وفي الجزء الأول من رواية اولاد سلطان هيا بنا لنبدأ معرفة بداية الرواية وعن شخصيات ابطالنا وتفاصيل أخري كثيرة ستجدها في السطور التالية بإذن الله مع الكاتبة ميشو محمد .
الجزء الأول من رواية اولاد سلطان
صدام: اني من اليوم معاد نعرف حد طزز ف امكم كلكم باهي هكي اسلوبي
عهد: تكلم بـ اسلوب معاي!!
صدام شافلها ع جنب وضحك بهزوة: هه هكي ربي خلقني للافس 
عهد: متاخيلني بنوافق عليك؟!
صدام بهزوة: لااا وافقي بنموت لاني (يتكلم بجديات) اني منتوسل لـ حددد
عهد: خيررررك صدام بلا سماطه
صدام: تشاوو لم تبدي بنت مزبوطه تو نكلمك لكن هكي I’m sorry
عهد صكرت الخط ف وجهاا
صدام شاف الشاشة بصدمه: اني تصكر الخط عليا !!!
ـــــــــــــــــــــــــ
انس ساكت
عبود خش: مافي شي ره
انس شافله: يعني تلاته ساعات ماد وجهي !!!
انس مش صاحبكم باش نقعد نستنا تلاته ساعات ع الفاضي
مازن خش يضحك ويصفق من الضحك ضحك كان بهزوه وبنفس الوقت يصفق فرحان بخطته لنجحت
انس مقعمز دخل ايديه ف الجاكيت من الصقع واتكه ع الكرسي بستفزاز ويشوف ف مازن يضحك ونظارات مستفززززه
مازن وقف ضحك: اااه جنابي
نزل عيونك لنعمي امهم
انس مستمر ف نفس النظرة
مازن: عفكرة ز العيل لفي الروضة تعيط عليه ابلته كاتم العيطه عشان ينهار قدام امه ويبدا يبكي مع امه انت توا نفسسه
انس يشوفله بنفس النظرة: اقل شي العيل هدا ليبكي مع امه عنده ام مش متشررد زيك 
مازن عيونه نار جبد كرسي وقعمز قدام انس بزبط وعيونهم ف بعض : عندي اصل وولد حلال تعدل كلامك ولاااا ـــ وسكت
: عندي اصل وولد حلال تعدل كلامك ولاااا ـــ وسكت انس يشوفله : نكته مضحكش كيف ولد حلال وانت ولد ميتم متربي ع طرايح من صاحب الميتم ومتربي ف غرفة الفيران وضرب والهزايب !!!…وقف وطلع
: نكته مضحكش كيف ولد حلال وانت ولد ميتم متربي ع طرايح من صاحب الميتم ومتربي ف غرفة الفيران وضرب والهزايب !!!…وقف وطلعانس طالع: اسلوبي ف الكلام يعتمد عليك انت وصلت ف امي وتصف وجو تحمل كلامي تشاوو…وطلع
مازن ف قلبه نار قام عيونه ف عبود عيط عليه:شنننن تتشبخلي اطلعععع اقلب وجهك
قام عيونه ف عبود عيط عليه:شنننن تتشبخلي اطلعععع اقلب وجهكعبود طلع
مازن وقف قرب من النار لمولعينها عشان يدفو قرب ايده من النار بغييظ
ــــــــــــــــــــ
معتصم مد دخان لـ وائل:خود هدا جرب
وائل كان عمره 12 سنه بس طفل يشوفله وخدي الدخان بشهوه
معتصم ولعله: هيااا باش يشوفولك الناس ويقول هدا راجل ويدخن
وائل جبد من الدخان وبدي يكحح نخنق
معتصم شافل بعصبيه: صغيير انت صغييير معاش تكحح راك كبير اطول من امك راك دخان كويس
وائل وجها احمر نخنق بس من كلام معتصم تحدى نفسه ودخن
معصتم:ايووواه هكي من الاول
ـــــــــــــــــــــ
ضحى طلعت من الجامع وبلباس عباية ووشاح ومستورة يعني صغيرة ومهتمه بلقرآن 
وصلت ضحى
ضحى: السلام عليكم
امها فدوى:وعليكم السلام
ضحى قعمزت: صقعع براا يجمممد شن هدا
فدوى: حاله ربي يكون ف عونا
ضحى: ونعم بلله وين ولدك ملا؟!
فدوى:عنده كورس ف انجليزي قال
ضحى: كان قالي راني قريته
فدوى:لالا انتي اهتمي بكليتك وبالقرآن
ضحى: ربي يعنيني
فدوى: تاخر حسيته
وائل خش بصدفه
ضحى شافتله لانه الصالة مقابله الباب:اذكر القط يجيك ينط
وائل كان حايس ف روحه اتجه لغرفته:اني بنقرا خلوني
ضحى حولت وشاحها ومشتله خشت غرفته وراه:عطيني الكراسة نشوف شن قريتو بالك ماتعرفش تقري
وائل حاس: ضحى
ضحى قامت الكراسة فتحتها وتشوفلها:اي نسمع فيك
وائل حايس صغير معرفش يتصرف: كيف راجل ضحى
ضحى قامت عيونها فيه: منين جاك السؤال ؟!
وائل: بلا سلاطه ادووي ياشيخه 
ضحى: هحمم راجل يعني الراجل مش جسمه وطوله وعرضه وشكله بلعكسس بعقله يعني ف صغار وعقل ورزانه تبارك الرحمان وفي شيابين متخلفين ميعرفو حاجه والعكس يعني الرجولة مش بلعمر ولا بمنظر
وائل شافلها 
:يفرحتي بيك غللط مش هكي
:يفرحتي بيك غللط مش هكيضحى:ونبي ملا كيف؟!
وائل:راجل يعني كلاهم يخافو منك راجل يكون قوي وماحد يقدره ويخافو منه الناس ويسب ومش سكسوك
ضحى:هادي مش رجولة بلعكس هادي وقاحه والقوة حكمه وليست وقاحه الراجل انه الناس تنعجب بيه انه راجل وسند مش وحش وناس تستعود منه 
وائل:نننن اطلعي اطلعي
ضحى حطت الكراسة وتضحك شمت ريحة الدخان شافت ف وائل وسكتت وطلعت
ــــــــــــــــــــــــــــ
عهد:اني مدرت شييي اني قتله يغير اسلووبه بس
حليمه:طيح سعدك عطك موت ياريتها رافعاتك هدا صداام انتي ترفضيه
عهد: صدام ميصلحشش ياام خيرك تبيني اني ناخد هدا الطايش
حليمه: طايش لااااا انتي الزين ورضا ولدين ورزانه مشالله تبي خرزة زرقه
عهد: تشكرات افندم حليمه لكن وراسك ماينفع لحاجه هدا
حليمه: كم عمرك؟!تواا
عهد: توا اليوم 21 وخمسه شهور بزببط خمسه ف عيونك ياام 
حليمه: وهو كم عمره
عهد: 29 سنه مزال خمسة شهور ويموت 
حليمه ضربتها:بطلي خفة الدم كان مجت من ربي فوتها هدا عنده محل ذهب ربي يهدييك
عهد بصوت واطي:عنده محل ذهب وهو مصدي
حليمه ضربتها:سمعتك تسمعي هنييي نكلم فيكككك غضوا تاخديه تتجكتري ع بنات عمتك ذهب وفلوس دنيا تانيه ولا بتعنسي عندي
عهد:حشاااني بعيد السو عليا نموت بشر من الجوع ولا نتزوج واحد يتنمر ف طولي وف عرضي وف شكلي ومش حامد ربي فيا يااام هدا طول عمري بنقعد معاااه نقدررش
حليمه: بري ياعهد الله لايعطيك العقل…ونضت
عهد قامت الهاتف بعتتله رسالة: امي تهزب لين عيت الحل؟!!
عهد بعتتله رسالة: لم تشوف الرسالة لوصلاتك ياريت تتكرم سمو السلطان وترد عليا
ــــــــــــــــــــــــ
ف المزين زحمه
ايلاف تستشور ف شعر بنوتة صغيرة
مراة كبيرة ف السن تشوف ف ايلاف وبنظرات مختلفه
عمت ايلاف:خيرك استاذة في شي
كريمه بصوت واطي ومتعرفش انها عمت ايلاف :مشالله علها البنية منين؟!
:مشالله علها البنية منين؟!ايلاف تستشور وتشوفلها ف المراية:قريب نكمل
وتين: بسلعه (بسرعه)
ايلاف فتحت هاتفها:العبي لين نكمل
وتين خدت الهاتف وتلعب 
وفاء عمت ايلاف: اهاا هادي تخدم عندي
كريمه بصوت واطي:اهاا مشالله علها منين من امتى تخدم هني
وفاء زاد ملح ع الاكله 
:هادي العسولة اسمها ايلاف تقرا كلية الفنون
:هادي العسولة اسمها ايلاف تقرا كلية الفنونكريمة: مخطوبة ولا كم عمرها؟!
وفاء:اهاا لالا عزبة عمرها 19 سنه
كريمة:قصيررة لكن
وفاء تزيد ف اليباري:لالا كويس طولها
كريمه: عندي ولد الكبير مصكر راسه ميبيش الموضوع هدا
وفاء:اهااا عادي نساعدك لو تبي
كريمه:كيف نشالله خير؟!!
وفاء: ياعمه كريمه انتي زبونتي ومنطلعكش زعلانه
كريمه ابتسمت.سللمك
ايلاف تضحك مع وتين:شوفي شعراتك محلااهم توا ياحلوة جاهزة باش تمشو للعرس
وتين ضحكت:مس علس ياغبية
ايلاف ضحكت:توا اني غابية ملا وين ماشيه وبقفطان موف وشعر حلو اه قولي
وتين: بنمشي لعرس ماما
ايلاف ضحكت فكرتها تبصر : اممم تبي تشوفي عرس ماما وبابا حتى ني ياريتني موجوده وقتها
وتين ضربت جبينها بعفوية 
:من قال بابا اني قلت ماما
:من قال بابا اني قلت ماماايلاف اختفت ضحكتها وصكرت الموضوع:باه كم عندك خوت؟
وتين: حووت؟ عنديش
ايلاف: اسمك وتين قلتي صح؟
وتين:اممم
ايلاف: تهبلي ياوتين بقفطانك الموف
وتين: حتى انتي سعلك حلوة (شعرك)
ايلاف باستها وقعمزت ع كرسي للانتظار وشدت كتابها
هاتف كريمه ترررن ترررررن
كريمه حولت محرمتها وردت:الوو
انس: وصلت هيا اطلعو
كريمه:اي هي
انس صكر الخط ويستنى ف السيارة
كريمه قربت تعدل ف وتين شافت ايلاف:معليشي يابنيه عادي اطلعيها ف سيارة برا وصلها لسيارة بس خايفتها تمشي لطريق
ايلاف استغربت وساكته
وفاء: اي عادي وصلها وتعالي البسي وشاحك
ايلاف لابسه سروال جينز اسود وبلوزه ع حافه السروال قصيرة سوداء وسبيدرو ابيض لبسة وشاح وطلع مع وتين وشاده ف ايدها
وتين نازله من الدروج: بتمسي معانا؟
ايلاف ضحكت بعفوية:اي هدا لناقص…وشافت قدامها سيارة بلااااك شبابيك وكل شي بلاك ميبان منها شي
ايلاف بستغراب:توا انتي بتركبي ف هادي السوداء
وتين:اهاا تع بابا
ايلاف قربتها ع السيارة فتحتها عشان تركب وتين
انس اول مانفتح الباب شافلها: اركبي هي
وتين ركبت ودارت باي لـ ايلاف:باي
ايلاف :باي …وبتصكر الباب
انس:الوو ياهوو وين امي
ايلاف:مزال قتلي نوصلك بنتك بس…وركبت تجري من الدروج
انس تعصب يسوق:اي فاضي غير نقعد ماشي جاي ع المزينات اني
وتين بتفتح الشباك
انس: صكرري النمم لنحدفك منه صكريه
وتين شافتله وصكرت الشباك وسكتت
ـــــــــــــــــــ
تتبع ……….
لقراءة الجزء التالي : الجزء الثاني من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
