الجزء

الجزء العاشر من رواية نبضات قلب

الجزء العاشر من رواية نبضات قلب

وفي الجزء العاشر من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء العاشر من رواية نبضات قلب

تسنيم بعد مصكر للخط
تسنيم رجعت لصالة وقعمزت معاهم
رويدا قعدت ف المطبخ تغلي خشت علها يمنى
يمنى طلعت عصير برتقال وصبت
رويدا: خالتي انتي قعمزي اني ناخدهم
يمنى: لالا بنتي نرفعهم اني
رويدا: بلله عليك خالتي اني نرفعهم عليك انتي قعمزي
يمنى محبتش تخجل رويدا مشت قعمزت ف الصالة
رويدا طلعت دواء متع فيران 🐀 من جيبها ودارته ف كوب لـ تسنيم
رويدا خشت لصالة حطت الصفرة ع الطاولة ووجهت الكوب لفيه الدواء لـ تسنيم وبصدفه كلهم خدو عصير من غير تسنيم رفضت تاخد
يمنى:خودي هدا برتقال كويس ليك
رويدا تفكر مع نفسها وتقول وكانت مفكرة انه تسنيم حامل ف شهر سته لكن مكنتش تعرف انها ف شهرها 💔: يلا ياحلوة اشربي ريحيني منك انتي وولدك
تسنيم تحشمت وخدت الكوب خدت وشربت وحست بطعمه مش حلوة زي المرر ومشربتاش كله
يمنى:كملي كوبك
تسنيم:لالا مخاطريش
بعد دقايق بدت تحس بحاجه نبلوله تحتها وضربات ف بطنها شدت بطنها بصوت واطي:سهى
سهى شافتها:خيرك وجها اصفر 😨😨
تسنيم عيطت.اااااه ي سهههى بطننني
رويدا فرحنه
يمنى ويسرا قربو منها
يسرا:ياساتر إن شاء الله خير
تسنيم تتوجع وحاسه روحها مبلوله من تحت:اااااه ي بطننني ااااه
هاتف تسنيم تررررن تررن
سهى شاف الرقم مكتوب عليه حبيبي:الووو ادهم
ادهم:سهى كيف الحال
سهى:ادهم تعالا بسرعه مرتك تنزف
ادهم:كيييف اني قدام الباب اطلعي
بعد وقت تسنيم ف المسشفى
وبرا الغرفة سهى ويمنى ويقرو ف قران ويدعولها
الدكتورة طلعت وجها مقشر:هدا كيف صار مش موعدها توا الصبح جتني كيييف صااار هي طاااحت
سهى:لالا كانت مافيها شي مقعمزة وبدت تتوجع
يمنى:طمنينا
الدكتورة بعصبيه:البنت متسممه ف سم حطينهولها واني مش رح نسكت ع قصة البنت هادي
يمنى وسهى بصدمه التنين:كيييف
الدكتورة:البنت ف حد كان يبي يقتلها ومتسممه لكن الحمدلله نسبة السم كانت خفيفه ولو كترت اكتر من هكي كانت ماتت هي وجنين
يمنى:طمنينا عليهم
الدكتورة:صارلها نزيف وقعدة ماولدتش رح نديرلها عملية ادعولها..ورجعت خشت
سهى نزلت لـ ادهم وحكتله
ادهم:سمم 😨😨
سهى:ادهم حالتها خطيره انت شريلها حاجه من الطريق
ادهم:لالا وبعدين اي شي تاكله هي اني ناكل معها هي تسممت عندكم انتم
سهى ذكية ادكرت رويدا وكلام تسنيم علها:ادهم رجعني لحوش امي توا
ادهم:اوكي اركبي
ولم وصلو للحوش خشوو ادهم وسهى وكان العصير قعد ع الطاولة
ادهم خش لصالة شاف العصير كل الكاسات فارغات من دون كاسة وحده قعد فها: سهههى سههههى
سهى جاته:خيرك
ادهم: تسنيم شربت ؟
سهى ادكرت رويدا لم جابت العصير:حني كللنا شربنا ياادهم خيرك
ادهم:لكن تسنيم متحباااش العصير برتقال
سهى:اي هي خدت رشفه بس..ودكرت كلام الدكتورة لم قالت انها واخده كمية صغيرة من السم
سهى قامت الطاسه وخدت رشفه خفيييفه واستفرغت:ياااااعععع مر ياادهم كاسة مرتك مررره لكن حني كاساتنا عادية برتقال عادي
ادهم قعمز بضيق وتنهد:تي هي صغيرة كيف رح تتحممل وضرب الطاولة برجل وطاحو الكاسات
سهى ف ايدها كاسة تسنيم:اسمع اهدي وخود الكاسة هادي حلل العصير وشوف شنو فيه
سهى خدت العصير ف علبة 🍶
ادهم وصلها للمستشفى: قوليلي لو صار شي تاني
سهى نزلت: إن شاء الله كل خير.. وخشت
ادهم مشي لمخبر كميائية وطلب منهم يحللوه وفعلا طلع فيه سم فيران 🐀
ادهم ركب ف السيارة: ياالله ياالله وولع ومشي للمشفى رن ع سهى:سهى اني تحت شن صار
سهى:الدكتورة قالت وضعها ميطمنش ادعيلها
ادهم صكر الخط واتك ع الكرسي:كنت مستاحشها اليوم بذات.طلع الهاتف اتصل بااهل تسنيم وقاللهم انها ف الولادة
وبعد ساعه
طلعت الدكتورة متعصبه:جاكم ولد حالته كويسه لكن الام حالتها ماطمنش نهااائي
سهى وقف قربت من الدكتورة:دكتورة بلله عليك ف شخص محتاج يشوفها بللهي عليك
الدكتورة:ممنوع..وخشت
سهى نزلت:ادهم مبروك جاك ولد وحالته كويسه لكن دارو ف السخانه لانه ولادة مبكرى
ادهم مقعمز وراسه ف الارض:تسنيم
سهى:تسنيم الدكتورة مافرقتهاش ومعها
ادهم:عيلة تسنيم عرفوو انهم متسممه
سهى:لالا
جلال جي متعصب لـ ادهم:بنتي كيف تسممت تكللللم
ادهم مقعمز وراسه ف الارض: مش معروف
جلال بصوت عالي وبحرقه:عطيتك بنتي الوحيدة واني مش عاجبني وانت حالتك ينشفق علها ومنتوف ووقفت ع قرايتها وسكتنا لكن صدقني لو بنتي يصيرلها شي مش رح نسكت وعيلة تامه رح نسجنكم
ادهم وقف وهو مكسور وطلع بدون مايرد عليه وكان ناااار ولعه فيه:كل شي بسببي البنت رح تموت بسبب حبي لها حبي رخ يقتلها وركب سيارته وولع ومشي لحوش خالته
ادهم وقف جنب حوش خالته:توا اني كيف رح نتصرف الضرب منقدرش نضربها والكلام منقدرش نكلمها وسجن منقدرش نسجنها ياربي كيف نتصرف معها ونزل ططططق ططططق
رويدا فتحت:اهلييين
ادهم قام عيونه فها:انتي شنو اني احترت كيف نتصرف معاك
رويدا ابتسمت بكككل خوف 😨:شنوو
ادهم قام صبعه بتنبيه:تعرفي لو يصير مع تسنيم شي ولو متفيقش صدقيني ومنبداش راجل لو منمسحش فيك الدنيا وحطي ف عقلك انه اني مستحيل نسجنك لكن اني لرح نحسبك باردتي
رويدا صكرت الباب ف جها بخوووف
ادهم ضرب الباب برجله ومشي لسيارة وولع ومشي للمستشفى
الدكتورة طلعت:اني درتلها غسيل معيده وكل شي نقدر عليه وتوا رح تقعد ف العناية
عايدة تبكي وتدعيلها
سهى نزلت لـ ادهم:ادهم تعلا شوف ولدك
ادهم: يلا
ومشي ادهم يشوف ولده وشاف غايده وجلال عنده
جلال:الولد اني رح ناخده انت مصروفك ميسمحش انك تهتم بطفل
ادهم:مصروفي؟
جلال:من يوم الخطبه عرفتك فقير ومنتوف ورفضتك لكن الله غالب بنتي الغبيه هي لغصبتني عليك وتحملتك وعرفت انه خوها ضربها بسببك يكفي لحد هني وبس لو فاقت اني رح نطلقها ورح ناخدها هي وولدها وكيف مربيت تسنيم رح نربي الولد
ادهم تلفتت وطلع احترامن ليه محبش يرد عليه ف النهاية ملمه صح
#بعد_مرور_وقت
تسنيم قعده ف العناية ومافي حد يقدر يخش يشوفها
الدكتورة ف مكتبها
سهى طقت وخش:دكتورة:بللهي عليك اسمعيني تسنيم حالتها خطيرة زوجها يبي يخش يشوفها
الدكتورة:افهمي عليا ممنوع
سهى:لو مرته ماتت رح يحرموه يشوفها ورح يخدوها منه ورح ياخدو ولده منه ولو عاشت رح يطلقوها ويخدوها منه بللهي عليك خمسة دقايق بس يشوفها
الدكتورة:علاش رح يخودها منه هو سممها
سهى تبكي:هي بنت من عيلة معروفه وغنية لكن راجلها فقير وحالته بسيطه وحب تسنيم وطلبها عيلتها رفضت لكن تسنيم اصرت عليه هو وبس ولم خدها وتزوجها حرموها من امه هي تمشي تشوف ف امها وخوتها وبوها عادي لكن مافي حد يجي لحوشها ويشوف فها
الدكتورة تاترت بـ قصتها:تمام رح ندخله لكن مش توا اني توا رح نخلي عيلتها يمشوو ورح نطلب من الامن انهم مايخلوو حد يوقف قدام الغرفة فهمتي عليا ولم يكون الممر فاضي يقدر يخش تمام هكي
سهى نزلت وحكت لـ ادهم
ادهم بعصبيه:اني السبب ف حالتها هادي وانتي تقوليلي خش شوفها منقدرش نشوفها وهي شبه ميته
سهى:لو فاقت رح يحرموك منها ولو ماتت مستحيل تقدر تشوفها
وبعد اصرار من سهى ع ادهم وافق واخيييرا 😌😌
الممر فاضي الدكتورة اشارة ع باب الغرفة:ف الغرفة هديكا وياريت بسرعه
ادهم فتح الباب وخش لكن مقدرش يتلفتت ويشوفها:تسنيم …وتلفتت وشافها 💔 ف فمها لصقه وف انفها طوبوات وايدها
ادهم شد ايدها:نوضي يابنت تسمعي فيا
ادهم خناته دمعته:ديما تنقي فوق راسي تبي ولد تبي ولد جانا ولد نوووضي
ادهم يشوف ف وجها كانت بيضااا دمعته تنزل: انتي مكنتيش تبي تمشي لـ امي واني اصريت عليك تمشي ورفعتك كل دمعه نزلت منك كنت اني سببها
ادهم ضغط ع ايدها ويشوفلها دمعته تنزل:انتي قلتيلي انك تبي ولد وانك مرة تاني رح تجيبلي بنت يلااا نووضي انتي وعدتيني انك مستحيل تتخلي عليا
ادهم يشوف ف جهاز النبض:اني من يوم تعرفت عليك واني مسميك نبضي كنيتك ع الفيس نبضي واسظك ع الهاتف نبضي واني مسميك ف حياتي نبضي وانتي كل نبضي ودنيتي كلها نووضي اني طالب منك شي واحد بس انك اتنوضي وصدقيني لو تبي تمشي مع بوك بعدين اني رح نفرحلك ورح ندير اي شي تبيه انتي فيقي بس ولو تبي تطلقي مني اني رح نطلقك ولو تبي تاخدي الولد خوديه لكن نوووضي اييييي شي تبيه اني رح نديره لكن نوضي بس يانبضي
ادهم مسح دمعته وبعد ايده علها:اني بنمشي يانبضي.. وطلع
الدكتورة:ربي يشفيها
ادهم:شكراا ..ونزل من دروج وهو يتدكر ف حركاتها لم لعبت معه لم خدت الوردة منه لم بساته لم لبسة فيلوو وجاته لم قرصاته وهي تضحك ولم صكرت الباب ولزاته من حوشه وهو يضحك علها ولم تتغزل فيه وف غمزاته ولم الصبح تلعب بلحيته وطلبت منه يطلعها تشري لـ ولدها ملابس وكل بوسة بينهم ادكرها ولم يصور فها بقفطانه الاحمر ولم دارتله بوسه بيدها وحدفتهاله وهي تضحك ولم تطلب منه حاجه تقوله يراجلي ياغزالي ياحبيبي ياعزيزي كللللل شي ادكره..قعمز ف الدروج وهو مهموم شاف علاء اخ تسنيم جايه
علاء:السلام عليكم
ادهم:وعليكم السلام اهلين علاء
علاء:الف لاباس علها وتنوضلك بسلامه
ادهم:إن شاء الله يارب
علاء قعمز ف الدروج جنبه:قالولي انه بوي كلمك مادوراش هو طيب ياادهم راه لكن هادي بنته الوحيدة ومدلعهاا هي دلوعت بوها وبوي تعصب هلباا منها لم وافقت عليك وقنعاته بيك
ادهم:عارف انكم كلكم كنتم رافضيني اني كنت رح نتراجع لكن لم عرفت انها قنعة بوك وترجاته مقدرتش نتخلا علها بلعكس زدت تقويت وطلبته مرة تاني وبوك وافق وكنت فرحان وقتها
علاء:اني وامي كنا موافقين ع فكرة
ادهم:الله يعزك ياطيب
علاء:وعجبتني اكتر لم عرفت انك مرديتش ع بوي ولا كلمه
ادهم:منقدرش ف النهاية بنته هادي
الدكتورة جت لـ ادهم:المريضه فاقت
ادهم وقف:تسنيم فاقت..ورقي مع الدروج يجري وخش للغرفه ووقف لم شافها تشوفله
ادهم كان رح يتراجع لكن لم شافها ابتسمت ومدت ايدها بمعنى تعالى ادهم قرب
الممرضة:الحمدلله ع سلامته تقدر تشوفها خمسة دقايق..وطلعت
ادهم الابتسامه مافرقتش وجها ودمعته نزلت
تسنيم فاتحه عيونه ببطىء ومبتسمه وتحرك ف فمها تبي تتكلم
ادهم مبتسم ودمعته نزلت:اشششش ارتاحي ياعمري
تسنيم تقلب ف عيونها ومبتسمه ومستمره تحرك ف لسانها تبي تتكلم مش قادره
ادهم الابتسامه مفرقتش وجها ودمعته ع خده وشد ايدها: معاد تصكري عيونك تربحي جننتيني
تسنيم ضغطت ع ايده مبتسمه وحاولت تتكلم:تب ت تبكي تبكي عشاني
ادهم مسح دمعته وهو مبتسم:نبضي رجعلي
تسنيم شاده ايده ومبتسمه وتشوفله وبصوت تاعب تتوجع:و و ولدنا ااااه
ادهم يتلامس ف خدودها:بطلي هو كويس
الممرضه:عيلتها جايين اطلع بسرعه
ادهم فك يدها وطلع بسرعه
تسنيم اختفت ابتسمتها وتتوجع وبصوت واطي:اني نبيك خليك
الدكتورة:اليله رح تقعد ف العناية وغضوا زنقلها لغرفة خاصة اليلة انتم ارجعوو لحيشكم وغضوا تقدروو تزورها اليلة مستحيل يشوفها حد خلاص تحملو لغضوا..وخشت لـ تسنيم
تسنيم تبكي وتتوجع وبصوت تاعب
الدكتور:خيرك 😨
تسنيم تبكي وساكته وتشوف لجها التانية
الدكتورة:خلاص غضوا يشوفك
تسنيم تبكي وساكته وتشوف لجها التانية
الدكتورة تجهز ف يبرة مهدى:غضوا يشوفك وتشوفيه خلاص هيا بنصربك يبرة
الدكتورة قربت اليبرة ووقفت لم شافت تسنيم كيف غارقه بدموعها:تبيه توا ؟
تسنيم شافتها:اي 💔
الدكتورة طلعت دورت عليه وطلبت من الممرضة ادور عليه
ادهم وقف فم الباب متع المشفى
الممرضة:انت زوج تسنيم
ادهم وقف:اي
الممرضة:تبيك الدكتورة
ادهم خش مع الممرضة
الدكتورة ف المكتب:مسؤوالية كبيرة هادي اني ندخلك للمريضه للعلم
ادهم بحده:المريضه للعلم هي مرتي مش عيب ولا حرام
الدكتورة:اني سخفت علها من بكري تبكي
ادهم وقف:خلاص رح تتعود اني معادش نقدر نشوفها
الدكتورة:لكن مرتك تبكي …قاطعها ادهم
ادهم:لو خشييت ممكن يحسو عليا وبوها ينقلها من هني وياخدها لمستشفى تاني افهميني
الدكتورة:كلامك صح باهي ممكن تكتب رقمك وتقدر تكلمها بلهاتف
الممرضة عطاته هاتفها:اكتب رقمك ف هاتفي
ادهم خدي الهاتف وكتب الرقم:ديرلي رن واني رح نعاولك وصحيتي..وطلع
تسنيم تبكي وتتوجع خشت الدكتورة والممرضة عطوها الهاتف
ترررت ترن
تسنيم ردت بودن ماتتحشم من الدكتورة والممرضة:ادهمم ياقلبي تعلا
ادهم وراى المسشفى:ياعمري غضوا رح نشوفك
تسنيم ومعها الدكتورة والممرضة:اوعدني
ادهم:وعد كيف حاسه موجوعه مرتي
تسنيم:اني منكدبش عليك ياادهم موجوعه وهلباا نبيك جنبي
الممرضه تاترت
ادهم ولعه فيه النار:ياعمري تحملي
تسنيم:انت وعدتني انك مش رح تتخلا عليا
ادهم بغصه:اي وعدتك وإن شاء الله نقدر ع وعدي
تسنيم بعبرتها:ادهم تذكر فيا لم جرح ايدي بالمرايا عشانك صح صدقنيي لو تتخلا عليا رح نعاودها وبقوة وكل قصد
ادهم قعمز ع الارض:ارحميني تسنيم معاد تقولي هكيي
تسنيم تبكي وتتوجع:اني نبي نشووفك بللهي عليك ادهم ياقلبي بللهي عليك ولو حتى دقيقه بس نبي نشوفك تعلااا بللهي عليك
ادهم ساكت 💔ودمعته نزلت
تسنيم تبكي وتتوجع:ادهم موجوعه اني تعلالي او اني رح ننزل وللهي لو ماتجيني رح ننزل بللهي عليك ادهم اني نسمعك فيك تتنهد عرفاتك تسمع فيا ادهممم بللهي عليك راجلي لو اني نبضك بجدد تعلاا
ادهم يبكي:معادش تبكي
تسنيم تتوجع وبصوت تاعب اكتر:اد ادهم تعلااا بالله عليك وحق ربي موجوعه وهلباا نبيك جنبي
ادهم مسحت دمعته:حبيبي شوفي باب الغرفة
تسنيم شافت باب الغرفة وخش ادهم صكر الخط
الممرضة تاترت خدت هاتفها وطلعت هي والدكتورة
ادهم قرب لكن بدون مايمسها:الف لاباس عليك
تسنيم مدت ايدها:قربب مني
ادهم قرب مسحلها دموعها:لو تبكي تاني اني رح ننزل اشششش
تسنيم ابتسمت حولت الكبوس من راسه طاحت الكبوس ع الارض:علاش خافي روحك ولابس نظرات وكبوس ماتبي حد يعرفك من عيلتي صحح
ادهم ابتسم بحزن ويتلامس ع خدودها: معادش تصكري عيونك الحلوين
تسنيم ابتسمت حولت النظارة من عيونه ببطىء:علاش حارمني نشوفهم اني 😔
ادهم لم حولت النظرة بسرعه مسح دموعه كانو عيونه حمر وواضح عليه كان بيكي: انتي مرتيي
تسنيم مبتسمه وقامت ايدها تمس ف لحيته:مرتك وام ولدك
تتبع 🔥🔥

لقراءة الجزء التالي : الجزء الحادي عشر من رواية نبضات قلب

لقراءة الجزء السابق : الجزء التاسع من رواية نبضات قلب

للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد

جميع حقوق الرواية محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى