الجزء

الجزء الرابع عشر من رواية حتي الممات

الجزء الرابع عشر من رواية حتي الممات

وفي الجزء الرابع عشر يا تري هل سنري احداث جميلة مع ابطال حكايتنا ام سنري احداث حزينة معهم ؟ كل هذا وأكثر سوف نعرفه سوياً في السطور التالية بإذن الله من رواية حتي الممات للكاتبة نور عبدالسلام .

الجزء الرابع عشر من رواية حتي الممات

ليان : مجد مجد وقعدت تبكي
مجد : فتح عيونه ويشوف ف ضباب قدامه
ليان : مجد انت كويس
التمو ناس بدو يبخو عليه ف اميه هكي
ليان بصوت يبكي :الو غيث تعال بسرعة غيثث
غيث : شن في
ليان : تعال تعال مجد طاح
غيث : شنو وجا يسرع ب سيارة
تسنيم : هييه كنه مجد
ليان : قعدت ساكته
جت بنت صحبتهم يعوينك ليان رجاله يتعاركو عشانك
تسنيم : من هو ياليان تكلمي واحد عاكسك عشان هك ضرب مجد
ليان : سكتت
تسنيم : ردي كنك سكتي
هدى بنت خالهم : رفعت حاجبها راجلها ياحنه
تسنيم : الحيوان حقير عطه قصه ف يديه مجد مجد انت كويس
غيث : شن في
روحنا للحوش بعد مارفعنا مجد لمستشفى
خالتي : وليدي كنه
غيث : مافي شي ياخالتي
خالتي : شن اللي مافي شي خشمه مكسور وجه اللي يدمم هذا
مجد : ياامي مافي شي خلاص متكبريش موضوع
ليان بلعت ريقها وخافت يحبسو مالك
تسنيم : الحقير ضربه
كلهم : من
ليان : تسنيم
تسنيم : وهذي خافت عليه طبعا راجلها مالك
مجد : تنسيم اسكتي
خالتي : وعليش تسكت خليها تحكي ريتي ياامي هذي اللي مجيبتهم هنا اسمعي ياسالمه نا راجلي
توفى عشان هك جيت عند هلي وماطلعت ب ه دنيا فات ب راس ه العيل وزوز ه البنات بنتك ومتزوجه
خليها ترد لراجلها
مجد : يام
حناي : خبطت بالعكوز اسكتن مش انتي اللي تقولي من يمشي ومن يقعد هذا حوشي وليان واي حفيد يقعد فيه كيف مايبي سوا متزوج مطلق ارمل ولا عزري شن هذا
خالتي : وليدي وخايفه عليه سالمه اسمعي عقلي بنتك وخليها تبعد شر احسن لها واللهي لو تمت اخر
مخلوق ماناخذها لولدي ولدي ناخذله الباهي ماناخذلش فضلة ناس
مجد : وانا نبيها يمي مش هناخذ غيرها
ليان عيونها معبيات دموع : ونا مانبي حد متخافيش ياخالتي عارفه حدودي وبارك الله فيك
سالمه : شكرا ياخيتي يامي نا طالعه
حناي : اللي يطلع من هنا ماعد يخشله ه الحوش خلاص هيا كلمة اسمعوها
سالمه : حاضر يام
ليان : تمسح ف دموعها ومشت لدار البنات
روان : هاي
تيم : شن جو
روان : تمام
تيم : هذين اللي طلبتيهن
روان ؛ شكرا شكرا
تيم : العفو
روان : ابتسمت
تيم : خوذي اللي تبيها ونطلعو نطلبو حاجة من الكافي
روان : تمام
تيم : ابتسم
رهف : خشت الحوش لقت امها وبوها جتهم تجري
ابتسام : حبيبتي
رهف : حمدلله ع سلامه
ابتسام : الله يسلمك
رهف : شن صار نجحت العملية
ابتسام : لو تكلمي فينا كان عرفتي قولي شن اخبار راجلك
رهف : غير قوليلي نجحت
ابتسام : اي حمدلله
رهف : نا نبي نطلق وخلاص مزال جلسة نهاية الاسبوع
بو رهف : شن تقول انت كيف تصرف من دماغك
بو ليان : يعني عندك عادي بنتك تعيش مع واحد كيف هذا
بو رهف : مادخلكش بنتي ونا حر فيها
بو ليان : على كيفكم
بو رهف : مهم رهف ماتعرف شي حاليا
في الكافي
تيم : شن تشربي
روان : عصير فراولة
تيم : رفع يده لو سمحت
روان : ابتسمت وقعدت تفرك فيديها
تيم : حط يده ع يديها
روان : عيونها توسعو وسحب يديها من ع طاولة
تيم : شن في
روان : مزلت ماخذيت
تيم : باه ع راحتك
مالك : خافت عليه شفتها
يونس : وسع بالك ياصاحبي حتى انت غلطت راك
مالك : كنت جاي نبي نردها
يونس : مش بالغصب العمليه
مالك : نظرتها لي كأني قاتل
يونس : وانت ضربت قريبها خليت وجه يلعب بالدم متوقع منها تصفقلك
مالك : درت هك عشانها
ليان : رن تليفونها رقم غريب ماردتش جاها مسج ردي نا صاحبتك فلانه
ليان : غريبه نا ماعطيتهش رقمي ردت الو
مالك : اطلعي
ليان : انت شنو بس بارد متفهمش
مالك : اي اطلعي توا
ليان : من وين تعرف اسم صاحبتي
مالك : ليبيا كلها اسمهم هك
ليان : شن تبي
مالك : اطلعيلي 5 دقايق
ليان : ونا منبيش
مالك : خلاص ه المرة نضرب بوكي ولا خوكي
ليان : انت مريض نفسي عدي تعالج
مالك : وانت علاجي هيا اطلعي خير ماندير فضيحة
ليان : اعلى مافي خيلك اركبه
مالك : باهي وقعد يبيببببب
ليان : خلاص خلاص اني طالعه
مالك ابتسم : ايوا هك ونزل خش لقا الباب مردود
قالتله تعال عند باب الكوجينة لف وخش
ليان : ها شن تبي
مالك : مافيش شن جو شن اخبارك
ليان : في قهرتك تبي
مالك باابتسامة: اها نبي
ليان : ييييه قديش مستفز
مالك : نحبك
ليان : حباتك القراده انت ماتفهمش يااخي حل مانبيك ولا نبيلك قشرة وجه انت مريض مهووس
مالك : تحبيه قولي تحبي مجد
ليان : نا انت كرهتني ف الحب كرهتني ف حياتي يامالك كرهتني ف كل حاجة كرهتني ف دنيًا كلها
ع قد ماحبيتك ع قد ماقهرتني ع قد ماخليتيني نكره
اني عشت مذلوله بلا كرامه انت هنتني وكسرتني
خلاص يامالك بححح انساني خليك مع بشرى
مالك : مش وعدتيني انك تساعديني وقعد يبكي
ليان : خلاص معش تبكي
مالك : سامحيني
ليان : خشت ف حضنه
خالتي الله الله وقعد تخبط ب يديها وتعلي ف صوتها
ليان التفتت مصدومه
خالتي يااامي ياسالمه بياغييثث يامجدددددد
طلعو كلهم يشوفو شن في
حناي : خير بلاك ليش تعيطي
خالتي : اهي اللي دافعو عنها وزعلانين على خاطرها جايبه راجل لحد حوش تحضن وتباوس هيا وياه
سالمه : ليان
ليان : نزلو دموعها
مجد وغيث منصدمين
مالك : مافيها شي نا مزلت راجلها
ليان : ماما
سالمه : لمي دبشك ومعش نبي نشوف وجهك
ليان : ماما
حناي : اسمعي انسي ان عندك خوال ان شاء الله يقتلك معش تورينا قشرة وجهك ياكلبة بعد هذا
كله وخشو فيها رجاله ديري هك
ليان : والله
سالمه : اصصصص هيا لمي دبشك وبرا
تسنيم : اهو لميته لها كله
مجد : ليان
خالتي : شفت اللي ادافع عنها مزالت اتريد راجلها
ليان : ماما واللهي نا
سالمه : ماعندكش ام انتي خلاص حتى الممات مانبيش نشوفك تعرفي ف عزايا مانبيكيش تحضري
ليان : لا ياماما لا
غيث : اطلعييي برا هيا هيا سقدينا
ليان : نا مغلطتش ياماما
غيث : هيا برا
مالك : هيا ليان اركبي فتحلها باب سيارة ركبت
وحط شنطة دبشها ف شنطة سيارة
رهف في الكوجينة تغني الله على جمالو في كده الله وادير في قهوة وهيا ادير حست ف حد وراها حضنها
بقوة ويتنفس ف وذنها
احمد : رايفتي عليا
رهف : انصدمت
احمد : لكن نا مش هنرايف عليك وقعد يخنق فيها بيديه
يتبع…….

لقراءة الجزء التالي : الجزء الخامس عشر من رواية حتي الممات

لقراءة الجزء السابق : الجزء الثالث عشر من رواية حتي الممات

للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام

جميع الحقوق محفوظة للكاتبة نور عبدالسلام .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى