الجزء

الجزء الثامن من رواية ظلموني

الجزء الثامن من رواية ظلموني

وفي الجزء الثامن من رواية ظلموني للكاتبة الموهوبة زهرة الشيخ يا تري هل سيحدث شيء يقلب موازين الرواية رأساً علي عقب ام ستسير الأمور بشكل طبيعي ؟ دعونا نعرف إجابة هذا التساؤل في السطور التالية بإذن الله .

الجزء الثامن من رواية ظلموني

دوشت وبدلت ونزلت بتفطر
الماس : صباحو
محمد: صباحو ورد
قصي : تفاح
يوسف : صباح النور اقعدي بنتي افطري
الماس : تسلم وين ماما
يوسف : مريضه شوي
الماس : اها
قصي:🤔مابتسألي خيرها
الماس:🙄😑لا
محمد:🤨
الياس: صباح الخير
الكل : صباح النور
الماس: 😍
قعد الياس مايكلم في حد لين كمل فطور ه
الياس: هيا الماس سقديني
الماس: باهي هي
يوسف: صكرت راسك ع المدرسه حاضر فوتها معاش تمشيلها
الياس: ف داخله مافي حد خدا رايك
يوسف : بس شن بتشتغل
الياس: اي شي
يوسف: زي شني
الياس : عدي نفتح مشروع مع صاحبي ولا معاك
يوسف: دير لي ف راسك نا نشوف فيك وساكت
الماس : كملت
الياس : هي قدامي
مشت الماس ركبت ف السياره ورفعت باكو الدخان وبدت ادخن
الياس: ادمان
الماس:😂😂شي زي هكي
الياس: يستر الله
الماس: ماخاطري نمشي للمدرسه مليت والله
الياس: خلاص من غدوا ماتمشي
الماس : ياريت
الياس : رسمي ره
الماس : كيف
الياس : وقت المدرسه نرفعك لاستراحه نكسدو وقت المرواح نردك
الماس: امممم به حبي ارفعني توا
الياس : لا امشي اليوم عندي موضوع من غدوا معاش تمشي
الماس : حاضر
الياس : هي حبي انزلي وصلنا
الماس: حاضر عمري
نزلت خشت الماس لثانويه فراحنه بكلام الياس لانه ف الحوش مش واخدين راحتهم
عند ريماس
فرحانه وتهدرز وتحكي لجدتها شن صار ف ه اليومين لجدتها لين رقدت
نسرين : رقدت ريحيها
ريماس : ههه مشتاقتلها
نسرين : نوضي خلينا نمشو للحوش ندوشو ونبدلو ونردو
ريماس: كيف قصدك نخلوها بروحها
نسرين : تقعد عندها الممرضه لين احنا نجو
ريماس : اممم به
باست ريماس جدتها وطلعو من الغرفه لقت الدكتور فهد يحكي مع الاستعلامات
ريماس : د دكتور
فهد: التفت اه ريماس كيفك
ريماس : تمام الحمدلله
فهد : وين مروحه
ريماس : اي بس راجعه بنمشي ناخد حاجه من البيت ونجي
فهد: اها تمام
ريماس: تقدر تخلي عندها ممرضه بالك تفيق وماتلقاني تخاف
فهد: تمام ماتخافي عليها
ريماس: تمام
نسرين : هيا بنتي
ريماس : هي بعد اذنك دكتور وبتسمت
فهد: ابتسم وعجباته ضحكة ريماس ادنك معاك سنيوريتا
ريماس: تحشمت هههه ومشت
فهد: هه ف داخله ربي يصبرني عليك يا سمرا
المهم بعد ساعتين
كملت ريماس ونسرين ورجعو للمستشفى
خشو ع امينه
امينه: وين وين انتي وياها مخليني بروحي
ريماس : بدلت بس وجينا امتى فقتي
امينه : ليا نص ساعه
نسرين : كيفك توا شن حاسه
امينه: الحمدلله بنيتي والله حاسه روحي خفيفه واحسن بكتير
نسرين : الحمدلله
ريماس : الدكتور ماجاء شافك
امينه : لا جاني بارك الله فيه
نسرين : اي ماشاالله عليه
ريماس : اممم
ريماس : حقا بنقوللكن حاجه
نسرين / امينه: شن
ريماس : بنبدا في دورة تمريض من غدوا
امينه: كيف ومن سمحلك يا حلوه
نسرين : وعلاش
ريماس: هكي والله نبي نشتغل ومنها نغير جو ونصرف
امينه: ناقصك شي بيش تشتغلي ولاشن
نسرين : لو ناقصك شي قوليلنا كان جدتك ماتقدر تساعدك نا نساعدك
ريماس: لا والله مش هك عجبني التمريض ريت ممرضات كيف يشتغلن وسمعت في دوره هنا ف المصحه وعجبتني الفكره
امينه : تو تكملي الثانويه وتخشي ع الجامعه وتبدي دكتوره جو الدورات وطلوع الزايد فكك منه يادوب نخلي فيك تمشي لثانويه ومازال مش مطمنه عليك
نسرين : جدتك معاها حق
ريماس: بس
امينه : مافيش بس كلامي واضح
ريماس:طول تجمعو اادموع ف عيونها لانه هدي اول مره تعيط عليها جدتها وتوقف ضدها ومن هنا تفكر كيف بتخلص لدكتور
عند الماس كملت دوام وتصلت ب الياس
الماس :الو
الياس : ايوا
الماس : حبي وينك
الياس: ف طابور البنزين
الماس : شوف لساعه ليا نص ساعه نستنا فيك
الياس : هاهو دوري تو نجيك
الماس : تمام
بعد مرور ربع ساعه وصل الياس وكلم الماس تطلع طلعت الماس وهي متكنطيه وركبت ف السياره
ف الطريق
الياس : خيرك ماده شواربك
الماس : هكي مليت منها المدرسه
الياس : خلاص اليوم اخر يوم ليك ف المدرسه
الماس : ان شاالله
وصلو
الياس : هي انزلي
الماس: وانت
الياس: مزرد انا وصحابي برا بنرد ف اليل
الماس : تمام رد بالك تكثر من الشرب
الياس : حاضر يا ضي اعيوني
الماس : هيا باي
خشت الماس سلمت عليهم ومشت لغرفتها مافكرت تمشي تشوف امها المريضه
زهره الشيخ :ريتو الدنيا كيف الدور 👆
.
عند ريماس
تفكر شن دير
ريماس: اففف ودكرت انها عندها رقم فهد بعتتله رساله انا ريماس كيفك دكتور جدتي رفضت اني نشتغل ولا ناخد شهادة تمريض
فهد: شافها وفرح بيها بس اضايق من انه مايقدرش يساعدها
رد عليها تمام وانتي كيفك ماتاكلي هم شي تو نلقالك حل
ريماس: شافت الرساله فرحت مع انه ماعندها امل في انها تشتغل
ردت :شكرا دكتور
رد: العفو جدتك صاحيه توا
ردت :اي صاحيه ليش
رد: توا نجي وتعرفي
ريماس: تستنا فيه بفارغ الصبر
بعد ١٠ دقايق
الباب طق طق طق
نسرين : تفضل
خش فهد
فهد: السلام اعليكم
الكل : وعليكم السلام
فهد: كيف حالك توا عمتي
امينه: بخير الحمدلله
فهد : نبي نبشرك غدوا الصبح نوقع ع ورقة خروجك
ريماس: واخيرا
نسرين : الحمدلله
امينه: الحمدلله يارب
نسرين : يعني حالتها تحسنت
فهد: ١٠٠%
امينه: الحمدلله اضايقت من القعده هنا
ريماس: الله يبشرك باالخير
فهد: ان شالله شني واتيه ريماس غدوا بنبدو
ريماس : اا
امينه : في شن بتبد
فهد: في دورة التمريض ماخبراتك
امينه: ايه ايه خبرتني بس ماتقدرش تخش فها الدوره
فهد: علاش
امينه : يا ولدي هي بنت وحيده وصغيره وع نياتها والدنيا تو كيف الغابه خايفه من يغلط فيها ولا يسيألها حتى الثانويه بعد تمشي نبدا نرعش لين ترد للحوش
فهد: اي اي فاهم عليك ياعمتي وعندك الحق بس لامتى تبدي خايفه عليها
امينه : لين نموت
فهد: بطولت عمرك حق زي ماقلتي الدنيا غابه بس ربيها لبوه وماتخاف من حد محد يقربها ولا يتجرئ انه يكلمها مش تبدي خايفه عليها والموت حق افترضي متي لاقدر الله لمن بتخليها كيف بتعيش كيف بتصرف ع روحها وكيف بدافع عن نفسها ياعمتي لوكلامي ماعجبك انا اسف بس هدي الحقيقه ولو عجبك كلامي خلي بنتك تعتمد ع نفسها وهي صغيره
ريماس: حست بشي غريب تجاه فهد بعد ماقال هدا الكلام
نسرين : تبي الحق يا امينه الدكتور معاه حق ف كلامه
امينه: واللهي شن بنقولك ولدي كلامك مافي شي غلط وعجبني وشكرا لانك وعيتني ع هدا الشي وريماس من بكرا بتبدا تاخد دروس عندك بس بشرط
فهد: شن هوا
امينه: ماتهمل مدرستها ولو شفت تقصير من ناحية مدستها تنسى التمريض
فهد: نوعدك مش حتقصر ولا ريماس
ريماس : شبحت فيه شبحه مانقدرش نوصفها فرحه وثقه من نفسها زادت وحست انه عندها سند ااي اي وعد
فهد: تمام ع بركة الله
امينه : فرحت ببنتها وحست من ه الحظه بنتها كبرت ومعادت ريماس الصغيره
نسرين : شني يا ممرضه عدلي علينا
فهد / امينه / ريماس: هههههه
ريماس : حشمتيني
نسرين: 😂😂😂
فهد : نستادن
الكل : ادنك معاك
امينه : نسرين انتي ليك يومين هنا صح
نسرين :اي
امينه : تو زيك زي كل بنت شاطره امشي روحي شوفي شن ناقص راجلك والصبح قبل لا نطلع تعالي
نسرين : لزه😂
ريماس:😂😂
امينه : اي شبه😂
وروحت نسرين
.
عند الياس
احتفلو وزاطو ف البنات وسكير وحشيش جو 🤢🤮حشاكم
اول ماروح الياس مع ساعه 10دايخ اتصل ب الماس مقفل قال يجرب حظه اليوم
خش وكانو كلهم متلمين ع السفره متعشين متاخر
الياس:ماشي لغرفته ولا كلمه
يوسف : وقف تعال جاي وين كنت لا تغديت ولا تعشيت هنا
الياس : ولا كلمه مايبيش بوه يحس عليه
يوسف : نكلم فيك
الياس : ولا كلمه
الماس : عرفت طول وغمصت عيونها خايفه
هدي الصفه المشتركه الوحيده عند ريماس والماس بعد يخافو يغمضو عيونهم
المهم خلونا عند يوسف تو طايرتله😂
يوسف : وقف ومشى لعند الياس جبده من ايده
الياس : تي حول
يوسف: 😳 شم ريحته وشكله وكيف يشم شم واضح انه متعاطي وشارب شن مداير فروحك يا فرخ وضربه كف لين طاح
كلهم وقفو من ع السفره
قصي : شن في بوي
يوسف : الحيوان يدخن وفوق منها شارب ولي اكبر منه مدمن
كلهم :😳
الماس:😭😭😭
يوسف : رفع الياس بايده الوحده وخش فيه ضرب ضرب لين بدا يصب دم ومحد جا حز الا الماس تعيط وتنتف ف شعرها
طلعه برا البيت وقاله معاش عندك لزمه هنا وانسى انه عندك عيله ويلي نشوفه يكلم فيه يطلع معاه ومعاش نبي نشوف وجوهم
الماس : ان…..
يتبع ……..

لقراءة الجزء التالي : الجزء التاسع من رواية ظلموني

لقراءة الجزء السابق : الجزء السابع من رواية ظلموني

للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى