وفي الجزء العاشر من رواية حتي الممات للكاتبة الموهوبة نور عبدالسلام ماذا يا تري سيجري مع ابطالنا من جميل المواقف والأحداث وهل ستكون كلها بالفعل سعيدة ؟ كل هذا وأكثر سوف نعرفه سوياً في السطور التالية بإذن الله .
الجزء العاشر من رواية حتي الممات
روان : ليان شن في
ليان : نزيف البيبي نبي انلحق عليها ارفعوني للعياده
روان : هي باهي نوضي امسكي فيا
مسكت فيها ونزلت وركبت مع عمي في السياره متحشمه وحالتي حاله وصلنا للعياده خشيت للدكتوره و
مسكت فيها ونزلت وركبت مع عمي في السياره متحشمه وحالتي حاله وصلنا للعياده خشيت للدكتوره ودارتلي كشف
الدكتوره : ربي يعوضكم خسرتو الجنين
قعدت نبكي وجعني
فرحت لما عرفت اني بيكون عندي بيبي بس فرحتي مطولتش
طلعت الدكتوره خبرت روان الي تراجي فيا بره
وانا جهزت روحي لعملية المسح
في الوقت هذا مالك روح للحوش
خش قلب عليا الحوش ملقانيش
طلع نقاله وفتحه وقعد يرن عليا وانا نقالي عند روان ردت عليه
مالك:الو وينك انتي
روان :مالك انا روان ليان توا مع الدكتوره في الغرفه
مالك:شن صار
روان : البيبي يعوض عليكم ربي
صكر عليها وطلع يجري بالسياره يسوق وهو مش واعي ويجري وصل للعياده وجي لروان وباته
مالك : وين هي
سعد : شن ادير هنا مش اتصلت بيك ليش ماجيت خذيتها
مالك: مش وقت نتعارك فيه معاك لهذا فوتني نبي مراتي انا وينها
طلعت الدكتور وقعدت اتبحت في مالك وخايفه
مالك: مراتي وينها نبي انخشلها حولي
تخطا الدكتوره وخش عليا كنت مغمضه اعيوني نبي نتخيل شكلي وانا ام وماسكه البيبي نزلت دمعه مني قرب مني مسحها بيده فتحت اعيوني بحتت فيه
مالك: سامحيني
بحتت فيه وفي منظره وبرمت وجهي عليه خشت روان
روان : مالك اطلع الدكتوره قالت لازمها راحه خليها تتريح
قرب باسني علي خدي قدام روان وطلع نزل لسيارته لوطا قعمز فيها
خديجة : توا تقولي بتاخذ اختك لراجل
احمد : ياامي حولي
خديجة : لا حولي لا بقرة جاوبني يدير هك صح
احمد : فوتيني
خديجة : تخبط ع وجهها طيح سعدك طيح سعدك
ياريتني ماقمطت ياريتني رقدت هذك الليلة ونا فرحانة زوز ذكورة عندي يانعلااي
احمد : سادك عياط فضحتينا
خديجة : انت اللي بتفضحنا وتجيبلنا العار انت شن
احمد باابتسامة : نا احمد
خديجة : تشير ب سبابتها يمين يسار انت مش راجل
انت مش راجل شن دايره ف دنيتي بيش نبتلى ه الابتلاء شن دايره
احمد : اوڤر اما انتي
خديجة : تبكي وترعش
احمد : اوكي نكدتي علي طلعتيني من المود
خديجة : ترعش قعمزت ع صالون حطت يديها ع وجهها تبكي
احمد : نكد هك مش عارف علاش هك توا شن بنقول للولد يقول اكيد عيل مش قد كلمته
ليان قعدت فتره ع السرير وتاخر الوقت واجد
ليان : دكتوره لو سمحتي ديريلي خروج خلاص حالي اكويس
الدكتورة : لازم راحه باتي هنا احسن
ليان : نوعدك نتريح في الحوش بس منقدرش نقعد هنا
الدكتوره: اوكي بس راااحه تامه سمعتي تااامه
دارولي خروج نزلت انا وعمي وروان خطمنا من جنب مالك في السياره نزل فتحلي الباب الي جنبه يبيني انخش
انا: عمي نبي انروح معاكم
سعد : ايه واقعدي اليوم عندنا عمتك تهتم بيك
بحتت في مالك بااستحقار ومشيت معاهم وسيبته
مالك: تعالي
روحت مع عمي لحوشهم خشيت استقبلتني عمتي ترعش وخايفه عليا خشيت لدار لضيوف رقدت علي سرير وقعدو ماشين جاين عليا غير شن تبي
خديجة : تحكي مع سعد داسه علينا انها حامل لكن ريت كيف ربي كشفها
سعد : شامته ياخديجة
خديجة : شن شامته لكن كيف ماتقوللنا انها حامل
سعد : سمع هرجة مالك
مالك : وين هي
سعد : هيا شن تبي هنا امشي
مالك : تلزني يابوي
سعد : بعد تبقى راجل وقد مسؤولية تجي تاخذها هيا روح من وين ماجيت
مالك ركب سيارته ورجع للحوش خش ادوش وشرب قهوه وقعد يفكر في الي صار
رهف : كيف صار هكي
روان : مش عارفة نا بروحي
رهف : لا حول الله زعما عمتي سالمه عندها علم
روان : ليان متبيش تقلقها
رهف : ياناري تفكر في غيرها حتى وهيا ف ه الحالة
روان : اي المهم انتي مش ناويه ترجعي ل احمد
رهف : لا احمد نا وياه مافيش بينا حاجة انتهينا
روان : خسارة ياريت كان احمد كويس وتولي مرت خوي نبقو ثلاثة
رهف : والله انتو كويسين احمد مش عارفه غريب
روان : رهوفه نستاذن شحني بيتم
رهف : يلا باي ونزلت لمطبخ تصب اميه
غيث : سلام
رهف : خير ياغيث شن جو
غيث : تمام رهف
رهف : نعم
غيث : انتي بنت وتفهمي ع البنات
رهف : يعني
غيث : عيد ميلاد ال قرب ونبي حد يساعدني وننحرج نطلب من ليان
رهف : بلعت ريقها نا منقدرش نطلع اسفه شوف حد ثاني
غيث : نا مزعلك ف حاجة
رهف : لا مافي شي وربي مايجيب زعل خطرها ليان كانت حامل واجهضت امشي شوفها
غيث : شن
انا نضت نبي الحمام قعدت نمشي بالشويه وصلت لباب الصاله شفته طالع من المربوعه وجاي شور المطبخ تلاقينا
مالك: كيف حالك توا
ليان : الحمدلله علي كل حال
مالك: هاتي يدك انساعدك
ليان : لا نقدر نمشي بروحي وقت كنت نبي مساعدتك خليتني بروحي جاي تو بتساعدني وقت حسيت بروحي بنموت من وجع بطني ونرن عليك
نبكي وحضرتك فتتني وين كنت وقتها ها جاوب وين كنت
طبعا طبس راسك عندكش جواب
مشيت وسيبتها طلعت نجري لجنان قعمز ع العتبه وغم وجه بيديه
مالك يتذكر اليوم هذك كان قاعد ع قبر بشرى يبكي
غيث : اوووه نسيب كنك قاعد هنا
مالك : خير خير خش تفضل
رن نقالي رفعت شفته مالك رديت لانه مشغوله عليه معاش بان عليا
مالك: اطلعي غيث يبيك
ليان : من في غير غيث
مالك : مافي حد روحو الباقي نا وغيث وباتي
ليان : طلعت
خديجة : وين ماشية
ليان : نشوف خوي
خديجة : باه على مهلك امشي
ليان : سلام عليكم
سعد : وعليكم سلام خشي يابنتي مافي حد وطلع
ليان : خير
غيث : شن جو
ليان : تمام شخبارك انت وامي
غيث : تمام كنك ماقلتي
ليان : ماتقولش لحد خصوصا ماما مش ناقصها هم
ماعندكم مديرو بعدين لا نا اول ولا اخر وحده يصيرلها هك
غيث : ليان في حاجة متبيش تقوليها مالك شخباره معاك يمد ف يده
ليان : هزت راسها بالنفي
مالك : عيب يابونسيب معقوله
غيث : كان يجي شورك قوليلي ونا نكسر يديه
ليان : ابتسمت بين دموعها ربي يخليك لي
غيث : هيا نستاذن نا
مالك : خلك بلا طروح
غيث : لا عندي شغل
مالك . دام هك ع راحتك
مالك : ااااه انا حيوان حقير نستاهلكش
مالك:مسامحتيني انتي
ليان : مالك بنخش خلاص
مالك: امتى اتروحي
ليان : مش عارفه عمتي ماسكه فيا باتي حتى اليوم
مالك: لا لا ساد من امس قاعده جهزي روحك انجي انروح بيك توا
مالك روح بيا طول الطريق ساكتين محكيتش ولا هو حكي معايا وصلنا ساعدني في الدروج وخشيت لدار
مالك:متبيش اتغيري
ليان : اها
مالك: اقعدي تو نجيبلك نا
ليان : لا نعرف بروحي فتحت الدولاب وطلعت
بجامتي غيرت ونزل هو جاب عصير عنب
مالك: اشربيه كله باهي
ليان: مانبيش
قعمزت ع السرير قعمز جنبي
مالك: احكي معايا بلاش قلبت وجه نبيك اتفشي غليلك مني احكي الي في قلبك طلعي الي كاتمتيه عيطي اضربي بس تقلبيش وجك وتكشخي عليا هكي واعر عليا انا
نزلن ادموعي مسحتهن مش معصبه خلاص عادي هذا نصيبي ورضيت بيه
مالك:انا وعدتك من قبل وخلفت بوعدي بس المره هذي نبي انحاول مره اخره ونبي من ياخد بيدي ويساعدني هذا قلب مانقدرش نتحكم فيه فكرت
نسافر نغير جو
ليان : وانا
مالك: مش عارف نقدر ناخدك معايا او لا خايف
ترايفي ع هلك
ليان : نبي نمشي معاك ولا ف الحزن معاك والفرحه لا
مالك: ضحك به تو انشوف ونحكو بعدين فيه الموضوع هذا تعالي تسطحي وحطي راسك هنا
حطيت راسي ع صدره
مالك:حطيلي التيشرت هذا وهذا وهذا
ليان : ييي مالك انت ماشي تغازل بنات ولا شني
مالك: ههه لا غير احتياط مرات انطولو
ليان : باهي فهمت
مالك: طيارتنا الصبح بدري هي طفي الضي خلي نرقدو اشويه قبل الفجر يأذن
طفيت الضي وخشيت جنبه عطيته ظهري قعد ينابش فيا يخربش بصبعه علي ظهري
ليان : مالك خلاص ارقد
مالك: مجانيش النوم ابرمي نحكو
برمت: ها شن بتحكي
مالك: امممم احكيلي علي ايام صغرك
ليان : عادي يعني كنت ديما لاصقه ف ماما
بابا كان يحبني اكثر وقت كنت صغيرة ويطلع
بيا ونا كنت نحب الاميرات ونلبس فساتين اميرات
مالك: ربي يرزقنا ببنوته كيفك
ليان : امين مالك بنرررقد اسكت
قربني لصدره ورقدنا الصبح نضت القيته لابس وموتي الشناطي
مالك: صباح الخير
ليان : اهه صباح النور
مالك: نوضي افطري بسرعه وغيري وقت علينااا
نضت صليت وفطرنا مع بعض جونا رايق وفرحانه واجد
مالك-< حبيبي هيا نوضي
انا-< مالك طلع الشناطي هي
طلعنا ومشينا للمطار ركبنا في الطياره خفت مسكت فيه
مالك: هههههه خايفه
ليان : اول مره نركب فيها اصلا اول مره نطلع من البلاد
مالك: اول بس مش اخر مره بنسفرك ديمه انغيرو جو
طلعت الطياره زدت مسكت فيه ووووه لا لا نبيش انغير جو هكي متريحه
مالك: ههههه اسكتي فضحتي بينا كلهم يبحتو فينا
بعد طارت هديت اشويه وارتخيت ورقدت نضت علي صوته
مالك:ليان نوضي وصلنا
ليان : وين قاعده انا
مالك: ههههه تي نوضي ياحاله الطياره فضت قاعدين بروحنا انزلي ره يصكرو علينا ونحصلو
نطيت لا لا نضت
مالك: هههههه انبصر عليك ميديروهاش
نزلنا خدينا تكسي ومنها لشقه خشينا لجناح
حطيت الشناطي في الدار وقلعت عبايتي خش عليا
مالك: نتريحو ونطلعو ندهورو اشويه
ليان : اها اوكي
اليوم الاول طلعنا تدهورنا وغيرنا جو كان يجنن وحسيته رايق ويبي يغيرلي جوي وانا قد مانقدر غيرتله جو ورفعتله معنوياته ومشا اسبوع يجنن
بعد اسبوع
مالك: امسكي فيا اكويس ها الطياره بتنزل
ليان : مسكت فيه وغمضت عيوني
مالك : وصلنا هي انزلي ياخوافه ههههه
ليان : مالك حبيبي نتريحو ونمشو انشوفو ماما وخوتي اوكي
مالك: اوكي تعالي مرايف علي فراشي خديتها وخشينا رقدنا العشيه ناضت جهزت روحها
ليان : هي انا جاهزه
مالك: انمرو علي امي عرفتها تحسس بعدها تكشخ
ليان : فوق من نفسها تمام
طلعنا وصلنا لحوش هله استقبلوني وفرحو برجعتنا
روان : شن صار احكيلي غيرتو جو ومالك كيف معاك
ليان :اها جو يجنن بس روني معاش تحكي علي خوك هكي هو بدا ينسى بشرى حتى لما يشوفني
يبدا يتغزل فيا ويقولي كلام حلو ويضحك ويبيني
نبقى واعيه
روان :ياعيني زعلتي علي زوجك باهي ياستي معاش نحكي عليه هكي
وين وين ماشيه
ليان : نضت نلبس في عبايتي نمشي انشوف هلي
روان : لا اقعدي توا كيف جيتو انتم رني رني عليهم هما يجو مش صح ياماما
خديجة : فوق من نفسها اي طبعا طبعا
ليان : لا انا خاطري نمشيلهم مرايفه حتى علي حوش خوالي وبندير مفاجأة باهي شن رايك انتي اتنوضي تمشي معايا
روان : اه انا لا لا بايخه انحسها
ليان : لا مفيها شي نوضي اصلا خوك قالي مش مطولين
روان ؛ به بس اشويه وانروحو
لبست وجا مالك مشينا
مرام : ووه هذا كله لينا
ليان : هذي ساعه شفتها عجبتني قلت لمرام من غادي وهذي لك عيوش وهذي لتسنيم وهذي لك اخويله
سالمه : ربي يخليك حبيبتي اللي تذكرتينا
ليان : حناي شوفي شن جبتلك
روان : تشوف وساكته ل هدايا اللي يتوزعن
سالمه : شخبار معاك راجلك
ليان : مالك بادي يغير من وضعه معاش يطلع من الحوش ديمه معايا في الفتره هذي تقربت منه وتقرب مني واجد انحس بروحي نقدرش انغيب عليه دقيقه حااسه روحي ندير ف انجاز الفتره هذي تحسن واجد غيرتله روتينه انوض ع الفجر الصلاه في وقتها ينوض يصلي معاي يوميا انهدرزو ويطلع الي في خاطره كله حتى علي بشرى يحكي ومرات يقعد يبكي
روان : سمعت كلام ليان وامها انصدمت كيف ليان تشارك ف خصوصياتها مع راجلها لهلها
اذان المغرب
سالمه : مزال بدري
ليان : مالك يتحملش بلاي
تسنيم : ياعيني ياعيني
عايشه : ياليلي
ليان :هيا روان
روان ؛ هيا
سالمه : عاوديها
ليان : ان شاء الله
البنات بيش تجي ياروان حتى انتي
روان : ان شاء الله
سالمه : بنيتي حافظي على بيتك
ليان : باهي ماما
ليان : وروان طلعن وكان مجد واصل لحوشهم
مجد ابتسم : خير ياليان شن جو
ليان بجده : تمام كيف حالك انت وهيا مطبسه راسها
روان : من طرف هذا
ليان : ولد خالتي
روان : اممم
ليان : ركبت من قدام
روان : انصدمت من الحركة سكتت وركبت من تالي
مالك : شن قالك تافه هدا
ليان : على من تحكي
مالك : ولد خالتك
ليان : يسلم
مالك : امك تبيها تجي هنا
ليان : ابتسمت تغار
مالك ابتسم : شن نطلبو عشاء
ليان : اي خاطري ف بيتزا لكن نديرها نا مش من مطعم
مالك: اممم حاجات سمحه زيك مثلا هكي
ليان ؛ اها زي هههه
مالك: مش هتملي وتندمي انك قررتي توقفي معايا
ليان : مستحيل اهم شي توا نفسيتك واعرف اني معاك ونبيك اتكون بو عيالي نجيب عيال كيفك
مالك : حي ياحي بدينا انغازلو ههههه
ليان : تحرجنيش
خليته يتفرج ومشيت اندير في العشي
رجعت بنساله يبي شاهي مع العشي ولا مشروب
مالك: بيبسي
ليان : تمام حبيبي
مالك : اممم سلم يديك سمحه
ليان : كيفك سمح
مالك : ريحي روحك را نرقو فوق 
ليان : تاكل ب دلع
مالك : باهي تعالي جا قدم عند كرسيها ورفعها
ليان : حطت يديها ورا رقبته ومشو فوق عاد خليهم ع راحتهم
روان : تعرفي ياماما صدمتني جابت هدايا لهلها مانست حد فيهم كلهم حتى بنات خالها وحناها وخالتها وبنات خالتها ونا نتفرج
خديجة : حتى باكو عصير ماجابت معاها
روان : نشوف ومتسهفة هدايا اشكال الوان فلوسنا
خديجة : اللوم مش عليها اللوم على خوك
روان : وركبت من لاوره وجعتني لقطة
خديجة : حسبي الله ونعم الوكيل فيها ياالله
روان : مشت لدارها
ثاني يوم
ليان : حبيبي
مالك : همم قربني لحضنه
ليان : شنطة اللي فيها هدايا هلك مزال ماوصلت
مالك : وووو نسيت انتي وزعتي قدام روان
ليان : اها حي اكيد زعلت وتحاسبني نسيتها عليك لقطة بايخه شن رايك اليوم ناخذو غداء ونمشو
نعطوهم الهدايا
مالك : خلاص نطلع نجيب خضرا ولحم وفواكه وبعدها نمشي نجيب شنطة من صاحبي
ليان : تمام حبيبي
مالك : هيا نوضي ندوشو
ليان : باه
وصلنا لحوش عمي سعد
فتحت خديجة خش مالك
صباح ؛ الخير يمي
خديجة خير.
صباح الخير عميمه وجت بتسلم عليها بالخد
خديجة مدت طروف صوابعها
ليان : انحرجت ومشت باست ع راس عمها
سعد : الله يربحك يابنتي
مالك: ماعجبتش لقطة لكن هذي امه حط اللحم والخضرا والحاجات ف المطبخ وعدا لصاحبه
ليان : نساعدك عميمه
خديجة فوق من نفسها سلم صحتي وكرعي ويدي امشي قعمزي خير ماتعبي راس ولدي بعدين علي
ليان : مشت قعمزت ف صالة بروحها
روان : خير
ليان : شن الجو
روان : تمام
ليان : جمعة مباركة
روان : الله يبارك فيك وين ماما
ليان : في المطبخ
روان : مشت المطبخ خشت ع امها
خديجة : عاقده حواجبها
روان : ماما كنك قاعده بروحك ليش ماتساعدك اللاه
خديجة : بخت كي ه البخت
روان : اوففف مبردها رايحه ماتنطاق صدق فيها مالك ماتجي ف ظفر بشرى
خديجة : الله يرحمها ماكيفها كيف
ليان : شافت مالك بالزبون جت قربت منه وبدت تعدل فيه
مالك : شن رايك
ليان : تهبل صلاتو ع نبي عيني ماتضرك
مالك : غمزلها
ليان : ابتسمت ب خجل
سعد : مالك هيا نمشو صلاة
مالك : هيا باتي
ليان : باي
مالك : ابتسم ومشا مع باته لجامع
ليان : قعمزت تقلب ف القنوات
روان ؛ ربعت فوق صالون ترا رموت
ليان : هاك
روان : اممم مسلسل هذا سمح
ليان ؛ روان
روان : همم
ليان : مالك والمرحومه وين كانو عايشين فيلا اللي عايشين فيها شكلها جديدة مستحيل تكون زمان
روان ؛ صح فيلا اللي انتو فيها بناء جديد العام الماضي كيف كملناها لكن المرحومه كانت عايشه
معانا
ليان : هنا وين
روان : في دار مالك
ليان : وين هي عادي نشوفها
روان : طبعا الحقيني
ليان : ابتسمت ومشت وراها
روان : طلعت مفتاح كانت كلها عجاج
ليان : احوء احوء
روان : مايخليش فينا نظفوها من موتها وهيا هك
محد قربلها هو يخش يقعد فيها ويرقد فيها
ليان : متأكدة
روان : اي يلا نا ننزل نساعد ماما الدار دارك
ليان : بديت نتفرج كانت صورها ع سيسان
وع الكوميدينو وع زيانه في كل مكان والبومات
نشوف ف روحي كأنه نا كيف هك معقوله صح
ان يعاملني ك هيا معقوله لهدرجة شبه مافيش
اختلاف قلت لازم نخلي مالك يتريح ونظفها
غيرت شرشاف وفكيت وجوه ل امخاد وطلعت
صور كلهن لميتهم ف كرتون فتحت روشن وجبت
منشف ومنظفات
مالك : سلام عليكم
روان : وعليكم سلام
مالك : وين ليان
روان : مش عارفة مش باينه
مالك ؛ يدور عليها
احمد : خير
خديجة : قالبه وجهها
احمد : تعالي شوي
روان : جاته
احمد : وتي روحك بدون محد يحس عليك
روان : وين
احمد : ندهورو
روان : فرحت ومشت تجري تبدل ملابسها نزلت هيا واتيه
رهف : مقعمزه ف دارها وعالقه السماعات
غيث : رهف شن مدايره انتي
رهف : شن درت ما درت شي
غيث : عارفة روحك شن مدايرة
رهف : احكي بأدب بعدين من سمحلك تخش بدون ماتستاذن
غيث : نسيتي نفسك حوشنا هذا
رهف : انصدمت من كلام غيث
غيث . خطيبتي تشكي منك مرة تانيه نعرف كيف نتصرف معاك
رهف : والله مادرتلها حاجة
غيث : مش عندك خوال امشيلهم
رهف :
احمد : هيا وركبو سيارة ومشو
روان : نحنا وين ماشيين
احمد : ما قتلك ندهورو
روان : ابتسمت
احمد : هيا انزلي
روان : نزلت
تيم : لبضاعه مليحه
احمد : شن رايك
تيم :
روان : احمد روح بيا
تيم : شني ياحلوه متخافيش مانبيش ناكلك نا صاحب احمد
روان ؛ احمد
احمد : نا خذيت حاجتي وانت خوذ ومشا ركب سيارته
روان : تجري بتمسك احمد
تيم : وين ماشيه ياحلوه وصكر الباب ووو
مالك يدور لين وصل جناح خاص بيه
شاف باب داره مفتوح نار شعلت فيه
شاف كرتون صور بشرى فوق منه غبار
عل صور
ليان تمسح ف روشن مسكني من اكتوفي
مالك: من قالك خشي هاتي مفتاح
ليان : اءء نظف فيها لك
عيط في وجي ودفني قتلك هاتي المفتاح
قعد يحوس ويبرم ورجعلي مسكني مره اخره
مالك:بتجبيه ولا نطنك طريحه هاتي
ليان : اصبر حبيبي خلي عزمك اقوا مش تبي تنسى وتفتح معاي صفحة جديدة
مالك: يافرخة هاتي
قعد يهز فيا ويعيط من قالك تخشي هنا من قالك تقربي صورها ولا تمسيهم من قالك ياحقيرة ياتافه من تحسابي روحك دفني طحت وجيت علي راسي و
نزل من راسي دم
يتبع……….
لقراءة الجزء التالي : الجزء الحادي عشر من رواية حتي الممات
لقراءة الجزء السابق : الجزء التاسع من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
