وفي الجزء الرابع عشر من رواية احببتك كقهوتي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ترحاب فتح الرحمن .
الجزء الرابع عشر من رواية احببتك كقهوتي
اول. من دخلنا القسم لقينا عمو كمال وابوي ومعاهم راجلين سلمنااا عليهم وطبعاا ابوي يحمر ليناا سااي نظام جايين لي
غاايتو حسيت انو ضغتو ارتفع.. 
..اهاا قعدنا زي سااعه وله نص سااعه م عارفه.. وعملو الاجراءت وبعدهاا طلعو مدثر واحمد 
عاااد من شفتهم فكيتاا ليك بكاء وجعير .. 
وشكلهم تقولو جاين مِْن رحله سيااحيه م بتقولو جاين من السجن
اهاا عااد مدثر دا يسو كدي
..
وهند حالتهاا صعبه
من شافت احمد اخوي جاتا حاله كدا ..المهم بقت تقلب في الكلاام وشي تتمتم ..هي م بتعرف تتكلم في الموااقف الزي دي ابدا…
شغاله ليهم اخباركم شنوو ..
اخبار شنو وهم اصلاا بين اربعه حيطان ..من تصبح لحدي م تمسي…
اهاا مدثر قال ليناا ب •اللّـہ̣̥ اطلعو سورعه اناا قرفت م̷ـــِْن المكان دا.. نااس مرض ..
وحمر ليـّۓ العسكري.. عااد العسكري م عندو لسان ينضم بيهو وابو مدثر قاعدلو رد عليهو ممكن يفصلوه من شغلو عاادي ..اريتو حاال السرور..
اهاا طلعنااا مـِْن القسم بس لقيناا ليك سعااد ام ايمن في وشنااا ..بقت تعاين لينا مساافه وخشمهاا م فتحتو ..م اشتغلناا بيهاا ..وكملنا مشينااا طبعاا ماشين ب عربيه عمو مدثر
هي عربيه عاااد زي العربات البجيبوهاا في الدعايات ديك
..اريتو حالي وحاالكم ..
اهاا ام ايمن ي دااب اتكلمت وجات ليـّۓ احمد ومدثر ..وقالت ليهم اسمعوني ي ولاااد انتو ورفعت اصبعهااا في ووش احمد اخوي
بس منه جااات
(بسم •اللّـہ̣̥ دي جات طاايره م̷ـــِْن ووين )..
اهااا منه طوالي مسكت ليهاا اصبعهاا ولوتو ليهااا سمع اضااني نمن قاال طق
اصبعك دا ي استاااذه لميهو عليك اتفقنااا .. ومسكت احمد اخوي م̷ـــِْن يد ..ومدثر م̷ـــِْن اليد التانيه .. (احمد ومدثر كانو سااكتين لانو لْـۆ فتحو خشمهم بشتموهاا ليـّۓ تااسع جدعشان جدا صنم بس ..)انا وهند طواالي وراهم بس ..اهاا ام ايمن قالت ليهاا.…
ياااهاا المحريه فْيَگ ي بت تهااني تلوي ليـّۓ اصبعي م مصدومه لانك بت تهااني فشنو دا طبعك وطبع تربيتك وطبع امك ..
غير الحركات والكلام الفارغ م بتعرفن شي امك اصلهااا… بس منه مشت عليهااا (كتمت)
ايااااك ثم اياااك ثم حزراااك تجيبي سيرة امي في خشمك دا ..ي خنزير ..
بس هند قرصتني سجمناا ي شرووق سكتي اختك خنزير عدييل
قلت ليهاا كدي اسكتي ..
اسم امي لاينطقه الا المطهرون ي خنزير ي نجس(ااي باالغت عارفه)
ثم ثااانيه ..ب •اللّـہ̣̥ عليك غطي وشك العامل زي تربيزه اللحام دا ..وبقت تمعط في المره .. وانا امي… وانتي ..وامي ..وشنو م عارفه ووووك وعووك وشنو وشنو.. واخر شي.. قالت ليهاا ي جاااهله انَـỲǑŲـْتي وحده بتاعت مشاكل تعرفي…
المره بقت عامله كدا
قالت ليهاا شنووووو..
بتاعت مشااااااكل وبتاعت محاااكم كماان 
طرشتي ي حاااجه ..
طبعااا احمد ومدثر لحقو نااس ابوي في الطرمبه ..لصقنا لينا كذبه عشان م يحضرو الشكله
انا وهند خشمنا وجعنا م̷ـــِْن الضحك ..
لاكين منه كترتهاا ياخ
بتاعت محاكم دي كان تسحبهاا ..
اهاا ام ايمن نهرت ليك منه نهره ..ي ببببببتتتت ..
بس منه مشت واناا وهند خبينااا خب وجريناا منهاا مشينا ادسيناا وراء شجر كدا ..والمره شغاله انا بوريكم اني بتاعت محاكم كيف
..منه قالت ليهاا نشوووووووف
اهاا واقغين راجين ديك يجو وهند شغاله تهرج مع منه ..الخ الخ الخ الخ ..
ومنه شغاله هي نبزت امي ي بت دايراني اسكت
وانتي ي شرووق ..الكبير المامنو فايده مالك سكتي وم اتكلمتي معهاا..
عااد ي منه اقوول شنو انَـỲǑŲـْتي خليتي ليـّۓ شي اقولهاا
ونمن كنت عايزه ادخل
..هند مسكتني وقالت ليـّۓ اسكتي ..
هههههههه ااي ااي مسكتك ي جبااانه
..
واخيرااا ناس ابوي جو ..
ومشو معانا البيت حتي هند جات معانا
اول م̷ـــِْن دخلناا قعدناا امي وانااا احكي ومنه تحكي ومره اضرب منه اقول ليهاا اسكتيبكلمهاا اناا ..اهااا بس امي قامت مشت وخلتنا نتكلم برانا
ي توته براااحه علي جلحاتي ..اقصد جبهتي ..ومشينا ليهاا تااني
يعني م ظريفه مـڼـڱ ي توته ..
ب •اللّـہ̣̥ اسمع منو فيكم ..جبتو ليـّۓ صدااع
اهااا منه قالت ليـّۓ ب •اللّـہ̣̥ انا بحكي انا قلت ليهو اقثم م تقولي انَـỲǑŲـْتي والخ الخ الخ الخ
بقيت احكي ليـّۓ امي ..ونقلتو ليهااا ب ضباانتو
توته قالت ليهااا اقصد امي ..عاااد يخسي ويخسي ي منه دي شنو قلت الادب دي ..
وادتهاا ليك رصعه زي السم ..
يعني متوقعين امي تعمل شنو؟؟
منه اتهجمت شنووووو ي حااجه غلطانه انا الدافعت عنك وبقت تبكي(شوف دي ب •اللّـہ̣̥ انا بي سير الانبوبه م ببكي)
امي قالت ليهاا م غلطاانه لالا
(توته الحاصل ليك شنو)..
بس ي منه م كان تقولي ليهااا بتاعت محاكم لانهااا م حتخليك في حاالك…
سجمك ي منه
انا قلت ليهاا بركه المسكت خشمي علي
..
اليوم التاني ..مشينا الجامعه ..ومدثر حرم م̷ـــِْن
الامتحان
وكان اليوم كلووو منفسن وقال تاني م جااي الجامعه زاتو..
عااد كان خلاهاا ..ابوهو بشغلو معاه انا زاتو مستفربه فيهو ..
اهاا برضو منه الليله تنتهي م̷ـــِْن امتحانات الشهاده ..وقت الطلعه جاء ومشيت البيت ..لقيتهاا ليك عاايزه تعمل اجنحه عشان تطير م̷ـــِْن الفرح
قلت ليهااا ي بت ابردي ..
مالك ..
وامي وووين ..؟؟
قالت ليـّۓ مشت الصندووق
طيب ..
ومشيت بس نادتني ..
شروووووق ..
عيون شرووق انَـỲǑŲـْتي احكي ..
عايزه اقول ليك حااجه او ب الاحري اخد راايك فيهاا ..
طيب ي ستي ساااامعه ..
عندي صحبتي ابوهااا معرس مرتين امهاا الحقيقه ماتت ..واسه قاعده مع مرت ابوهاا…
اهااا وتاني ..
ومرت ابوهااا دي م واالده… لاكين مربيه ولد اختهااا ..اسموو عاامر ..
ومرت ابوها دي بتكره صحبتي دي كره شديد ..لحدي م وصلت انهاا تجي المدرسه وتشتكي عليهااا وتضربهاا قدام الطلبه ..
كر علللي انااا اهاااا تمي ..
شااايفه ولد اخت مرت ابوهاا دا ..الاسمو عاامر ..داااك ..
اهااا مالهم ..
يلااا هو وصحبتي دي كاانو متشكلين شكله ليـّۓ رب السماء ..
والمشكله كانت في شنوو؟
ياااخ م عارفه المهم مشڱلھِ كبيره
طيب تعاالي اقعدي في السرير كرعي اتكسرو م̷ـــِْن الوقفه ..
اهااا كملي….
يلااا عااامر دا بضااايقهااا شديد ليـّۓ درجه انو قالت ليـّۓ ابوهاا مااشه تقعد مع عمتهااا ..وابوهاا واافق ..
مشت نااس عمتهااا بس عاامر طلع صاحب ولد عمتهاا
وكل سااعه معااهم ..
وفي يوم قال عايز يتقدم ليـّۓ صحبتي دي ..
طيب والمشكله ووين ي منه انو يتقدم ليهاا عاادي..
شرووووق ي مخ ..
اقول ليك ديل مشكلين مشڱلھِ حتي فيهاا سجن كماان
وووووججججعععع…
طيب وهي قرارهاا شنوو!!
اتخيلي ي شرووق قالت م عندهاا مشڱلھِ 
طيب حلوووو..
لالا مرت ابوهااا قالت بعد م ودت عامر السجن مستحيييل يتقدم ليهاا ..وعملت ليهاا موضوع 
ونمن عمتهاا عرفت قالت ليـّۓ عاامر تاني م تجي في بيتنااا
عمتهاااا مسكينه ياااخ ..
اهاا هو بقي يجيهااا بعد المدرسه ويتكلم معاه ويقول ليهاا انا بكلم ابوك ويوعد7ااا وكدا ..
بس المره الشوم دي وااقفه ليهم عااارض ي شروووق
مرة ابوهاا صااح!!
ااااي ..
امممم يحاول يقنعهاا بس ..
يقنع منو
مرة الابو ..
دي حقيره وحااسده م بتقتنع ..
امممم طيب هي حكت ليك دا كلووو لللي؟؟
هي صحبتي ي منه ..وصحبتي شديد..
دي ااي وحده… انا بعرفها!!
ياااخ ي شروووق مالك ب تحققي معاااي ..هي صحبتي ووووبس
طيب والمطلوب مني شنووو ي منه؟
تشوفي لينا حل للمشكله وتسااعدينا يااخ
اساعدكم ولي بتجمعي قصدك اسااعد البت ..
ااي خلااص تسااعديهاا طيب خليني ارتااح واتسمم عشان افكر ..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الخامس عشر من رواية احببتك كقهوتي
لقراءة الجزء السابق : الجزء الثالث عشر من رواية احببتك كقهوتي
للإطلاع علي فهرس اجزاء الرواية : جميع روابط اجزاء رواية احببتك كقهوتي للكاتبة ترحاب فتح الرحمن
جميع الحقوق محفوظة للكاتبة ترحاب فتح الرحمن .
