الجزء الرابع من رواية عادت لكي تنتقم

خميس بيطلع المسدس وبرفعو علي مرام

مرام: ده اي شغل الافلام العربي ده

خميس : ارفعي ايدك ي بت

(بترفع مرام ايديها هي والرجاله المعاها

وبتروح الرجاله الهتاخد السلاح تحمل الصناديق علي العربيه التانيه)

خميس : لاء ي رجاله احنا هناخد العربيه بالموجود فيها مش بس السلاح

مرام في بالها : اي ده مش معقوله بعد كل ده وهتخسري ي مرام في اول جوله ليكي ودم ابوكي هيروح هدر هو وحرقه قلب امك عنيها احمرت من الوجع والغضب الجوها وبعدها بتقرب مره واحده من خميس وبتاخد منه المسدس بسرعه رهيبه وبتحط المسدس علي راسه

مرام: ارجع ياض مكانك بدل مصفيه قدامك

(وقفت الرجاله مكانها وواحد اتحرك ضربته مرام بالرصاص في رجله وقع علي الارض )

مرام: ياريت محدش يتزاكي عشان الرصاصه التانيه هتبقي في قلبه وبياجي واحد من ورا مرام ويضربها علي دماغها بتقع في الارض

خميس: بقي عايزه تصفيني انا وبيضربها برجله في بطنها

مرام ،ااااه

وبياجي يضربها تاني بتمسك مرام شويه تراب وترميهم في وشه

وبتقوم تمسك رجليه وبحركه وحده بتوقعه علي الارض وتلف رجليه وبتكسرها

بتضرب كل الرجاله الكانت مع خميس و مخلتش هي كمان من الضرب والرجاله المعاها بيستخبو عشان في واحد بيضرب علي مرام نار

فاستخبت مرام ورا العربيه وطلعت المسدس بتاعها وجات تضرب بيه بس الرصاص طلع فشينك ومش مسدس حقيقي

مرام بصدمه ، يولاااااد الكلب

وجرت بعيد عن ضرب النار ولفت من مكان تاني وراحت ورا الراجل البيضرب نار وضربته علي دماغه بحجر

وجه واحد تاني ضرب مرام بالبوكس في وشها منخيرها نزفت

مرام، ااااااه

الراجل ، اي مفكره نفسك هركليز ي بت

بصتله مرام بغيظ وعشان هي بارعه في الفنون القتاليه ادتلو خبطه في رجلو كسرتها وسابته ومشت وخدت الفلوس وحطتها في العربيه والرجاله المعاها ركبو العربيه ورجعت الفله تاني

______________________

عند عادل

ونزلت مرام مهلكه من الضرب كانت تمشي بصعوبه وكان عادل وخالد وباقي الرجاله واقفين مستنينها

مرام، السلاح والفلوس في العربيه وحكت لهم الحصل

ضحك عادل وخالد

وصقف عادل لمرام وقال برافو عليكي فوزتي في الاختبار

مرام باستغراب ،اختبار!!!

وشافت خميس والرجاله الكانو معاه جايين

خميس وهو ساند علي راجل لانه رجليه كسرتهاله مرام

خميس، امرك ي باشا

مرام ، اي ده انا مش فاهمه

عادل ، ببساطه كل الحصل ده تمثيليه عشان نشوفك هتبقي اد الشغل معانا ولا لاء وبصراحه عجبتيني اووووي

مرام بعصبيه، انت بتهزرررررر انا كنت هموت وفي الاخر تقولي تمثيليه

عادل ، كان لزم اتاكد انك تستاهلي تبقي معانا او لاء

مرام بعصبيه، دول كانو بيضربو عليا نار

خالد ، اديكي واقفه قدامنا صاغ سليم اهو خلاص عايزه اي تاني

عادل ، ومتقلقيش ليكي مكافاء علي الفوز بتاعك وبصراحه انا معجب بقوتك جدااا عشان كده هتدخلي معانا العمليه الجايه وبجد المرادي

مرام بغضب ، وبالنسبه للمسدس الفيشنك الكنت عطهوني ده

خالد ، مينفعش نديكي مسدس حقيقي تضربي بيه علي الرجاله بتاعتنا

مرام، لكن عادي هما يضربو علياااااا

خالد ، ده كان اختبار ليكي مش ليهم

مرام ، طب والفلوس والسلاح دول حقيقي ولأ هما كمان فيشنك

عادل ،لو علي الفلوس فهي شنطه وحده بس وفيها 50الف جنيه بس وبالنسبه لسلاح مفيش سلاح اصلا

مرام بصدمه ،ازاي وانا شفته بعيني ومأكده عليه قبل مامشي

عادل ، لو تفتكري بعد ماكدتي علي السلاح انا ندهتلك واتكلمت

معاكي شويه عن العمليه وبعديها خرجتي وركبتي العربيه ومشيتي علطول

في الوقت ده كانت الرجاله شالت السلاح من العربيه وحطو صناديق فاضيه

اتضايقت مرام منهم جامد و في الوقت ده افتكرت كلمة الكابتن ليها لما قالها متأمنيش لاي حد مهما كان

عادل ، اطلعي ارتاحي دلوقتي عشان انتي تعبانه وبكرا هنقولك علي العمليه

والنهارده هتنامي مع روان لحد بكرا هنجهزلك مكان ليكي لانك خلاص هتبقي وحده مننا

______________________

دخلت مرام وهي تعبانه اووي وجسمها واجعها شافتها روان

روان ، مرام اخيرا جيتي انا كنت هموت من القلق عليكي

مرام، متقلقيش

روان ،اي الدم ده انتي فيكي اي

مرام، انا كويسه

روان، طب والدم ده منين

مرام، مناخيري نزفت

روان، طب اسندي عليا

بصتلها مرام وقالت انتي عايزه اليسندك

روان بضحك ،متقلقيش دانا صحتي اقوي منك ولو وقعنا عادي هتاجي علي الوقعه منتي مطحونه

وسندو علي بعض وطلعو الاوضه

روان ، ادخلي خدي دش كده عشان جسمك يفوق

وفعلا دخلت مرام خدت دش وبعديها طلعت من الحمام كانت روان مجهزالها الاكل

مرام، هو انتي تاعبه نفسك معايا كده ليه

روان ، اولا هو لاتعب ولا حاجه وبعدين احنا مش بقينا صحاب ولا اي وانا بصراحه حبيتك اووي

مرام، انتي لسه عرفاني مكملناش اسبوع حتي لحقتي تحبيني

روان، انا بحب اي حد اولاصلا

مرام، طب ي اختي كملي جميلك وقولي عشان انا اتحب وكده جتك نيله

وقعدت مرام كلت هي وروان

___________________________

في بيت عمران الدمنهوري

جه سيف لعمران عشان يديلو ملف القضيه بعد مخلصها

زهره ، منور ي حبيبي

سيف ،ده نورك والله ي عمتي

نزلت ياسمين ، سيف حمدلله علي سلامتك خلصت القضيه وبعدين انت عندنا في البيت مش معقوله جي تقعد معايا

سيف ، والله ي قلبي ابوكي طلع عيني في الخمس ايام الفاتو وحتي منعني اروح البيت لحد مخلص القضيه ويدوبك خلصتها اهو وهسلمهالو واروح البيت اترمي علي السرير

ياسمين بغضب ، ايوا ابويا يقولك اعمل كذا تعملو متروحش البيت تسمع كلامو

يقولك تعالي تاجي في ثانيه وانا اقعد اتحايل عليك اسبوع عشان تاجي متاجيش

جه عمران

عمران ،هو انا اي حد ي بت

ياسمين ،العفو ي بابا بس برضو خف عليه شغل شويه خليه يفضالي

عمران، هو كان حد قاله اخطب ولا اتنيل انا مليش دعوه بالحاجات دي هو بيشتغل معايا يبقي يستحمل

سيف ، مستحمل وساااكت اهووو

ياسمين ،تصدق ي بابا رغد عندها حق في البتقلهولي

سيف ،رغد..!!؟طلاما جات سيرت رغد يبقي هنكد علي بعض وقالتلك اي بقي كلبةالبحر دي

ياسمين ،شايفه انك مش مهتم بيا وعلطول ماهملني ودي حاجه تقلل من كرامتي فقالتلي اسيبك واتجوز واحد هتجبهولي يهتم بيا ويدلعني

سيف بانفعال ،واي ي عين امك

عمران، ولد اي الانت بتقوله ده احترم نفسك

سيف بانفعال اكتر ،احترام اي وبتاع اي دي بتقولك يدلعني خدي ي بت هنا استخبت ياسمين ورا ابوها

ياسمين، ابعدو عني ي بابا

زهره ،اهدي بس ي حبيبي دي زله لسان

سيف ،لاء دي مش زله لسان دي زله الشيطانه رغد بس تعرفي انا مش هقولك اقطعي علاقتك بيها انا هقتلها وارتاح منها

عمران، يخربيت ياسمين علي رغد عليك انت كمان هو احنا هنسيب شغلنا ونقعد نشوف مشاكلكم انتو ورغد

يلا تعلالي المكتب

سيف وهو يجز علي اسنانه قال لياسمين ، ماشي اما اجيلك

ومشي ورا عمران

ياسمين خدت نفسها ، يالهووي ده كان هياكلني

زهره ،عشان تبقي تعرفي هتقولي اي بعد كده

ياسمين ، يلا عدت علي خير

زهره ،اي رايك ي بت لو ناخد رغد ليونس

ياسمين ،تصدقي فكره

بس رغد لسانها اطول منها مرتين ومبتقعدش في حته الا لما تولع الدنيا دي صحبتي وانا عارفاها ويونس مش بيحب كده خالص دي ممكن تعصبه ويقوم قاتلها اول يوم جواز ويدخل السجن وبعدها انا هطلق وعيالي هيتشردو وهشحت بيهم

زهره ،بس بس الله يحرقك اي افكارك الزباله دي قومي ي بت من قدامي

__________________________

عند مرام

روان ، خدي المسكن ده هيسكن الالم

مرام ،لاء مش عايزه

روان ،متخفيش والله ده مسكن مش حاجه تانيه

مرام ، انا مش خايفه منك انا بس مش متعوده اخد مسكنات لان مفيش حاجه بتسكن وجعي

روان، تعرفي ي مرام انا من وقت مشفتك وانا عايزه اسألك اسئله كتيره اووي

مرام ، خليها بعدين مش وقتها

المهم اي المسلسل ده

روان ، ده مسلسل تركي تحفه شوفتي البطل مز ازاي يما نفسي في واحد زي ده

مرام ، باين عليكي هبله

روان ،ابدا والله دانا نفسي اتجوز واعيش قصه حب معشهاش حد قبل كده

مرام ، ارجعي ي اختي وعيشي معانا هنا

عندنا لما بيتجوزو بيسمي مراته علي التليفون الحكومه او الجماعه او ام العيال

تحسي انها اسماء ملهاش علاقه بالزوج نفسه

روان ،لا ام العيال حلوه

مرام ،ههههههههه اي الحلو في انه بيقولك ي ام العيال يعني كل الصله بينكم العيال وبس

طب ليه ميكتبهاش حبيبتي ولا قلبي ولا اي حاجه من المحن ده

روان ،ماهو بيكتبها كده

مرام ،في فتره الخطوبه بعد كده تقريبا بيمسح رقمها من علي تليفونه

روان ،لاء والله ده البطل في المسلسل بيقولها حبيبتي

مرام ،هههههه ي بت انتي بتصدقي كلام التليفزيونات ده

فوقي ي روان وعيشي معانا وبعدين بعيد عن ان فعلا بيحبو بعد الجواز او لاء احنا مختلفين عنهم

انتي مش شايفه احنا عايشين فين احنا عايشين مع عصابه وانا بقيت وحده منهم

روان،لاء مش هفوق وهفضل علي امل اني هخرج من هنا واحب واتجوز واعيش قصت حب عظيمه

مرام ، ماتت

روان ، مين الماتت

مرام ، امل الانتي عايشه عليها

روان ،تصدقي انك رخمه وفصلتيني بجد بس ولا يهمني كلامك وهفضل عندي تفائل ي عديمه الفرحه ورمت عليها مخده

خدتها مرام وقالت شكرا ي سطي اقفلي النور بقي عشان هموت وانام

__________________________________

*بيت عمران الدمنهوري

قاعد سيف وعمران في اوضه المكتب وعمران بيراجع ورق القضيه

عمران، تمام اووي كده برفو

سيف، يارب يكون عجب حضرتك

عمران، هو احنا هنفضل نحب في القضيه ونسيب الباقي خليك علي استعداد لاي قضيه تانيه

سيف مستعد اهو هو انا ورايا حاجه غيرهم

وكمل وقال ،هو ابنك مش ناوي ينزل ولا عجبو القاعده هناك ابن المحظوظه عايش عند المزز البجد

عمران ، طب يارب تسمعك عشان لما بتنكد عليك بترجع تزعل

سيف، لاء الطيب احسن

انا هروح وبكرا ان شاء الله نتفق علي الباقي

عمران ، ومش عايز تاخير يارب ناجي بدري

سيف، بقولك اي متديني بكرا اجازه شالله تحج

عمران، انا فعلا هديك اجازه ابديه لما روحك تطلع امشي يلااا

طلع سيف من المكتب بسرعه ونزل وشاف ياسمين وهي بتاكل فشار

سيف ، بتعملي اي

ياسمين ، باكل فشار تاكل

بص عليها سيف بارف ،شكرا ي اختي انا ماشي

ياسمين ، اي ده انت لسه زعلان والله كنت بهزر

سيف ،هزار طين علي دماغك انتي عارفه لو مكنش ابوكي واقف انا كنت عملت اي

ياسمين ،خلاص بقي قلبك ابيض

وبعدين خلاص احنا فيها دلعني وانا مش هبص لبره

سيف بصدمه وغضب ، تبصي لمين ي روح امك ومسكها من قفاها بصي بقي ي بت دلع ومش هدلع والعندك اعمليه

ياسمين،خلاص اهدي ي كبير وربنا انا غلطانه حقك عليا مقصدش

سيف ،بصي انا حاسس ان فيوزات مخك ضاربه انهارده انا هروح انام احسن حاسس اني هرتكب جريمه انهارده

ياسمين، وهي كاشه في نفسها ،نوم الهنا ي باشاااا

ومشي سيف

زهره ،اي ده مشي من قبل ميقولي انه ماشي

ياسمين ، معلش ي ماما اصلو متعصب

زهره،متعصب من اي

ياسمين وهي بتاكل الفشار ،ضغط الشغل بقي ي ماما

زهره،ضغط الشغل ولا لسانك البيحدف دبش ده

ياسمين ،انا بحدف دبش اخص عليكي ي ماما مكنش عشمي فيكي كده خسااره ومثلت البكاء وطلعت علي اوضتها

زهره ،ربنا يهديكي لنفسك ي بنتي

_____________________

في بيت سيف العطار

رغد بمجرد مشافت سيف داخل البيت جرت من مكانها شافها سيف وجري وراها ومسكها من شعرها

سيف،بقي بتسلميني للؤاء تسليم اهالي وتخليه يضغط عليا في الشغل وعايزه تخربي عليا انا وياسمين

رغد ،عيب عليك ي سطي انا اعمل كده

سيف،امال امي

رغد، مش عارفه استني هنسالها ،ي ماماااااااع

سيف ،هو انا لسه هسال دانا هطلع عينك ونزل ضرب فيها وتكسير والدنيا بقت مجزره

رغد، بتتشطر عليا عشان انا وليه مكسوره الجناحين

سيف،مكسوره اي ي عنيه دانتي عليكي حصانه

رغد، طب والله لاقول للؤاء عمران

سيف ،لاء دانتي ناويه علي قتلك

جرت رغد علي اوضتها وقفلت الباب بعد خناقه طويله بينهم

_______استغفرو__________

تاني يوم الصبح

ياسمين،انت صاحي

سيف، صحيت علي صوت التليفون انتي رايحه الجامعه

ياسمين، ايوا ي حبيبي ماشيه اهو

سيف، طب خلي بالك من نفسك

ياسمين،من عيوني

ثانيه اي الصوت ده

سيف،صوت اي

ياسمين،مش عارفه استني كده

ياسمين،ااااااااااااااعااا يمااااامااااااااع

يتبع ………