الجزء

الجزء الخامس عشر من رواية قلب صخر

الجزء الخامس عشر من رواية قلب صخر

وفي الجزء الخامس عشر من رواية قلب صخر وهو الجزء الأخير من الرواية يا تري هل ستكون النهاية حزينة ام سعيدة ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .

الجزء الخامس عشر من رواية قلب صخر

بعد ساعه من الانتظار ناضت ياقوت وطلعت تمشي بشوي شوي وتاهت ف القصر مره اخره
صخر: حس عليها ولحقها وهوا يمشي بيمهل عشان ماتحسش بيه
ياقوت: …اففف شن ه القصر معقولا تريح مني حتى الشجره
فيصل كان وقف بعيد يستنا فها
ياقوت: اااه ادكرت بتمشي مسكها صخر من شعرها
.صخر: بصوته الغليض ونظرته الحاده لووووين .
ياقوت: اااايييي صخرر وجعتني بعدد
صخر: لوين كنتي ماشيه
قاطعه صوت فيصل كانت جايه لعندي
صخر: التفت وشاف فيصل …انت شن دير هنا وشن علاقتك بيها
فيصل: صخر خلي البنت ساد لي درته فها
صخر: ماتدخلشش بيناتنا يافيصل
فيصل: صخر خلي البنت .
صخر: فيصل خيرك
فيصل:تعرف خيرني انا تعبت تعبتتت نفسيتي ف جرتك ياصخر تعبت من الظلم والالم لي سببته لناس بسببك انت صخر انت ماتووب ماتخافش من ربي .
صخر: هه بعد 14سنه وانت معاي تو تعرف انه لي نديرو فيه غلط
فيصل: عادي المهم فقت على روحي وعرفت غلطي وبنصحح حياتي من اجديظ
صخر: يضخك اكيد انت زارط حبه اليوم ولا
فيصل: سحب سلاحه ووجه لي صخر خلي البنت صخر .
صخر: مصدووم من فيصل ويشوفله انت فيصل متأكد .
ياقوت: تشوف مصدومه وماحكت ولا كلمه
فيصل: لا انا مش فيصل لي تعرفه هدا فيصل لجديد لي قدامك
صخر: نزل السلاح من غير مهزله زايده وسيب ياقوت ومشت تجري لعند فيصل. عينه ف ياقوت تعرف فيصل لو ماتنزل ه السلاح نمحييييك ع وجهه الارض وانت تعرفني وقت نتعصب انا شن ندير..
فيصل: سامحني صخر بس هدي اخر جريمه ليا انت سببت وجعع كبيير لناس وهلباا ناااس من ظمنهم انا وضغط ع الزناد و..
.
.
.
.
محمود قاعد يتفرج ع التلفزيون خش زياد للمربوعه وقعد جنبه
زياد: بوي بنقولك حاجه ؟!
محمود: شن في
زياد: من لاخير انا نبي حلا بنت عمي
محمود: 😏 تم عارفك من لول
زياد:😁
.
.
ماجد واقف برا جاته مكالمه من مشفى الامراض النفسيه
الدكتور :الوو
ماجد: ايوا
الدكتور: معاك الدكتور ….. اتصلت بيك عشان نقولك …..
ماجد: ان لله وان اليه لراجعون كيف وشن السبب
الدكتور: ليه كم يوم ماكله شي وياخد ف الادويه ف ماتحملش
ماجد: استغفر الله تمام شوي ونكون عندك
الدكتور: تمام
خش ماجد للحوش وخبرهم بخبر وفاف بدر
زياد: الله يرحمه ويغفرله
حلا معاش تحملت قبل كم شهر ماتت اختها وتوا خوها انهرت بدموع تبكي ف غرفتها
.
.
.
.
.♡_______زهره الشيخ_______♡_
طلعت العيله كلها بعد سمعت صوت الرصاص برا ومؤيد يشوفلهم من فوق وهوا مصدووم مش مصدق !
ياقوت: مصدوومه من لي تشوف فيه
تجمعت العيله كلها ورحمه تبكي وميسم قريب تجن والخدم كلهم مصدومين
فيصل شبح ف صخر لي كان مرمي ع الارض وطلع ركب ق سيارته
مؤيد يعيط من فوق بأسم فيصل ولكل مش فاهم عليه شن يقصد بضبط
بعد كم دقيقه وصلت سيارت الاسعاف بس للاسف مالحقوش عليه 💔
.
.
.
.
.♡_______زهره الشيخ_______♡_
#تسريع الاحداث
بعد مرور كم شهر ومعاه
فيصل سلم حاله لشرطه واعترف بكل جرايمه وحكمو عليه مؤبد
انتشر خبر وفات صخرر والكل يطلعو ف اشاعات عليه وفي لي يقولو لحد الان ماماتش وانه موته مجرد اشاعه
صحيح انه صخر كان قلبه متحجر وعديم إحساس بس خلا بصمه حلوه في قلوب لي يحبهم خصوصا ياقوت تو تعرفو ليش ؟!
بعد اسبوعين من وفات صخر طلعت ياقوت من القصر ومشت لحوش هلها وبعد مرور كم يوم اكتشفت انها حامل
بعد ماتحسنت حالة حلا تقدملها زياد ووافقت بس بشرط العرس تبيه بعد سنه
بعد كم شهر تزوجت اريج من لي تقدملها دارت عرس بسييط جدا لانه اهل العريس رفضو انه يأجلو اكثر من خمسه شهور
.
.
.
.
..♡_______زهره الشيخ_______♡_
بعد مرور 9شهور
ياقوت طيب ف الغدا حسست بوجع مش طبيعي وقعدت تعييط وندتنادي على امها
كريمه: مخلوعه ش شن في يابنتي
ياقوت : يامييي حاسه روحي بنولد
طلعت كريمه تنادي على طه ورفعوها للمشفى
بعد نص ساعه ولدت ياقوت. بنت
حلا واريج يوتن للفرح ويختارن ف ا الفساتين وهك
زياد اتصل ب اريج
اريج: ايوا شن صار معاك
زياد: وصلت الطلبيه واستلمتها وبعدين
اريج: كملت الطلبيات لي كتبتهم لك ف الورقه
زياد: لالا مش شوري شور ماجد
اريج: كل واحد بورقته ماتجننوني
زياد: تي باهي به وين حلا
اريج: قاعده تو كيف حطيتلها قناع
زياد: بللهي عليك بللهي وخيتي نبي نشوفها حرام لي ديرو فيه
اريج: انننلااا ممنوع قلنا اهو باقي سبوع ومعاها بس
زياد: بري بري هي وصكر عليها .افففف
اريج: ياعيني زياد مش قادر يقعد اسبوع ماشافك فيه
حلا: هههه عارفته من بكري يتصل مافضيتش عشان نرد عليه
اريج: احسن وماتردي
حلا: تبيه يقتلني امالا
اريج:😁
رحمه : بدلت وعطرت ولبست بتطلع
ميسم: لوين يام
رحمه: ماشيه نشوف ياقوت ولدت اليوم
ميسم: اها به استني خلي نمشي معاك
رحمه: تمام هي ماطولي
طلعت ناصره مع ميسم للمشفى لعند ياقوت..
ياقوت كنت راقده وجنبها امها سمعت الباب
ياقوت: تفضل
خشت رحمه مع ميسم وجايبات معاهم ورد وهدايا
كريمه: 😒
رحمه: قعدت تسلم وتطمن على ياقوت وتشوف يمين ويسار وين حفيدتي
كريمه: عند الممرضه تو تجيبه
رحمه: تمام
شوي وخشت الممرضه وعطتهم البنت
رحمه تبوس فها يحليلي تشبه لي صخر
ياقوت:🔥
ماجد طلع من الشركه وخطم على كم محل عشان الطلبيات امتاع حلا واريج بعدها مشى وصلهم لعندهم وروح للبيت
ناصره: وين السله لي وصيتك عليها
ماجد: واااك والله الا نسييتها كله من راس بنتك العوجه والله تعبوني ف جرتهم تقول ني العريس
ناصره: طول بالك ياولدي جايك يوم حتى انت ويبدا خوك زياد هوا لي شاقي اكثر منك
ماجد: قريبا ان شالله…
ناصره: عاد انت ماتحشم 🤨
ماجد:🙃😂😂
بعد اسبوع
ياقوت سمت بنتها رنا وتحسنت حالتها الجسديه بس النفسيه قاعده مدمره من قبل 10شهور لاحد الان ماقدرت انها تنسى صخر وتنسى انه هوا من قتل بوها
اما عند حلا فكان العرس بادئ وكان عباره عند 3ايام فقط
يوم الحفله
حلا واريج ف المزين
اريج: ياعيني عليك ماشالله تبارك الرحمن طالعه تجنني
حلا: فرحت بجدد وناضت تشوف لروحها ف لمرايه وتشوف للفيلووالتسريحه والمكياج فجاء عيونها تعبو دموع وبدت ادمع
اريج: خيرك حلا شن فيك خيرك تبكي ؟
حلا: تمنيت لو انه عيلتي معاي لو انه ماما عايشه اكيد بتفرح بعد ماتشوفني باالفيلو لبيض وتمنيت لو بابا كان جنبي ويحبني زي مانا نحبه وتمنيت لو كانت اختي عايشه وجنبي حتى لو كانت ماتحبني المهم انها جنبي وتمنييت لو انه عندي اخ سنند لياا وقعدت ع الكرسي ونهارت باالدموع
اريج: وجعتها حالة حلا وقعدت جنبها تسكت فها امالا انسيتينا احنا عيلتك ماما بمثابة ام ليكي وانا اختك وبابا يكون بوك وزياد يكون سند وزوج ليك شن تبي تاني حلا
حلا: ابتسمت صح كلامك انا عندي عيله حلوه ليش نبكي 💔
اريج: سلمها الصحكه الحلوه ياربي وهيا توا نوضي خلي نلبسسك الكاب ماجد برا يستنا فينا
حلا تمام وناضت لبستها اريج الكاب وطلعو مع بعض ركبو ف السياره
وصلو لصاله خشت حلا وكانو كل لعيون فها والمعارف كلهم يسألو عن اهلها وكيف ماحضرو العرس الخ…
بعدها شوي خش زياد وكان طاالع طررررف وعيونه ف حلاا بنظرات شووق وحب بعد كل ه الغياب واخيرا شافها
ومايده قاعده ع الكرسي تشوفلهم وعيونها بيطلعوو قريب تجنن
لبسها الدبله وقطعو الكيك مع بعض
وخدو كم صوره
زياد:يكلم ف اريج بصوت واطي ياااسر يااسر عاد سقدوني نا بنروح
اريج:تضحك بلا عاار تربح استنا شويه بس
بعد كم دقيقه جت اريج ولبست الكاب لي حلا وعلى طول طلع بيها زياد
ركبها ف سياره وطلع هوا وصحابه وماجد يصطربو لين وصلو للفندق نزل زياد وساعد حلا ع شان تنزل وخشو للفندق كان راقي جدا
زياد: واخيرا مش مصدق حلاوتي معاي اليوم
حلا: بضحكه نحبك
زياد …
المهم
😂😑
.♡_______زهره الشيخ_______♡_
بعد مرور شهر تقريبا
ماجد: مازلت ماعرفتلي شي عليها
….: واللهي يا ماجد لي عرفته انه ىدت لحوش هلها وبدت تشتغل في خدمة توصيل نسائيه …
ماجد: اوك تمام تشتغل لي ايا محل
…..: محل ال…..
ماجد: تم وصكر الخط
وخش ع صفحة المحل وطلب طلبيه وقاللهم يبي خدمة توصيل نسائيه مرته لي بتستلم الطلب ووافقو وخدا الرقم
بعد ربع ساعه وصلت ياقوت لجنب مكتب ماجد ونزل ماجد بيستلم الطلب
ياقوت: ويين راياته هدا الشخص بس وقعدت تدكر
ماجد: ممكن سؤال
ياقوت: شني تفضل ؟
ماجد: اكيد ماعرفتيني ولا
ياقوت: لالا
ماجد انا لي كنت نتبع فيك من ايامات كنتي تقري بعدها وقفتي وتلقينا مره ف المشفى ادكرتي
ياقوت: اه. اها اي اي ادكرتك مدتله الكيس تفضل طلبيتك
ماجد: خدا الكيس لحظه بسس ومدلها بطاقة مكتبه كان مكتوب عليه رقمه اسمعيني يا ياقوت
ياقوت: باستغرب؟ ب به
ماجد: انا من زمان كنت معجب بيك بعدها اختفيتي وتزوجتي من المرحوم صخر
ياقوت: بصدمه !
ماجد:هدي البطاقه لو تقلبيها تلقي اسمي كامل وشن نشتغل وكل شي ولو تبي تزيدي وتسألي عني عادي بس بجد انا معجب بيك ونبي نتقدملك عاطيك 3ايام فكري فيهن
ياقوت: بس انا كنت متزوجه
ماجد: انا عارف عنك كل شيي ماتخافي انتي فكري ف الموضوع بس والطلبيه طلبتها ليك انتي اعتبريها هديه بسيطه مني
ياقوت: بس
ماجد: ابتسم ربيي يعاونك وحنقعد على اتصال بيك لين تردي عليا
ياقوت: ركبت ف سيارتها مصدوومه ودكرات يوم المشفى ودكرت نضراته وذكرت السياره لي كانت تلحق وتراقب فها ايامات الدراسه … فتحت الهديه وابتسمت ..عليك ثقه
الهديه كانت عباره عن سلسلة ذهب بسيطه ومكتوبه فها اسم ماجد
روحت وهي سرحانه تفكرر
كريمه: واخيرا روحتي رنا تعبتني الحق اليوم ماخلتني ندير شي
ياقوت: ههه سلمها ياربي لي تسمع ف الكلام …ناقتلها ماتخلي حناك تشتغل اليوم لين انا نروح
كريمه: تضحك واللهي الا هبله
ياقوت:😁
ماجد فرحان شوفت ياقوت بعد كل ه المده وروح فرحان من العمل ويغني رايق ع لاخر
نضمت وغسلت وسيقت البيات وقررت انها تخبر امها عن الموضوع
كريمه: بجدد وانتي من وين تعرفيه
ياقوت: والله يام شفته مرا وحده. وهوا قال رايني كم من مره
كريمه: امممم وانتي شن رايك
ياقوت: انا مادخلني المهم نبي حد ينسيني بصخر ويهتم بلنتي رنا بسس
كريمه: صلي صلاة الاستخاره ونا نكلم خوك طه يسألني عن عيلته ولي كاتبه ربي يصير
ياقوت: تلعب ف رنا اكيده
.♡_______زهره الشيخ_______♡_
ناصره: مستتتحيلل انتي شن تقولي حلا
حلا: هوا يبها عمتي ويعرفها اكثر مننا
اريج: يام خلي يدير وشن مايبي
ناصره: ارمله قلنا باهي عندها بنت واجد هكي عاد وفوق هدا كله صخر لي كان زوجها
حلا:🤦🏻‍♀️
اريج : اييح
محمود: لصراحه حتى نا كنت ضده بس البنت صغيره يلناصره مايبانش عليها انه كانت متزوجه. ولا عندها بنت ومدامه هوا راضي بها ويبها احنا ماعندنا مانديرو
ناصره نا قلت لا يعني لا ولدي صغير وشبوب. ياخد نمرا ببنتها مستحيل
زياد ف الحديقه برا هوا وماجد واللهي الا حاله انت بجدد معقوله ارملة صخرر
ماجد: ؛يلعب ماعدش تحيبلي اسمه وربي يرحمه
زياد:🙄
.♡_______زهره الشيخ_______♡_
بعد فتره
قررت ياقوت انها توافق وتعطي فرصة ليه
وبعد جههد.وافقت ناصره خصوصا بعد شافت ياقوت عجبتها الحق وواضح علها بنت ناس وبنت محترمه وخلوقه الخ….
بعد اسبوع تقدملها ولبسها الدبله ودارو حفله بسييطه
وقرور انه يتزوجو بعد شهرين بتحديد
وياقوت تأقلمت معاه وعمرها ماحست بشعور الخوف لي كان يراودها مع صخر ….
انهايه .
.♡_______زهره الشيخ_______♡_
عمرها الدنيا ماوقفت على حدد حتقعد الدنيا مستمره ومش حتوقف على خاطر شخص معين …
الحب عمره ماجاش باالغصب الحب هوا عباره عن احاسيس وانته اكيد مش حتقدر انك تحرك احاسيس شخص او حتى احسيسك …
الاخ نعمه كببيييره وسند ف ه الدنيا ودرعك لي يحميك ويخاف عليك
لو اذنبت او غلطت غلطه كبيره او عصيت ربي وندمت ارجع لعند خالقك وتوب واستغفر واعرف انه الله غفور يحب العفو .
وسؤالي قاعد نفسه من اول حلقه
هل يعتقدون الاغنياء انهم يستطيعون التحكم باالفقراء مثل لعبة السطرنج؟ !
طبعا حاشا البعض…

لقراءة الجزء السابق : الجزء الرابع عشر من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى