الجزء

الجزء الخامس من رواية الحلال والحرام

الجزء الخامس من رواية الحلال والحرام

وفي الجزء الخامس من رواية الحلال والحرام ماذا سيحدث من مواقف مميزة مع ابطالنا ؟ دعونا نعرف إجابة ذلك في السطور التالية بإذن الله مع الكاتبة سلطانة كوكي ، قراءة ممتعة بإذن الله .

الجزء الخامس من رواية الحلال والحرام

نور : مسكتو نادر الحقير ولو مسكتوه نبي انشوفه توا
الشرطي شاف حالتها : اها مسكناه وكنك تعبانه هكي ؟
نور : نتريح لما انشوفه قدامي وتوا الوقت هيا وريه ليا
الشرطي صبا وعدا وهي لحقاته دغري وبعد فتحو الباب وشفاته هو وفتحي أبتسمت زي الطفله والشرطي بحت فيها قعدت تضحك 😂 وهي تبحت فيهم وتشير عليهم وضحكتها سحرت الكل خاصة الشرطي مصدوم ويبحت فيها بعد الضحك يلي ضحكاته قالت : وٱخيرا شفتك مذلول يا نادر وزي ما قهرتني حانقهرك وبعد كملت كلامها حطت يدها في جيبها وطلعت شيشة امية نار وقبل ما يفكها منها الشرطي كبتهااا علي وجه نادر وفتحي يلي قعدو يتعايطو وايديهم علي وجهم : ااااه ااااااااااااااااااااه
نور تضحك وفرحانه ودموعها شلال : انا نور حذرتك ماتقربش مني وعندي امية نار بس مافيش فايده فيكم
الشرطي : شنو درتي أنتي هذي جريمه تتحاسبي عليهااا
نور : هضا حقي يا بني ادم حط نفسك مكاني مستحيل نسكت وفرحتي لا توصف وأنا نشوف فيهم بالوضع هضا
ناااري 🔥 وتااااري وأفكااااري يا دمع كيف بدااااري
هدمو الأماااني 🔥 والحلم قسيوا علي قلبي بالظلم
لا يحلمو بلحظة سلم وبكفي 🖐🏻 رح طفي ناري 🔥
وبكفي رح طفي ناري وبكفي رح طفي نااااااري 🔥
اه يا ويلك من قراري 🔥 وأنتقااااامي وأنتصااااري
يلي عم تكويني نااااااارك 🔥 جرب الحرقه بنااااري
فييي غدر قلبي صببببر لا ما صببببر قلبي أنكسر
لا ما أنكسر أصبح حجر حجر 🔥 اه ياااااا ويلك
من قراري وأنتقاااامي وأنتصاااري يلي عم تكويني
نااااارك جرب الحرقه بنااااري 🔥💥
نادر وجه انحرق وايديه علي وجه وهي تبحت فيه وتبتسم رغم الالم قربت بخطواتها لعنده : أنت حقير
شرطي : يلي درتيه ساد خلاص تعالو خدوها بسرعه
نور بحركه سريعه منها ضرباته كف زاد وجع الوجه عيط بزياده : ااااااااااه وهي تبحت فيه وحاقده عليه حقد لا يوصف كروها مع ايديها واعيونها عليه : اطلقوني نمشي بروحي وعدت وتريحت واجد بعد كل شي دراته فيهم
الشرطي : انا اسف بس مانقدرش نخليك تطلعي من هنا
نور : حانكلم خالي يطلعني انا مش مجرمه هضا حقي وناخده بروحي مش أنت فاهم وأدبالك تبحت فيا هكي مش أنا يلي ندير الغلط والحرام بيدي لو تسحبني زي البنات يلي مسكتوهم راه كل يوم في حضن واحد من الكلاب يلي جبتوهم انا مش هك صدقني بريئه ولما عديت معاهم توقعته مكان عادي جدا ولا عمري سمعت في حياتي ان بلادنا يديرو هكي ولا توقعت ان يخدعوني لما شفتهم يغلطو ماقدرتش نتحمل كنت نبي نمشي والله كنت نبي نمشي خاصة بعد شفت احقر عباد الله يلي حرقتهم توا بيدي ونزلو دموعها انا لو نندري ان الحريه ادمرني بالشكل هضا ماكنتش درت في روحي هكي وأدبالك تبحت فيا بالنضارات يلي تقتل فيا نزل عيونك من عليا صدقني ما نرحمك حتى انت وقعدت تبكي 😭
الشرطي تنهد وحالتها تقطع القلب اشرلها تقمعز وجابلها اميه : اشربي واهدي وحقك خديتيه انا مش عارف شنو أنقول أول مره أنشوف بنت تتصرف بالطريقه هذي أنتي شجاعه قويه فيكي شي مميز أنا مش عارف شنو انقول الكلام راح وحق الله راح وبلع ريقه من نضرتها له 💥
نور ترعش وطيحت الطاسه من يدها : يلي درته حقي يلي غدر فيا نغدر فيه ممكن تخليني نمشي من هناا
الشرطي : صدقيني صعب انخليك تمشي بعد تصرفك
نور صبت وعيطت عليه : قتلك طلعني قسما بالله لو ما طلعتني نقطع شرايني قدام اعيونك والله انديرها وتواا
الشرطي مصدوم : اهدي بلا تهور وبدل ما تعيطي كلمي خالك قوليله ايجي هنا يمكن يساعدك وانا مانقدر صعب
نور قربت واجد منه وهو وخر واعيونه عليها وكلما اتقرب خطوه يوخر خطوه : عليش اتقربي وليش تبحتي هكي
نور مدت يدها وبخبث : نبي تليفون عطيني تليفونك
الشرطي بلع ريقه : مفروض قلتيها بدون تقربك مني
نور : هكي حبيت نقرب عندك مانع وخدت التليفون من يده واتصلت بخالها واعيونها عالشرطي يلي ساحرته من اول ما شافها : ايوا يا خالي ممكن اتجي انا عند الشرطه
مفتاح : شنو اديري غادي وامك مشغوله عليك لقاتك مش قاعده في الغرفه والله حرام اكيده دايره مشكله
نور ببرود : تبي اتجي ولا نتصرف ونطلع بروحي 🔥
مفتاح : توا حانجي ونشوف شنو دايره وسكر في وجها
نور مدتله التليفون : سكر في وجهي تعرف ان الرجاله مش طايقتهم كل يوم انشوف عيب فيكم وانت منهم
الشرطي شير علي نفسه : ليش شنو درتلك بسم الله
نور بأبتسامه : انت تفكيرك سلبي وعندك سوء الظن
الشرطي : مش بقصدي يعني استغربت مشيتك مع شاب بروحك في وقت متأخر نسحبك من البنات يلي وسكت
نور بحزن : زي ما توقعت وانا عشان هكي كرهتك ولفت بحتت بعيد عن اعيونه ماتبيش يشوف حزنها وضعفهاا
الشرطي : ااا انا حانطلع ونخليك اشويه بروحك وعدا وهو مصدوم واعيونه عالباب شنو دارت فيا هذي فيها شي مميز يخليك ما اتشيل اعيونك من عليها استغفر الله ياربي قصتها قصه هالبنت وقوتها وشجاعتها رهيبه 🔥
نور قمعزت وقعدت تبكي وكاتمه صرختها وبكيتهااا وليلة الاغتصاب مستحيل تنساها كابوس في حياتها قعدت اذكرت باتها لما كان يضرب فيها 24 ساعه بهدف التربيه
باتها : انا قتلك تليفزيون مافيش وطلوع برا غير الجامعه احلمي بيها وانا يلي نوصلك ونروح بيكي نلقاك تحكي مع الرجاله قسما بالله نكسرلك راسك فاهمه وهيا تحركي امشي ارقدي من توا عشان اتنوضي واتصلي الفجر
نور بدموع : مزال بدري توا الساعه 8 في الليل نبي نقرا
باتها : قتلك ارقدي وقعد يضرب فيها وامها ما عدلت ولا جات حزت عليها هالشي خله نور تحقد عليهم هما الاتنين لان من طفولتها وهما نفس الطبع ماتغيروش ابدااا لا طلوع ولا تفريج حتى عالكرتون ولا تسمع راديو ولا تصهر ولا شي حتى اللبس كان يتحكم فيه بالضرب هو يلي يجيبلها بنفسه وبذوقه كان متشدد وقاسي بلا رحمه
اما الام سكوتها خله نور تحقد عليها كان صعب انها اتقرب وتمنعه هي بروحها أتخاف منه واجد وواجعتها بنتهااا
باتها شاف نور راقده في القايله نوضها وكرها مع شعرها بالقوه : القانون يلي فهمته لك اديريه نوم القوايل ممنوع ترقدي 8 في الليل فقط فاهمه هيا صبي واقري قرايتك
نور بوجع : انا مريضه صدقني حرارتي مرتفعه مش قادره نصبي ولا نقرا والله تعبانه خليني نتريح الله يربحك 😭
باتها كرها مع شعرها : دموع التماسيح ما نبي نشوفهم صبي غصبا عليك اقري قدام اعيوني وتخرجي واشتغلي ارفعي راسي بتخرجك واصرفي عالحوش معايا صبي
نور حطت يدها علي كرعه : انبوس كرعك اطلقني 💔
باتها : اتبوسيها وما نطلقك يا وسخه انا اكره ما عندي البنات ياريت امك خلفت راجل يساعدني في هالحوش مش بنت نقعد نعاني 24 ساعه ونربي فيها وخايف تجيبلي العار واتنزل راسي قدام الناس وكرها بكل قوته للصاله وجاب كتاباتها وحطهم حداها : اقري قدامي وتوا
نور ترعش وحاسه بوجع لا يوصف مسكت الكتاب وخايفه واجد منه واعيونها علي امها يلي ساكته غمضت اعيونها بوجع وفي نفسها عاجبك يلي يدير فيه وقعدت تبكي ضربها عشان بكت بالعصا : بلا دموع واقري تواا بسرعه اقري لازم تنجحي وتتخرجي بسرعه تعبتيني ليا سنين اتعبي فيا خلاص قريب تتخرجي وتشتغلي وعزق كتاب عليها مره تانيه ومابش يخطاها ولا رحمها كان يحقد عالبنات خايف تجيبله العار يعامل فيها بعنف وقسوه من طفولتها من اول ما مشت علي كرعيها لعند هاللحظه كرهت كل شي بالأخص باتهااااا عاش ومزال قلبه قاسي عليها ولا رحمها عذبها لعند تخرجها ومرض مرض مميت ومات منه فرحت وااااجد بموته حست بالحريه قررت تلبس يلي تبيه وتطلع لأي مكان المهم تطلع بس حقدت علي امها كلما اتجي اتشوفها تذكر يلي صار معاها والحبس يلي كانت عايشه فيه والعذاب يلي شفاته تبي تتزوج وتطلع من الحوش تسحب بالطريقه يلي كانت ماشيه فيها حاتتزوج زواج لكن غدر فيها اكتر شخص تريحت معاه في الشغل امتعها اكتر شخص كرهاته من كلمته انه تطلع معاه قعدت تبكي بقهر ووجع 😭💔
خش خالها وشافها بالحاله هذي وجعاته قرب منها وكرها لحضنه قعدت تبكي وترعش : كرهت الرجاله والله كرهتهم تعبانه واجد ممكن اطلعني دير فيا خير وطلعني
خالها نزلو دموعه : حاضر وحكالي الشرطي شنو صار معاك كله انا مش حانهزبك ولا انعاتبك لانك عديتي ووثقتي في الناس انا نبيك تاخدي درس وتتعلمي ان الرجاله مافيش اغدر منهم انتي زي بنتي ملك يا نور والله غلاوتك كبيره غار باتك الله يرحمه عذبك وقهرك هو خاطره في عيل بس هضا نصيب شوفي انا زوجتي جابتلي ملك بس اسأليها عمري ضربتها وهزبتها مستحيل كنها البنت مافيش احن منها وحضنها وقعد يبكي معاها وهي مصدومه : باهي طلعني لو تحبني طلعني من هنا
خالها بحت فيها ومسح دموعها : غالي والطلب رخيص خليكي هنا تريحي وسلح جاكته خلاها تلبسها وبحت فيها وبأبتسامه : نور انا فخور فيكي علي شجاعتك الشرطي شكرك ليا واجد وحتى منعجب بيك وطلبك للزواج
نور أنصدمت ووخرت : لا مستحيل هضا بذات لالا
خالها : ليش قوليلي عطيني سبب مقنع لرفضك له
نور : لان تفكيره سلبي وسوء ظنه فيا كرهني فيه
خالها : غصبا عليه صدقيني بس هو رايدك حكالي توا الراجل ناوي الحلال ويبي يستر عليك ترفضيه معقوله
نور : نرفضه ونرفض بوه اخرا هضا اخر كلام عندي
خالها تنهد : علي راحتك مش حانغصبك عليه وعدا
رغد سمعت امها تبكي وباتها يهزب وجاب سيرة فتحي استغربت لان كان معصب واجد ولما شفاته عدا دغري خشت علي امها : شنو في ليش تبكي شغلتوني والله
امها : خوك من امس وهو في مركز الشرطه في كارثه يارب يطلع منها والله حانموت من الخوف عليه 😭
رغد سكتت وفي نفسها معناها داير غلط وزعما شنو ؟
امها حالتها حاله وتبكي ورغد قربت منها تهدي فيهاااا وبصعوبه نطقت : امس فتحي حاول يقرب مني 😢
امها سكتت وبحتت فيها : شنو أتقولي انتي ؟؟؟؟
رغد : يلي قلته فعلا صار ما نكذب عليكي صدقيني
امها : معقوله فتحي يدير فيكي هكي هضا خوك
رغد : ما نكذب مستعده نحلف عالمصحف ان نضارته ليا مش نضرة الاخ لأخته وتصرفه خلاني انخاف منه حسيت بالخوف خاصة لاني بروحي نتمنه انك تصدقيني 😭
امها مسحتلها دموعها ومزالت مصدومه ان ولدها هكي وزادت صدمتها بعد مرور وقت جاه زوجها وبحت فيهم وكان معصب : ولدك يا ونيسه نزل راسي عارفه شنو داير مسكاته الشرطه مع شلة بنات و2 من اصحابه ولقوه عندهم مشاريب ومخدرات وفوقها حاول يغتصب نور بنت محمد جارنا يلي توفى بس صاحبه هو يلي دارها البنت شفتها غادي شاكيه فيهم كلهم ومش راحمتهم وكابه علي وجهم امية نار يستاهل هالحقير قهرني وانتي ديما اتقولي ولدي شاب وكويس واكيد شغله نظيف اهو دار عمايل سوده الله لا يسامحه فاتحلي هو وشلته مكان للزنى الله لا يساااامحه حسبي الله ونعم الوكيل فيه
والأم ورغد مصدومين وقتها صدقت رغد علي كل حرف حكاته صدقتها فعلا بعد يلي سمعاته توا داخت من صدمه
ملك مستغربه تصرفات لجين عدت لعندها وبهدوء : وين مايا اختك وين عدت ممكن تحكيلي وقوليلي اختك وين
لجين بحتت فيها : مانعرفش اسأليها ليش تسألي فياا
ملك : لان هذي اختك وديما مع بعضكم كيف مش عارفه
لجين : ماعش قعدت نحكي معاها زعلانه ومقهوره منها
ملك : شنو دارتلك اكيد عشان قصة الفيديو صح ليش زعلانه وشافوك البنات كنتي مع اختك في الحمام 💔
لجين بحتت في اعيونها زين : هي كذبت عليا اختي استغلتني وبس توا نحكيلك شنو قالتلي قبل 5 سنين
ملك قعدت جنبها وتسمع فيها وكانت مصدومه واجد
مايا ورتها فيديو : شوفي هدينا خوات ومتعلقات ببعضهم واجد ويحبو بعضهم لدرجه لا توصف شفتيهم بعيونك شنو صار بينهم وهالشي مش حرام ما اتخافيش يعني
لجين بحتت فيها : بس يا مايا مش قادره نستوعب ولا عمري سمعت ان الخوات يتصرفو هكي وهضوما كفار نحنا مسلمين يعني مش اي شي تشوفيه تقلديه 🥺
مايا : يا لجين ركزي معايا انا بنت وانتي بنت الموضوع مش شوره لا بالأسلام ولا بالكفار خليكي معايا صدقيني مش حاتندمي انا اختك وانحبك واجد بس يلي يصير بينا ياريت ماحدش يعرف فيه لان سر بين الخوات وبسسس وهو مش حرام لان بنتين مع بعضنا مش مع راجل تمام
ملك : يعني هي خدعاتك بالكلام هضا وقتها عمرك كان 15 سنه وهي 16 سنه بجديات مصدومه وكيف عرفتي ان كل حرف حكاته لكي كذب وانها تستغل فيكي وبس
لجين بدموع : لان حاولت اتقرب من رغد بنت خالتي وهي مش اختها وكانت حاقده عليها وحاطه اعيونها عالبنات يلي في الكليه وورت مرام فيديو خلت ايلاف اتجي لعندها وهي قالت ان الخوات بس وما يطلع برا يلي يصير بينهم اشويه قعدت نفكر في الموضوع واجد وانا نتفرج عالتليفزيون امس سمعت الشيخ يحكي عالأشياء هذي وعن حاجات واجد حرام أنصدمت والله يا ملك هي ضحكت عليا لو نندري ان حرام فعلا والله ما درتهاا وانا اختي واجد نحبها وكنت اي شي اديره مايا نقلده حتى لو عاملت ماما بقلة ادب خلتني زيها ما نصليش مع اني عارفه ان هالشي غلط وحرام بس ما صليتش وقعدت تبكي ومنهاره وملك بكت معاها وقعدت تهدي فيها بس واجد منهاره وضميرها يعذب فيها حضنتها : خلاص اهدي
لجين : كيف نهدأ وانا غلطت ودرت الحرام من 5 سنين
ملك : ربي غفور رحيم اهم شي اختك وين عدت هذي ناويه ادمر روحها ولا كيف ليش تطلع من كليه وبدونك
لجين : اكيد عدت مع ايلاف التافها شفتهم يتهامسو وجات في وذني حوش ومش عارفه شنو قالت بعدها
ملك : الله يستر يارب احميها والله قلبي مش مطمن
مايا نزلت من سيارة ايلاف وبحتت في حوش : البنت يلي تعرفيها عايشه هنا وليش بروحها مستغربه الحق
ايلاف : حانقولك بس ما تحسسيها انك تعرفي هي هاربه من عيلتها واتبيع في نفسها يعني الحوش هضا ملك واحد عنده فلوس واجد خشي معايا وحاتحبك واجد صدقيني
مايا خافت : لا خلاص خليني نمشي هيا لو سمحتي
ايلاف : كنك خايفه وبعدين ما اتجيش هي عندها العلم بجيتنا تعالي انا معاك ومسكت يدها وعدو شور الباب رنو الجرس وفتحت البنت يلي اسمها مروه سلمت عليهم واشرتلهم يخشو انصدمت مايا بعد شافت راجل جوا
مروه : كنك خفتي هضا صاحب الحوش نعرفك خالد
مايا : نبي نمشي هيا يا ايلاف وانا مانحبش الرجاله
خالد ضحك : للهدرجه يعني وصبا وهو يصفر : ناعليا علي فكره هذي تجنن يا مروه واجد صاروخ قتلني 🔥
مروه ابتسمت : كنك خايفه تعالي وحكتلي ايلاف عليك
مايا ترعش : انا مانحبش الرجاله قوليله يمشي من هنا
مروه : صعب هضا حوشه كيف تبيني نلزه عيب صح
ايلاف : يا مايا ما تخافيش وخالد كويس مش حايضرك
مايا بحتت فيه : لالا لو انتن تمام هو لا ما حبيته 💔
خالد ابتسم : انا معقوله ما تحبيني بس انا مش وحش
مروه : معناها ماعمرها دارت علاقه مع راجل جربي يا مايا ومش حاتندمي انتي جيتي خلاص والراجل انعجب بيكي شوفيه كيف يبحت فيك والله حنون وطيوب اخرا
مايا ترعش وبحتت في ايلاف همستلها : امشي معاه مش حاتندمي انا من قبل كنت معاه والله حنون مش حايضرك
مايا بحتت فيه مسك يدها وباسها : قمر انتي سبحان يلي خلقك تعالي معايا للغرفه جوا وغمزلها بالايش عدت معاه وسكر الباب وراهم وطول الوقت مايا ترعش وخايفه
مروه : كنها خايفه هكي شكلها ماتحبش الرجاله بكل
ايلاف : توقعتها عادي عندها بصراحه انصدمت ردت فعلها صدمتني وقتلها خالد مش حايضرك ولا ضرني
مروه : بس يمكن يضرها لان قالتله ما حبيتك 🔥
ايلاف بحتت فيها وانصدمت : بس هي صدقتني انا قتلها مش حايضرها لو سمحتي قوليله ما يضرها ولا ياخد شرفها ارجوكي حاولي معاه مايا بالطريقه هذي حاتعصب
مروه : وتعصب هههه هيا مش حاتغيب اكيد حايعجبها وحاتجي انا متأكده مش حاتغيب علينا اطمني انتي
ايلاف اعيونها علي الغرفه وفي نفسها انا اسفه 💔
لجين راجت اختها واجد بس ماجتش كلهم روحو وملك كل شويه تتصل وتطمن بعد خدت رقمها واعيون الشاب يلي ماسك الكتاب عليها بحت في ساعته ومستغرب وجود لجين هنا فقرب بخطواته لعندها وبحت فيهااا
لجين نزلت راسها تهربت تبحت فيه خاصة ان من امبدري يبحت فيها واعيونه عليها وبصوت حنون ورجولي خلاها ترفع راسها وتبحت فيه قال : ليش قاعده لعند توا بروحك مفروض تروحي لحوشك مافيش حد وانا بصراحه ماقدرتش نروح وانخليكي هنا زي ما اتشوفي استغليت الوقت وقعدت نقرا في كتابي واشر عليه وهي انصدمت وفي نفسها يعني وجوده من امبدري عشاني انا
شافها سرحانه : ليش ساكته انا لازم نمشي ونبيك اتروحي خايف عليكي هيا صبي وحوشكم وين ؟
لجين بتوتر : قريب علي بعد 3 شوارع بس صعب نمشي بدون اختي هي عدت مع صاحبتها وانا نراجي فيها
هشام بأستغراب : لعند توا باهي امشي روحي واكيد توا صاحبتك توصلها لحوشكم هيا لو سمحتي مانقدرش نمشي لشغلي ونخليك بروحك في الجامعه مع الامن
لجين خدت شنطتها وصبت : تمام حانمشي وشكرا لانك قعدت معايا وانا واجد خايفه وعدت دغري بدون ما اتقول حرف اخر واعيون هشام عليها تنهد وعدا ركب في سيارته وقعد وراها يمشي بسيارته بشويه بشويه لعند ما وصلت للحوش تبي تفتحه ابتسم وبيبلها لفت وبحتت فيه لا اردايا ابتسمت ماتوقعت يلحقها اشر بيده سلام وعدا وطول الوقت يبتسم ووصل لشغله يلي تأخر واجد فيه بسبب انتظاره في الجامعه مع لجين لعند 4 العصر
لجين روحت لحوش عيلتها بروحها بدون مايا مع الاسف
امها صبت وبحتت فيها : اختك وين الساعه 4 العصر روحتي متأخر من الجامعه وفوقها بروحك ؟؟؟؟
لجين نزلت راسها : راجيتها واجد بس ماجتش 💔
امها : ليش وين عدت كيف تطلع من الجامعه لمكان تاني
لجين : انتي عارفتيها انا مانقدرش عليها مايا صعبه
امها : الصبر ياربي وحاولت تتصل بيها بس مقفل
قعدت مشغوله واجد ولجين خشت لغرفتها ودموعها شلال بعد حوالي ساعتين رن الجرس عدت فتحت امها ولقت مايا قدامها : وين كنتي لعند هالوقت ردي عليا
مايا خشت وبصعوبه نطقت : صاحبتي مريضه كنت عندها هي جابتني هنا وعدت ممكن نمشي نتريح !
امها : بدون ما تقولي لأختك علي الاقل تعدي ولا تقولي حتى ليا ولباتك انك ماشيه بدون علمنا يلي درتيه غلط
مايا بحتت فيها زين : قتلك مريضه صاحبتي وخليني في حالي انتي الغلطانه مش انا ادبالك اتقوليلي اني غلطت
امها انصدمت : كيف ؟ شنو قلتي فهميني ليش قلتي هك
مايا : انتي وبابا انا شفتكم وانا عمري 10 سنين مع بعضكم وباب غرفتكم مفتوح 😒 شفت كل شي صار بينكم لدرجة النوم طار من عيني اغلب ايام الاسبوع كنت ندير في روحي راقده ولما نسمع اصواتكم انصبي ونلقا باب الدار مردود وشفتكم مره واتنين وخمسه واكتر اخرا
امها مصدومه وترعش : مايا شنو اتقولي وشنو شفتي
مايا بدموع : شفت كل شي هالشي اثر فيا واجد وعدت لغرفتها وهي تبكي لقت لجين تصلي قعدت تبحت فيها
لجين كملت صلاتها صبت وبحتت فيها : جيتي ليا ساعات نراجي فيك في الكليه مع الاسف ماجيتيش من امبدري نصلي وندعيلك ونتمنه انك ماعش تقربي مني
مايا مسحت دموعها وبحتت فيها : ليش كرهتيني يعني
لجين : انا ما كرهتك انتي اختي رغم انك كذبتي عليا وعشان مصلحتك خلتيني نغلط معاكي 5 سنين انا نتعذب من الغلط يلي كنت فيه بسببك ماعش تجي شوري ابدا مفهوم وخشت لسريرها وتغطت واعيون مايا عليها وفي نفسها لو لجين رفضت قربي انا حانمشي من هنا مش حانقدر صعب عليا واذكرت كلمة ايلاف : هي هاربه من عيلتها واتبيع في نفسها يعني الحوش هضا ملك واحد عنده فلوس واجد خشي معايا وحاتحبك واجد صدقيني وفي نفسها بكرا حانمشيلهم والتافه يلي اسمه خالد ضيعني ودارها واما وجودي هنا هلاك لروحي خاصة ان لجين رافضه قربي منها وبدت تلم في دبشها بدون ما اتشوفها اختها لجين وعدت شور الحمام وتجاهلت امها يلي كانت مصدومه ومقمعزه ولا قادره تستوعب يلي سمعاته من بنتها الكبيره ومايا بعد دوشت طلعت وعدت في اتجاه الكوجينه كانت جعانه واجد لحقتها امها وبحتت فيها : وين كنتي انتي وشنو درتي ردي علياا
مايا ببرود بحتت فيها : يلي درته انتي وبابا السبب فيه
امها ترعش : أنتي تعذبي فيا قولي يا بنتي وريحيني
مايا قعدت تاكل ومابتش اترد عليها ومن جوا نار شاعله فيها ويلي صار معاها اليوم مجننها خلاها تذكر يلي صار مع باتها وامها يلي تبكي وهي تبحت فيها صبت مايا واعيونها علي امها : مافيش داعي تبكي انا انتهيت وافهميها زي ما تبي انا مش خايفه من حد وعدت
زينب مصدومه اتصلت بزوجها يوسف : تعال توا الوقت مصيبه لازم تسمعها وتعرفها ما اطولش عليا وبكت واجد
انصدم يوسف جاه يجري للحوش وشاف زوجته تبكي وحالتها حاله 😧 : شنو في كنك تبكي احكي وفهميني
زينب : يلي حاتسمعه حايصدمك صدمة عمر بحاله وبدت تحكي شنو قالت مايا بنته الكبيره انصدم : شنو قلتي 😧
زينب : هضا يلي حكاته وشكلها مضيعه روحها واضح من كلامها ونضارتها ليا قالت ان يلي درته انتي وبابا السبب فيه وزادتها عليا بأخر شي حكاته : انا انتهيت وافهميها زي ما تبي انا مش خايفه من حد يعني بنتك شافتنا ويلي شفاته مش ناسيته ولا قادره تنساه ضيعت روحهاا 😭
يوسف قمعز من الصدمه وكان يرعش : ياربي شنو يلي قاعد نسمعه مش قادر نستوعب معقوله مايا ولمعو اعيونه وبحت في جهة غرفتها مع لجين يلي مقابله غرفتهم : يعني هي شافتنا الله اكبر عالصدمه مش قادر نصبي ولا قادر نحكي معاها وقعد يبكي هو وزينب يمكن تأخيرهم زاد ضيعها 🔥 خاصة ان بعد قررت تشوفها زينب مره تانيه لقتها راقده هي ولجين تنهدت وسكرت الباب والحزن في اعيونها : ياربي سامحنا نسحبوها راقده هي واختها ماتوقعنا اتنوض واتشوف يلي شفاته 💔
هيثم مشغول علي نور من أمس ما شافها ولا عارف مكانها وين لان ما طلعتش من الحوش دق ورن الجرس مافيش حد فتحله عرف ان الحوش فاضي عدا وطول الوقت يفكر فيها حكاه لأخته وفاء عليها شافت اعيونه ونضارته وطريقة حديثه علي نور : أنت حبيتها صح ؟
هيثم نزل راسه : مسيطره عليا ولا قادر نشيلها من راسي من اول ما شفتها مش عارف شنو ندير باب حوشهم رنيت عليه واجد مافيش حد دق عليا حبيتها يا اختي
وفاء ابتسمت : ما اتخافش اكيد توا تتلاقا بيها اخرااا
هيثم : خايف منها لانها صعبه وحاترفضني اكيد 💔
وفاء : وليش ترفضك انت شاب كويس وصالح ما شاء الله عليك تستاهلك ألف بنت ولو رفضاتك ما تزعلش حانقول لأمي تخطبلك وحده تحبك من كل قلبهاا
هيثم صبا وتهرب يبحت فيها : انا مانبيش غيرهاا ولا قادر نقعد ثانيه وحده بدون ما انشوفها وفجأه سكت واذكر مركز الشرطه والكلام يلي حكاته للشرطي يعني اكيد جاتهم اليوم عشان اتشوف نادر عدا دغري لمركز الشرطه وسأل عليهاا وعرف يلي صار كله وانها عدت مع خالهاا طلع من المركز : معناها في حوش خالها يارب اتكون كويسه وأنرد انشوفها مره تانيه 😔💔
الشيخ يعقوب رقيتله من اسلام وناده واحد من طلابه همسله في وذنه : بعدين بعد صلاة المغرب تعال للحوش في هديه حانعطيها لكي انت بس ما اتقولها لأي حد لانك انت ممتاز فجبتلك هديه عيب نعطيها قدام الباقي صح ومافيش داعي اتقولها لحد حتى للأستاذ اسلام تمام لان هو ما يحبنيش لو حكيتله مش حاتخد الهديه مني
حيدر ابتسم : حاضر يا شيخي وشكرا واجد عالهديه
هز راسه الشيخ واشرله يمشي جات عينه علي اسلام يراقب فيه وبحت في حيدر يلي فرحان واجد همس زعما شنو قاله وليش حيدر فرح انا لازم نعرف يلي صار ليا ايام نراقب في الشيخ مش واثق فيه ابدا نزل من الدروج بعد شاف الطلاب بدو ينزلو وعداا واعيونه عليهم من بعيد لحق حيدر كره مع يده وبحت فيه : شنو قالك
حيدر بلع ريقه واذكر يلي حكاه : قالي انت ممتاز وفرحان بياا ومابش ايقولها قدام الباقي قال عيب وانا لازم نمشي
اسلام هز راسه وطلقه : شنو قصتك يا شيخ وقرر يمشي للحوش بس في شي منعه وقف وبحت في حيدر يلي يمشي وكان فرحان وعدا وراه بدون ما يشوفه حد !!
نور في حوش خالها مع امها وطول الوقت تبكي وحالتها حاله بحتت فيهم : صدقوني يلي كنت ندير فيه غصبا عليا كنت نبي نتزوج بأي طريقه ونطلع من الحوش 💔
خالها مصدوم : عليش تبي تطلعي من الحوش بأستعجال
نور بدموع : مش طايقه انشوف امي كلما انجي انحقها نذكر يلي دراته فيا كانت تتفرج عليه وهو يعذب فياااا فعشان هكي نتهرب من الحوش ونبي نعيش بحريه 😭
امها قعدت تبكي وملك مصدومه كان واضح ان نور معصبه من امها واجد قربت منها وهي تبكي : والله يا بنتي خايفه منه باتك ما يرحم كيف تبيني نوقفه كيف
نور صبت : يعني اتخليه يعذبني عادي انا بنتك حرام عليكي انتي وياه وفوقها تتحسبي عليا وتلومي فياااا شوفي حالتي شنو صار فيا ردي عاجبك تعرضت لأغتصاب من احقر عباد الله بس خديت حقي منه 🔥
خالها بحت في فاطمه اخته : !!!!
يتبع …….

لقراءة الجزء التالي : الجزء السادس من رواية الحلال والحرام

لقراءة الجزء السابق : الجزء الرابع من رواية الحلال والحرام

للإطلاع علي فهرس اجزاء الرواية : جميع روابط اجزاء رواية الحلال والحرام للكاتبة سلطانة كوكي

جميع الحقوق محفوظة للكاتبة سلطانة كوكي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى