الجزء

الجزء الثاني عشر من رواية محظوظ ولكن

الجزء الثاني عشر من رواية محظوظ ولكن

وفي الجزء الثاني عشر من رواية محظوظ ولكن دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .

الجزء الثاني عشر من رواية محظوظ ولكن

سماح ل نازك : ريتيه واﻻه ايدير في الجو علينا
خ وداد : خلوه بالك متحشم ههههه
عمر : فهموني شن قصدكم … !
نازك : خيرك تايه بش قبل تﻻتة ايام فضانيتك
عمر : ف فضانيتي ! ! !
خ وداد : ئه ولوااه اتقول فيها هكي فدانيتيي شنو خير بﻻك
عمر : فضانية شنو النهار المبارك امتى فضيتو وفي منو وكيف
نازك : في ليال خير عمر !
عمر : ليان منو وغربال وشنو …تي شن اتقولوا ؟؟؟
خ وداد : بطل تزعبين هي
عمر : قصدكم اخت الجيش فضيتوا فيها
سماح : شنو يا اﻻي مايندريش عمر واﻻ كيف
خ وداد : يندري يندري غير يتمهتك
عمر : وحق ربي مانندري شهادة بالله كنت محبوس خمسة ايام .. كيف اديرو حاجة زي هادي من وراي عيل ؟؟ واﻻ ماعنديش راي ف الموضوع واﻻ طرف لوحة مرفدين بيها الباب
خ وداد : بش قتلك وقت اتصلت بيا وانت محبوس او
عمر : تي امتا كله كله قتلك اني محبوس بس وطب عليا الظابط
خ وداد : يانااااس قولولي كيف اندير ف هالولد… بيشيبني راهو بيشيبنييييي
سماح : هدي اعصابك ياﻻي
نازك : ياعمر بش قلت ل خو ليال في وقت الرؤية الشرعية انك تبي الفضانية بعد غدوة ؟؟
عمر : تي كنت … كنت …
خ وداد مع تفنيضة باهية : كنت شنو
عمر : شي شي عيلة دردنو حولو عليا تره جبتوهالي صفار كرهتونا في الزواج عاللي يبو يتزوجوا عالمتزوجين … بريلهم اليوم يمى وقوليلهم ماصارش وبنتكم عندكم

خ وداد تصفق : اهو العرعوري بيبدا هي اهو العار والرزية هي
عمر : تي عار شنو فاضيين من وراي وتبيني نسكت
خ وداد : مازال اتقول من وراي انوريك انت بلسانك طلبت موعد فضانية وفوق من هكي قتلك وقت كنت ف الحبس وبتاخدها البنت ماتحشمنيش مع المرا
عمر : به تو نمشيلهم انا ونقولهم بنتكم عندكم
خ وداد : تمشي والله لطياح سعدك ومزالك
عمر : بنمشيلهم خلي يعرفوا ان الفضانية صارت من وراي
خ وداد : والله كان مشيت ﻻ ولدي وﻻ نعرفك ياعمر
طلع عمر مغتاض كالعادة
نازك : تعال ياعمر وين ماشي
خ وداد : خليه ينتلف

طلع عمر وسكر الباب وجاته دوخة طاح طول وعرض
وشارع فاضي … وفاضي الشارع …
ديما لما اتصيرلك حاجة الناس تختفي فجأة….بعد شوي فاق واتكى على سور حيطهم ..
النهار المبارك حتى دخت ماحد قامني .. ماحد شافني ! صفصف الشارع على وجهي .. محظوظ ولكن قتلني الحب بالله منين جاني الحظ يالوزة مفروض تعيس وقتلني الحب …. استغفر الله الحمدلله على كل حال

خدي مفاتيحه عموري وركب سيارته وطلع دعس عالشوارع ماعارف وين يمشي
معقولة هكي فضانية وانا مانندريش باهي كيف ندير انا … نمشي نكلم البنت نقولها ارفضي به وكيف ابترفض وهيا وافقت من اﻻول خوتها ياكلوها ماكلة …ياربي كيف اندير؟؟ تي اتملح شن دخلي فيها خوتها ياكلوها خلي ياكلوها …المشكلة مش اهنا المشكلة لو اتقول لخوتها قالي افسخي ويجوني بربطة المعلم …
ﻻ اله اﻻ الله زواج بالسيف ربي يسامحك يمى ربي يسامحك خلي نمشي للبحر نشم هواء …
وطلع على سرعة قوية وهوا متكنطي …
وخش حادث في شخص سيارة مظلمة
نزل عمر من سيارته بيشوف الضرر لصاحب السيارة …
وصاحب سيارة معش فتح الباب
عمر انخلع … قرب منها بشوي
وواضح التوتر على وجهه
فتح باب السيارة ويلقى الشخص متكي عالدومان
هزه عمر : ياشاب … ياشاب … وقامله راسه
اياد : هههههههههه خلعتك واﻻه هههه
(اياد بطل رواية همس العيون علم للي مش قاريها قبل)
عمر : وحق ربي ماناقص
اياد : هههه احمد موﻻك جت الخبطة ف سيارتي كام حد تاني راه كﻻك ماكلة
عمر : استعفر الله ياربي ….باهي بارك الله فيك
اياد : خيرك مش على بعضك
عمر : تاعب … تاعب هلبا
اياد : ايه واضح من وجهك احمر شن فيه
عمر : خليها في القلب وخﻻص… اي خدمة تصليح حاجة خلي ناخدهالك للورشة
اياد : تي برا بﻻ جو زايد
عمر : والله بجديات
اياد : اﻻمور طيبة مادور شي
عمر : منور خوي اياد
اياد : واضح عليك متكنطي
عمر : اهو ماشي البحر نشم
اياد : هيا نسايرك واﻻ تبي تقعد بروحك
عمر : ﻻﻻ عادي تعال
اياد : برا هي اهو وراك انا …
عمر : تمام …
بعد شوي درسوا في سيمافرو وجوا جنب بعض
عمر : اي حق بنسئلك
اياد : اسئل يابرو
عمر : خيرك هداك النهار حسيتك مفركس وجوك مش عاجبني لما تﻻقينا بالصدفة
اياد : خليها ف سرك ياعمر …
وانفتحت اﻻشارة الضوئية اخضر ومشي عمر وسرح اياد … يدكر في ايام تعرضلها ( ركزوا اياد سارح ويدكر شن صارله )
ساعة 4 عصرآ
صﻻح : هيا نوض اياد عطانا وائل موقع الخلية
اياد : والله ماعندي خلوق في المشي ظهري يوجع
صﻻح : تي نوض
اياد : تو منو الظابط هي انا واﻻ انت صﻻح : عارف انك الظابط لكن انا تعودت عليك واﻻ توا بعد ماتجوزت معش تبي تنزل عمل ميداني.. المرا موصياتك ايه ايه عﻻش ﻻ رد بالك ع روحك دودي خليك ف المكتب دودي ماتمشيش اداهم ع حد دودي
اياد : خﻻص خﻻص يابلي يادراه الكبد يا شن بيقول فمي عليك
صﻻح : نوض هي
اياد : باهي اهو نايض … وين وائل
صﻻح : امه مريضة عطاني معلومات وطلع
طلع اياد و صﻻح … وركبوا سيارة العمل ..معاهم ايمن
رن نقال اياد … نزل من السيارة و رد
نقال اياد يرن
اياد : اه بيبي
نورس: اهلين حبوبي …امم حبيبي راك تنسى طلعتنا العشية بندهوروا
اياد : عندي عمل سنفورتي
نورس : ﻻ بيبي عاد … انت وعدتني امس واﻻ تبيني نزعل
اياد : كله اﻻ زعلك باهي يستر الله كان كملت بكري انجيك
نورس : به حتى بعد المغرب عادي
اياد : به خﻻص ان شاء الله حبيبي يﻻ سﻻم
نورس : اممموه سﻻم
صﻻح : تي هيا ياودي بﻻ غراميات
اياد : سد حلقك وانت ديما لكلولوك مابعدها اختي انحس فيها
راسها منفوخ
صﻻح : ههههههه شكتلك اماﻻ
اياد : اكيد ﻻ .. وين الخلية ؟؟
صﻻح : ف منطقة كدا …
اياد : يستر الله
بعد شوي وصلوا للمكان
اياد : المكان شبه فاضي
صﻻح : ايه
اياد : خلية شنو هيا ؟؟
صﻻح : خلية تخطف في الشباب وتطلب عليهم مبلغ فلوس لو ماوصلهمش يقتلوه
اياد : وعﻻش ماقلتش من اﻻول و شن جايين احنا اربعة نفار بس وبعدين مش تخصصنا الشي هدا صﻻح : قلت انا
اياد : ارجع ارجع …
صﻻح : تي كيف نرجعوا فات فينا وصلنا خيرك وليت هكي قلبك رهيف وين اياد اللي يقتحم المكان حتى وهوا بروحه
اياد : مش مطمن للموضوع حاس حاحة بتصير .. ارجع
صﻻح : اححح به هي
(طلق رصاص كثيف )
اياد : هي باهي هكي اهو فاقولنا هي انزل انت وياه ادبسنا فيها
اياد : وراك ياصﻻح …
احمد : فتحي انصاب يا ظابط اياد ..
اياد : خوده لسيارة صﻻح تعال معاي ايمن استنى احمد ولفوا من الجهة التانية …
ايمن : تمام
صﻻح : غطيني اياد …
اياد : غير اصبر اصبر فيه قناص فوق صﻻح : تعال تعال اياد عالجيهة هادي متقية
اياد : ضربت زوز كم مزال فيه
صﻻح :مش عارف …
اياد : ار بي جيي ار بي جي حولوووو
ايمن : ماقدرتش انقدم يا صﻻح
صﻻح : خليك ف مكانك يا ايمن وكلم حد من المقر ايجي …
اياد : قدم قدم ياصﻻح كان بنقعدوا اهنا بيضربونا تاني ب اﻻربي جي ..
صﻻح :باهي باه ايمن واحمد خليكم من جيهة تانية ..
صﻻح : هدا واحد وضربته مازالو اربعة يا اياد …
اياد : اقتحام …
واقتحموا هما اﻻربعة المكان …
ايمن : ضابط اياد فتحي اتصاوب في بطنه
اياد حطه ف تركينة وخليك معاه تو نركب انا وصﻻح فوق …. هيا صﻻح …
ايمن : واحد هرب يا صﻻح
صﻻح : حاولت تلحقه
ايمن : حاولت لكن هرب..
بعد شوي من اطﻻق الرصاص
صﻻح : مازال هدا الدراه اهوه جابهالي صفار
اياد : ارمي سﻻحك وسلم نفسك
الشخص : مش حيخلوك فحالك عاللي درته
اياد : ارمي سﻻحك …
صﻻح : تي اضربه من جيهتك يا اياد . .
وضربه اياد وجاته رصاصة فبطنه وطاح
قرب منه اياد لكن الشخص مازال ماماتش خدي سﻻحه وبيضرب اياد فطلق عليه اياد رصاصة في راسه ..
تمت الدوشة هادي كلها وجت اﻻسعاف ورجع اياد وصﻻح وايمن للمقر …
اياد : الله ﻻ تربحك ياوائل
صﻻح : باهي الحمدلله طلعنا منها
اياد : باهي الحمدلله … خلي انروح ساعة 6 قريب المغرب .. هي سﻻمات
صﻻح : سﻻمات
روح اياد وسيارة اتبع فيه ومانتبهالهاش
ووصل للحوش …
اياد : نورستي … عيوني
نورس جت تجري تجري تجري وخشت فحضن اياد وقتله : حبيبي من بكري نستنى فيك غير امتى اتروح ..فبعدك ضاقت عليا انفاسي تشطشط لهيب احساسي
اياد : فبعدك روحي فارقتني حسيت بعبرة خانقتني العين ماتصبر بﻻك يلي خدودك اتقول نتشة تفاح امممموه
نورس : هههههه نتشة تفاح هههه والله استحشتك من الصبح وانت في العمل
اياد : وانا استحشتك اكثر ياعيوني
يﻻ خلي ناخد دوش و نصلي العصر و نستنوا المغرب وبعدين نطلعوا عازمك اليوم عشاء في مطعم كيف فتح جديد
نورس : بجددددد ؟
اياد : اي وقبلها نمشوا لمحل نبي ناخدلك الفستان اللي خاطرك فيه
نورس : يارررروووحي انت …
وشاف اموره اياد وبعد صﻻة المغرب طلعوا …
وسيارة تلحق فيهم واياد مافاقلهاش …
نورس : الله الجو ايهبل اليوم
اياد : اكيد ﻻن انتي فيه ..
نورس : دودي نسيت ناخد حبة المضاد
اياد : عﻻش شن عندك
نورس : حسها زكمة … معليشي حبيبي وقف ع محل خودلي اميا
اياد : من عيوني
نورس : وشوكﻻتة امممم وفروتة ومكسرات بش ندلعوا بيهم في الليل
اياد : ياحليلي من الدلع واللي بيدلع هيا نروحوا مش ﻻزم نمشوا نتعشوا نورس : ههههه عييينك نمشوا نتفسحوا بعدين محل بعدين عشاء وبعدين نروحوا موتيتلك مفجاة في الحوش
اياد : شنو هيا
نورس : ﻻﻻ مش حنقول
اياد : امممم به تواني هي ونجيك
نورس شداته من مرفقه وقتله : انحبك
اياد : نموت فيك ياعسل …
نزل اياد للمحل
ودرست سيارة عالية نزل منها شخص وركب ف سيارة اياد وعطاها الشياط ووراه السيارة العالية
طلع اياد من المحل ومالقاش سيارته قعد ايلود زي المهبول … جاه طفل صغيرون قاله : عمي عمي راهو خنبولك ثيارتك ريته واحد تويل خنبها
اياد يرعش : به به والمرا ماريتش مرا وينها
الطفل : حدوها معاهم
اياد طاحت منه الكيسة وصيح بصوت عالي : نوووووووووووورس

عمر : ها ايادووو من وصلنا البحر وانت قاعد ف سيارتك وساكت …
اياد انخلع من صوت عمر وقاله : اه سرحت بس ا شن بنقولك انا غمتلي توا … ان شاء الله تو نتﻻقوا غدوة فنفس المكان في الليل هكي
عمر : تي غير خيرك ياراجل كل مانسئلك شن فيه تتصفر وتتخضر
اياد : مستعجل بس تو نتﻻقوا غدوة ان شاء الله هي سﻻم سﻻم
عمر : سﻻم …
وخر اياد ومشي جري لين دار غبرة وراه

كيف بندير ياربي في هالعملة السودة فضانية وانا ماهناش … حيه تقريبا امي ماقالتش لناس ان عمر فيه السكر … والله صح تقريبا ماقتلههمش ههههههه الحمد لله ربما ضارة نافعة … تو بمجرد ماتسمع فيها السكر والعسل تو تقول لخوتها مانبيشي ^^ كيف بنوصلها الكﻻم .. نمشيلها غادي … اي اي خلي نمشيلها نعسكر فشارعهم اكيدة اقريب اتروح
واع سيارته عموري ومشي طبق لجيهة حوش ليال …
ويستنى ويستنى فجاة طلع خوها محمد خاطم وعمر من التعب رقد
محمد : عمررررر
{يعطيك طررر خلعتنا النهار المبارك}
عمر : اهلين محمد
محمد: اهلين بيك شن اﻻخبار
عمر : الحمدلله شن اموركم
محمد : ﻻ بخير كويسين مبارك عليك
عمر : على شنو
محمد : o_O
عمر : ايه ايه الله يبارك فيك
جاهم خوه التاني فايز : اووو عمررر
عاش من شافك ياراجل
{اسمي عمر عﻻش اتشدو على حرف الراء عمررررر زي الشﻻفطية }
عمر : اتعيش وتشوف
محمد : اماﻻ لمن جاي اهنا تعرف حد اهنا
عمر : ﻻ كنت خاطم غير السيارة دارتها فيا ومابتش تشتغل
محمد : تره وريني
عمر : ﻻﻻ تو نشغلها مشكور
فايز : ﻻ عاد كيف انسيبنا نخلوه هكي
محمد : نادي عتمان نادي
فايز : ياعتماااااون عتماااااااااااون
{عتماااون سبحان الله شوره حظي زينقو غيلة شﻻفطية حسهم}
محمد : عثمان ميكنيكي تو يشوفلك عطل سيارتك
عمر : مافيش داعي ناتعبوش روجكم
محمد : ﻻاااا اضروري نصلحوهالك
عمر : ياودي ماﻻخير مش عاطلة ناعسني النوم ورقدت ف سيارة كنت خلطم من اهنا
محمد : اماﻻ انزل اشرب قهوة
{لصقة النهار اﻻحرف لصقة }
عمر : مشكورين قهوتكم حلوة وانا فيا السكر
محمد : ههههههههه
فايز : هههههه والله جوك مليح يابو النسيب
عمر : الحق فيا السكر وامي نست اتقوللكم معليشي اسئل اختك هل توافق واﻻ ﻻ
محمد : المرض هدا على كل حد معليشي الشعب الليبي كله يامضغوط ياراقي عليه السكر
{حظ ياربي حظ}
عمر : زيد اسئلها مانبيش نظلمها معاي
محمد : امشي يافايز اسئلها وتعال
فايز : به
{سحيقة ان شاء الله هيا في الحوش وانا من بكري ملطوع تستنى … ان شاء الله ترفض ياربي ان شاء الله اتقول ﻻ }
طلع فايز ووجه عﻻمات اﻻسف
{هاه وجهه معكرش شوره قالتله ﻻ الحمد لله ياربي حسها قتله مانبيش}
قرب منهم فايز وهز راسه وقاله : معليشي الدنيا قسمة ونصيب
فرح عمر اقريب رقص على راس الشارع
كمل دوته فايز وقال : الدنيا قسمة ونصيب ههههه واختي من قسمك ونصيبك قالت : هادي حاجة من عند ربي والحمدلله على كل حال خلعتك واﻻه تحسابها رفضت
{دمك واﻻ طبيخة فاصولياء ؟؟}
اتكطكط عمر وقالهم :به كويس هي نستادن عندي عمل … سﻻم
محمد و فايز : سﻻم

ياودي الباين بندبس فيك ياليال زواج تقليدي اجباري … لكن ﻻﻻ ماتستسلمش ياعمر مازال عندي فرصة … ومزال فيه حل … حندور رقمها و نكلمها ونغبنها لين اتقول بنفسخ معش نبيك … لي فكرة والله … خلي نتصل ب نازك وتو اتجيبلي الرقم ….
عمر : اه نازك
نازك : اهلين خيرك طلعت امبكري تجري
عمر : من الهم … اسمعي بري كلمي ام ليال ديري روحك بتهدرزي بعدين قوليلها نبي ليال … المهم خودي منها الرقم
نازك : اوووو ناس بتتعرف
عمر : نتعرف عينك ياحولة ناقصني غير اخت الجيش بسم الله العظيم يخلعوا
نازك : هههههه باهي خﻻص تو نكلمهم
عمر : ماتعطليش وماتقوليش ل امي هي نستنى فيك …
نازك : تمام
وخر الكرسي عمر وغفى من التعب
وحلم حلمة غريبة عجيبة حلم انه في المحل يشري ل ليال ف عبايات و عاهملها وليال خدت احﻻهم ولبساته
فاق عمر على صوت نقاله … نازك تتصل
عمر : ها شن صار
نازك : سجل هي
عمر : شورها ماصدقت هاتي هي
نازك : **09278144 كتبته ؟؟
عمر : ايه
نازك : مش مﻻحظ حاجة
عمر : شنو
نازك : الرقم فيه مواليدك
عمر : ﻻ مواليدي وﻻ واحدة … اسمعي واحد صاحب حلم ب واحدة شاريلها عبايات ولبست واحدة منهم شن معناها
نازك : العبايات في الحلم معناها رجالة و بما ان صاحبك عطاها عباية معناها زواج او هو بيتزوجها الله اعلم
عمر : سكري سكري سلم وخيتي خلي نتصل بيها
نازك : هههه به سﻻم …
ونقل عمر الرقم واتصل بيها
عمر : السلام عليكم
ليال : وعليكم السلام

يتبع………..

لقراءة الجزء التالي : الجزء الثالث عشر من رواية محظوظ ولكن

لقراءة الجزء السابق : الجزء الحادي عشر من رواية محظوظ ولكن

للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة

جميع الحقوق محفوظة للكاتبة لوزة .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى