وفي الجزء السادس هل سيكون هناك الكثير من الأمور الغريبة التي ستحدث مع ابطال الرواية ام ان هناك امر آخر سيكون بمثابة المفاجآة للكل ؟ كل هذا وأكثر سوف نعرفه سوياً في السطور القادمة .
الجزء السادس من رواية ضوء في آخر النفق
مؤيد …. هههههههه تعرفى غير مانبيش جوى يتعكر بس كان هدا عرفت نرد على اوباش زيكم يالله سلام حويجه وحويج … ميمتى غدوا نوضينى ساعه 7 ظرورى لانا عندى اجتماع بكرى 
امه …. ماشى ماشى خلاص برا ارقد ت ع خ
… هيا يابنات برو لدياركم توا وبكرا صباح رباح ان شالله ..
منى وسهيله … تصبحو على خير …
الاب والام … وانتم من اهل الخير …
هب هدوء فى حوش عمى جمعه طول الليل واستمر الهدوء يوم ورا يوم ولليله ورا ليله ومكانش فيه اى جديد الا انا منى طول تلاته الاشهر الا مرو استمرت فى تفكير فى الا فات من حياتها والا ضاع والا تقدر تعوضه والا تقدر تعالجه من جرحها واكتر شى خوفها هوا << هل تعرف تحب وتوتق من اول وجديد >> وهل تقدر توقف من اول وجديد وتحرق الماضى وتتلفت القدام ……. وتفكيرها هوا كان جزء من حلم فاقت منه على صوت امها تقول …
امها ….. سهيييييييييييييييييييييله … مننننننننى نوضو صلاة الجمعه قريب وانتم زى العرزى نوضى انتى وياها
وهنا ناضت سهيله تتكسل وبينما منى ناضت زى مجنونه وطلعت من دار وقالت …
منى …. ماما ماما وين بابا فى جناااان ؟؟؟
امها …. العفو غير صبحى قبل وبعدين اسألى على بوك ..
منى … صباح الخير ماما وين بابا توا ..
امها … هونى بوك فى جنان يسقى فى الغرس ..
طلعت منى لبوها تجرى وقالتله …
منى … صباح الخير بابا …
بوها … صباح الخير بنتى … شنى فى شى ؟؟؟
منى …. بابا نبى نكلمك فى موضوع ممكن ؟؟
بوها … ان شالله خير شن فى ؟؟؟
منى … بابا ماتجيش دوا هكى شن رايك نوتيلك صفيرة قهووه ونقعمزو فى صاله تشرب معاى قهوة الصبح ونحكو براحتنا ..
بوها … باهى باهى خلاص برى انتى وتى القهوه وانى نغسل رجليا ونحط طوبو فى ليمه ونجيك …
خشت منى المطبخ حطت القهوه على نار وخشت الحمام لبين ما غلت القهوه وغسلت وجهها وحكة سنونها وقامت شعرها وخشت للمطبخ وتت القهوه ولقت بوها مقعمز وفاتح الاخبار وهنا قالتله …
منى … بابا … ممكن نتكلم معاك ؟؟
بوها … نسمع فيك احكى ؟؟
منى … بابا انى نبى نرجع لقرايتى .. بصراحه مليت من تقعميزة الحوش ونبى نكمل هالسنه الا فاضتللى وناخد شهادتى انت شن رايك بابا ..
بوها … والله يابنتى ماعارف شن نقولك بس انتى عارفه انا مستحيل نوقف ضد حد يبى يقرا او يتعلم ..
منى … شن قصدك يابابا ؟؟ عادى نكمل قرااااايتى ؟؟؟
بوها … ايه شن مشكله من بكرا ارجعى لجامعتك وحقك عليا نرفعك ونجيبك كل يوم ..
منى …. شكرا يااحلى باب فى دنيا امووووووووووووووووه ربى مايحرمنى منك ياااااارب
خشت منى لدارها ودنيا مش واسعتها من الفرحه وفى اللحظه هيا بس حست انها رجعت منى الاوله ….
فات اليوم عادى ظمان وتطيب وكنس ومسح وتفريج على تلفزيون وهدا بالنسبه للكل اما منى فكان اليوم بالنسبه ليها عيد وانجاز وماصدقت انها فضى عليها جو شويه باش خشت لدار وقامت تلفون باش تتصل بى هدى وهنا قالت …
منى .. خيرها دعوه هادى تلفوناه انتظار مش عوايدها يعنى ..
هههههه بينما هدى فى لحظه هادى قالت..
هدى .. دودى منى تتصل حرام هكى وبعدين هيا ماتعرفش انا نكلمو فى بعض فا توا تشك وتقول شن قصتها هادى كل يوم انتظار ..
مؤيد …. نهااااااااااااار ابيض نمزق شلاتيتى انى .. تى خايفه من منى وانى اول ماكلمتك ماديره روحك قويه عليا وتكلمى فيا بقوة عين ..
هدى … هههههه تستاهل .. باهى توا معقوله تتصرف زى مراهقين وتخنب تلفون اختك باش تاخد منها رقمى ؟؟
مؤيد … ياغبيه ماهو انتى مش فاهمه .. ماهوا لو عرفت رح تدلنى واحتمال ندفع نص تروتى باش نقدر ناخد الرقم منها واحتمال اخر رقم فى رقمك ماتعطيهوليش ودلنى بى باقى تروتى هههههه والاعندى ياعيونى انى وانتى اولى بيه هههههههه
هدى … باهى توا لينا تلاه شهور على جية امك ولينا شهرين نتكلمو وبصراحه الوضع هوا معاش مريحنى يامؤيد امتى بتجو وتديرو فضان بصراحه هدا اقل شى وانى متأكده انى امك مش رح تقول لا بس انت مازال مافتحت معها الموضوع وانى والله منظرى هكى ماهو حلو ..
مؤيد …. هدى علاش تحاولى تجسدلى صورة المرأه النكديه من توا ..يعنى اقل شى خلى لين يتسكر علينا باب بعدين ورى مهارتك فى نكد حبيبتى … يعنى معقوله انى ساكت باش نسمع منك كلمت نحبك .. حبيبى . ياعيونى … وانتى مافالحه الا امتى بتجى تفض فيااااااااااااااااااا هههههههه لاالله الا لله منك ..وبعدين تعالى هنا من اول ماكلمتك ماسمعت منك لاكلمة نحبك ولاحبيبى ولااستاحشتك ولا حتى نهار مزقح .. كله توزيع ابتسامات وخلاص قصدى الهم مدينى بشوى مشاعر نتقدم بيها خطوه القدام ..
هدى … ماهو يا .. ههههههه قصدى افهمنى والله نتحشم .
مؤيد … اما ببببع تتحشمى لما بتقوليلى نحبك وماتتحشميش لما تقوليلى تعااااااااااااااااااالي فض فيا ههههههههه على عموم انى واخدك وعارف انى مدبس في وحده مهبوله بس اطمنى بعون الله الاسبوع جاى بعون الله يكون بوى واقاربى عند بوك واحتمال فض وخطوبه على طول … بس توا بعد هالمفاجاه شن بتقوليلى ؟؟
هدى …. توا بنقولك تصبح على خير دوووودى ينعس فيا نوم اااااااااااااااااااااااه ه ه ه ه
مؤيد… اما بالفعل والله انى مضحكه وعبيط مفروض خليتك تطنقى حتى حتى استغر الله ياربى سامحنى هيا الا قريب خلتنى نشرك شكاره كلها خلاص برى تمرقدى مانبى منك شى برى سلام ..
هدى …. دووودى زعلت ؟؟
مؤيد … هدى سكرى سكررررررررى خلاص راهو حرام بجد فى واحد يدلع حد يشبهه بكلمه مشتقها << دوده >> ااااااااااااااه ياررررررربى سلام سلام انتى مفروض الواحد بعدك يمشى يبلع من مية البحر باش يفيق سلام سلام وانتى تتوابى قريب تبلعى تلفون ومعاه راسى سلاااام ..
هدى … هههههههههههههههه باى حبيبى ..
مؤيد … باى …………………………….. شن قولتى شن قولللللللللللتى ..طوط طوط طوط طوط
لوح تلفون مؤيد وقعد ينقز فوق سريرو يقول بصوات عالى زى مهبوووول قتالتتتتتتتتتتتتتتتتتتتتتتتتتها قووووووووووووووووووووووووووووووووووووووول وووووووووووووووووهههههههه
.. وهنا خشت امه زى مهبوله وفتحت دار برجلها وايدها على قلبها وقعدت تقوله ..
امه … مؤيد وليدى خيرك لطف شن فى ؟؟ خيررررررررك شن فى ؟؟
مؤيد … لا لا غير مدريدى ربحو الاسبانى بس هههههه
امه … اللطف وانت كيف عرفت ..
مؤيد …. هههههههههه بعتلى صاحبى توا مسج .. برى ارقدى ياحاجه برى ..
طلعت امه وهيا متعجبه من موكلى الا فى دار ولا باقيرا الا ينقز فوق سرير وبينما منى اول مايأست انا هدى ترد عليها سكرت تلفونها وفتحت دولابها وبدت تطلع لبسه وتخشش لبسه لحد مااستقرت على لبسه معينه وبعدها حطت راسها على مخده وغمضت عيونها وكانت ولاول مره تتمنى انا الليل يمر بسرعه باش يجى صبح وتمشى للحياه الا كانت بالنسبه ليها الهواء الا تنتفس فيه وفاتت الليله بسرعه وناضت صبح دارت دوش ولبست حوايجها ولقت بوها يستنى فيها ..
ركبت لسياره وحطها بوها وقالتله …
منى … ماتجنيش لين نكلمك بابا واول مانكمل حاجتى رح نتصل بيك
بوها …. انتى معطله ؟؟
منى … والله يابابا بنجدد قيدى وبنشوف المود الا مفروض نزلها سمستر هدا وكل ماده بنمشى للقسم متعها وحوسه ومرات نتلاقى انى وهدى ..
بوها .. خلاص اول ماتكملى كلمينى ماشى وخودى 10 جنى مرات تنقصك شى ..
منى .. ماشى بابا تسلم .
اول ماخشت منى للجامعه خدت شهيق كبيرررررررر وابتسامه عريضه وبعدين خشت وكانا رافعه الفرحه كلها فى عيونها واول ماخشت للمسجل قاللها اركبى فوق احتمال تلقيه وركبت للغرفه بس لقتها مردوه فاطقت اول طقطقيه بعدين فتحت الباب وهنا لقت واحد عاطى بالقفى ويدخن واول ماشافته قلبها طاح وطلعت تجرى من الممر وخشت للممر الا بعده وقعمزة وقعدت تبكى وماحستش الا بايد تنحط على كتفها وتقولها ..
وائل … منى .. علاش اطلعتى لما شفتينى .. وخيرك تبكى .. وهيا نحت ايده من على كتفه وناضت وسيباته ومشت تجرى من الممر ونزلت وهوا لحقها وشدها بالقوه من ايدها ودفها على حيط << والممر كان فاضى >>
وقاللها …
وائل …… كيف قدرتى تتخلى عليا بسهوله ؟؟ كيف قدرتى تنسى اى شى بينا ..
وهنا يا قعدت تبكى وفكت ايدها من عليه ومشت وهوا قعد يتبع فيها ويقولها ..
وائل ..انتى مرتاحه معاه … ردى انتى تحبيه ؟؟ قولتيله اى شى انى كنت نقولك فيه وتقوليلى فيه ؟؟ .
منى …. ايه مرتاحه معاه ولو سمحت معاش تتعرضلى مره تانيه وبعد ايدك ..
وائل … انتى كدااااابه كدبتى عليا ومازالتى تكد ددددددددد بى …
منى … خلينى فى حالى وبعد عليا …
وائل … جاوبينى ؟؟ انتى قاعده تحبينى ؟؟ ردددددى ماتبكيش .. لو انك مازلتى تحبنى والله الامانوقف ضد دنيا على خاطرك ولو لا مش رح تشوفينى بعد توا ردى ؟؟
منى ..
يتبع ……..
لقراءة الجزء التالي : الجزء السابع من رواية ضوء في آخر النفق
لقراءة الجزء السابق : الجزء الخامس من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
