وفي الجزء السادس نقترب من احداث مشوقة قد لا تخطر علي البال لذلك هيا بنا لنبدأ الإطلاع عليها في السطور القادمة من رواية هدوء ما قبل العاصفة للمبدعة كيندا .
الجزء السادس من رواية هدوء ما قبل العاصفة
مجدى ….. نقولك شى يلعن الزواج ويلعن اليوم الا شفتك فيه والا عرفتك فيه ويلعن اليوم الاسود هدكا الا جبتك فيه للحوش مااااااااشى وبرى خلااااااص فديت كبدى زهقت منك ومن مشاكلك وعراكك على اسباب تفاهه وانى خاش لدار ومسيبهالك واقعدى اسحنى واسحنى للصبح ماااااااااااشى …
احلااااام …… خشت كالعاده لدارها وهوا خش لدار المعيشه ورقد بس هيا المره هادى اختارت خطوه ممكن كانت تفكر فيها من وقت …. بس هدا وين قررتها وهناااااااااااا قامت تلفونها وكلمت خوها محمد ….
احلام …. الووووو ايو محمد شن اخبارك وينك …
محمد …… تماااااااااااااام …. انى فى القهوه مع صحابى …. علاش تبى شى ؟؟؟
احلام …. اى ولع سيارتك وتعالالى نبيك ظرورى تواااااااا نحى الا فى ايدك وتعالى ..
محمد … شن فى خيررررك ؟؟
احلام ….. تعالى ومن غير نقاش …
محمد …. ماشى ماشى مسافة طريق بس
سكرت احلام تلفون وفتحت دولاب ولمة حوايجها وحطتهم فى شنطه ولبست عبايتها ووشاحها وقعمزت على سرير لحد مارنلها محمد وهنا خدت شنطتها وطلعت ونزلت وركبت لسياره من غير ماتنطق اى كلمه واول ماوصلت لحوشهم تلقتها امها فم الباب ….
امها << نجيمه >> ….. اهللللللللين بنيتى عاش من شافك مررر….. وهنا علقت باقى الكلمه معاش بت تطلع لما شافت شنطه الا فى ايد محمد منزلها .من سياره …. وسكتت شوى وبعديت قالتله ..
نجيمه …. هادى شنطة منى ؟؟؟
احلام ….. هاااااادى شنطتى …. ومعليشى معاش نبى اى حد يسألنى حاليا شى لانا اعصابى منهاره …
امها ….. على كيفك هوا ولا على كيفك …… اااااااااااااه ياربى شن هامصايب الا تنحدف فوقى بس يارب حتى الا نحطه موسى يطلع فرعوووون …
احلاااااااااااام …… هوا هدا الا قدرتى تقوليه ….. بدل ماتقوليلى خيرك ولا خيره ملامحك تعبانه …
نجيمه …. جايبتلى شنطتك وطالعه من حوش راجلك من غير علمه اكيد شن تبنى نقولك …. احنا ماعندنا نساوين تطلع من حوشها ساعه 1 فى الليل حرجانه …..
خشت احلام لدار اختها واتكت فى فراشها ومانتطقتش ولاكلمه مع اختها وقعدت دموع يصبو منها لحد مانعسها نوم ورقدت واول مافاقت صبح لقت امها تستنى فيها فى صاله وموتين الفطور فاقعمزو واللتمو على فطور وفى اللحظه الا جت بتصب احلام فيها فنجان قهوه لروحها قالتلها امها …..
نجيمه ….. علاش تعاركتى مع راجلك وسيبتى الحوش وانى متأكده على سبب تافه …
احلام …… كملى فطورك قبل وهنينى يامى بالقهوه وبعدين رح نحكيلك ماعندى شن بندس عليك … فطر كل واحد منهم على سكوتى ومشى وقعدت امها وهيا ومافاتتش لاحظات بس الا وتكلمت احلام وبدت تطلع الا دساته من شهور وقالتلها ….
احلام ….. شن تبى نقولك نقولك اهانات كل يوم ومعامله زى زفت ….
امها ….. شنى يعنى ضربك قتلك نقص عليك حاجه …
احلام …. انى نقولك يهين فيا وانتى تقوليلى ضربك …. للاسف انا الانسان مرات يفضل انا ينضرب بالايد ولاينضرب بالسان …. انى كل يوم نتقطع ومافيش حد حاس بيا ….. يهين فيا يستكرد فيا يكشخ عليا … مش مدايرلى قدر ولا احترام بين ناس ويعجب فيا بسمنى واااخر شى اكتشفت انه يخون فيا وبعد هدا كللللللللله تقوليلى هكى …
امها ….. المرأه الفالحه هيا الا تحافظ على راجلها وحوشها والمرأه المقومه شاطره هيا الا ماتخليش مرأه تعلم عليها وتاخد راجلها منها …. راجعى نفسك وشوفى انتى فاش غالطه معاه وعلاش هوا يتصرف معاك هكى وعلاش هوا ديما برا حوشه .. وانتى توا تعرفى سبب .وبعدين نقولك شى كللللللللل رجاله هكى يلود يلود وفى الاخير يرجع لحوشه وصغاره …. بس دوا هادى باين فاتتنى انى نعلمهالك …
احلام ….. انى مش حاسه بالامان معاه ياامى وخايفه نلقى روحى برا حياته ….
امها ……. اهاااااااا هادى معناها انشطى روحك وفرخيله دستة صغار واربطيهم بيك فى رقبته ومعاش يقدر ينحيها هكى تضمنيه تحتك …
احلام ….. باامى والله والله مايعامل فيا كويس ولا عاطينى اى شى من وقته …
امها …. انى مانعترف بشى من هدا …. انى عندى هدا كللللله دوه فارغه …. اه تعالى قوليلى منقص عليا فلوس حارمنى من لبس مايشريلى فى دهب مجوعنى اااااااه نوقف معاك وتقول صح بس حي ماحب وبطيخ مابطيخ انى مايمشى معاى هالدوا ….. وانتى مشكلتك بطرانه بنعمت ربى الباقى راجل مصنع منع فى خيار خيره طول فى عرض وفلوس ومخليك تلبسى وعاطيك الحريه فى خدمه وفوق من هدا كله ولد عمك ومن دمك ولحمك ومايرضى فيك شى وهدا كله تتشرطى …. تى يامهبوله فيقى لعمرك والله يأشر اى راجل لبينت 99 بس وقنينه وبنيه ومستعده تاخده وتبوس ايديها انك فرطى فيه وانتى بكل تقه جايتنى حرجانه انتى والعيل الا فى بطنك وتلودى بيه ….. ااااااااااه ياربى تى والله ماك عارفه مصلحة نفسك وغبيه …
احلام …. معاش عرفت من صح من غلط << وانهارت بالبكى >>
امها ….. صح انك ترجعى لراجلك وتدلليه وتدلعيه وتعطيه شى الا يدور فيه برا ومش لاقيه عندك واول مايلقاه صدقينى رح يجيك جرى …… وعلى عموم عندك بس ايام محدوده لو مااتصل فيهم ورجعك …. بوك رح يرفعك غصبن عنك ولفم حوشك … والا والله مانى راضيه عليك لادنيا ولااخره … على اخر الوقت تبى تديرلنا العار وتخلينا قطيعه احنا ووحوش عمك لااااااااااااا والله مايكتبها عليا ربى …..
ناضت احلام بعد ماسمعت كلام امها وخشت لدار تفكر وتفكر وكل لحظه تفكر فيه تحس انها تنتطعن 2000 مره وتنهان بس << مجبران اخاك لا بطل >>
وفاتت ساعه ورا ساعه ويوم وراء يوم ومجدى لاحس ولاخبررررررر وكأنا ماصدق طلعت باش يفتكى منها وياخد راحته ….
وبعد مرور تلاته ايام جى اليوم الا ……
يتبع……….
لقراءة الجزء التالي : الجزء السابع من رواية هدوء ما قبل العاصفة
لقراءة الجزء السابق : الجزء الخامس من رواية هدوء ما قبل العاصفة
للإطلاع علي فهرس اجزاء الرواية : جميع اجزاء رواية هدوء ما قبل العاصفة كاملة للكاتبة كيندا
جميع الحقوق محفوظة للكاتبة كيندا من ليبيا .
