وفي الجزء الثاني من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الثاني من رواية عديم الضمير
وسام طلع من الغرفة وخدي مفاتيح وطلع وهو متاكد انها مش رح تتكلم ع للصار
رحمه ع الارض تبكي جبدت الهاتف شافت الساعه وناضت غيرت ملابسها المزقات
الهاتف لارضي من الصاله ترررررن تررن 
رحمه مسحت دموعها وغيرت ملابسها وطلعت
رحمه: احمم الوو
مجدي: عفوا مني؟
رحمه: مني معاي؟
مجدي: مني انتي؟ وين سماح؟
رحمه عرفت صوته: اهاا عمي مجدي اني رحمه بايته عند خالتي
مجدي: اهاا انست يارحمه اا بنقولك اعطي علم لـ خالتك غضوا راجع
رحمه: حاظر هي ف العرس توا
مجدي: عرس الجيران صح؟
رحمه: اي صح
مجدي: باهي بنتي تصبحي ع خير
رحمه: وانت من اهل الخير عمي مجدي توصل بسلامه يارب
مجدي: الله يسلمك سلام … وصكر الخط
رحمه قعمزت ف الصالة ودموعها ينزلو وافكرها متشتاته بكت وبعدين فكرت انه خالتها ممكن تخش علها ناضت بسرعه لـ غرفت الضيوف بكت بكت وسلمت امرها لـ ربي سمعت صوت الباب بسرعه تغطت كويس وغمضت عيونها سماح فتحت باب شافت رحمه ركبت غيرت ملابسها ونزلت رقدت مع رحمه ف غرفت الضيوف
تاني يوم
رحمه متشتاته بكت وماغمضتلها عين 
وسام رجع للحوش ساعه سته رحمه حست انه رجع
الساعه تسعه فاقت سماح
رحمه فاقت ورها ودخلت الحمام (حشاكم) عشان تغسل وجها
رحمه: صبااح خير
سماح تجهز ف قهوة: صباح الوردات رقدتي كويس عندي؟
رحمه قعمزت ع كرسي المطبخ: رجلك استاحشك اتصل امبارح راجع اليوم 
سماح: رحمه خالتك تحشمي
رحمه: سماح حارتنا ضيقه ونعرفو بعض اسكتي خير… شافت القهوة
سماح قعمزت
رحمه: من امتى تحبي القهوة…. قاطعها وسام
وسام لابس سورية بيج وسروال اسود كويش اسود والعطرر قدامه: صباح الخير قهوتي
سماح: صباح النور جاهزة… صبتله ومدتله
وسام يشرب ف الفنجان بستفزاز واقف: سماح كيف كان العرس
رحمه لبسه كبوس تبها: كيف تنادي مرت بوك سماح؟
وسام: عمرها 38 شن تبيني انديلها عمتي ولا خالتي هي صغيرة
سماح: اني طلبت منه يناديني ب اسمي ، حلوو العرس عقبالك
وسام: تسلمي (بككل وقاحه) ف الاول قلتي بتخطبيلي رحمه
رحمه بكره عيونها ف هاتفها 
سماح تلبكت: الدنيا نصيبات رحمه وقتها تقدملها واحد اسمه مؤيد ورفضت
وسام يشرب ف الفنجان: نبصر كنت اي ماتبي شي من برا
سماح: لا شي
وسام: اوكي نشوفكم بخير سلام… وطلع
سماح: محترم ريتيه
رحمه: اي ريته زي القهره
سماح: تي محترم هدا اكثر منك 
رحمه وقفت بعصبيه …هدااا متحرررم اكثر منييي باهيي شكرا باهي.. وطلعت تبكي
سماح لحقتها: رحممه نبصر ياكلبة خييرك؟
….
ف الملاهي
مرام: جوود ياجوود
جود جها يجري من الدرجيحه: هااا خالتي
مرام: هههههه اسمع تمشي تجيبلي جيلاطي؟
جود: فلوس 
مرام طلعت عشرة: بسرعه تعطلش عليا نتاخرش عليك باهي
جود فايت يجري وبوووم خش ف شخص ع الكروسه: ااااه
عدي صاحب الكروسه: صارلك شي
مرام قربت تتفحص ف جود:جود انت كويس
عدي:اسف اني وخرت بـ لكرسي وخشيت فيه
جود ناض ومشي
مرام انصدمت انه شاب يجنن ع الكروسه ومافيه شي: ولايهمك اهو ناض زي القرد مافيه شي
عدي ضحك ع كلامها: الحمدلله مصارله شي بس
مرام:لالا ف هادي ماتفكرش
عدي ضحك
مرام: انتبه مرة تانيه يلا باي
جود جها والجيلاطي ف ايده: خالتي هدا زيلاتي
عدي ضحك
مرام:علاش خديت بها العشرة كلها اني قلت طرررف بس
جود:لـ خوتي حتى هما
مرام: شن ملا ناخد ف الدولار تحسابني اني بناخدهم كلهم ماتقولش عليهم لـ خوتك
جود:باه
عدي يضحك وخلاص
جود شافله:عمي خيرك تضحك من بكري؟
مرام ابتسمت: مصحح وجهك ياجود اعتذر منه
جود :اني طحت ياخالتي هو يعتذر
:اني طحت ياخالتي هو يعتذرمرام تحشمت طربقاته عنفقه ع رقبته
عدي ضحك ع الحركه
هشام قربلهم.عدي يلا
عدي ابتسم: يلا سلام صحتين
جود يلحس ف الجيلاطي:باي
عدي بدي يدف بـ الكرسي
.
.
.
سماح لحقتها:رحمه خييرك اضيقتي ياشينه؟
رحمه تبكي: هدا تقرنيه بيا معقولا !!!
سماح:ليش الزعل من امتى تزعلي !!!
رحمه مسحت دموعها
طق طق طق ونفتح الباب
مجدي مبتسم ويكر ف شنطتها:ياعيلة
سماح ابتسمت قربت:اهلين نورت
مجدي:منور بوجودك سموحه كيفك
سماح:بخيرالحمدلله الحمدلله ع السلامه
مجدي:الله يسلمك
سماح خدت الشنطه عليه
رحمه لبسة وشاحها:الحمدلله ع سلامتك عمي
مجدي سلم علها:الله يسلمك كيف حالك بنت؟
رحمه:الحمدلله بخير 
مجدي قعمز: اااه وين وسام؟
سماح:طلع كاشي للمزرعه اكيد
مجدي:شن رايك بيما انه بنت اختك عندنا نمشو نتغدو ف المزرعه
سماح:وللهي ياريت كلينا من الحوش
رحمه: اني بنروح ياعمي صحيت
مجدي:مافيش مرواح تتغدي معانا و نوروك مزرعتنا وبعدين نوصلوك ع طريقنا
رحمه تحشمت بما انه اول طلب منه وكان شخص طيب 
مجدي: اني راااقد طول اليوم يلا نمشو للمزرعه؟
سماح :مزال بكري
مجدي:يلا يلا البسو واطلعو
سماح ابتسمت:تمام
مجدي ناض طلع
لبسو وطلعوو
.
.
.
وسام ف المزرعه يتلامس ف عذاب الحصان متعه اسمه عذاب يجنن
وسام:عذاب انت تعرفني ياصاحبي اني اي سي نديره نكون قاصده صح
عذاب (الحصان) ماد وجها ووسام يتلامس فيه
وسام حس بسيارة خشت تلفتت وشاف بوه رقاله
مجدي نزل:وسااام
وسام:خير !!
مجدي قربله: ليش ماتركب عليه؟
وسام سكتت ويشوفله.موضوعي ماتدخلش
رحمه وسماح خشوو
رحمه:حلوه المزرعه كبييير وواسعه
سماح:رحمه:ردي بالك معبيه كلاااب وفيها راجل غريب هني يحرس فها
رحمه: اممم
وغيرو وطلعوو
سماح لبسة قفطان متع حوش عادي
رحمه كانت لابسه توتة متع قوتشي سوداء لعند الركبه حلوة وكويش ابيض ووشاح اسود
سماح اتجهت جنب مجدي لـ كان مقعمز بروحه
رحمه محبتش تقعد معاهم بدت تتفرج ع المزرعه وتتمشى لعند ما وصلت قدام غرفة وفجآة طلع وسام منها وف ايده سلاح مقرون
وسام شافها وف ايده المقرون:اهلا
رحمه قلبت وجها: يعليك دراه …تلفتت بتمشي سمعت طلقه طلعت من المقرون وقفت تلفتت شافت طير طاح من السمي ووسام كان مصوب عليه
وسام شاف الحارس:امشي جيب الطير وعطيه للكلاب
رحمه:حرااام عليييك قتلته مش حرررام الطير
وسام عطيها بضهره وقنص بـ المقرون: شنو ولدك؟
رحمه: مبردك
وسام تلفتت:لم لمستيني كنت بارد؟
رحمه وجها نحمر مشت وسيباته
وسام خدي المقرون وطلع برا
رحمه شافت كرسي خشب تصميمه حلو قعمزت وطلعت هاتفها
وسام خش للغرفة دخل المقرون وطلع فاس وبدي يكسر ف الحطب لـ برا
رحمه تشوفله عضلاته بترزات ع سوريته وواقف وطوله 
وسام شاف الحارس:تعلى جمع الحطب وولع نار وجيب طنجرة
الحرس مشي جاب طنجره:تفضل استاد
رحمه متحملتش كلمة استاد ضحكت
وسام والحارس يشفولها
وسام ف ايده حطب حدفهم ع الارض بعصبيه وبصوت يخوف:يااااسر
رحمه خافت وسكتت وقف وقربتلهم:قالك استاد شي يضحك نحس ف روحي ف مدرسة للاغبياء
وسام:والمدرسة هادي حضرتك موجوده فها!!
رحمه 
؛ شن تحس انت
؛ شن تحس انتوسام شاف الحارس:امشي انت للحوشك وارجع ساعه عشره ف اليل
الحارس طلع
رحمه:جاووب ليش تجاهلت سؤالي
وسام تجاهلها ويجمع ف الحطب ع النار
رحمه كانت نااار داخلها وتبي تعصبه: تعرف انك تقرررف مقززز انت
وسام تعصب وهو مطبس ع النار ويجمع ف حطب لها وساكت
رحمه: لكن ياروحي ع بوك شكله راجل طيب هلباا مش عارف كيف ولده انت
وسام وقف:ولد حرام مش ولده اني اقلبي وجهك من هني
رحمه: حشاها امك اني ماقصديش هكي اني نحكي ع الضمير لعندك ياميييت
وسام قعمز جنب النار وعاطي لـ رحمه بضهره ومتعصببب وكان يمتل انه متجاهل وقوي لكن الكلام كان
رحمه ربعت ايدها: اني مش رح انديك بـ اسمك بناديك حشاش او الفاسد ياسكير
وسام كان مقعمز جنب النار وعطيها بضهره قام جمره من النار شدها ف ايده وضغط علها
رحمه ايدها ع كثف وسام وتتكلم بكره: صدقني طول مافيا نبض ف قلبي رح ندعي عليك ف كل صلاتي وهدا وعد ياقليل الشرف
وسام وقف بعصبيه وتلفتت: اني لمسك اي لكن مصار شي بيني وبينك رسمي تقدري تتزوجي من شادك
رحمه ساكت وحايفه كان زي الوحش
وسام ضاغط ع الجمره ف ايده: ماتستنيش مني نعتذر اني وسام مانعتذرش لـ ولااا شخص ومهما كان
رحمه من الخوف جت عينها ع شي ف ايده وكان ضاغط عليه ركزززت اكثر وشافت اجمرة 
رحمه شفتله:مفكرة انه الجمرة لـ في ايدك بتريحك بلعكس كل ماتشوف الحرقه متع الجمرة رح تدكر اليوم هدا
وسام حدف الجمرة ع النار
ترررن ترررن
وسام طلع هاتفه:ايووه
عدي:وينك ياحبي
وسام:وينك انت؟
رحمه مشت لكن انتبهت انه وسام شد ايدها
وسام نزل الهاتف:استني
عدي:تعلا حني ف الشقه
وسام:تمام جاي…وصكر الخط
رحمه شدت ايد وسام وعضاته بقوة وكرررره ومشت
وسام يشوف ف ايده المعضوضه بقوة وطلع
مجدي شاف وسام:وين
وسام:مش موضوعك…وطلع
رحمه 
:كيف يكلم بوه هكي
:كيف يكلم بوه هكيسماح؛اششش
مجدي: يرقد معاك ف الحوش؟
سماح:اي
رحمه فهمت انه وسام مايرقدش ف حوش بوه الا لم يكون بوه مسافر عشان يقعد مع سماح
ودارو مكرونة ع الحطب وتغدوو
.
.
.
عدي مقعمز:اليوم استلمت الصور لـ صفوان وجمعته
وسام: وين الصور
عدي ناض جاب لصور:هادم
وسام جت عينه ع كرسي المتحرك:كروسة مني؟
عدي:اني اليوم شفت الشاب متع الصور واستلمتهم ف الملاهي عشان مايشك فيا حد
وسام:كنت ع الكروسه؟
عدي:اي والمرة الجايه ف مقاطع فيديو لـ صفوان وجمعته وطبعاا بنمشي بـ لكروسه
وسام يشوف الصور
عدي شاف ايده:ايدك؟
وسام صكر ايده:موضوع بسيط مدورش
عدي:المهم الشب قالي مايقدرش يعطيني السيديهات متع صفوان وجمعته واجلها لعند يوم الجمعه الجايه
وسام:حني موضوعنا مش متحمل الانتظار المشكله
عدي:حاولت معاه بلفلوس مقدرش وبنتلاقو يوم الجمعه ف الملاهي نفسها
هشام: اي وفي الملاهي عمك عدي غرق ف الحب
عدي شافله:بلا سماطه هشام مش اي بنت تكلمني معنها تحبني ونحبها
هشام:ياوسام البنت تبتسم وعدي يضحكلها وجوو
وسام تركيزه ف الصور وبس
عدي:دمها خفيف البنت ونضحك ع عفويتها بس بلله اسكت انت اسكت
هشام:بينا الايام ونشوفو
عدي:نشالله تنعمى ومعاد تشوف شي
هشام ضحك
عدي نزل راسه:البنت اكيد فكرت فيا معاق
وسام وقف:مية مية لم يوصلوكم السيدهات تكلموني لانه خوفنا انه صفوان يوزع البضعه ف المدينه
عدي وقف:باذن الله مش رح يتمكن من توزيع السم ف مدينتنا ولـ شبابنا
وسام:نشوفكم بخير…وطلع
عدي ضرب المكتبه لـ قدامه بعصبيه:لو يوزع صفوان المخدرات لـ الشباب الصغااار نقتتتله…وشاف هشام
هشام: بعون الله رح يعلق بين ايدينا
عدي شاف السقف:يااارب خليك معنا لو يوزع المخدرات ف المدينه شبابنا يضيعو …وطلع متعصببب
.
.
.
رحمه سيبت سماح ومجدي يتغدو بدت تتمشى شافت زوزخيول قربت
وسام خش وسيب سيارته برا خش للمزرعه وكانت عنده غرفة خش للغرفة فتح الدرج وحط الصور ف الدرج رحمه شفاته حط الصور ف الدرج وطلع ويسمع ف رحمه قرب وراى المزرعه شافها مع حصانه قرب بدون صوت
رحمه تتلامس ف الحصان:انتم اكيد انثى وذكر اني نحب الاحصنه شن رايكم نسميكم
وسام:الذكر عذاب والانثى مينا
رحمه نفجعت:سملله،شن الاسماء هادي متعرفش تسمي انت مينا حلو بس عذاب ليش؟
وسام:وشن تبي تسميه حظرتك
رحمه: الذكر ماكس والانثى مينا
وسام بعددد يتراجع بخطواته للخلف
رحمه استغربت ليش يتراجع بخطواته للخلف
وسام بعد صفر بقوة:عذذذاب تعلا
الحصان فات يجري تجاه وسام وبسبب رحمه كانت قدامه عفس ع رجلها
رحمه عيطت وطاحت ع الارض تعيط:اااااااااه رجلللللي 
وسام قرب:شفته لم عفس ع رجلك عفس ع حافت رجلك بس جاتك بسيطه اوقفي
رحمه شلحت الكويش بوجع وحولت الجوارب تشوف ف رجلها الحمرا :شوووف رجلي شن تقول بسيطه هادي بسيطه…ودموعها ينزلو
وسام وهو طالع:دلاع مافيها شي تمشي علاها…وطلع
رحمه شفاته طلع لبسة جوربها وكويشها وتمشت لعند داخل جت عينها ع غرفت وسام وجها فضول تشوف الصور من قريب فتحت الدرج وشافت صفوان
رحمه تشوف ف الصور
تصكر باب الغرفة بقوة
رحمه برعب تلفتت
وسام متعصب:حسيت انك شفتيني.وسحب الصور من ايدها بعنف
وسام بعصبية صوت حاد وواطي:ليش تدخلي ع خصوصياتي
رحمه تلبكت:اني اني ا….قاطعها
وسام:لو نسمع انك حاكيه لـ شخص ع الصور تموت وصدقيني لو يعرف شخص غيرك بيهم نقتلك فاهما واني وسام ونديرها وكلامي يتبتلك الشي هدا
رحمه تلبكتت وخافت:اسفه اني…وقربت فتحت الباب وطلعت وطلعت برا
رحمه:سماح اني بنروح بنتصل بـ هشام
مجدي:خليك نرجع انا
رحمه:شكراا…وطلعت هاتفها واتصلت..وشافت وسام طلع قدامها ومتعصب
سماح:وسام تشرب شاهي؟
وسام طالع:صحتين..وطلع
تتبع 
لقراءة الجزء التالي : الجزء الثالث من رواية عديم الضمير
لقراءة الجزء السابق : الجزء الأول من رواية عديم الضمير
للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
