وفي الجزء العاشر من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء العاشر من رواية عكس ما تمنيت
روبا ايوا انت من امبارح بقيت ملكي وانا ملكك اوعدك ي محمد م في رجل غيرك يدخل قلبي ولا يلمس جسمي انت امبارح م حصلت علي ولا على قلبي بس انت ملكتني كلي وللابد مهما حصل ي محمد م ح اكون غير ليك انت وبس لو فيها موتى
محمد وانا كمان ليك اني وبس اصلا م قادر اشوف غيرك
روبا قربت من اضانه بحبك 
محمد وانا بحبك وبعشقك بموت فيك مجنون بيك يا احلى روبي في الدنيا
روبا عجبني الدلع 
محمد انا مجهز ليك مفاجأة تعالى مسك يدها وطلع برة
روبا لا م بصدق بحر نحنا وين
محمد مرسي مطروح في الزمن دا بتكون رايقة وم في ناس اشان م موسم سياحة وتصيف
روبا الله عليك كنت وين من زمان
روبا محمد كنت بجهز ليك احلى حاجة لاحلى روبي فيك يا عالم انا عامل ليك برنامج حلو ح نعمل جولة في مصر
روبا وانا معاك لآخر الدنيا
محمد تعالى ناكل
روبا يلا وكمان الفطور الأنا بحبه
محمد في غنية جديدة خلينا نسمعها وفتحها في تلفونه
الغنية ” لو تطلبي مني عينا لو اطلبي عمري كمان هديكي سنيني الجاية وهكون راضي وفرحان دا انتي الوجودك جمبي حسسني اني انا انسان”
“من اول دقيقة احبك قلبي مال عرفت ب100 طريقك تغير حال بحال”
محمد تعرفي لمن سمعت الغنية دي انا شوفتك وشوفت نفسي فيها احتمال كانت النور لمعرفة حبي ليك كلامتها عبرت عن الجواي
روبا انا بالجد من اول دقيقة قلبي لحبك مال اسرتني حسبتك قدري الجميل
محمد وانتي الحركتي مشاعر بالجد.
روبا محمد
محمد عيون وقلب محمد.
روبا بابتسامة بحبك
محمد ابتسم ليها ابتسامة رضا قلبي ليك وملكك بحبك
روبا طيب نخلص اكل ونمشي نتمشي
محمد توديك حتى خرافية حمام كليوباترا
روبا وااااااو دي شنو كل المفاجآت دي
محمد اشانك بس
روبا طيب ي سي الرومانسي.
خلصو اكل وطلعو مشو حمام كليوباترا واتفسحو واتغدو واتعشو برة
محمد نرجع حبيبتي
روبا حاضر يلا انا زاتي تعبت
رجعو البيت ادوشو.
محمد تعالى نقرأ رواية رايك شنو
روبا بس بصوتك
محمد حاضر
روبا دقيقة نعمل كابتشينو
محمد طيب مشى طفى الانوار وخلى إضاءة خافتة جمب الكنبة روبا الشينو جاهز
محمد قعد تعالى مد ليها يدو مدت يدها ليه قعدت ارقدي في رجلي
روبا ختت رأسها في رجله وبدأ يقرها ليها
روبا تعرف انه صوتك حلو وفيه شجن فيه نبره غريبة
محمد دا اشان انتي البتسمعي
روبا ممكن سؤال
محمد اكيد وبعد ممكن شنو في ممكن بين رجل ومرته
روبا لا… انت اكتر حاجة جذبتك لي شنو
محمد قبل الزواج شخصتك كنتي جد جدا في الشغل طموحة بشكل لا يوصف كنتي اي حاجة دايرها بتصلي ليها ومع والدك كنتي طفلة دلوعة عكس شخصتك الأولى تماما
روبا وبعد الزواج
محمد رفعها ومسك وجها بين يديه اول مرة م ركزت في ملامحك يعني كنت متعودة على انك بت المدير بس لكن لمن قربت منك وشوفت ملامحك من قريب لقيتك جميلة وجميلة وشديد كمان عيونك ملامحك شفايفك الخالق ابدعيك بطريقة اسرتني روبا انتي جميلة من جوا ومن برة طيبتك وجدعنتك ووقفتك مع امي حتى زعلك وخصامك حلو خليتني مجنون بيك وفيك انا م متخيل حياتي من دونك
روبا انا مصدقة انه في عيونك كدا انا ربنا جازاني بيك محمد انت نعمتي انت عوض رضاي انا كل يوم حبي ليي يزيد ويكبر
محمد وانا والله م سمحت لزول يقرب مني كدا انتي وصلتي في قلبي لمكانة عميقة شديد انا برييييدك
روبا باست يدو وانت تاج راسي بحبك
محمد وانا العجب فيني شنو
روبا امممم في الاول كنت شايف انك مساعد بابا ويدو اليمين كنت بحسك مخلص وصادق وجدي اشان كدا بابا قربك منو بعد م اتزوجنا كنت بحب قربك كان نفسي استقر معاك ملامحك كانت رجولية شديد بس اكتر حاجة اسرتني عيونك عاملة زي متاهة كبيرة أو بحر عميق انا غرقت فيه انت على ملامحك وانت نايم احلى
محمد اشان كدا كنت بتصحي تتامليني كل يوم بالليل
روبا عرفت كيف
محمد اشان انا بكون صاحي براقبك
روبا طيب وانا احلى صاحية. ولا نايمة
محمد حلوة في كل حالاتك.غضبك وخصامك ابتسامتك وضحكتك هدوءك وبرودك بس بتكوني ملاك وأنتي نايمة
روبا محمد
محمد عيون محمد
روبا عاينت ليه ودنقرت
محمد تعالى اقول ليك حاجة
روبا شنو
محمد جراها من يدها بينا م قدام الناس ونقفل غرفتنا
روبا محمد انت
محمد اششششش تعالى
مر شهرين محمد روبا م خلو حتى في مصر م شافوها الإسكندرية القاهرة أسوان اي حتى رازوها محمد م خلي ليها حاجة عينه بتقع عليه ويحس انه عجبها بشتري ليها واشترو هدايا لامو وابوها كانت كل يوم بتتكلم معاه فيديو كول هم راجعين السووودان
محمد وروبا رجعو السودان دخلو الشقة سلمو على امه
أمه حمد الله على السلامة
روبا الله يسلمك ماما
محمد الحمدلله كل الأمور تمام
روبا اي الحمدلله
اَمه ربنا يهدي سركم يا بتي
روبا امييييين ي رب
محمد اميين يارب
أمه طيب حبايبي قومو ارتاحو من السفر على بال م اجهز الغدا
روبا اساعدك
أمه لا هو جاهز بس انا بسخنه وارصو ترتاحي انتي
محمد طيب ي امي تعالى روبا
روبا حاضر ودخلو
محمد مشتاقين
روبا ههههههه
محمد انا قلت ليك نكتة
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الحادي عشر من رواية عكس ما تمنيت
لقراءة الجزء السابق : الجزء التاسع من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
