوتو معاى …
وفجأه ناض وائل من طاوله وقام دخانه ومفاتيحه ونقاله واتجه قدام طاولة منى وفى الوقت هوا منى قعدت تقول لهدى …
منى …… هددددددددى وائل هددددددى قلبببببى خلاص بنمووووت بيوقف … جى جى جىىىىىىىىىى
وهنا هدى قاعده ماتلفتتش لين سمعت صوت وائل يقول ..