وفي الجزء السابع من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء السابع من رواية رحلة الحب
اول م خشيت البيت،،
نهله :انتي عارفه الساعه كم؟
انا عاينت لساعتي،، : ٩
نهله :خلاص لقيتي اخوكي مافي وطفشتي؟
انا:افتكر اني مره جيت ٨ واخوي قاعد
نهله :يعني اخوك هو العلمك قله الادب
انا :اخوي علمني الثقه ف نفسي ووراني ثقتو فيني يعني مستحيل اعمل حاجه تخليه ينزل راسو بسببي 
نهى :عاين بتلامض امها كيف..
نوال :هسي لو كنتي بتضربيها م كان دا كلو حصل،،
نهله : فعلا والله
انا :ممكن استأذن؟
نهله :تستأذني وين؟ انتي الليله ح تنومي مع تينا..
عيوني بقت قدر دا 
انا :م من حقك تخليني انوم هناك..
نهله :لا ي حبيبتي من حقي لأنك م اتربيتي وانا ح اربيك من اول وجديد 
يلا من وشي
انا : تربيني؟ هو انتي بتعرفي تربي؟
اخواتا عملو فيها مصدومين من الكلام مع اننا كلنا عارفين انو بناتهم بقولو أسوأ من كده لامهم..
امي طوالي ادتني كف.. اتصدمتا انا 
انا :مفتكرة اني ح ابكي؟ هه.. ومشيت خليتهم،، سمعت خالاتي بوسوسو معاها م اشتغلت بيهم،، مشيت ل تينا يحليلا نزلت لي من سريرا وقعدت ف الارض لكن رفضت نمت جمبها على طرف ولسه م مصدقه انو دي امي مستحيل عديل
مر باقي الأسبوع عادي بمشي مع فارس وبرجع معاه لحدي الخميس..
فارس: ماشه وين؟
انا:المعهد
فارس:المعهد خلص امس
انا صحي؟ مسحت دمعتي خلاص وديني اشوف كورس جديد انزل فيه 
مسك وشي بيدينو ولفاه عليه،، هديلي انا ماعارف بحصل معاك شنو ف البيت للدرجه دي بس انا م عايز اشوفك وانتي بتتأذي تاني الليله امير جاي ،، انبسطي ياخي لو لقاك بتبكي م ح يخليك تعرسيني زاتو حيقولي انت م قدرت تعمل ليها اي شي يرضيك؟ 
انا:لا م برضيني..
فارس مد يدو،، ختي يدك فوق يدي ختيتا،،
بوعدك اني على قدر م ربنا خت فيني القدره ح احاول اسعدك واعوضك يلا هسي حنمشي محل حلو شديييييييييييييييد 
انا:بس شغلك؟
فارس :انتي اهم من شغلي
ضحكت واتلفت ع الشباك هو ابا يفك يدي وفضل ماسكا طول الشارع
فارس:بتحبي الدهب ولا الفضه؟
انا:الفضه 
فارس :الحمدلله طيب
وصلنا عوض سيلفر 
انا :وأي عوض سيلفر
فارس :يب يب.. خليك محلكك نزل وجاني فتح لي الباب قالي اتفضلي مدام فارس وانا مصدومه بقوليو فارس،، بقولي عيونو
دخلنا سلم على زول كدده،، الزول مشى،، بعدين النور طفى قالي جاهزه قلت ليو ايوهه بعد شويه النور فتح،، لقيت حوالينا ٤ صناديق كبيره شديد ودبدوب أطول مني
انا :فارس دا شنو؟؟
فارس :يلا افتحي الصناديق دي باكتر لون بتحبيه 
انا :اممم، أنت افتح الأول عشان اشوف انت عارف لوني المفضل ولا لا
فارس : من غير تردد فتح البنفسجي
انا :فارسسسسسس
كان فيها قروش كتيره وساعه فضه من كلفن كلاين ودبلتين 
مغلفين زي الشيله عاينت للدبلتين واتحسستهم نزل لي شويه وهمس لي قالي يعني انتي قايلاني حعرسك ساي بعقد وبلح ولاشنو
انا : فارس انا بحبك شديييييييييييييييد
قالي متأكده؟
انا:م حصل كنت متأكده قدر اللحظه دي
الصندوق البعدو كان عباره عن ميكب كلو مافي شي طاير الا وفيه والبعدو كان مجموعه كريمات والاخيييير كان لونو ازرق فيه طقم بتاع دهب وجمبو سلسل مكتوب فيه اسمي
يخوانا انا بالجد اتبكمتا م حسيت بنفسي الا وانا ببكي وانا بحضنو
انا : فارس انت احلى شي حصل لي
بعد شويه قالي يلا اخر شي دي شنططك ف واحد جاب طقم الشنط قالي دي الشيله..
انا :الله الشنط حلوه بس انت لقيت زمن كيف؟
فارس: لينه م قصرت معاي
انا :لينه يحليلا
فارس:طبعا لمن خشيت غرفتك اول مره شفت كميه الدباديب الكبيره عرفتك بتحبيهم وبتكوني دايما حاضناهم مع انو تاني م حتحتاجي لحضنهم بس يعني لمن اكون ماف
انا: ي كلب ي رمه وانت مافي حلبسه قميصك واحضنه
فارس :انا بغير
انا : ضميتو اكتر لا بالله
صفقو لينا وقالنا ربنا يتم ليكم ع خير.. وجريتو من يدو لاني خجلت من ناس المحل خلاص ف واحد شال الحاجات ووداهم العربيه واتحركنا بس المره دي انا الكنت ماسكه يدو،، ماسكاها بقوه زي الشافع الخايف يفقد يد امو ويضيع
مشينا فطرنا،، بعدها قالي رايك شنو تشوفي البيت عشان م تتفاجئ بعدين قلت ليو لو ف جهنم بسكن معاك
مشينا اول م وصلنا..
مشي على الباب انا اتصمغت ف مكاني، وبقيت بيني وبين نفسي خايفه،، انا حعيش هنا كيف؟ انا م حصل طلعت من بيتنا
فارس:كنت عارف انو رده فعلك حتكون كده ولاحظت لعيونو الزعلانه رغم انو كان بتكلم عادي بضحك
دخلت وراه.. و يجماعه واااااااااي من الصدمه
قلت ليه بالعكس شكلو حلو،، قالي شكل وشك حاليا م بوحي بكده انا اول كنت زيك بس اتعودت هنا الجيران طيبين والحياه سمحه وبسيطه انا ف نفسي قلت ي هديل ح تتعودي هسي البيت السمح الانتي عايشه فيه م لاقيه فيه راحتك اصلا 
قالي وينك سرحتي وين،، عموما انا م حجبرك قلت ليو لالا م مشكله كدهه قالي طيب مشكله شنو؟
انا سكتا…
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثامن من رواية رحلة الحب
لقراءة الجزء السابق : الجزء السادس من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
