الجزء

الجزء الحادي والعشرون من رواية كنت للروح سقيا

الجزء الحادي والعشرون من رواية كنت للروح سقيا

وفي الجزء الحادي والعشرون من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء الحادي والعشرون من رواية كنت للروح سقيا

لؤي :

طشاش من تاني! ازعاج تاني! جوطه كواريك! بطلبو إسعاف
شويه اسمع عايزين نقاله
انا م قادر افهم حاجه كل الفهمتو انو عملنا حادث بس كيف ومتين وصلنا هنا ما عارف
لؤي : ش ش شهد وين؟
ككوويسه؟؟
ما كان في زول قادر يسمعني كلهم جايطين ما لقيت رد على سؤالي إبدا

بعد ساعات:

شهد ولؤي في غرفه العمليات
أهلهم بره م قادرين يستوعبو حاجه كيف ومتين والحصل شنو ماف جواب

نفس التفاصيل بتتعاد على أم شهد بالتحديد نفس الخوف نفس جوطه الدكاتره كانت بس بتبكي
كلهم كانو ببكو كان واضح انو حالتهم صعبه شديد
ساعه وساعتين ماف اي رد على أسئلتهم
بعد ساعتين ونص
حتى الدكتور طلع
الدكتور : بالنسبة للمريض ف كان يعاني من نزيف خارجي بس الحمد لله قدرنا نوقفو اما المريضه ف حالتها مستقره بس ح يكونو تحت المراقبه ل 24 ساعه… اممم وحاجه كمان الحادث كان صعب ف المريضه اتعرضت لكسور والمريض اتضرب ضربه قويه جدا في رجلو.. حاولنا نعمل العلينا واطمنو م عليهم شي ان شاء الله

عدت 24 ساعه
كانت عباره عن توتر وقلق عليهم كلهم م كان في واحد قادر يتحرك من مكانو

شهد :

م اول مره صرخت م وعيت على حاجه
بديت افتح عيوني شويه شويه
كنت شايفه كميه من الناس جنبي بس شايفاهم طشاش طشاش م قادره احدد الملامح ولا قادره اتعرف على زول فيهم

م قدرت الا أميز صوت امي
م قادره أركز على كلاما ابدا
م عرفت كيف هم جو هنا
سألتهم عن لؤي بس م لقيت رد. بس كانو يسألوني عن صحتي
جا الدكتور واطمن على حالتي
وطمنهم و وراني على الكسر ألفي يدي 💙
بعد ساعتين وعيت وبقيت قادره اتجاوب معاهم وحكيت ليهم الحصل
انا : لؤي… انا عايزه امشي ل لؤي اسي
امي : ح تمشي شويه كده بس ارتاحي… بعدين قلنا ليك لؤي كويس
شهد : طيب وين خالتو وهبه
امي : مشو يشوفوهو م تخافي
شهد: في حاجه وانتو داسين على؟؟
همس : لالا ابدا وحتى عشان تطمني ح اجيب ليك كرسي متحرك انا وعبير عشان تشوفي بعينك🤍

م صدقت طوالي مشينا

كان ظاهر انو تعبان
غايب عن الوعي والأجهزة من غير م أشعر بديت ابكي
جات امو مسكتني وبكت معاي 😭
قلت ليهم م ح اتحرك من هنا تاني
ما كان في زول قادر يتحرك نهاااي بس وقفت برا وبراقبو بالشباك 💔

شهد. :
يعنى ح تسيبني لمنو؟ ح يسندني بعدك منو؟ وح يطبطب على منو؟ لؤي انا من غيرك م بقدر ف م تفكر تسيبني لسه في حاجات كتيره م عملناها 😭… م شايف حالة هبه ولا امك! حتى خالد م قادر يدس دموعو لؤي م توجع قلبي عليك…. م تبكيني عليك 😭 لؤي عشاني.. عشان امك… هبه.. خالد… عشان خاطرنا كلنا م تسيبنا

أثناء م انا بتكلم كده شفت الدكاتره بتجارو على الغرفه و كانو مقلقين شديد وواضح انو حالة لؤي اتدهورت فجأه
ما عارفه كيف بس طوالي وقعت وتعبت شديد الا نقلوني غرفتي وم وعيت نهاااي

صحيت ولقيت يد فيها حنه على يدي. وكان مدنقر راسو .. عرفت انو لؤي

انا : لؤي 😭
لؤي : شهد ي قلبي ♥️
انا : انت كويس؟؟ ومتين بقيت كويس
لؤي : انا كويس وامبارح وعيت الحمد لله وكنت منتظرك…. شهد انا اسف لاني عيشتك كوابيس زي دي اسف والله كل مره بحس نفسي ظالمك اكتر
انا : هششش… ده م وقتو … الحمد لله انك جنبي ❤️م كنت ح اقدر على فراقك ♥️
لؤي: ما ماشي مكان ح أفضل جمبك ♥️… شكلك تعبانه اغني ليك! 😭😂💙

انا : لؤي ده م وقتو
لؤي :لالا انتي م عارفه؟ قلت ليهم يصلحو لي حنجرتي عشان صوتي يبقا حلو
انا : طيب كدي جرب 😆
لؤي : احم احم

وانا جمبك حاجات كتيره بتبقى ضىء 🖤 🌍

وانا …..
شهد : خلاص خلاص صدعت تم بعدين… وين ديل؟.
لؤي : طلبت متهم يسيبونا برانا عاملين حبس كبس من امبارح 😂😭💙
.
انا : طيب ارقد جنبي
لؤي : كان الود ي قلبي بس… اممم
انا : شنو؟
لؤي : شهد صراحه انا م ح اقدر اقيف على رجلي قريب لاني اتعرضت لشلل
… بس م تخافي م ح يدوم أن شاء الله

” لقد نحونا ولكن يوجد بعض الكدمات ف هل من ضمادات؟ 😔

يتبع ………

لقراءة الجزء التالي : الجزء الثاني والعشرون من رواية كنت للروح سقيا

لقراءة الجزء السابق : الجزء العشرون من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى