الجزء

الجزء الثاني من رواية اولاد سلطان

الجزء الثاني من رواية اولاد سلطان

وفي الجزء الثاني من رواية اولاد سلطان يا تري ماذا سيحدث من احداث جديدة مع ابطالنا داخل طيات الحبكة ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .

الجزء الثاني من رواية اولاد سلطان

صدام ركب سيارته ولع يسوق
قام هاتفه شاف رسالة عهد [ماما تهزب فيا بسببك والحل؟!]
[لم تشوف رسالتي ياريت ترد عليا سمو السلطان]
ابتسم
بعتتلها
[ خلاص سامحتك يادراه] وحط الهاتف وكمل سواقه
❤
“” “” “” “” “” “” “” “” “” “”
انس وصلها: هي انزلي معاي
وتين نزلت تبعبك لانها دبدوبه شوية 😂
انس فتح الباب: خشي تلقي ماما داخل امشي
وتين خشت وانس رجع لسيارته
“””””””””””””””””””””””””
معتصم روح للحوش: شيماء وين امي
شيماء صكرت الباب وراه: ماما ووتين مشو للمزين لانه وتين تنق ع ماما ومشت وتين لعرس امها
معتصم: وبوي؟!
شيماء: مانعرفش مروحش .. وخشت
معتصم رجع طلع
،،،،،،،،،،،،،،،
مازن متعصب يسوق ووصل لقدام الميتم لتربا فيه قعد ف السيارة: الناس تزل فيا عشان عشت فيك مانتسماش راجل كان منحرقش دمه ال🔞انس.. ولع ومشي
،،،،،،،،،،،،،،
بعد مرور اسبوع كللله عادي
كريمه تجهز ف الفطور سمعت الباب نفتح .. طلعت من المطبخ تشوف مني طلع
وطلعت لجنان شافت انس لابس وطالع
كريمه: ربي يهديك ويصلح بالك … وخشت
فاطمه ضرتها : صباح الخير
كريمه: صباح الخيرات
ــــــــــــــــــــ
توضيح
عيلة سلطان
سلطان شيخ المنطقه شيخ كويس وربي يبارك ❤
تزوج فاطمه وعندها زوز بنات وولد
عاصم توفى اب وتين ليه سنه متوفي
بناتها رانيا متزوجه عمرها 32 دكتورة اطفال
عندها زوز ولاد يقرو صف رابع صف تلات وبنت اسماهم محمد واحمد وبنتها جوري ❤
وشيماء عمرها 23 حلمها تكون ز اختها دكتورة وتقرا ومتبيش ترتبط لعند تكمل دراسه قبل
وتزوج كريمه ولادها
انس عمره 29 خطب مرة بس متافهموش وبسبب انه عصبي وتفكيره قديم ومصر وعنيد وفسخ منها
صدام ومعتصم تؤام مايشبهوش لبعض
عمرهم 27 مجانين نفس الاسلوب وطبع وكل شي نفس الشخصيه لكن اشكلهم مختلفه عن بعض
وهادم العيلة المهمه
ــــــــــــــــــــــ
وتين نزلت من سيارة خالها وخشت لكن تبكي
سلطان وكريمه وفاطمه وشيماء ف السفرة يفطرو خشت وتين تبكي قعمزت ع الارض ببرائه
كلهم يشوفولها ماحد عدل ولا تحرك
ناضت فاطمه: خيررك سملله
وتين تبكي وتمسح ف دموعها
فاطمه: خيركك
شيماء: يامه فوتها مببيه هادي تبكي وتسكت
كريمه: اي خلها ابصر من ضربها بالك تو تسكت تعالي افطري
سلطان ناض من السفرة: الحمدلله.. وطلع
قامو السفرة
ووتين ف مكانها وزادت تبكي لم محد عبرها
انس خش شاف وتين ع الارض ومتكيه ع الحيط قرب وقفها: خيرك
وتين مسحت دموعها شدت ايده: يابابا ماما مشت وقلتلها ترفعني معاها دفتني
انس يشوفلها معادش عرف شن يقول
وتين قامت سروالها لعند الركبه: شوف خالي معاد ضربني وشدلي شعري
انس يتكلم بجديه : علاش ضاربك؟!
وتين حكتله ورجعت تبكي
انس شاف قدامه شاف شيماء وفاطمه يشوفوله وعرفوه مش رح يسكت
انس قام وتين وطلع
فاطمه لحقاته شدت مرفقه: لا ياعمتي هادي صغيرة ماتعرفش وعادي خالها ضربها
انس ف حضنه وتين: بنت خوي ماحد يضربها ميكفيش انها تبكي كل ليله وتبي امها وبنت الحرام عندها بنت وراجلها متوفي عطول كملت العدة وتزوجت ورحمة خوي ماسكت.. وطلع
انس فتح حط وتين
ركب
انس يسوق: مش انتي تناديلي بابا وبوك ياخدلك حقك تفرجي توا
ـ،،،،،،،،،،،،،،،
معتصم قدام صالة الرياضة ولـ ماشيه يناشبها وليجايه يغمزلها 🤦‍♀️
يوسف صاحبه: علاش تتمصيع فهمني عطيني سبب مقنع
معتصم ضحك: لالا شي نزيدلهم ف معنوياتهم لم انشبهم يعني باش يحسو انهم حلوات 💔😂
يوسف: ربي يهدي
تررررن ترررررن
معتصم: ايوواه عمتي
فاطمه: عصوم لم تروح جيب معاك خضرة
معتصم سكت
فاطمه: الوو
معتصم: حاظر ياعمتي … وصكر الخط
معتصم : تعرف ياحبي اني متزوج نحس ف روحي نهتم بـ وتين ونلعب فها ز الاب ونرفع ونجيب ف اختي من الكلية ونجيب ف خظرة وكللل شي نقصتني مراة بس
يوسف ضحك: نوض بلا سماطه 😂
معتصم ناض لسوبر ماركت لجنب الصالة
،،،،،،،،،،،،،،،،،،،،
عهد ناضت الساعه 2 💔😂
طبعاا ز هلباا ناس تقرا توا 💔😂
عهد قرت الرسايل
اتصلت
عهد رجعت تغطت: صباح الخير 😂
صدام يسوق ضحك: قايلة الخير 😂
عهد تتغط من الصقع:صار سامحتني !!
صدام:اني كريم هلبا ونسامح
عهد:والهزاايب متع امس مني بيرقعهم اني
صدام:لااا مشالله انتي ماقلتي شي
عهد:انت قلت عليا منلزمكش متنساش انك خطيبي
صدام: كلبة هزايب
عهد:عهدا عليا واني حلفت بسمي كان تعاودها معاش نكلمك لعند نتزوجو
صدام ضحك: صووت وحده رااقده يلا الخز ولا العار
عهد: باه شن دخلك توا
صدام: مرتي ترقد لتوا؟!
عهد:وااات مني مرتك علاش تفاولي اني قعده خطيبتك
صدام:مجنونه اعقلي
عهد: وين ماشي صوت السيارات جنبك
صدام: مروح نتغدى وبنرجع لخدمتي ز العادة
عهد:ربي يعاونك حبيبي
صدام: سلمك
عهد:بنصكر اني تشاو
صدام:باي بعدين نكلمك
عهد: اوكى….وصكرت
،،،،،،،،،،،،،،،،،،،،،
انس وصل لباب حوش جد وتين طقطق
معاد فتح:اهين خير
انس اشر بصبعه ع وتين:هادي مني؟!
معاد ضحك بستغراب:وتين بنت اختي
انس:اي كمل شن تاني
معاد:وبنت خوك خيرها؟!
انس شاف وتين:وتين مني اني؟!
وتين:بابا ❤
انس فصل شد مرفق معاد بقوة وهو يشوف لوتين:سمععتت اني بوها التاني (شافله) وعيب الاب ميخدش حق بنته
معاد خاف:خييرها شن في ايدي ياانس
انس علا صوته:عيل ز هادي تضربها بطوبو غاز ع رجلاها بسبب شي تافه
معاد:ضربتها عشان لقيتها قايمه هاتفي وضربتها عشان معادش تعاودها
انس:الهاتف نكسرر؟! مصارله شي ولاا…وضربه ع وجها
معاد دف انس: عيلة
انس شاف هاتف معاد ف جيبه قرب وطلع الهاتف وطربقه ع الحيط:وهدا هاتفك لخايف عليه واهو كسرته وريني شن بدير
معاد خاف خش وقربع الباب بقوة
انس:هي اركبي وتين ❤
وتين ركبت
،،،،،،،،،،،،،،،،،،،،،
معتصم خدي خضرته وحاجاته ركب سيارته يسوق وعيونه ف الهاتف ويجري وبوووم
وقف السيارة ونزل
معتصم تعصب:احووول تشوف ف سيارة قدامك
حمدي: رجلي!!!!
معتصم:بللهى نوض نوض بلا دلاع الطريق فاضيه
ضحى ماشيه لجامع شافت عمها ع الارض قربت
معتصم:نووض تحرك من طريقي مافيك شي
من وراه ضحى: احتراك نفسك ونقص صوتك
معتصم تلفت شافلها من فوق للوطى: انتي شن دخلك بري ف طريقك بلاش منه جو الهنود
ضحى قربت من عمها:عمي فيك شي
معتصم بعد شعره للخلف بقلة صبر:نووووووض من الطررريق بنروووح
ضحى وقفت عمها: عديم التربية
معتصم قام حاجبه:نعمم؟؟؟
ضحى بعدت من الطريق هي وعمها:برا امشي اهي الطريق نفتح
معتصم:غضبا عنك تحولي من طريقي مش بكيفك
ضحى:اي طريق بوك هي برا روح برا نفسيه
معتصم: واضح مني النفسيه بلبسك هدا كان يشوفك داعشي يفكرك مرته رايحه منه
ضحى: كلاب تبح والباقي تعرفه…ومشت مع عمها
معتصم ركب:ناس
،،،،،،،،،،،،،،،،،
عسفرة الغدي
العيلة كلها
وتين تاكل:يابابا كول
انس ناض:صحتين
سلطان:وقف علاش كانت وتين معاك وعلاش قالت فاطمه طلع بها متعصب شن في
انس بدون مايتلفت : شي…وركب لغرفته
وتين:اهو نقولك اني ياجدي
سلطان شافلها:بابا ضرب خالي معاد..وحكتله
سلطان:انسسس انسسسس
انس نزل ف نص الدروج:هااا
سلطان: عيل باش تضرب خالها
انس تعصب:مش عيل خديت حقها
سلطان ينصح فيه:هدا خالها ومن حقه يضربها ز ماانت من حقك تضربها خالها ماحد غريب
انس نزل بعصبيه:اني عمها وتناديلي بابا وماعمري قرصتها حتى يجي واااااحد 🔞 يضرب بنت خوي المرحوم ونسكتله
سلطان بصوت عالي:خااااااالهااااا
انس بصوت عالي: مايضربهاش تي شوف رجلها (جبد وتين وقام سروالها فوق وخوط حمر ع جسمها)شوف هادي عمرها اربعه سنين بس ماتعرف شي
سلطان:مع ذالك خالها والشي هدا معادش يتكرر هو بمسابة بوها
انس تعصب:مافي حد ز بوها ماااافي حد البنت هادي اني طالب بحضانتها وبالف واسطه باش حصلتها بنت خوي متترباش برا ومع راجل غريب وال🔞معاد كانه ذكر مزال يقوللوها حرف بس
سلطان: اني كلامي مش مسموع ؟!
انس: مسموع يابوي لكن البنت هادي ماحد يوصل فها مانكلم حد وحتى انتم واحد يضربها نعرف نتفاهم معاه
سلطان ابتسم:هادي بنت خوك ملا لو بنتك كيف؟!
انس سكت وركب غرفته
صدام وقف: اني طالع ماتبو شي
سكتو كلهم
سلطان:وين الدنيا قوايل
صدام: اتصلو بيا من الاتات الصبح الاتات لموصي عليه وصل بنمشي نجيبه
سلطان:نوض معتصم برا عاون خوك
معتصم ناض بدون نيه صدام طلع يضحك
معتصم طلع: كلل شي معتصم
صدام:يا نم كله مسجل وبنعاونك حتى ني
معتصم:اني مش متاح للزواج نبي فلوسي ع قدي مانبي نصرف ع حد معاي
صدام ضحك وطلعو
،،،،،،،،،،،،،،،،،،،،
سلطان:اتصلي بااهل بنت واني تو نكلمه وننصحه يكمل نص دينه
كريمه بفرح:حاظر
تتبع،،،

لقراءة الجزء التالي : الجزء الثالث من رواية اولاد سلطان

لقراءة الجزء السابق : الجزء الأول من رواية اولاد سلطان

للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى