وفي الجزء السابع من رواية حتي الممات ماذا تتوقع أن يحدث مع ابطالنا هل ستكون الاحداث سعيدة ام تعيسة معهم ؟ كل هذا وأكثر سوف نعرفه سوياً في السطور التالية بإذن الله .
الجزء السابع من رواية حتي الممات
ليان : نا هنكمل مع مالك تعرفو علاش عشان تشوفو كيف رميتو بنتكم وجبرتوها تتزوج حد بالغصب عشان تتعذب يابابا وانت تشوف ف بنتك هك مش
قادر دير شي تذكر لما قتلك بتغصبني قلت كلمتي
وقلتها اهي نفذ كلمتك يابابا افرح اني نعيش مذلوله
طول عمري حتى لو تطلقت من بياخذني خلاص
انتو رميتو بنتكم وقهرتوها عمري ف حياتي ما هنسامح حد فيكم دمرتولي حياتي كلكم كلكم شاركتو ف تدمير حياتي ومشت فوق سيبتهم
مالك : بالك تفضلو تشربو حاجة
غيث : طلع وكانت وجعته اخته ركب سيارة
رهف : وين ليان
غيث : معش في ليان معندنش بنت اسمها ليان
رهف : علاش
طلع بو ليان ركب سيارة بعد توعد لمالك ان اذا اذى ليان يقتله
ليان : ف غرفتها تبكي وخلاص
مالك : فتح الباب وشافها كيف تبكي بشرى معش تبكي دموعك مايهونو عليا
ليان : قعمزت ف سريرها ولعياط نا مش بشرى نا ليان وتخبط ف وجههها وتعيط
مالك : طلع وسيبها منهاره عياط
سالمه : بنتي كيف تسيبوها
رهف : اطبطب ع كتفها وسعي بالك اعميمه
بوها : خلاص معندنش بنت اسمها ليان هيا اختارت
سالمه : لا مااختارت انت اللي اخترت انت بنتي رميتها ه رميه سودة نا نشهد قالت مانبي انت منك
انت وبنتي منيش مقاطعتها
بو ليان : تي امشيلها لو تبيها بنتك وتبقى طالق
سالمه : هكي
بو ليان : هكي اها مالا شني
سالمه : واللهي ماقعدتلك فيها
رهف : صلو ع نبي
بو ليان : سالمه امشي انتي طالق ب ثلاثة
غيث : يلعن بوها الكلبة خربت عيشتنا
رهف : مصدومه ف غيث وكلامه
سالمه : مشت لدارها تبكي
ثاني يوم الصبح
ناضت ليان من نوم مكسده قعدت تقلب ف قنوات
رن جرس مشت فتحت الباب اهلين روان
روان : شن جو
ليان : تمام وانتي
روان : شخبار مالك معاك
ليان : احكيلي عن بشرى
روان : مالك يحبها هلبا وحتى تزعل بروحها مرات يجي يعاركنا ع خاطرها مايتحمل فيها شي ديما
يدلل فيها ويرفع فيها لمكان اللي تبيه غير تقول
وكان فرحان وضحكته ماتفارق وجه لين ماتتت
تغير وللى مالك نفس وضعه ه الفترة
ليان : وانا مفروض يعاملني زيها علاش هيا بس
علاش هيا لها دلال حتى لما ماتت واني لي عذاب
روان : معليش مع الوقت هتخليه يلين
مالك : احم احم اووو مشفشفه عندنا
روان : لا وين مشطته
مالك : مافيش قهوة
ليان : ثواني مشت ادير قهوة حطتها
وكان مالك يضحك واول مرة تشوف ضحكته
روان : نستاذن اني بنروح
ليان : خليك بندير مكرونة بالبشاميل
روان : ياخيه صحه عليكم
ليان : تي تغدي بعدها روحي
روان : ناضت وليان تمشي وراها ….
روان : عندي امتحان غير مالك قالي هدرزي على ليان بس هو قال سر
ليان : ابتسمت ابتسامة خفيفة
روان : يلا باي
ليان : مشت لمطبخ ادير بشاميل
مالك ف صالة ع تليفون يصفح حس ان مافي حد
جنبه مشا لمطبخ لقاها واقفه تخلط ف البشاميل
وتغني يمه يمه يمه شكد حلو اخر الحب واولو
والله لو بيدي ابصراحه انا اخطفه من هلو
مالك : ابتسم ع جنب وقعمز ع كرسي البار يتفرج عليها
ليان : رفعت عيونها شافتله تبي حاجة
مالك : صوتك حلو
ليان : اول مرة تسمعه
مالك : نسمع ف صوت بكاك وكلمة علاش اني
ليان : ضحكت غصبا عنها
مالك : ضحكتك حلوة حتى هيا
ليان : نا درتها ومش عارفة اذا تحبها او لا
مالك : نموت فيها
ليان : رفعت عيونها قلوب قلوب حقا
مالك : هز راسه حقا
ليان : حلو
بعدها حطت لغداء وبدو ياكلو
مالك : انتي من امتى اطيبي
ليان : اول مرة نطيب سنة
مالك : تحكي جد نحسابك من صغرك ماشاء الله
ليان : عجبك
مالك : اي هلبا
ليان : ابتسمت
مالك قلبه انفطر كيف تهدرز عليه كأنه مافي شي بينهم ولا كأنه ضربها وهانها وقال : اسف
ليان : نعم
مالك : اسفف
ليان : خلاص نسيت اللي صار حتى انت انسى
مالك : حد غيرك كان مشا مع بوه البارح
ليان : هما مش احسن منك يعني ف الحالتين
نفس العيشة
مالك :
مشت تغسل ف الماعين سمعت تليفونها يرن
نفضت يديها ف لوندينو ومشت ترد ع تليفون
رهف ؛ ليان شن جو
ليان : تمام وانتي
رهف ؛ مش تمام ياحنه بوك وامك تعاركو من وراك وطلقها ب ثلاثة
ليان : شن تقولي علاش
رهف : بوك قال ماعندي بنت اسمها ليان
ليان : توقعت حتى اني ماستغربتش
رهف : امك محرمه على بوك
ليان : هيا وين
رهف: عند خوالك
ليان : تمام اوكي يارهف بنسكر توا
مالك : انتي بخير
ليان : عاد تشيلني لحوش خوالي
مالك : علاش
ليان : امي تعاركت مع بابا عشاني
مالك : تمام وتي روحك نرجى برا
ليان : مشت تجري توتي روحها
هند : حسبي الله ونعم الوكيل يارب حقي يارب
امها : هنوده سلم بنتي كولي لقمه
هند : نحت ملايه صلاه وجها اسود
امها : قلبها يتقطع ع حالة بنتها بدال ماتفرح بيها
وتشوفها عروس تشوف فيها تموت كانت هند
شبه المومياء عظم على جلد وتغصب نفسها
ع خاطرها تصلي
هند : ماما نبي نمشي للعمرة
امها : حاضر ياحبيبتي
هند : يسامحني ربي ياماما
امها : شن دايره يابنتي قولي نا امك
هند : خايفة ياماما خايفة
امها : متخافيش نا امك
هند : احمد ال تعرفيه
امها : اي
هند : هو ورهف صاحبتي وبدت تحكي ف القصة
ب تفصيل
رهف طلعت من الحمام ومنشف على راسها
تسمع غيث يهدرز ب تليفون
غيث : غير عندنا مشاكل بس تي نحبك اني معقوله
غيث : هههه حاضر توا نكلم امي يوم الاربعاء يناسبك
رهف : سمعت مكالمة مشت تجري لدار ليان
قعدت تبكي ع حب حياتها اللي يضيع منها …
مالك : امتى نجيك
ليان : نرن عليك لما نروح
مالك : تمام عينك من روحك
ليان : تمام جت بتنزل حط يده ع يدها استغربت
مالك : اتصلي باامك خليها تفتحلك الباب بتصبي برا اطقي ع باب شن منظرك
ليان : ابتسمت تمام فتحت تليفونها الو ياماما
سالمه : تمام تمام حبيبتي هيا
مجد : فتح الباب
ليان : باي ونزلت
مجد بابتسامة : خير شخبارك
ليان بحده : تمام الحمدلله وخشت
مالك : يشوف لمجد
مجد : يشوف لمالك بكره
مالك : طار ب سيارة هو راقيله من مجد وغار ع مرته
ليان : ماما
سالمه : حبيبتي وخذتها ف حضنها
ليان : اسفه كله مني
سالمه : مش منك من بوك الاناني الطاغيه
ليان : ماما تعالي عندي مستاحشتك نهدرزو على بعضنا
خالتك ليان : لا وخيتي نبيها ياحنه تبي تهدرزي تعالي اهني
سالمه : مانبيش نضايق راجل لا ناخذ راحتي ولا هو ياخذ راحته
ليان : والله ياماما مالك اغلب وقته برا الحوش
سالمه : حتى وكان مصيره يروح
خالته : امشي لبنات ف المطبخ را
ليان : خيرات يابنات
اوووو عروسة نورتي
ليان : شن جوكن
عايشه : تمام وانتي ياحنه
ليان : تمام
تسنيم : اكيد تمام وفوق تمام وهيا عايشه مع هدك طرف حليلي منه
ليان : ضحكت تغازلي ف راجلي قدامي هك
تسنيم : محلاه جديات
ليان : ياسرك تحشمي نغار
عايشه : معاها حق تسنيم بلا سماطه
تسنيم : حتى نا عندي
ليان : وريني
تسنيم : شوفو
ليان : بلا كذب هذا ممثل تركي نحضر ف مسلسل ع نت
عايشه : تسنيم ياكذابه
مجد : خش ع ضحكهم نحصلوش طاسة قهوة
تسنيم : تمام
مجد : لا مستاحش قهوة ليان
ليان : انحرجت حاضر وين بكرج
مجد : اهو
ليان : شن تحبها قهوتك
مجد : شن تزوجتي نسيتي قهوتي شن
تسنيم : بطل سماطه
مجد : ساده تحطي فيها صوابعك تولي عسل
ليان : توترت ومعش عرفت شن ادير حطيتله
فنجان وطلعت تجري
عايشه : مجد انت لوين تبي توصل
مجد : ل راس لانوف
عايشه : نحكي جد ليان ايام وهيا تجري وراك كنت مطنشها كانت تبي رضاك بس لكن انت تتجكتر ودير ف حركات اما جاها نصيبها طلبت منك تدخل وانت قلت مش بتاع زواج مشت اجوزت وشافت حياتها
ليش توا تلعب بيها لما لقت راجل يصونها ليش
مجد : اطلعي من راسي ياعايشه فوتيني
عايشه : هزت راسها بأسف
مالك : خش لحوش سلام عليكم
خديجة : وعليكم سلام وليدي شخبارك واخبار ليان
مالك : الحمدلله
خديجة : شن هدا
مالك : هدا ليان مدايره بشاميل وقالت روان عرفت شن غدانا وبعتتت حصتها
روان : نجيها مرت خيي العسل
خديجة : بنت اصل ليش ماجت معاك
مالك : حطيتها عند امها مهم شن قصة امس جو
هل ليان بياخذوها شن صاير بنفهم
خديجة : هدا احمد خوك رفع رهف لمزرعة صاحبه و
مالك : ل امسخ لديوث الله يلعن
خديجة : خوك لازم يتعالج وضعه يتأزم
مالك : يبي حرقه ب قاز
خديجة : عجبتني من ليان طلعت بنت اصل
مالك : هز راسه
روان : تصور ف البشاميل جابت كواشيك هاك
مالك : كولو انتو صحه نا سبقتكم
خديجة : ترا جيبي نذوقو امم والله طباخه ه ليان
رهف : طبقت يديها ع رجليها وحطت راسها وتبكي
سمعت صوت الباب يطق رفعت راسها مشت تفتح
الباب فتحت وياريتك مافتحتي يارهف
ف الليل
ليان : تغسل ف الماعين طلعت مع البنات وتضحك
رن تليفونها ايوا مالك هيا هيا يلا اني طالعه
خالتها : شن ليونه بتمشي
ليان : اي مالك برا تسقم ف شاربه هيا ياماما معانا
سالمه : لا يابنتي امشي مربوحه
ليان : ماما غير هيا بس باهي اطلعي مالك ف جنان بيسلم عليك
سالمه : تمام خذت حجابها وطلعت مع بنتها
مالك : سلام عليكم خير ياعمتي شخبارك
سالمه : تمام الحمدلله شخبارك انت وشخبار هلك
مالك : الحمدلله يسلمو عليك
سالمه : سلمك وسلمهم
مالك : عمتي جاي ناخذك معانا هيا وتي روحك
سالمه : لا ياولدي متريحه عند هلي
مالك : مش حوش بنتك اعتبريه حوش ولدك ولا مش ولدك
سالمه : طبعا ولدي سلم والله يعمر حوشك
نجيكم زيارة شي مرة لكن نقعد مع خوتي وخواتي
مالك : مهم ع راحتك امتى ماتبي تجي كلميني
ليان : هيا ياماما كساد
سالمه : في حد عنده ه راجل ل احنين ويكسد
مالك : ابتسم
ليان : باه تبي حاجة ياماما
سالمه : سلامتك بنيتي
ليان : خشت ف حضنها بدون ماينتبه مالك طلعت فلوس من شنطتها ومدتهم ل امها خوذيهم تحتاجي
سالمه : لا يا
ليان : يلا باي وركبت سيارة
روحنا للحوش وخشيت سرير وحسيته كأنه مريض
ليان : مالك خيرك
مالك : مافي شي
ليان : حطت يدها ع جبينه لقاته ساخن
حرارتك مرتفعة جابت كمادات وقعدت ع راسه
تعاني فيه رقدت ع الكرسي
هند تبكي وتدعي على رهف واحمد ب كلمة وحده بس حسبي الله ونعم الوكيل حسبي الله ونعم الوكيل
يتبع …
لقراءة الجزء التالي : الجزء الثامن من رواية حتي الممات
لقراءة الجزء السابق : الجزء السادس من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
