الجزء الأول من رواية سرقت قلبي

وفي الجزء الأول من رواية سرقت قلبي من إبداع الكاتبة ميشو محمد دعونا نبدأ في معرفة كيف ستبدأ الأحداث وعن شخصيات ابطالنا ؟ وكل ذلك في السطور التالية بإذن الله ونتمني لكم قراءة موفقة وسعيدة بإذن الله .

الجزء الأول من رواية سرقت قلبي

ابراهيم: يااااااسر لحد هني وبس لو ينفتح الموضوع التافهه هدا مرة تانيه اني بنسافر ومعاد راجعها

فريال امه: اني امك ونبي مصلحتك

ابراهيم متعصب: صكريه

فريال ناضت للمطبخ مضايقه

بسمه: امك تبيك تكمل نص دينك وين المشكلة

ابراهيم: بسمممه ضمي فمك

بسمه ناضت لحقت امها

ابراهيم تعفلق حدف الريموت متع التلفزيون وناض لغرفته

ابراهيم قعمز ع السرير مافي حد رح يفهم عليا طوول مااني نفسي يطلع وينزل وناض قربع الباب بقوته بوووو

فريال ف الدور الارض انخلعت: خوك متوحد راه مواليد تسعين من جيله عندهم حتى كناين

بسمه: اني قتلك نعطي رقمه لصاحبتي توا هي تقلبه ونقوللها تكلمه هي حلوة رح تغريه

فريال: عطيها عطيها رقمه وعطيها حتى ملابسه خليها تسحره للمهم يتزوج قعد فوق قلبي زي العانس

ابراهيم خش تحت الدوش السخون: تي وربي كان ننحرق قدمهم مافي واحد فاهم عليا

نعرفكم ..

ابراهيم مواليد 91 يشتغل مخابرات ومن عيلة شبه حالتها كويسه موصافته اسمر طويل وشعره بني وعيونه بنيات يجننن

نزار.. 92 صاحب ابراهيم لكن مايشتغلوش مع بعض نزار فاتح محل ع دورين ملابس واحديه

..…

هديل مواليد 99 ملامحها طولها متوسط بيضا عيونها كبار وملامحها ع الاسود وشعرها طويل ومخطوبه

جنات اخت هديل مواليد 2000 ملامحها شعرها طويل وبيضا وعيونها كبار وعسليات وعندها غمزات وشفايفها منفوخات شوية لكن حلووه وضحوكه

بعد مرور اياام

بعد مروووور وقت

ف اليل وصاحبة بسمه مبطلتش رنن ع ابراهيم

ابراهيم رد: ايووه

غدير: شجو

ابراهيم: العبي بعيد تمام ولا نوصل ف خوتك

غدير تدلع: انت تعرفني ع اساس

ابراهيم بهزوه: اني نشتغل مخابرات ي بنتي وين تلعبي انتي اني عرفت قصة جدادك ي غدير ميلاد

غدير لم سمعت اسمها صكرت الخط وبعتت رساله (اسفه ع الازعاج)

ابراهيم رجع خش لمحله شاف فيه صبيا: تفضلي

جنات ابتسمت:السلام عليكم

ابراهيم وراى طاولته: وعليكم السلام

جنات: وخيى نبيك تساعدني اني شفت الحجبات متعك وعجبوني لكن اني نبي الوان تكون مش ملفته يعني هااديات لونهم

ابراهيم اشر ع مكان بصبعه: شفتي الجيه هديكا

جنات قربت من الجيها لـ اشر عليها وشافت عامل اسممممممر هلبااا ويخوف غمزلها وعض شفايفه

جنات تلفتت ورجعت لطاولة ابراهيم ومتوترة: لو سمحت ممكن تعطيني انت

ابراهيم شاف لصار لكن ابتسم وطلع من مكانه وقرب من وشاحات: تفضلي اختاري وبدون ماتشوفه جنات شاف العامل وهو نتعصب

جنات قامت حجاب لونه مووف غااامق ومش ملفت

ابراهيم شافها: اسف ع التدخل لكن اختيارك قديم ومن مديلات القديمه تقدري تاخدي حرير اني حبيتت ننصحك بس

جنات ابتسمت: لالا شكرا هو لـ امي مش ليا

ابراهيم ابتسم: اهاا اي استغربت اختيارك اي يمشي مع شخص كبير صح

جنات خدت شنطه موف غامممق ماشي مع الوشاح ودفعت الحساب

ابراهيم متعصب من للحركه لدرها العامل لكن مبين انه مشاف شي خدي الوشاح وشنطه حطهم ف الكيس ومن تلبك بدل مايحط الواصل متع المحل حط الفلوس حق الوشاح وعطها للكيسه: تفضلي

جنات: ربي يعاونك. وطلعت

ابراهيم شافها طلعت وطلع من وراى الطاولة: خليل

الاسمر لغمز لـ جنات : انعمم

ابراهيم ضربه كفف: ياولد الحرام اطلللع وقلب وجهككك

العمال التمو ع ابراهيم ويقولو خيره!

ابراهيم شد سوريت خليل: كان خواتك واقاربك لم يغمزولهم يسكتوو اني مانسكتش فااهم ولاا وضربه بوووني

خليل وقف: هي تكدب اني مدرت شي

ابراهيم دفه وبصوت عالي اني شفتك يا…..

العمال ساكتين

خليل ناض من الارض وكان بيطلع

ابراهيم متعصببب شده من سوريته: تعرف لو البنت تقربلي او لها علاقه بيا من بعيد او قريب راه عينك لغمزت بها قمتها من مكانها

ابراهيم شاد سوريت خليل ودفه برا المحل: اطللللع

جنات كانت بعيده عن المحل لكن شافت ابراهيم لفاااصل وكملت طريقها

ابراهيم رجع لمكانه وراى طاولته ومتعصب ويشوف ف العمال: تعرفوو مزال تتكرر الحركه هادي عينه نخربهاا

جنات سمعاته وفهمت الموضوع: السلام عليكم

ابراهيم شافها تهدى: تفضلي

جنات طلعت الفلوس : كانو ف الكيسة

ابراهيم فتح الدرج متعه بتوتر: ااا مش ليا مانعرفش ممكن يكونو ليك

جنات: لكن اني ماعنديش فلوس غير لعطيتهم ليك بس وهادم فلوسي لم اني دفعتلك انت تلخبطت ورجعتهم ف الكيسه

ابراهيم مع انه مش فاهم شي خدي الفلوس شافهم كم: اهاا اي صح هدا المبلغ متعك عندك حق

جنات طلعت وهي حاسه بذنب انه طرد العامل

ابراهيم ف السيارة ومشي جنب المحل متعه ونزل للمحل لجنب محله:سلاام

نزار: وعليكم

ابراهيم سحب كرسي:شن جو خدمتك

نزار:علاش تصكر بكري انت اهو الناس قعدين فاتحين

ابراهيم:لالا ساعه سبعه المغرب نصكر احسن فكني منه جو اليل

نزار:نضم امورك

سراج خش:اووو بروهوم شجوو

ابراهيم:ماشيه

سراج مزال الاجازة

ابراهيم:اسبوعين مزال

سراج.اهاا العامل متعك لطردته شن قصته قالو عطيه كريحه نباش القبور

ابراهيم:حاجه بيني وبينه

سراج:حييي عليك مش رح يسكتلك رح هادم يحرجوو هلباا

ابراهيم يتسهوك:حاااق يحرج تو نمشي ناخد هدية وناهدهاله شن رايك

سراج: اي واخطبه

ابراهيم:شن فتحك فيه الموضوع

سراج:لا شي شفته مع صحابه مقعمزين جنب حوش….وولعين نار

نزار:كيييف جنب حوش… شن قعمزهم غادي

ابراهيم:وين المشكله

نزار تعصب:ولد الحرام نوضو اطلعوو بنصكر المحل نوضو

ابراهيم تعصب:ادوووي خيرهم

نزار:اطلعووو النم هيااا ولا اقعدوو ف المحل خليكم دقايق وجاي وطلع

ابراهيم شاف سراج.سراج خليك ف المحل ولحقه يجري

تتبع

لقراءة الجزء التالي : الجزء الثاني من رواية سرقت قلبي

للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .