الجزء

الجزء الخامس والعشرون من رواية الزوجة التائهة بين الأحلام والواقع

الجزء الخامس والعشرون من رواية الزوجة التائهة بين الأحلام والواقع

هيا بنا لنبدأ قراءة الجزء الخامس والعشرون من الرواية الجميلة المنسوجة بقمة الروعة من الكاتبة كيندا لذلك هيا بنا لنبدأ معرفة كل جديد في السطور التالية .

الجزء الخامس والعشرون من رواية الزوجة التائهة بين الأحلام والواقع

فاتت ساع ورا ساعه ورا ساعه …… ويوم وار يوووووووم ……….وفات شهر ورا شهر والنكد والدموع مافارقوش حوش عمى عبد السلام والكل لبس الاسود وقعد الحوش كئيب يوم ورا يوم وشهر ورا شهر……… لحد ما ليلى وصلت لشهر الخامس فى حملها وهنا جى الحدت الا بيرجع الفرحه لحوش عمى عبد السلام والا هوا …….
ليلى …….. صباح الورد حبيبى …
احمد ….. صباح النور ….
ليلى …… نوتيلك الفطور حبيبى …
احمد …… لا لا مستعجل وتيلى قهوتى بس …. ولا نقولك حتى القهوه توا نشربها فى فى المكتب …
ليلى ….. اوك حبيبى ….. بس حابه نطلب منك طلب انى المده االا فاتت قتلك نبى نكمل قرايتى ونبى ناخد ماستر فااليوم حابه نمشى مع صفاء للجامعه لانها ماشيه يتكمل اجراءت رجوع لقرايتها بعد ماوقفت قيدها قبل ….. وانى نبى نمشى لكليتى ونشوف شن هما الورق المطلوبه لدارسه …. اوك حبيبى …
احمد …. اوك حبيبتى مش مشكله … بس ماتحسيش انا انك انتى توا حامل وتعب عليك. وبعدين الماستر يبى تفرغ من جميع مسؤوليات ..
ليلى …. لا لا حبيبى بالعكس انى مكسده فى حوش ونبى نملى وقتى وحتى بعد يجى البيبى على خير انى متاكده انى رح نقدر نوفق بين قرايتى وبيبى بس بالله عليك انت ماتصكرهاش فى وجهى
احمد …. اوك …. اهم شى راحتك لو تحسى انك قادره اوك انى موافق..
ليلى …. اوك خلاص معناها حتى انى خلينى نبدل من توا لانا صفاء شوى تانيه وبتمشى … شن رايك انت تحطنا على طريقك حبيبيى
احمد …. اوك بس بسرعه كلمى صفاء ووتى روحك لانا عندى اجتماع يبدا ساعه 9 ونص
ليلى …. اوك حبيبى … رح نتصل بصفاء توا ….. طووووووووووط … الو صفاء صباحو حبيبتى اه شنى نوضتى ؟؟؟
صفاء ….. ايه للوشى نضت ونلبس
ليلى …. خلاص مالا لما نكلمك اطلعى …. لانا احمد اليوم بيحطنا الاتييين ….
صفاء ….. ماتقوليلش قالك باهى …. واللهى فرحتلك ياشفشه …. وحتى تسايرنى لانا بعد الا صار معى وسفرة صهيب بديت معاش طايقه نمشى للجامعه
ليلى …. خلاص حبيبتى ولايهمك ربع ساعه ونقولك اطلعى هيا برى تو ا سلاااام ❤ ❤
خشت ليلى للحمام و بعدها خشت لدار نوم لبسة حوايجها واحمد لبس ونزلو ولما نزلو لقو صفاء تستنى فيهم فى جنان ولما شافتهم نازلين قربت منهم وصبحت علىهم وركبو لسياره وهنا ليلى قال لااحمد….
ليلى …. حبيبى انى عندى موعد اليوم العشيه فى العيادة معليشى لو تروح اليوم بكرى وترفعنى ؟؟؟
احمد … امتى موعدك انتى ؟؟ …
ليلى …. مع ساعه 6 العشيه ان شالله والدكتوره راهو حولت من عيدتها وتوا بدت تخدم فى عيادة المرأه فااليوم بترفعنى لمقرها جديد حبيبى اوك …
احمد …. اوك ولايهمك ….
رفعم احمد للجامعه ولما وصلو اعطى لى ليلى 50 دينار ونزلت ومشى للشركه ولما وصل قالتله سكرتيره …
سكرتيره …. صباح الخير باش مهندس
احمد ….. صباح الخير…. جيبيلى بريد اليوم وتعالى ….
سكرتيره ….. اوك بس مهندس …..
وبالفعل خدت البريد ومشت بيه للمكتب متعه وحطاته على مكتبه وقالتله ….
سكرتيره ….. تفضل باش مهندس … تبى اى شى تانى
احمد ….. ليك تلاته شهور ماجيتيش ولما سالت عليك قا لولى واخده اجازه ؟؟؟
سكرتيره ….. امى قبل تلاته اشهور مرضت هلبه وهيا كان عندها الكانسر وسافرنا بيها لخوى لامريكا …
احمد…… باه وشن صار ان شالله توا حالها كويس …
سكرتيره …. للاسف عطاتك عمرها وتوفت لانا الكيماوى وعلاج هلكها وماقدرتش تقاوم
احمد …… لاحول ولاقوة الا بالله العلى العظيم …. ربى يتولها برحمته يرحم ….
سكرتيره…… وانى سمعت من زملائى اليوم لما جيت انا خوك توفى وزعلت عليه هلبه ….. عظم الله اجركم بش مهندس وان شالله اخرة الاحزان
احمد…… شكرا …. وعلى عموم فى وحده انى كنت حاطها بدلك مؤقت وهيا تندرى على هالشى فاخودى منها كل الا كنت مكلفها بيه وكمليه انتى اوك….
سكرتيره …. خديت منها كل شى وبديت فى ترجمة الاوراق المطلوبه وبعتت فاكسات لشركات المنفده ….. تبى شى تانى بش مهندس
احمد …لا لا خلاص تفضلى ….
طلعت سكرتيره ومشت لمكتبها بينما احمد اتصل بى ليلى وقاللها…
احمد ….. اه ليلى نسيت بنسالك من بيروح بيكم بعدين …. كانا ماحصلتوش عصام اتصلى بيا ….
ليلى ….. ماشى حبيبى اوك وتوا انى فى مسجل مع صفاء فابنسكر .
احمد …. اوك سلام
سكرت ليلى تلفون وصفاء قالتلها….
صفاء …. شن ليلى احمد خيره ..
ليلى ….. قالى لو محصلتوش حد يروح بيكم كلمونى
صفاء …. خلاص باهى توا انى كملت تعالى نمشى للجردينه وناخدو فطور وبعدين نمشو للكليه متعك اوك
ليلى …اوك
مشت صفاء وليلى للجردينه الا قدام الكافتيريه وليلى قعمزت بينما صفاء قعدت واقفه وقالتلها ….
صفاء …. انى بناخد لروحى بريوش ومكياطه وانتى شن تبى ؟؟؟
ليلى …. جيبلى كريب وكابتشينو وطاسة مياه وخلى معاك ال 10 دينار هيا مرات تحتاجيها…
صفاء …. اوك حبيبتى وخلى شنطتى جنبك اهو معلقتها على كرسى وكانا اتصل صيب بالهى ردى عليه …
مشت صفاء وجابت الفطور وقعمزو قعدو يفطرو ويهدروز لحد ما شرين تلفون صفاء وردت قالت ….
صفاء …… اهلين حبيبى شن اخبارك ؟؟؟
صهيب …. تمام حبيبتى اهو كيف كملت محاضراتى
صفاء ….. مسرع كملت علاش عندكم توا ساعه كم ؟؟
صهيب …. ساعه 2 عندنا ههههههههه ياهبله الفرق بين لبييا وبريطانيا ساعتيين .. بس تعرفى المكان من غيرك مش حلو بجد تمنيت نكونو مع بعض واللهى المكان من غيرك فاااضى والوقت طووويل ياصفاء ..
صفاء …. واللهى ياصهيب الله غالب شن يعنى كنت تبينى ندير العرس وخوى كيف ميت والله ماتنكتب عليا اقل شى لين تفوت سنه واهو على الاقل مازال سنه فى قرايتى نكملها وتروح انت اسبوع نديرو العرس ونمشو مع بعض حبيبى
صهيب ……الحمد لله على قضاء ربى وخلاص …. مهم انتى وين توا ؟؟؟
صفاء ….مشيت للكليه كملت الورق باش بنرجع لقرايتى ومادبيا تفوت فيسع ونتخرج ونفتك حبيبى يعنى موضوع جى فى صالحنا
صهيب…. جى فى صالحك انتى هوا بس …. بس يالله وين بتفلتى مصيرك للزواج والحوش
صفاء …. هههههههه اكيد اصلا لانى بعد الزواج رح يخلينى حبوبى ناخد ماستر من غادى صح ولا لا …<<< بعدين سكتت شوى وقالتله >>.صهيب … فى صوت بنت سمعتها توا جنبك تهدرز مع حد من هيا ؟؟؟
صهيب ….. هههههههه ماتاخديش فى بالك هدا القروب متعى ريتا وفتحى غير زامطين راديو من صبح
صفاء ……. صهيب من ريتا هادى … اول مره نعرف بيها علاش ماقولتليش …

صهيب …… زميلتى فى دراسه ومعانا ولد تانى علاش بنقولك يعنى ولا انتى مش ….._________
صفاء …… حظ الاسود نقطع الخط بس تعرفى سمعت وحده جنبه وشكلها اجنبيه تتكلم وتضحك هالحقيره هيا….
ليلى ….. حبيبتى عادى جدا لازم ماتبردى قلبك وتتعودى طالما انتى قاعده هنا وهوا غادى وبعدين اكيد زميلته فى القرايه
صفاء ……. بس انتى تعرفى الاجانب وجو الزايد متعهم ولبسهم ياليلى وانتى تعرفى ليبين مايصدقو …… بس تعرفى واللهى الا مانحارفله يومه بعدين…
ليلى ….. اسمعى ننصحك ماتضغطيش عليه وحسسيه انك واتقه فيه لانا المشاكل وهوا بعيد عليك تبعدك عليه وعلى قولت ماما << بعيد على العين بعيد على الخاطر >>
صفاء …. اصلا ماعندى غير هالحل بس واللهى قلبى مش مريحنى للموضوع بكل
فطرت صفاء هيا وليلى وقعدو يهدرزو شوى بعدين مشو مع بعضهم لكلية ليلى وشافو الاجراْت الا يبوها باش يكملو الورق المطلوبه وقعدو يلودو من مكتب لمكتب ومن قسم لقسم لحد ماجت ساعه 2 ظهر وهنا ليلى قالت لصفاء ….
ليلى …. تعرفى خاطرى فى شاورما بنموت عليها ياصفاء
صفاء …… نهارك ابيض يا ليلى خفى شوي راهو نحس فيك زايده هاليومين والله رجاله مايحبو سمن راهو ردى بالك وانى احمد خوى نعرفه عدوه سمن وديما يقول توا تشوفو مرتى الا بنجيبها كيف سمبتيك …..
ليلى …. نهارى ابيض ياصفاء تعرفى لقيت روحى زايده قريب 2 كيلو ونفسيتى فى هابط من وزنى ومشكله انا شهيتى مفتوحه على طول
صفاء …. انى نصحتك ياصفاء وردى بالك لانى والله خايفه عليك تتشرتعى بس ههههههههه وتولى زى بمبلة غاز هههههههههه
ليلى ….. ههههههههه كلمى عصام يروح بينا كلمى
كلمو عصام وروحو للحوش وليلى ركبت فوق لحوشها و خشت توضت وصلت وطيبت بسرعه الغدا وظمت حوشها واستنت احمد لين يجى ولما ولما وصل وركب لقاها واقفه تستنى فيه فى الصاله ولابسه حوايجها وهنا قالتله
ليلى … اهلين حبيبى … شن بتتغدى …
احمد …. لا لا وقت عليك خلى نرفعك للعياده قبل بعدين نروح نتغدى وتوا انى بنخش نصلى لبين انتى ماقمتى الاكل وحطيتيه فى تلاجه
قامت ليلى الماكله…. بعدين نزلت وهوا كمل ولحقها ومشو للعيادة واستنت لحد ماجى رقمها وخشت وبعد خمش دقايق سمع احمد الخبر الا يستنى فيه قداش ليه ….
احمد ……. اه شنى يادكتوره طمنينى
الدكتوره …… صحتها الحمد لله تمام التمام هيا والغزال صغيرون
احمد …… شنى قصدك يا دكتوره ؟؟؟؟
دكتوره …. البيبى طلع ولد وان شالله يتربى فى عزكم ودلالكم يارب ورح نكتبلك على شوى فيتامينات تانيه ا هيا محتاجتهم فى الفتره هيا غير الاولات وتستمر على حبوب فولك اسد وتبدا تزورنى كل 15 يوم باش نطمنو على بيبى ….
وطبعا بعد ما شرحتلهم دكتوره طلعت ليلى من العياده هيا واحمد والفرحه والابتسامه فى عيونه……. بس ليلى للحظه تمنت انا البيبى يكون بنت بس فرحت احمد خلت ليلى تحاول تظاهر انها فرحانه زىه وهنا هوا اقترح عليها انى يتعشو فى مطعم وبالفعل مشو وتعشو والحب فى عيونهم وليلى قدرت ترجع الفرحه لعيون احمد بعد تلاته شهور من الحزن ….. وبس كملو قاللها….
احمد…..هيا نطلعو خلااااص …. عندى نيه نتمشو فى الكورنيش ونشريلك احلى باقة ورد لاحلى ام فى العالم هههههههه
ليلى …. حبيبى بما انه طلع ولد شن رايك نسموه نبيل انى خاطرى انا الاسم هوا يقعد صدى صوته فى الحوش زى قبل ومانبيش حد ينساه بكل
احمد…….. نزل عيونه شوى ودمعه زغللت من عينه وبعدين قاللها …نشهد بالله انك بنت ناس ربى يخليك ليا ان شالله حبيبتى وبعد ماكملو مشوارهم الحلو قررو يمشو ويقولو لام احمد على نبيل جديد الا رح يرجع فى الحوش بعد 4 شهور ….. <<<<فاكيف رح تكون ردت فعل ام احمد والبنات ؟؟؟>>>

يتبع …….

لقراءة الجزء التالي : الجزء السادس والعشرون من رواية الزوجة التائهة بين الأحلام والواقع

لقراءة الجزء السابق : الجزء الرابع والعشرون من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى