وفي الجزء العاشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء العاشر من رواية رحلة الحب
فارس:اللي هي؟ قلقتيني ي امي؟
ام فارس: م تقلق ي ولدي بس انا اطلقتا 
فارس :
كيف الكلام ده ومتين؟؟
امل : م ظنيت مهم،،
فارس:كيف م مهم ي امي وهسي انتي وين؟
امل : عايزه اعرف منك وصف البيت عشان اجي ابارك ليك،،
فارس:احنا حاليا مرقنا وحنمشي بيتنا تعالي بهناك
امل :اوكي 
…
امل ام أمير : تاني م تسيبوني والله م بقدر 
هديل وهي حاضنه امها َلاصقه فيها :نسيبك شنو احنا م صدقنا لقيناك
أمير :الحيحصل ك الاتي،، ناس عماتي حيجوك هناك ف البيت كلهم حيودعوك وحيمشوا، فارس يسوقك هسي ودغري ع بيتكم ظابط؟
هديل:طب وامي
أمير : حتلم هدوما وحتمشي معاي،،
فارس:ونهله؟
أمير : صبرك علي..
هديل وفارس طلعوا فعلا،، أمير ساق امو وطلع،، لما وصلوا،،
أمير :خليك قاعده،،
أمير نزل ودخل البيت،،
اول م خشا استقبلتو مرت ابوي وأخواتا،،
نهله :أمير اخو العروسه ولدي حبيبي 
نوال ونهى يضحكوا ساي 
نهله : كان نفسي تقعد معاي اكتر ولاصحي سفرك بكره،، ح اشتاق ليك فعلا
امير حب يتصرف عادي : ي قلبي طيب ليه م مشيتي مع هديل هسي حتكون خايفه دي اول لحظات ليها مفروض تكوني معاها 
نوال: اختك مفتحه جابتو ف اسبوع،، واتاريها كانت بتتأخر..
نهى : الموضوع دا مريب صراحه ي أمير،، فجأه البت دي بقت تجي ١٠ و١١
أمير :٨ و٩ 
نهى : وفجأه كلفتت نفسها وف خمسه ايام عرست؟ الكلام دا مش غريب ي نهله ي اختي؟
امير:عايزين توصلو شنو؟
نهى :احنا جايين نهدي النفوس..
أمير :اخد شهيق وزفير،، اسمعي هنا ي خالتي،، فارس صحبي دا انا واثق فيه اكتر من نفسي،، دا غير ثقتي ف هديل.. والتأخير البحصل دا كله انا كنت عارفه وكنت متابع معاهم لأنهم الاتنين كانوا متابعين لي برنامج،، فارس دا عايزه من زمان وهي كانت حالته م بتسمح لي انو اعرس ليها،، ولمن انتي طردتيها من غرفتا وزات زعلة منك وافقت وقالت الجمعه دي يعقدو ليها تتخارج،، واظن كده مفروض انو الجو راق ليك مش كنتي عايزه البيت دا يبقى باسمك؟
نهله سكتت،،
نهله تاني ردت: ايوا وبقى ب اسمي
امير :واوسوبر ماما
نهله :بعدين م تقولي ماما دي لأنها منك بتقرفني
أمير : اومال اقوليك شنو؟ ي مرت ابوي؟
نهله دي نطتت عيونا قدر البطيخه،، نهى ونوال عاينوا لبعض..
أمير :اي حقيقه مصيرا تتكشف 
نهله :طيب مدام انت عرفت سهلت علي والله
أمير :كيف جاك قلب تعملي كده وتخربي بيت راجل متزوج باولاده؟
نهله: مابخصك،، كنت عايزني اضيع العز دا؟
امير:بعد شفت الحته الكنتي ساكنه فيها اتوقع انك كنتي ح تعملي المستحيل عشان تطلعي منها..
نهله:بعدين ابوك حباني انا م دقيتو على يدو وشلتو،،
امير:قصدك انك مشيتي لي شيخ وسوا ليك حاجه لأبوي صرفتي من بيتو ومن عيالو،، قلبك طاوعك كيف..
نهله :الكلام دا هسي م حيفيدك حتى لو كشفت كل الحقيقه 
ابوك م بقدر يقول لي لا، ابوك انا عامياهو منكم ولو قلت ليو الكلام دا كلو م حيصدقو 
وهسي عشان اثبت ليك انا شلت ورق البيت دا وحولتو من اسم ابوك ل اسمي يعني انت هسي م عندك قعده معاي ف البيت دا،، بس عشان العشره البينا دي وانت اصلا مسافر ف حخليك تبيت الليله هنا 
طيبه انا موش،، وأخواتا يضاحكو
أمير صفق ليها قاليها البيت لمن يبقى دا بيت ابوي اصلا
نهله اتخلعت قصدك شنو؟
هل انتي عارفه انو البيت دا مكتوب ب اسمي واسم هديل؟
فكرك انو المحامي م كلمني مثلا؟ المعاك دا ورق مزيف ي ماما،، الورق الأصلي معاي ورفع ليها الورق
طبعا بقت تعاين لاخواتا..
أمير :اخواتك م بحلوك،، دي آخرة اللعب مع أمير عبد المولى،، الكان مفتكر انو المره القاسيه الاسمها نهله امو وكان صابر، ويتضح انو صابر ع الفاضي وانو دي م امو
بالجد الحمدلله على انك م امي، كنت متأكد انو امي مستحيل تكون كده،،
نهى :دا الكنت خايفه منو
نوال :انا اصلا قلت ليك م تخلي عماتهم يجو
امير :حيث لاينفع الندم.. امرقي من البيت دا عشان ستو تجي داخله
نهله :ستو انا 
أمير :لا.. ع فكره شكلك وانتي مصدومه،، وانتي بتعترفي حلو شديد،، بعد شويه تينا طلعت من ورا حيطه وسلمت الكاميرا ل أمير،، ابتسم،، بعد شويه تينا فتحت باب الشارع جو ٣ شرطيين..جو ساقوهَم
نهله : انا حكلم ابوك كيف تسجني
أمير : لو ابوي عرف اصلا سلام ي امي.. واتلفت ع الشرطي م أوصيك بيهم
شرطي: اطمن ع الاخر وساقوهم.. بعد شويه قاليهم استنوا،،
طلع مشا لي امو..
امل :اتاخرت كده ليه؟
أمير :تعالي بس،،ورى نهله انو انتي عايشه وانك لسه قادره تشيلي مسؤوليه بيتك
امل :نهله
أمير :م تخافي انا معاكي
فعلا نزلت،، وجات داخله اول م شافوها التلاته اتخلعوا..
اممممممل؟؟؟؟؟؟؟؟؟؟
امل :ايوه امل، حسبي الله ونعم الوكيل فيك ي نهله،، الله لا بارك فيك،، شوفي بعد العمر دا كله أولادي عرفوا الحقيقه ورجعو امهم بيتها؟ بس انتي حتمشي وين هسي من السجن ومن ربنا بعدين؟ روحي يشيخه إلهي ينتقم منك ويحرق قلبك زي م حرقتي قلبي وحشاي ع أولادي …
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الحادي عشر من رواية رحلة الحب
لقراءة الجزء السابق : الجزء التاسع من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
