الجزء الخامس من رواية حنين الماضي للكاتبة لوزة ليبية

لنعرف ماذا سيحدث مع عقيل في الاحداث التالية وماذا خبأت لنا الكاتبة لوزة من احداث جميلة مشوقة في سطور هذا الجزء، احضر هيا فنجان القهوة الخاص بك ولنبدأ قراءة الجزء سوياً .

الجزء الخامس من رواية حنين الماضي للكاتبة لوزة ليبية

عقيل :موافق بس بشرط
ع مسعود:وتتشرط زيادة …. باهي شن شرطك

عقيل خطرت فباله فكرة انه يكلم سلمى ويحاول معاها وقعد يفكر لين قاطعله عمي مسعود حبل افكاره وقاله:وين سرحت

عقيل:اها ﻻ شي قتلك انا نخطبها زي ماتبي ونلبسها دبلة ومحد يقدر يجي شورها وحتى تطلع ف شارع يقولو هضي شور عقيل …
وشرطي ماتقوليش الفرح ع طول خليني هكي متع 4 شهور
عمي مسعود:شن قصدك عﻻش 4 شهور بدات
عقيل:عندي خدمة وشوي حاجات نبي انتمها طاوعني بس ياباتي
عمي مسعود سكت وبعدين قاله: عندك شهرين بس كمل خدمتك فيسع
عقيل:شوية مايسدونيش
عمي مسعود: قبل بنقولك العرس بعد 3 ايام
عقيل:اوكي شهرين خﻻص
عمي مسعود:عدي ناديلي سالمة بنخبرها
عقيل:مازال بكري شن بتقولها من توا
ع مسعود:ناديها 
عقيل: اوكين تو نلديها
ناض عقيل وهو حاط طنجرة امبكبطة فوق راسه ويخممم شن اندير ندى حبيبتي وعبد الرحيم صديقي المشكلة ماعنديش رقمه عبدو …امممم زعما نرفعها طرابلس ونحطها قدامه لكن ﻻﻻﻻ انا بالك تكرهه هكي مرة ريت فلم اجنبي عن الشي هوا فاقد الداكرة وجاته حبيبته كرها وفاته امممم معناها ﻻزم نخلي سالمة تتدكر ﻻزم …
مشي لدار سوسن طقطقطق
سوسن :منووو
عقيل:سوسن تره اطلعيلي شوية
طلعت سوسن وقتله:شنو فيه
عقيل:اسمعي باتي يبي يجوزني لسلمى
سوسن:حقققق؟؟؟وندى ؟؟
عقيل:هوا هدا اللي نقولك عليه نبيك تساعديني والله مضايق قريب نطربق
سوسن:كيف بنساعدك
عقيل:نبيك تحاولي مع سلمى بالك تتدكر شوية حاجات
سوسن:انا كل ماتتدكر سلمى حاجة نغيرلها موضوع بش معش تتدكر اماليها
عقيل:ماك شفشة هدا عليش… سمعي بنديرو اجتماع ف السطح مع ساعة 3 ف القايلة قولي لسلمى واركبولي فوق
سوسن :ان شاء الله به
عقيل:وقولي لسلمى تمشي لباتي يبيها
طلعت سلمى من دار وقتله مساء الخير عقيل …
عقيل:مساء النور
سلمى:شن جوك اليوم
عقيل:تمام كويس شخبارك انتي
سلمى:تمام ….
عقيل:سمعي باتي يبيك ضروري
سلمى:عﻻش؟؟
عقيل:تعرفي منه خير
سلمى:ان شاء الله تو نمشيله هي

خ رحمة:ياسوسن تعالي طيبي الغدي
عقيل:لتو ومازال ماطابش ساعة 1 ياحاجة رحومة ههههه
خ رحمة:تعال طيب اماﻻ
سوسن:اي اي طيبنا عقيل تطييبك حلو
عقيل:ﻻ ﻻ ماعنديش خلوق عدي انتي وماتنسش اللي قلته لك بعد ماترجع سلمى من باتي خبريها ع اﻻجتماع
سوسن:اوكي

سلمى :مساء الخير عمي
ع مسعود؛:مساء النور يابنتي
سلمى:عقيل قالي انك تبيني
ع مسعود:قعمزي قعمزي
قعمزت سلمى
عمي مسعود:يابنتي انا احم … بنخطبك لعقيل ولدي
سلمى انكسفت ونزلت راسها
عمي مسعود:السكوت عﻻمة الرضا
سلمى:لكن خلي نشوف راي عيلتي المسافرة برغم انهم ماكلمونيش
عمي مسعود:يابنتي انا زي بوك…. واصﻻ انا اكبر من بوك فكلمتي هيا اللي تمشي من قبل.. مش توا بس…. وتو كان كلمني انخبره
سلمى :اللي تشوفه ياعمي نستاذنك تو
تاضت سلمى وحست روحها مش مرتاحة للموضوع
مشت لسوسن
سلمى :سوسن بوك خطبني لعقيل
سوسن:باهي حلوووو
سلمى:صح عقيل قنين وطرف لكن لكن مش هدا اللي نحس باحساس اتجاهه مش عقيل
سوسن:اماﻻ منو
سلمى:مش عارفة قوليلي انا قبل كنت مخطوبة واﻻ عﻻقة واﻻ شنو
سوسن:ﻻ مش مخطوبة وعﻻقة الله اعلم ماحكيتيليش ماكناش نشوفو ف بعض هلبا …لكن ندى ممكن تعرف
سلمى:من ندى ؟؟اها بنت خالتي اي ممكن صح….عندك رقمها؟؟
سوسن:ﻻﻻ ماعنديش…. حقا عقيل قال يبينا ف السطح مع ساعة 3 ماتقولي لحد باهي
سلمى:تمام بس هكي بنتحشم منه معادش زي قبل نعتبر فيه خوي
سوسن :ههههههه عادي عادي

ومن هنا لهنا تغدو وكلو فواكه وغسلو ماعين وجت ساعة 3 ركب عقيل ف السطح وقعد يستنى

سوسن :هيا ياسلمى توا ساعة 3:10 عطلنا ع عقيل
سلمى :هيا هي
سوسن:سمعي ستنى نحق باتي كان راقد واﻻ واعي ….
سلمى:به به
مشت سوسن مدت راسها ف المربوعة ورجعت ل سلمى وقتلها :هيا هيا راقد
وركبو لسطح وقعمزو جيهة الظل جنب عقيل
سلمى : اها في شنو تبينا قتلي سوسن اجتماع ….
عقيل :انا نبي نساعدك ياسلمى
سلمى:كيف بتساعدني
عقيل:ف كل شي بش ترجعلك ذاكرتك …بنديرلك انعاش ذاكرة ههههه
سلمى:ههههههه ياريت والله  مليت هكي عايشة بدون ماضي
عقيل:به غمضي عيونك هي
سلمى:هه غمضت
عقيل:خوووودي نفس عميق وحاول تدكري اي حاجة اي راس خيط.. هي نستنوك خودي وقتك
فاتو 7 دقايق وقتله ادكرت
عقيل وسوسن :هاه شن ادكرتي
سلمى:مرة طاح مني قلمي ف حفرة وقعدت نبكي
عقيل: شورها ذكرى قديمة متع ابتدائي …. زيدي ادكري تره
فاتو 3 دقايق ….
سلمى:ادكرت
عقيل:هاااه
سلمى:نشوف ف تؤم يلعبو يقولولي عطينا جنيه بنشرو جيﻻتي
عقيل: شعرهم اشقر شوي
سلمى:مش عارفة لكن عيونهم خضر تقريبا
عقيل:تمام هادونا خوتك الصغيرين
سلمى : بجديات
عقيل : ايه حسن وحسين
سلمى:حقا الصبح يتردد صوت فبالي صوت مراة تقول حسك بتقعديلي ف الرقبة
سوسن:ههههههه اكيدة امك قالتها كلمة هادي ﻻن امي ديما تقولي فيها
سكتت سلمى وغمضت عيونها لحظات وقالت:جت قدام عيوني توا واحدة ﻻبسة جبة وواحدة جنبها لكن مﻻمحها مش واضحة تقريبا هيا اللي تقولي بتقعديلي ف رقبة
عقيل: حلو حلو معناها بديتي تدكري بشوي بشوي
سلمى تبكي : سامحوني هدا اللي قدرت ندكره
عقيل:ماتعبيش روحك سالمة خﻻص ساد توا واصﻻ باتي قريب يوعى العصر يأذن …اجتماعنا التاني مابين صﻻة المغرب و العشي
سوسن:تمام

نزلت سوسن وسلمى ولقتهم خ رحمة
وين كنتن انتي وياها تعاكسن من السطح واﻻ
سوسن:ﻻ يمى عقيل كان معانا فوق خ رحمة :عقييييل ؟؟؟؟
سوسن:اششش يمى تو يسمعك باتي …. كنا انعدلو ف الصحن بس
خ رحمة:اها به

نزل عقيل وخش للمربوعة
مازن: مبارك مبارك ياعريس
عقيل:ع ايش تبارك
مازن:تي قالو خطبت سلمى
عقيل:كله من خوك لحمر حمادي
اشبح شن داير
مازن:يتبصبص على سلمى وهيا راقدة
حمادي:نهار جده احرف هالكلب والله اﻻ مانوريه
مازن:تعال تعال ماتضرباش خﻻص باتك ضربه
مشي يتجارى عقيل وخش ع حمادي وهاك وين يوجعك مرجه طريحة وطلع
مازن:تي عليش ضربته ياعقيل
عقيل :يستاهل ماناقص غير يتفرج ع صبايا .
مشي عقيل للحمام حلق لحيته و خدي دوش ولبس سورية كحلة وسروال بيج وبخ برفان ووقف ع المراية في الممر يواسي ف شعره
على خطمت سلمى شفاته ﻻبس سروية كحلة قعدت تشبحله وتركز فيه وقتله :عقيل عقيل
عقيل:نعم نعم
سلمى:سوريتك منين جبتها اشبح وين رايتها
عقيل:ههههه حسستيني مايبيعوش فيها اﻻ ليا نا بس
سلمى:قصدي مش عارفة جت فبالي هكي حد ﻻبسها
عقيل قرب منها وقالها ادكري حاولي
فات دقيقة وقتله :مادكرت شي

عقيل:باهي مش مشكلة خلي نطلع انا توا وكان ادكرتي اي حاجة اكتبيها اوكين
سلمى :اوكي بسﻻمة …
فات تﻻتة اسابيع من الشهر اﻻول وعقيل وسوسن يحاولو مع سلمى كل يوم يديرو ف اجتماعات ف السطح ومافيش نتيجة

في يوم ما
عمي مسعود:اطلع انت وسوسن وامك دورو دبل بش تلبسها ل سلمى
عقيل:ياباتي مازال
عمي مسعود:هوا داك غدوة التلبيسة برا خودلها دبش وجهزها

عقيل مهموم ومضايق المدة بتفوت وسلمى مادكرت شي وجي يوم تلبيسة دارولها تلبيسة بسيطة ولبس عقيل سلمى الدبلة وحتى هيا لبساته بس كل واحد منهم مش حاس بشي اتجاه التاني
…
وفي السبوع اﻻول من شهر الثاني مع العشية
طلع عقيل ومشي لجماعته هدرز معاهم ومع المغرب كان ف الحوش
ركب لسطح وحاس ان اصﻻ اﻻجتماعات مافيش منهم فايدة دار رنة لسوسن
فات شوي
ركبو سوسن وسلمى
سوسن:تعبت انا كل يوم راكبة اهنا سلمى:سامحوني تعبتكم بس الباين مافيش فايدة
عقيل تنهد وسرح ياهمي فات شهر ومافيش اي نتيجة مانبيش نتجوزك ياسلمى انا عندي حبيبتي ندى اللي مازال ماتعرفش ع خبر خطوبة
سلمى:عقيل وووين سرحت
عقيل تلفت لسلمى وقالها :معاك ….كيف حالك توا
سلمى:باهية
عقيل :هي حاول تدكري توا اي وجه اي موقف اي كلمة اي مكان
سلمى:مكان مكان اممممم نشوف ف بحر ياعقيل
عقيل فرح وقالها:ايه شن فيه البحر هدا
سلمى:مش عارفة المهم بحر هكي معش ندكر بالزبط
سوسن ل عقيل:معناها ﻻزم تبي بحر قدامك بش تتدكري
عقيل:نوضو هي توا نمشو للبحر
سوسن:هه وباتي ؟؟؟ مش حيخلينا
عقيل:تو نقوله معديين لسوق امشن وتن رواحكن ماتعطلوش قبل ما يزيد يليل الليل
سوسن :به تمام …. تواني نلبسو عباياتنا
نزلو سلمى و سوسن لدار ولبسو عالسريع
ونزل عقيل وقال لامه بنعدي بصبايا لسوق
خ رحمة:ارجاني نمشي معاكم
عقيل:ﻻﻻﻻﻻ مستعجل بياخدو حاجة عسريع وبنروح بيهن وكان سالك باتي قوليله عدى بيهم عقيل

طلعو هما التﻻتة وبعد تلت ساعة وصلو البحر نزلت سلمى ووقفت عالشط وسرحت فاتت عشرة دقايق وسلمى مازال واقفة وسارحة
عقيل ل سلمى:بالك ادكرتي حاجة ؟؟
سلمى قعمزت وقتله ندكر ف اسم شخص
عقيل:ايه ايه قولي شن اﻻسم
سلمى: ع ع ع
عقيل عيونه يتلئلئو
سلمى: عبد ال ال … مش عارفة شنو معش ندكر
عقيل:حاولي الله يربحك
غمضت عيونها وفتحتهم وكتبت على الرمل عبد الرحيم ودارت قلب
..
ماحدش يضحك على خطي اللي كتبت بيه على شط البحر هههههه حبيت تعيشو الرواية بأدق تفاصيلها

يتبع……..

لقراءة الجزء التالي : الجزء السادس من رواية حنين الماضي للكاتبة لوزة ليبية

لقراءة الجزء السابق : الجزء الرابع من رواية حنين الماضي للكاتبة لوزة ليبية

للإطلاع علي فهرس الاجزاء كاملة : جميع اجزاء رواية حنين الماضي للكاتبة لوزة ليبية

جميع الحقوق محفوظة للكاتبة لوزة ليبية .