الجزء الخامس عشر من رواية متعصب واحببته

بعــد خمـس سـنــوات

موظف≈ استاذ زين اليوم عندنا اجتماع مع شركة //مهمة واجد ويقولو مديرة الشركة ذكية وعصبية واجد

زين≈ المهم رتب الاوراق وكل الاشياء الى نحتاجها للاجتماع بلا كثرة كلام.. طلع مشى لسيارة وهو مضايق مش عارف ليش

جود تتصفح ع الفيس شافت منشور

تمضي الايام وتأتي ايام اخرى ،،ولا يبقى منها سوى الذكريات..

#سرآب

كان الكلام ع الجرح خشتلها مسنجر

جود ≈هلا

سراب≈ اهلين كيف حالك

جود≈ الحمدلله انتي كيف حالك

سراب≈ الحمدالله.. شن صار معاك

جود≈ ولا حاجة بس مش عارفه حاسة روحي مضايقه

سراب≈ هذا لان انتي فاقدة حد

جود≈ هههه انتى مايفوتك شي لا غير لما سافرنا برا وردينا في حاجات واجد تغيرو حتى طريقة حياتي

سراب≈ هذا شي طبيعي لانك حاليا مديرة شركة يعني مسؤليه كبيرة

جود≈صدقتي شوفي بوي وامي يتعاركو

سراب≈ ع شنو

جود≈بوي سألني ع بنات السلطانة وامي سمعاته كل مايكلمها تقوله امشي عني امشيلهم خليهم ينفعوك

سراب ≈هههههه عليك قصة ربي يهديهم وخلاص

جود≈ مزال ماتبي تقوليلي كم مواليدك

سراب ≈ههه خلي المتابعين يتوقعو!!؟

جود≈ههه باهي هيا سلام

سراب ≈سلام

جود حطت التلفون وقعدت ع السرير فتحت الابتوب تراجع في المشروع حست راسها يوجع فيها سكراته وتسطحت ع السرير رقدت من التعب

الى صار قـبـل خمـس سـنـوات بالـتفصـيل

جود≈ تعيط.. لللللللللللللا

زبير ≈يقرب منها ويضحك.. فجأة يطيح

جود≈ تبكي بعد طاح فرحت.. زين ءاا زين

زين≈قرب منها ونزل مستواها يفك في الحبل .. دارلك شي ل#$

جود≈ تهز في راسها بمعنى لا ..

الشرطة معبية المكان لان كان زبير مراقب فقدرو يحددو مكانه بسهولة

زين ≈يساعد فيها عشان تنوض.. متأكدة مادارلك شي

جود≈ شافت فيه.. ايه والله.. بس شن قصة الشرطة

زين ≈زبير مراقب من مدة هو سبب البلاوي كلهم

جود≈ ءاا. يعني هوا ورا مقتل خالتي خديجة

زين≈ ركبها في السيارة وركب يسوق .. ايه

جود≈ هذا مش طريق المزرعةة زين

زين≈ ساكت

بعد شوي وصلو للبحر

زين ≈نزل ومعاه الصندوق

جود≈ليش جايبني للبحر.. شافت في يده.. هذا ال!!

زين ≈مده ليها

جود≈ رفعاته منه فتحاته كان فيه رسالة

بعد السلام انا عارفه ان بعد تعرفي الحقيقة ممكن تكرهيني

بس والله العظيم في البداية ماكنت عارفة ولما عرفت هددوني انه يقتلوني كنت مطرة انه نسكت

انا كنت نخدم عند هلك كانوا نعم الناس بس علي استغلني

وتزوجني في السر وهكي لما درتي انتي وبوك حادث علي استغل الفرصة لان كان فيه مشاكل في الشغل بينهم وعلي يغار من بوك عثمان كان بوك عند كسر في الفقرات تعالج بعد فترة وانتي خشيتي في غيبوبة و علي قدر بمعارفه وواسطاته انه يسجلك ميتة بجثة تانية ولما جابك والله حبيتك من كل قلبي وربيتك زي بنتي والله ما كذبت عليك بكلمة وحدةسامحيني

جود≈ سكرت الورقة تمسح في عيونها مطبسة راسها ليش بوك دار هكي

زين ≈يشوف للبحر عاطيها بظهرها..اول حاجة انا اسف اني ما سمعتك من البداية مانعرف بس زي ما وعدتك اني نساعدك انكشفت الحقيقة والكل عرف انك مظلومه واهلك يستنو فيك في المزرعة

جود ≈ تشوف فيه .. زين عادي نسألك سؤال

زين≈ عادي

جود≈ انت كيف تعرفت ع اية!!

زين≈ مستغرب.. شن خطر عليك السؤال هذا وفي هذا الوقت بذات !!

جود≈ زين انت مش مطر تجاوب بس ارجوك جاوبني

زين≈ مسح ع وجهها تنهد وخدا نفس طوييل .. من لما ماتت امي وانا معتمد ع نفسي بوي تزوج ونساني تأزمت نفسيتي قررت نسافر و نقرا برا كنت نعاني من حاجات نصحني صديقي ان نراجع دكتور نفسي واية استلمت حالتي

جود≈ انصدمت.. يعني انت مريض!!

زين≈تنهد تنهيدة طويلة واستمر .. الاكتئاب الهوسي او ثنائي القطب كانت مهتمة بيا حتى تعافيت اعجبت بيها و اعترفتلها عن اعجابي وتزوجنا وحملت ولما ولدت.. طبس راسه سكت شوي مسح دموعه الى كانو ع وشك النزول.. فقدتها بس عوضني ربي بعصفورين من ريحتها قررت اني نهتم بيهم ونعوضهم ع حنان الام الى فاقدينه لاني مجرب بس ماقدرت

جود≈ دموعها ينزلو حطت يدها ع كتفه كنوع من المواساة .. بس انت الاب المثالي زين وربي يرحمها ويجعل مثواها الجنة

زين≈تنهد ابتسم بغصة ..حاليا لقيتي اهلك وانتي حرة في قرارك سواء كنتي تبي تطلقي وترجعي لزياد او تقعدي ع دمتي

جود≈ اول ما سمعت الطلاق الدم جف في عروقها من الصدمة

زين≈ بيركب في السيارة.. عندك من هنا لبكرا نستني في قرارك

جود≈ ركبت وهيا مصدومه ماعرفت شن تقول مشاعرها ملخبطة مش عارفه شن تبي بس الى عارفته انه مستحييل انها ترجع لزياد

طول الطريق صمت ومرة مرة كل واحد يخطف نظرة لثاني

وصلو والكل مصدوم كيف جود تطلع بيت عيلة غنية خصوصا عليا الى كانت تدحنس وتعدل في معاملتها معاها

ثريا≈ تحضن وتبوس فيها من كل مكان .. ان قلت انك عايشة محد صدقنى احساس الام عمره مايخيب

جود≈ حاضنتها بقوة وتبكي مش قادرة تتكلم

عثمان≈ جا ..جود

جود≈ مشت تجري حضناته ..

بعد شوي جا تلفون لزين بان علي في المستشفى مجلوط من لما سمع خبر افلاس شركته حتى هما فلوس ياكبدي

انقلبت لحكاية عياطات ووك وويك عليا ماتهنت حتى رفعوها لمستشفى..

زياد≈ في المستشفى مع بوه ويفكر في كلام جود يوم العرس

جود≈ مبروك يا زياد ونبي نقولك انك حيجي يوم وحتعرف الحقيقة وقتها مش حيفيد شي انت تحرم عليا يا زياد زي ماحرمت الكعبه ع الكفار .. عدت

يبكي اه انا واحد حيوان وحمار ضيعت كل شي

في الليل

جود كانت ماشية لزين بتقوله عن قرارها بس

زياد≈ جا ..جود

جود≈ خدت نفس.. نعم

زياد≈ جود ان مهما نقولك عارف اني غلطان من ساسي لراسي ارجوك سامحيني ونوعدك اني نعوضك عن كل شي صار

جود ≈تضحك وتبكي.. هه امك قاتلك تقول الكلام هذا

زياد ≈انصدم.. جود خيرك نتكلم جد

جود≈ منهارة .. وحتى نا نتكلم جد التعويض في الرياضيات بس لما نجيك ونترجى فيك زي الكلبة ونقولك مظلومة عمرك ما فكرت انك تسمعني صدقت الكل وكذبتني وطعنتني في شرفي وشن تبي اكثر من هكي الانسان الى مانعرفه ساعدني وانت الى نعرفك هه انا كنت نحبك وتوا..

زياد≈مسك يدها.. جود ارجوك سامحيني والله غلطت واي واحد شاف الى شفته كان حيتصرف نفس تصرفي والله فار دمي ماقدرت نتمالك اعصابي كبريائي عمالي عيوني

جود≈ فكت يدها تضرب فيه ع صدره.. بس انت مش اي حد وانت عارف هذا الشي صح هه وين وعودك انك مش حتنخليك وين حبك وين مكانتي عندك هذا كله ماشفته هه كبريائك

زياد≈ بس

جود≈ طبست راسها..ولا بس توا انت كونت عيلة وعن قريب حتولي اب الهى في حياتك الجديدة وخليني في حالي

زياد≈ اقسم بالله تخايلتها انتي عمري ما حبيتها ولو تبي نطلقها توا في الدقيقة هادى المهم ترضي وترجعيلي

جود≈ زياد انتي لو عشت معايا مية سنة عمرك مش حتفهمني كيف تبيني نعيش ع تعاسة غيري انا مش لعبة امتى تبيني ترجعني وامتى ما تبيني تحدفني انا انسانة نحس وعندي مشاعل .. مسحت دموعها.. زياد انا ممكن نسامحك بس اني نرجعلك مستحيييل .. عدت تجري

زياد≈ مسح دموعه ركب السيارة واخد سرعة في طريقه للمستشفى.. يتكلم بالتلفون.. الو

عليا≈ اهلين ياولدي

زياد≈ يبكي بصوت عالي ..امي انتي ليش درتي فيا هكي تي نا وحيدك ليش عليك

عليا≈سامحني ياولدي بس عشان مصلحتك

زياد≈ نسامحك ع شنو بس تي اي مصلحة الى تتكلمي عليها تي ورب الكعبة دمرتيني ودمرتي مستقبلي ودنيتي زوجتيني وانتي عارفة اني ما نحبها وهيا ما تحبني بس ع خاطر فلوسي كرهتوني في عيشتي حتى الشخص الى حبيته وحبني بعيوبي مش م سامحني ما يبيني جوود خلاص طارت من يدي والسبب امي….. طوط طوط ..فصل الخط

نقلبت السيارة كان حادث شنيع لان السرعة كانت هايلة

عند جود

كانت ماشية لزين بتقوله قرارها انه بتكمل معاه وبتفتح صفحة جديدة.. بس الى شافاته زاد صدمتها كانت زين عاطي ظهره وقدامه غادة مقربة فيه واجد وشوي حضناته

ماقدرت تتحمل المنظر مشت لغرفتها تبكي معقولة زين هكي يطلع معقولة يحبها وانا مجرد خدامة لصغار

ثريا ناضت خيرك بنتي

جود≈ خشت في حضنها.. خليك حاضنتني انا تعبانة تعبانة واجد مش قادرة نتحمل اكثر من هكي

ثريا≈ ياروحى خيرك من مزعلك ماضايقي عمرك يابنتي والله ماصدقت انك توا في حضني وهذا كله بفضل زين بعد الله

جود≈ ما تجيبي سيرته هذا بدات

ثريا≈ العفو خيرك يابنتي هذا راجلك

جود≈ نبي نطلق نا

ثريا≈ اللطف خير والله زين مافي منه

جود≈ مسكت يدها تبوس فيها.. امي انا هذا قراري ومش حنتراجع منه قلبي معاش يتحمل نبي نعيش معاكم وبس تربحك اوقفي معايا معاش نبيها العيلة هذي

ثريا≈ شافت حالت بنتها ماقدرت تناقشها.. ع راحتك يابنتي

جود≈ خشت في حضنها من جديد..

الى صار

غادة≈ بخبث ..زين انا عارفة اني غلطانة ونبي نصلح غلطتي ونعتدر منها بس مش عارفة كيف وهل هيا تقبل اعتذاري

زين يديه في جيوبه.. قصدك هذا الموضوع المهم

غادة≈ بخبث.. لا بس نستشير فيك

زين≈ اعتذري منها عادي زي ما البشر يعتذرو وليه حرية القرار انها تسامحك او لا بس جود قلبها طيب واحسن من غييرها اكيد حتسامحك .. وياريت تقولي موضوعك لاني مشغول

غادة≈ بدموع التماسيح.. بصراحة فيه شخص يضايق فيا ليه مدة ويهدد فيا وان مش عارفة شن اندير انت عارف وضع العيلة وانا ما نوثق في شخص غيرك

زين≈ تنهد.. تمام ابعثيلي اي معلومة تعرفيها عليه يعني رقمه وين يسكن مكان عمله اسمه الثلاثي حاجات هكي وكوني هانية

غادة≈ شافت جود جاية من بعيد انتهزت الفرصة قربت منه وحضناته.. بجد زين مش عارفة لولاك شن كنت اندير

هذا الى شافاته جود للاسف ماكملت نهاية المشهد

زين≈بعدها منه وعطاها كف لايقرا ولا يكتب من قوته طاحت.. انا عمري ما رفعت يدي ع مرا بس انتي طريتيني ولو تسحابي حركاتك يمشو عليا تكوني غلطانه انا زين مش حد ثاني لو تحاولي مجرد محاولة انك تخربي حياتي وتقربي من جود اقسم بالله مش ح نرحمك .. عطاها نظرة وعدا

غادة≈ لمت روحها ومشت تجري لدارها من الخوف من دون ولا كلمة .. بس وصلت الى تبيه

في الصبح

زين متردد ع دار جود

طق طق طق

جود≈فتحت عيونها شافت الساعة 7 .. افف منو المزعج

ثريا≈ فتحت عيونها بتنوض.. منو

جود≈ ناضت.. خليك توا نوض

ثريا≈ رجعت رقدت

جود≈فتحت الباب انصدمت.. زين خير الصغار فيهم شي

زين ≈لا خيرك مصدومه

جود≈ لاشي بس الساعة

زين≈ يشوف فيها بياكلها بعيونه.. جود انا من امس ما رقدت وانا نستني في ردك ع احر من الجمر

جود≈ توترت تحاول ما تشوف في عيونه .. نبي نطلق

زين≈ انصدم بكل.. متاكدة

جود≈ مطبسة راسها .. ايه

زين رفع راسها.. شوفي في عيوني اتكلمي

جود اذكرت موقف امس.. شافت في عيونه.. ايه متأكد

زين ابتسم بغصة.. تمام جود كيف ما تبي ع راحتك غدوا توصلك ورقتك.. عدا

جود انهارت كل قوتها.. كانت مش عارفة شن تبي بس الى تعرفه انها تبي تكون معاه تحس بالامان والراحة بس كل ما تذكر موقف امس تحس نفسها خاطرها تعطي غادة طريحة ماتنوض منها

بعد شوي ناضت ثريا

ثريا≈ هيا يا بنتي عشان نروحو

جود≈ ايه توا كلمني بوي وتيت كل شي

ثريا≈ نجيها بنتي الناشطة

جود≈ ابتسمت بتمشي جيهت الباب حست الارض تبرم بيها ومعاش حست بشي ثاني

بعد 5دقايق

ناضت جود وبوها وامها فوق راسها

ثريا≈ تبكي.. خيرك يا بنتي تحسي في شي

جود≈ناضت بصعوبة.. خيرك تبكي يا امي اكيد هبوط حاجة بسيطة

ثريا≈ مسحت دموعها .. مرات تكوني حامل

جود≈ في داخلها اف ع الاحراج من وين بنحمل من الهوا.. لا ياامي مجرد هبوط لاني من امس ما كليت شي

ثريا ماتهنت لين جود مشت لمستشفى وفعلا طلع هبوط

مر الوقت وانتشر خبر وفاة زياد الكل مصدومين حتى نا

وخصوصا صحابه عليا مدايرة العار مش صابرة بكل وحيدها مصكرة راسها ماتبي تروح من المستشفى

جود محملة نفسها سبب موته من لما عرفت الخبر مانطقت بحرف مشت هي وامها ثريا للمستشفى لعليا عشان تعزيها ثريا كانت ماتبي تمشي بس عشان خاطر جود

عليا تندب شافتهم مشت هجمت ع جود.. شن تبي شن جابك هنا قتلتي ولدي ومزال بتقتلي راجلي هه تكلمي يا قتاله الله لايربحك الدنيا ولا اخره قتلتي ولدي في عز شبابه

جود كانت فاشلة من البكي .. مش قادره تتكلم

ثريا تحز بينهم.. حولي يا خطافة انتي وراجلك ربي حرقلكم قلبكم زي ما حرقتولي قلبي

جو الدكاترة حزوهم وعطو عليا مهدي

جود خشت للغرفة الى فيها علي .. كان كله اجهزة بس مفتح عيونه.. قولي شن استفدت بس لا من فلوسك ولا من ولدك ولا من صحتك خسرت دنيتك واخرتك هه بارك الله فيك انك ما غيرتلي اسمي.. تتكلم وتبكي.. ربي يسامحك.. طلعت

علي يبكي بس مش قادر يتكلم

بعد شهر

عليا قاعدة وكأنها مش موجودة في دنيا ثانية وعلي ع حاله عايش ع الاجهزة

هبة كانت ساكنة مع عليا لان حامل بس بعد خسرت الجنين انزلقت من الدروج انكسر حوضها مشت بيت هلها تكمل عدتها و نفسيتها صفر

زبير بحكم القضايا الى عليه نصب واحتيال وسرقة وقتل انحكم اعدام وامه هبلت عليه بكل

غادة متعرفة ع واحد ولاعب عليها ناشر صورها ع كل مواقع التواصل ومفضوحة وبوها حابسها في البيت ضرب واهانة

زين طلق جود والصغار دارو العار في فراقها بس هو ما كان عنده خيار ثاني كان يسحابها ما تبيه

جود تأزمت نفسيتها اقترح بوها انهم يسافرو للخارج وفعلا سافرو كملت دراستها وتحسنت نفسيتها شوي كانت مستاحشة الصغار واجد بس انقطعت اخبارهم خصوصا بعد سفرتهم ورجعوا لليبيا بعد خمس سنوات وبوها كتب الشركة باسمها وصارت مديرة الشركة

#بـقلـمـي ســرآب

بعـد خـمـس سـنـوات

علي مات بعد صراع وعليا سافرت لخوتها

عند زين

مركز ع الاوراق يراجع فيهم

ليث≈ بوي انا طالع

زين≈ كملت قرايتك

ليث≈ ايه

زين≈ ناض ..نحن صحاب صح

ليث≈ مستغرب.. صح

زين≈ معناها ليش امس دخنت

ليث≈ مصدوم.. كيف عرفت!!

زين≈ ليث ان وياك صحاب صح.. باهي قولي صح ولا غلط

ليث≈ خايف.. ءاا

زين ≈جاووب

ليث ≈ مطبس راسه..غلط

زين≈ مدام عارفه انه غلط ليش اديره.. ماتخاف مني ان ماعمري مديت يدي عليك انت توا عمرك 13سنة الا اذا لزم الامر

ليث≈ والله اخر مرة انا ماكنت نبي ندخن بس لولاد قالولي كانك راجل دخن

زين≈ ابتسم.. وانت دخنت زي الولد الخايب

ليث≈ ضحك من الكلمة.. احم سامحني

زين≈ حط يده ع كتفه.. ليث اذا اي شخص بيضرك بعد عنه حتى لو كنت نا والصحاب الى يعلموك ع الخطا مش صحاب لا بيضروك ما بينفعوك..

ليث≈ مستغرب.. صاحبي لما بوه عرفه انه يدخن عطاه طريحة انت ليش ما ضربتني

زين ≈باهي كان ضربتك شن ب نستفيد.. ولما ضربه بوه يدخن بطل ولا لا

ليث≈ قعد يجيب في سوريتين عشان يبدل بيهم يدخن بالاولى بعدين يغير التانية عشان مايشمه ويضربه مرة تانية..

زين≈ وانت بدخن

ليث ≈والله نعودك معاش ندخن واصلا معاش بنمشيلهم

زين≈ ابتسم.. ايوا هذا ولدي

ليث ≈باهي بما ان قاعد في البيت ان بندير العشى

زين≈ههه تمام

نتمني ان الفكرة وصلت

في اليوم الثاني

في الشركة

الموظف ≈ استاذ الاجتماع بعد ساعة

زين≈ كل شي جاهز

الموظف≈ ايه استاذ

زين≈ مش عارف من الصبح جاني شعور غريب..

عند جود

جود≈ هيا امي ادعيلي اليوم الاجتماع هذا مهم واجد لان فيه فايدة واجد للشركة

ثريا ≈ربي يحفظك ويوفقك ويسعدك ويبعثلك ولد الحلال الى يسر قلبك و خاطرك

جود≈ ههه.. بوي ياريت معانا في الشركة بلاك مش حلوة

عثمان≈ ان خلاص كبرت يابنتي معاش قادر وانتي مشاءالله عليك تكفي وتوفي

جود≈ هه ربي يحفظكم ليا تبوا حاجة من برا

عثمان≈ وثريا سلامتك

في الاجتماع

خشت جود لقاعة الاجتماعات اول ماخشت شافت شخص خاطرها تشوفه من 5 سنوات كان متغير بكل ضاعف شوي بس قاعد جسمه رياضي مداير لحية ملامحه متغيرة شوي

زين كان قاعد ع الكرسي يسمع في صوت الكعب وشخص فال السلام عليكم سمع صوت يعرفه من 5سنوات ويميزه من مية صوت رفع راسه كان خاطره يشوفه كل يوم مايرقد قبل مايشوف صورتها مانساها ولا مرة كانت متغيرة الصوت هو الشي الوحيد الى قاعد زي ماهو كانت زايدة محلوا مع اللبسة الرسمية وطريقة الحجاب

تم الاجتماع وجود وزين مش مركزين في اي كلمة في الاجتماع كملوها نظرات بس

جود كانت طالعة

زين≈ جوود

جود≈ قلبها دق دق حست انه بيطلع من مكانه تلفتت.. ءاانعم

زين ≈بياكلها بعيونها.. معليش شوي من وقتك

جود≈ تفضل

زين ≈عطيني رقمك.. قصدي احم ليث ولمار يبو يكلموك

جود≈ بتوتر .. ءاا تمام انت وين ساكن

زين≈ في نفس الفيلا الاولى

جود≈ اه تمام عادي لو مافيها احراج مع المدام لو زرتكم

زين ≈مستغرب.. مدام!!

جود≈ ايه انت مش تزوجت غادة

زين≈ ابتسم.. انا من بعدك ما تزوجت

جود≈ توا في البيت هما

زين≈فرح ايه اكيد يكونو روحو من مدارسهم

جود≈ تمام ان حنمشي في سيارتي

وصلو

لمار≈ فتحت الباب كانت صبية بس ملامحها مش متغيرة واجد .. مستغربة.. من هذي بابا

جود ≈ما عرفتيني

لمار≈ حاولت تركز واجد..بصوت عالي.. ماما جووود

جود≈ هههه ايه

لمار≈ حضنتها تبكي.. ليش خليتينا زي ماما انا زعلانة منك واجد

جود≈ ههه قاعد طفولية ليش البكي توا

لمار≈ ليش خليتينا 5 سنوات

جود≈ كنت مطرة حبيبتي

زين≈ فنص فيها.. لمار مابتفضليها بتقعد واقفة هكي!!

لمار≈مسحت دموعها.. هه انسيت تفضلي

جود≈ هه عادي حبيبتي قوليلي شن دايرة في دراستك

لمار≈ كله تمام

ليث≈ طلع.. السلام عليكم.. وجا بيطلع

جود≈ناضت.. ليث ما عرفتني

ليث≈ رفع راسه يشوف فيها..

جود≈ قربت فيه.. مشاءالله كابر ياولد

ليث≈ بفرح.. خالتي جود

جود≈هههه ايه .. حضناته

قعدو يهدرزو

عند جود خشت لبيت

ثريا ≈خيرك طولتي

جود ≈والله كان نقولك وين كنت ممكن ما تصدقي

ثريا ≈يالطيف عند بنات السلطانة!!

جود≈ مأثرات فيك واجد والله ماكنت عندهم اطمني هما خارج ليبيا كنت عند ليث ولمار

ثريا≈ عند زين!!

جود≈ حكتلها الى صار

ثريا≈ والله ه العيلة قعدت مانحب حتى طاريها

جود≈ بس الله هما غير

ثريا ≈ابتسمت ..قصدك زين!!

جود≈ توترت.. ان ماشية نغير .. عدت

ثريا ≈ربي يوفقك يا بنتي ويحميك من كل شر

مرت الايام وجود كل يوم تتواصل مع ليث ولمار وزين يحاول يكلمها وهيا ترفض

في الليل الساعة 1

زين≈ تحت نافدة جود بالتحديد.. والله مش متحرك من هنا قبل ما نكلمك ونشرحلك وتقبلي بيا

جود≈ امشي يا مجنون قبل ماحد يشوفك وبعدين انت ماتحس دبشك كلهم مطر تمرض

ابتسم مزال تخافي عليا

جود≈ توترت.. قتلك امشي من هناو فكنا من حركات المراهقين

زين≈ والله مش ماشي غير لما تقبلي تكلميني

جود≈ ماعندها خيار تاني.. حاضر

زين≈ فرح .. غدوا الصبح انا عندكم

جود≈ تسحابه يبصر .. تمام غير امشي توا تمرض

زين≈ ابتسم.. تصبحي ع خير انحـبك ركب السيارة وعدا

جود≈ لا شعوريا ابتسمت.. متعصب تحول لمجنون اذكرت الكلمة الاخيرة شوي ما اغمى عليها

في الصبح الساعة 8

طق طق طق

ع طاولة الفطور

عثمان≠ منو الى جاي ع الصبح

ثريا≈ مرات واحد من الصغار

جود ≈في داخلها اذكرت كلام زي حي المهبول دارها

عثمان فتح..

زين≈ اهلين يا عمي

عثمان≈ مستغرب.. اهلين زين في حاجة ولادك صايرلهم شي

زين ≈متحشم.. لالا يا عمي بس نبيك في موضوع

عثمان ≠عرفه جاي ع شنو بس حب يلعب عليه حركات شياب.. تفضل تفضل حماتك بتحبك الفطور

زين≈ لا صحيت ياعمي فاطر انا

عثمان≈ انا ما نسال فيك.. قتلك بتفطر يعني بتفطر

زين ≈اه حاضر نفطر المهم ماتعصب

عثمان≈ ايوا لاني كان عصبت مرات مانوافقك ع طلبك

زين≈ مصدوم.. كيف عرفت انت

عثمان≈ حب يلعب باعصابه.. انت مش بتحجز كيكة

زين ≈اه لالا ..عيونه في جود.. كيف حالك ياعمتي

عثمان≈ عمتك ثريا قدامك خيرك تشوف جنبك

جود ≈شادة ضحكتها بسيف ..

زين≈ اه لا غير عضلات رقبتي شكلن شوي

عثمان≈ اه.. تفضل خيرك واقف

زين≈ قعمز.. الصراحة يا عمي انا متحشم منك بس انا جاي بنطلب منك يد جود ع سنة الله ورسوله

عثمان ≈يشرفني انت يا زين راجل ونعم الرجل

جود +زين ≈ مبتسمين

عثمان≈ بس جود مخطوبة لولد عمها الى يقرا في الخارج

جود≈ شرقت من الصدمة.. كح كح كح كح

ثريا≈ سلامتك يا بنتي هاك مية

زين≈ ناض.. باهي ربي يوفقها .. عدا طلع

جود≈ انفعلت قريب تبكي .. بووي ليش هكي ان ماعندي عمام ليش قتلك هكي لييش

عثمان≈ مش انتي ماتبيه خيرك انفعلتي

جود≈ قريب تبكي.. ناضت لدارها من غير ولا كلمة

ثريا≈ اللطف خيرك ع البنت

عثمان≈ المهم يامرا ردي بالك تقوليلها شي والعرس ع موعدنا اسبوع الجاي

ثريا≈ تعرف يا عثمان صح هكي بنتريح عليها بس بنفقدها من جديد تعودت عليها

عثمان≈ شن بديري هدي سنة الحياة

بعد اسبوع

ثريا ≈جود جود

جود≈ نعم

ثريا≈ انتي تحبينا صح

جود≈ ايه امي خير شن فيه خوفتيني

ثريا≈ انتي كبرتي توا ونحنا مش قاعدين دايما ونحنا نبو مصلحتك

جود≈امي خوفتيني شن فيه

ثريا≈ الصراحة بوك عطاك لواحد صاحبه هو صح كبير في العمر شوي بس بيصونك

جود≈ شعورها مانوصف..

ثريا ≈توا بنمشو للمزين عشان اليوم حفلتك

جود≈ ساكتة.. امي معليش خليني بروحي

ثريا≈ حطت يدها ع كتفها.. صدقيني نبو مصلحتك.. طلعت

جود≈ نهارت تبكي وتكسر طلعت صورة زين.. ليش هكي خليتني والله العظيم حبيتك من كل قلبي ليش هكي ليش

في دار لعروسة

جود قاعدة ع الكرسي اية من الجمال بس هيا في عالم تاني كانت تقدر ترفض بس خايفة تزعل اهلها

لمار≈ خشت.. ماما جود

جود≈ اول ما شافتها ارتسمت الابتسامة ع وجهها.. لمار حضنتها حبيبتي من جابك هنا

لمار≈ بابا معقولة ما تعزميني ع عرسك

جود≈ سامحيني حبيبتي المهم جيتي

ثريا≈ لمار تعالي حبيبتي

جود≈ خليها معايا

ثريا ≈توا بيخش راجلك

جود≈ اول ما سمعت هالكلمة حست بغصة.. مانبي نشوفه

ثريا≈ عيب يا بنتي راجلك هذا

جود≈ سكتت وطبست راسها تبكي

تسكر الباب

جود≈ كانت تدعي وترعش.. لما سمعت صوت خطوات والباب تسكر مطبسة راسها

زين≈ ارفعي راسك

جود≈ جمدت في مكانها رفعت راسها ببطء من الصدمة زززين

زين ≈مبتسم

جود≈ ناضت بسرعة .. انت شن ادير هنا!!

زين ≈عارفك بتسأليني لذلك درت احتياطي هاك العقد

جود≈ خدت منه العقد ويديها يرعشو.. قرت فعلا العقد صحيح وزين راجلها حلالها

زين≈ جود

جود≈ يعني كلكم كذبتو عليا

زين≈ يشوف فيها.. انـحبك

جود≈ تشوف فيه..ساكتة ترعش في مكانها

زين≈ جود انا ولا مرة نسيتك ولا لحظةة رحتي من بالي ان نحبك وما نقدر نعيش من دونك قوليلي موافقة نفتحو صفحة جديدة

جود≈ حضناته تبكي .. وحتي انا نحبك ولا مرة نسيتك ولا تخايلت نفسي مع غيرك موافقة نفتحو صفحة جديدة

انفتح الباب خش عثمان وثريا ولمار وليث

عثمان≈ احم احم صار قلتيلي ماتبي تتزوجي

جود≈ بعدت من زين لونها تغير من الحشمة..

الكل

جود≈ وهذا الى صار

سراب≈ بس انتي مادخلك في لصار لزياد وربي يرحمه ويغفرله

جود≈ اه الحمدالله ع كل حال

سراب≈ ههه وتوا شن مدايرة مع الحمل

جود≈ الحمدالله مش متعبني واجد

سراب≈ انشاءالله تنوضي بالسلامة

جود≈ سلمك

سراب≈ وين بعلك

جود≈ نغارر

سراب≈ ههه ربي يحفظكم لبعض تصدقي قصتك تجي رواية ويكون اسمها حادث غير حياتي او اختطاف غير قدري او نصيبي حاجة زي هكي يعني

جود≈ لالا #متعصب واحببته

سراب≈ اسم غريب بس حرام عليك راجلك توا تعدل يعني ليش متعصب

جود ≈لاني انا حبيته وهو متعصب وحنحبه بكل حالاته

سراب≈ باهي راعي السناقل الى زيي

جود

النهاية

وراء كل حاجة غريبة سر

الصبر مفتاح الفرج

كما تدين تدان

ربي يمهل ولا يهمل

وعلى نياتكم ترزقون

غلطة الشاطر بالف

من لا يَرْحَم لا يُرحم

قال تعالى

عسى ان تكرهوا شيئا وهو خيرا لكم)

صدق الله العظيم

لقراءة الجزء السابق : الجزء الرابع عشر من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .