وفي الجزء العاشر من رواية لن استسلم دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء العاشر من رواية لن استسلم
فتحت خ نادية الباب اهلين نفيسة
خ نفيسة؛اهلين بيك ياسمحة
خ نادية:كيف حالك اسامة طيب ع سﻻمتك
اسامة:الله ايسلمك خالتي
خ نادية:تفضلو تفضلو
اسامة:كيف حالك وشن امورك خالتي ان شاء الله كويسة
خ نادية:باهية والله ياولدي انا متحشمة منك على …..
سمية طلعت تجري وتبكي: اسامة… اسامة عﻻش هكي غطست خيرك ماسألتش عليا
خ نادية انسمطت وقتلها: وحق دين الله يافرخة كان ماتخشيش دارك توا مانبدى اﻻ عافجاتك طريحة سمية:ماما خل…
قاطعتها خ نادية:تي خشي قلت انا خشت سمية لدارها
خ نفيسة ل نادية:اسمعي يا نادية اسامة مش حتريحي فيه وعارفتيه وحتى كنتي مقريتيه قبل وانا الحق بنجوزه ومانلقاﻻش خير من بنيتك سمية زين وادب ماشاء الله والله معزتها من معزة زينب بنتي .. هاه شن ردك يانادية
خ نادية: والله يا نفيس..
طلعت سمية من دارها وقالت:وافقي ياماما وافقي مش حنلقو خير من اسامة
اسامة شاد ضحكته
خ نادية:وحق جﻻلة الله ياسمية كان ماتخشيش دارك توا مانبدى اﻻ مدايرة حاجة تندمي عليها طول عمرك
سمية:خﻻص ماما اهو خشيت هاه بس وافقي
خ نادية:تمشي يابنت حشمتيني
خ نفيسة:خﻻص عاد وافقي يا نادية ماتكسريش بخاطرهم يبو بعضهم ياناري شوفيهم هاه زي العصيفيرات
اسامة:ياخالتي انا راايدها ع الحﻻل ويشهد عليا ربي ماارتبطت بيها عﻻقة انا مشيتلها ف محل قتلها اني نبيك
خ نادية:هههه هالبنت هادي معش خلتنب نقول كلمتين ع بعضهم …المهم والله يااسامة مش حنلقى خير منك وليد كويس وادب واخﻻق ماشاء الله وعلى بركة الله حتى السؤال مش حنسئل ﻻن نعرفكم من قبل واسامة شبه مربياته يا نفيسة
خ نفيسة:لولولولولولوليييييي على بركة الله غدوة الفضانية
خ نادية:اللطف اجليها بش نوتو روحنا
خ نفيسة :خﻻص بعد 3 ايام فضانية وبيان والعرس بعد فضانية بسبوعين !
خ نادية:سمله البنت مش موتية روحها ما بتت شي
اسامة:شنو نسيتي خالتي اني نستورد ف بضاعة اكيد نجيبلها شحنة تامة مﻻبس واللي تبيه انا حاضر
خ نادية:والله كان هكي ماعندي مانقول ع بركة الله وفاتو تﻻتة ايام وجي بو سمية بعد غياااب طويل عليهم بش يدير فضانية ودارو فضانيتهم وبيانهم
وتم كل شي ع خير
اسامة اتصل ب سمية
سمية خداها النوم بعد ماضمت دارها
بعد عدة ايام
اتصل اسامة ب سمية
اسامة:صباح الورد حبيبتي
سمية:صباح الفل ياروحي
اسامة:نوضي حبيبي خدوي دوش وصلي ووتي روحك بنجي ناخدك
سمية:وين ياعمري
اسامة:مانيش قايل هيااا نووضي
سمية:لكن وسيما بالك ماما ماتخلينيش
اسامة:بﻻ سبل كلمتها خ نادية نوضي يﻻ
سمية:حاضر ياروحي
ناضت سمية دوشت وصلت
سمية ل امها:ماما اسامة قالي ب نمر ناخدك
خ نادية:ايه عندي علم بتمشي معاكم زينب
سمية:اممم اوكي حبيبي ووتت روحها سمية وبيب بيب وصل وسيما
اسامة ل زينب :بالك تبي تقعمزي التالي هكي وتاخدي راحتك كرسي التﻻني اوسع ومريح
زينب: ﻻ ﻻ بنقعد اهني 
اسامة:ليك مني غدي وجبة حوت وعشي دجاج محمر
زينب:هي محﻻ الكرسي تﻻني
….
اسامة:استني ياشفشة خلي نطلعو من شارع بعدين بدلو … وكان صارت لقطة هكي واﻻ هكي غضي البصر هههه وحطي ف وذانك سمعات اسمعي اغاني باهي وخيتي ههههه
زينب :ههههه ياسﻻااام به تمام عندي فلم تو نتفرجه ف اﻻيباد
اسامة:سلمها وخيتي
طلعت سمية من الحوش وركبت سيارة
سمية:صباح سعيد
اسامة:صباح الفل لحبيبتي
زينب:ثباح النور
وبمجرد ماوصلو لشارع التاني اسامة وقف سيارة وزينب فتحت باب ونزلت
اسامة ل سمية:هي انزلي حبيبي بش تجي فدام
سمية:ﻻﻻﻻ خليني اهني اسامة:هيا بيبي
اسامة تكنطا و يكشخ : تنزلي قلت
سمية اتنطرت زي البرغوثة
زينب ل سمية:ماتمشيش اﻻ بالعين الحمرة هههه
ركبت سمية من قدام ومادة بوزها شبرين
اسامة:خيرنا شواربنا زي العصفورة
سمية:كشخت عليا
اسامة خدالها ايدها وباسها
سمية خدودخها حمررر
وبتجبد ايدها
اسامة:اهفتي ايدك ملكي خليها عندي
سمية:ههههههههه
اسامة:والله بجد هه حطيها ع المرشا حطي
حطت سمية ايدها واسامة حط ايده فوقها
اسامة:خﻻص انتي هكي تسوقي معاي وهمسلها بشفايفه انحبك
سمية:حتى انا 
بس حبيبي وين ماشيين
اسامة:بناخد دار
بناخد دار النوم حبيبي ونبيك تختاريها ﻻن درت اتاث الشقة كلها اﻻ دار النوم ﻻزم تختاريها ع عيونك الحلوة
سمية:ياعمممري انحبك .
وصلو لجامع الصقع واختارو دار نوم حلووة
واسامة اتصل بجﻻل بش ايجي يستلم الموبيليا وياخدها لحوش اسامة
وصل جﻻل وجت عينه في عين سمية
سمية نزلت راسها و جﻻل قعد سارح يشوفلها لقاها طرف
اسامة ل جﻻل:ف شنو اتكحل؟؟ كان مش صاحبي وخوي راني عطيتك بونيتين ع عيونك
جﻻل:ﻻﻻ شنو نكحل عيب عليك ادكرت صاحبتي اﻻوولة اللي اتفوفت تشبه خطيبتك بس سامحني اسامة:باهي مهم زي ماقتلك وصل الموبيليا عندي مشوار هكي
ركب اسامة سيارته
سمية ل اسامة:حبيبي خاطري ف جيﻻتي
اسامة من عيوني
خطم ع حلويات النحلة خدالهم جيﻻتي طاسة
مد واحدة ل زينب
وتانية عطاها ل سمية
سمية :وانت حبيبي خيرك ماجبتش لروحك ؟
اسامة:بناكل معاك 
سمية:ﻻﻻﻻ ناس تشوفنا
اسامة:خلي ايشوفو واحد و مرته شن يبو فينا هيا وكليني هاه …. نستنى
سمية:والله انت بتهبلني وكﻻته سمية الجيﻻتي
اسامة:الله الله ايهبل زايد فيه النص ياروحي
زينب:سبحااااااان مغير اﻻحوال من يشبحك قبل يقول استحالة يكون هدا نفسه اسامة متع قبل
اسامة:اهو واحد من اﻻتفاق اتنحى
زينب:خﻻص وسيما سوووري
مشو ادهورو وتغدو وروحو
يتبع ……….
لقراءة الجزء التالي : الجزء الحادي عشر من رواية لن استسلم
لقراءة الجزء السابق : الجزء التاسع من رواية لن استسلم
للإطلاع علي فهرس اجزاء الرواية : رواية لن استسلم جميع الاجزاء كاملة
جميع الحقوق محفوظة للكاتبة لوزة .
