الجزء

الجزء الأول من رواية ضحية غدر

الجزء الأول من رواية ضحية غدر

وفي الجزء الأول من رواية ضحية غدر للكاتبة زهرة الشيخ هيا بنا لنبدأ معرفة تفاصيل حول ابطال الرواية ومعلومات حول بداية الأحداث ، وكل ذلك في السطور التالية بإذن الله .

الجزء الأول من رواية ضحية غدر

حتكون تعريف ع الشخصيات.
☆حياه :م2000 بنت تهبببل🙊مواصفاتها الون بيضه وعيونها كبار ولونهم سود قصيره وجسمها جاي مع بعضه ونقشها صغير وشعر اسود طويل وغمازه شخصيتها عنيده لاكن طيبة قلبها درجه اولى.
☆قيس :م96 مواصفاته ابيض متوسط الطول نقشه ع الاسود صكير وصايع امتاع بنات ديما عنده شكاوي .
☆اصيل:هدا البطل امتاعنا م94 مواصفاته قمحي عيونه نعسانه ولون عسليات وطويل وجسمه عضلات رياضي يهبببل شعره لعند ودنه وغمازه يقتل كان جدي واهم حاجه عنده الوقت والشغل.
☆إلين : صديقة حياه المقربه بمثابة اخت ليها م2000 مواصفاتها سمرا وشعرها طويل وعيونها عسليه لاهي طويله ولا قصيره متوسطه ف الطول تحب الشكلاطه سموها نوتيلا.
☆فؤاد: م 1997 اخ البطل اصيل كان جماله يقتتتل صايع بعض من الشي مواصفاته ابيض متوسط الطول وعيونه عسلي اخضر مش مفهوم وكل البنات دايبات فيه.
وباقي الشخصيات حنتعرفو عليها ف الروايه
♡♡♡♡♡♡♡♡♡♡
ام حياه نور: حياه حياه نوضي ياعانز نوضي بوك يفطر يراجي فيك يوصلك للكليه نوضي
حياه: ومن امتى هوا لي يوصل فيا
نور: تحشمي هدا بوك بالك قلبه حن شويه وبدا يفكر فينا ع الاقل هيا نوضي
حياه:مش قادره امي عظامي
نور: هدا من السهر لي ديري فيه انتي وسنكرس صاحبتك نوضي نوضي ولا مافيش مشي لبيت خالك
حياه :نوتيلا نوتيلا يام باهي هي نضت نا به امتى بنمشو
نور: بعد تروحي نمشو نتغدو غادي عازمتنا مرت خالك
حياه:تمام هي امممممممه نحبك ماما ربي مايحرمني منك هي تو نمشي نغسل وننزل
نور:ههههه عندك انفصام ف الشخصيه هي سلم بنتي ماطولي بوك يراجي
حياه :هي ماما شوي ونازله
خدت دوش وطلعت لبست سروال جينز اسود وفانيله بيضه فوقها جاكه سوده وسبيدرو ابيض وفردت شعرها على جهه وحده ودارت ميك اب خفيف ورفعت شيتاتها ونزلت
حياه: صباااح الخير
الاب محمد:صباح النور حيوته منوره اليوم
نور: طالعه لامها
حياه:هههههه اي طالعه لماما
نور:سلمها السمحه افطري بسرعه وقت ع محاضرتك
حياه: هيا هي ماما خلاص بنكمل
محمد:نوره نوضي جيبيلي قهوتي
نور:من عيوني يا حاج
محمد😠
حياه:هههه يحليلي هي كملت الحمدلله هي بابا
محمد :هي
نور:صحه صحه بنيتي سلميلي على صاحبتك سنكرس
حياه: ههههه اسمها نوتيلا ماما
نور😅
حياه: نحبك ماما هي باي
نور:هي سقدينا بوك يراجي تو تلقيه معصب
حياه:وصلت وركبت ف السياره
محمد:مولع اغاني وماهزبها لانها تاخرت ولا شي
حياه :فداخلها خيره اليوم باتي مش طبيعي اغاني ورايق ان شالله دوم
ف طريقهم لجامعه تلفونه رن ..
المجهول:شني طلعت
محمد :مايبيش حياه تحس عليه اي اي تو ف طريقي لجامعه تبي شي
المجهول: معناها نبدا خلاص
محمد :اي خلاص تم
حياه:تراجع ف وراقها
محمد :كم محاضره اليوم عندك
حياه:محاضرتين
محمد:تمام هي وصلنا
حياه: نزلت
محمد: استني هاك فطورك
حياه:شكرا يا احلى بابا
محمد: ابتسم بخبث ومشي
داخل الكليه
نوتيلا: هي يا بنات حياه جت
ساره: فداخلها مرض
نوتيلا:😒 نسمع فيك
ساره🙄
حياه : نوتيلا حبي
نوتيلا:ياعمري اشتقتلك
حياه:حتى نا يا قلبي العطله كلها ماريتك
نوتيلا:اي والله استحشتك يا خرا
حياه:بدينا
ساره:اهلين حيوته كيف حالك
حياه:بخير الحمدالله وانتي كيفك
ساره م….قاطعتها نوتيلا
نوتيلا😑خلاص بلاش منها الدرما حيوته تعالي بنقولك
ساره:🙄
حياه😅هي نمشو تحت الشجره باقي ربع ساعه ع المحاضره
نوتيلا: اوووف مثقل دمها
حياه:خيرها البنت واضح عليها مش قاصده شي بها
نوتيلا: انتي الطيبه وماتقصدي شي
حياه: اي عارفه😌
نوتيلا:ساعدي روحك🤨
حياه😅
نوتيلا:كيف حال اهلك ان شالله بخير
حياه:بخير الحمدلله كيف حال اهلك انتي وكيف حال حبيبك ان شالله مش مدايرا فالطه جديده
نوتيلا:كلهم بخير 😂خلاص عقلت
حياه: اي واضح
نوتيلا: حي نوضي المحاضره
حياه:كله منك😨
نوتيلا اي اي مني
كملت المحاضرتين وطلعو الطلاب بيروحو
حياه:تتصل ببوها مايرد عليها وتتصل بأمها يعطيها مقفل قلقت
نوتيلا: شني امك ماجت اليوم
حياه : بوي قال بيروح بيا نتصل بيه مايرد وامي مقفل
نوتيلا: ان شالله خير
حياه : ان شالله
نوتيلا: اهو خوي جي تعالي اركبي معاي نوصلوك
حياه : لا صحيتي تو نعاود نتصل بي باتي بالك يرد اتصلت مره تانيه وتالثه ومارد
نوتيلا : بدون تصكير راس هيا نوصلوك
حياه :هي به
زيد خو نوتيلا:استغرب لما شاف بنت تهبل راكبه مع اخته توثر
نوتيلا:ركبت زيد هدي صاحبتي بوها تاخر عليها هلبا وتتصل مايرد نوصلوها فطريقنا
حياه : وكانك مشغول عادي تو نحاول ع خالي
نوتيلا:😒
زيد:لا عادي ف طريقنا انتي تفضلي في داخله امك ع ه الجمال
نوتيلا :ركبت الخلف مع صاحبتها
حياه:شكرا والله تعبتكم معاي
نوتيلا😑ترا صكري فمك
حياه😅
زيد :يشوفلها من لمرايه السياره
نوتيلا :انتبهت ع خوها وشبحت فيه وغمزتله😉
زيد :تحشم ونزل عيونه
حياه: سارحه ف عالم تاني
وصلو لشارعهم
حياه :نزلني هنا بيش مايشوفني حد
زيد:عادي شن فيها درتي شي غلط يعني
نوتيلا:عندها الحق بالك الجيران يحكو عليها
حياه: نزلني هنا صحيت بارك الله فيك
زيد :ولو
نوتيلا:هي حبيبتي رد بالك ع روحك وراك تنسي تبعتيلي لي قتلك عليه
حياه :تمام هي باي
زيد/نوتيلا: باي
حياه تمشت شوي وصلت فم بابهم متجمعين الجيرات وخالها وبوها وعياط ودم مافهمت شي مشت تجري لبوها ب.ا با ششنو في بابا رد عليا
محمد ……..
زعما شن صار وشن بيصير لو عرفت حياه شن صار
يتبع ……..

لقراءة الجزء التالي : الجزء الثاني من رواية ضحية غدر

للإطلاع علي فهرس أجزاء الرواية : جميع روابط اجزاء رواية ضحية غدر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى