الجزء

الجزء الحادي عشر من رواية زوجة المغترب

الجزء الحادي عشر من رواية زوجة المغترب

وفي الجزء الحادي عشر من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.

الجزء الحادي عشر من رواية زوجة المغترب

قاعده في الارض.. وانا بتذكر بدايتي مع وائل ..
كيف كنا صغار وبنلعب سوا بكل براءه💛 وكيف بعداك عرسنناا وكنت كارهاوو اول ايام .. لدرجه كنت ماشه اشكيوو مع مزمل💔 تاني جاء في بالي مواقفوو البطوليه معاي.. وكيف غصباا عني حببني فيوو💛 .. ليه كده؟؟ بعد حبيتوو واتعلقت بيوو نتفرق؟ ..استغفر الله العظيم..
لو بحبوو بالجد مفروض اسعدوو.. وسعادتوو في البيبي دا💛
قمت على حيلي واتذكرت شوق!
مشيت على موبايلي ودقيت عليها.. جرس جرسين بعدين ردت..
ممكن افهم دا شنوو العملتيوو دا يا شوق؟؟
قالت لي عملت شنو؟؟ وريتو تهورك.. انا يا رغد خايفه عليك .. انا عملت كده عشانك..
يمكن في الاول كنت ماشه معاك في غلطك💔 بس لمن غمرتي قدامنا .. وحسيت اني بالجد ماشه اخسرك.. وريتوو عشان يلحقكك.. وبدت تبكي..
قلت ليها لكن يا شوق 💔
قالت لي ما لكن يا رغد .. انا م عندي استعداد اخسرك بعد خسرت امي .. انا م عارفه كنت موافقه على الموضوع دا كيف من الاول؟؟
قلت ليها بعد اخدت نفس .. وحسي انتي فاكره في شي ح يتغير؟؟ وائل ما ح يقدر يعمل شي غير يكتئب.. يعصب .. يزعل.. ما ح يقدر يعمل شيي..
ما قالت شئ غير انها واصلت بكا💔
……………….
فطومه جاتني وقالت لي مزمل مزمل ارح معانا ..
قلت ليها وين؟؟ وانتي ومنو؟؟
قالت لي انا وتقى .. ماشين المول نجيب شويه حاجات للبيت..
قلت ليها تعبان والله .. قالت لي كويس بنمشي برانا ..
ورغم اني تعبان بجد لاني يدوب جاي من الشغل بسس قلت ليها خلاص خلاص بسوقكم..
فرحت ومشت قدامي تكلم تقى..
مشينا وطول التسوق.. كانت بترسلناا انا وتقى نجيب حاجه سوا.. نظام تخلي لينا مساحه نتكلم فيها براناا..
كنت فاهمها.. بس ال هي ما عارفاه.. انو قلبي مليان حد الامتلاء ب رغد.. و شايفهاا هي بس رغم زحمه البنات في حياتي..
مرات الحياه بتكون م عادله .. بتحببك في زول يكون بالنسبه ليك مستحيل! .. وتجرححك بأنو يبقا ل غيرك..
وائل حبوو ل رغد يمكن ولا ربع حبي ليها .. انا لو علي اشيلها في عيوني .. بس هي تبقى لي💔
……………………
وانا مبركن عربيتي في الشارع.. دخلت قوقل وعملت بحث عن حاله رغد.. لقيت انو نسبه النجاه فيهاا ١٠ -١٥ % .. اخدت نفس عميق وواصلت قرايه..
غالبااا في حالتهاا دي الولاده بتكون مبكره.. وبتكون قيصيري..
و و و .. قريت كم مقال ..
كلهم ادوني شويهه امل انو ممكن تعيش💛

وبالرغم من كده ختيت احتمال اني ممكن افقدها 💔 …ومن ضمن الحاجات القريتها قبل كده في حياتي.. مقوله بتقول..
“اذا أمكنك زرع ابتسامه..لشخص يلفظ انفاسه الاخيرة.. فلا تبخل💛
ما بالكم لمن يكون الزول دا اقرب زول لي؟؟
قررت اني امشي بيهاا.. اني املى ايامهاا الاخيره كلها فرح وسعاده.. ما اخليها تبكي فيها.. كفايه البكتوو من يوم اتزوجتني..
اول ما رجعت البيت .. بدلت ملامحي كلها قدام الباب.. واخدت نفس عميقق.. وفتحت دخلت..
لقيتها قاعده في الكنبه بتحضر في التلفزيون..ولمن شافتني وقفت على حيلها..
قلت ليها بتحضري في شنو؟ قالت لي بحيره كده فيلم ..
قلت ليها بتعاااد يوم تاني .. حسي كدي اجهزي..
ماشين وين؟؟
مفاجأه اجهززي سريعع ..
……………………
اول ما جاء داخل .. اتوقعتوو يكمل نقاش قبيل .. ف وقفت واتهيأت نفسياااا اني ارد عليوو..
بس اتحيرت فيوو لمن لقيتوو عادي جدا .. لا ورايق كمان وبقول لي بتحضري في شنو؟؟
وائل فيو طبع غريب.. انو مهما كان مضايق وجايط .. م بطول
بطلع واول ما يرجع.. بجيك بشوش وزول تقدري تتفاهمي معاو .. والصفه دي رغم انهاا غريبه بس حلوه💛
اتجهزت ولبست فستان واسع شديد.. عشان بطني كانت كبرت وكده💔 ولفيت حجابي وطلعت..
لمن بقيت قداموو قالي بسحروك💛 ودي اول مره يقول لي كده💛 قلت ليو حصني..
ما كضب حصني فعلا ومسك يدي وطلعنا ..
طلعتناا كانت عباره عن ملاهي.. اي ملاهي بس ما لعبناا.. بعد طلعناا منها لاقناا ولد صغير كده بشحد💔 وائل اداهوو شويه قروش.. بقااا بقول الله يخليك ياخي.. ويحفظ ليك مرتك وولدك دا ويخليهم ليك .. ومشا..
وائل عاين لي مسافه بعدين قال اميين💔
مشيناا من هناك مطعم اتعشينااا ورجعنا البيت ناس نوم بس💔
عدوو شهرين ودخلت السابع.. وتعبي بقا اكتر من الاول ..
لدرجه بقيت ما بقدر انزل سلالم او امشي مسافه طويله شويه 💔
وطبعا كانو مستغربني شدديد.. ابوي ومازن ونجوي وام وائل..
وكتير كانوو بضحكوو فيني ويقولو لي اول ولاده ليك ومتجرسسه.. امشي ساي م بحصل ليك شي..
في فتره الشهرين ديل.. عشت حياه م كنت بتخيلها💔 حياه وبدون مبالغه زي الاميرات ال كنا بنحضرهم في التلفزيون ونحن صغار💔 وائل ما كان حارمني من اي شي حرفيااا 💛
وبعد دخلت السابع كان طوول اليوم بكون بره البيت.. يمكن بدرب نفسوو على عدم وجودي؟؟
وفي يوم تعبت شديد ودوني المستشفى واتقرر لي ولاده مبكره.. وكالعاده وائل كان ما معانا..لانو بره البيت..
استأذنت الدكتور انو اعمل اتصال .. ودقيت لي وائل..
يمكن تلاته دقايق.. هو بقول الوو الووو الووو وانا ساكته..
اتوقعتو يقفل فيني لأنو الرقم غريب وانا م برد.. بس هو كان مواصل..
بعد سماع صوتو لقيت دموعي بتنزل.. ومع اول شهقه لي قال رغد؟؟
قلت ليوو اول مره اعرف روحك طويله كده.. وفي نص بكيتي ديك ضحكت..
قالي اصلا انا محدش يتوقعني.. ليه داقه من رقم غريب؟؟
قلت ليو ما عارفه اقول ليك شنوو لكن يا وائل انا بحبك شديد .. شديدد اكتر ما تتصور.. ما اتوقعت اني اقولها في ظروف زي كده .. انا اتأخرت والتأخير دا ما فادني في اي شئ .. ياريتني م كابرت وقلت من الاول ..
كان ساكت وبسمع فيني .. ولو ما صوت انفاسوو كنت ح اقول قفل الخط..
لقيت الدكتور بأشر لي بيدوو.. هزيت ليو رأسي وقلت ..
خلي بالك من نفسك حبيبيي.. ومن نجوى وامك واخواني يا وائل..
قاطعني وقال لي رغد انتي وين؟؟
واصلت .. ومن فارس كمان .. ممكن تسميوو فارس يا وائل؟؟؟؟
وبقيت ببكي شدديد لدرجه الدكتور جاء شال مني التلفون وقال للمرضااات هدوهاا وجهزوها للعمليه..

يتبع …….

لقراءة الجزء التالي : الجزء الثاني عشر من رواية زوجة المغترب

لقراءة الجزء السابق : الجزء العاشر من رواية زوجة المغترب

للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء

جميع الحقوق محفوظة للكاتبة بيروحاء .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى