الجزء

الجزء الثامن عشر من رواية حتي الممات

الجزء الثامن عشر من رواية حتي الممات

وفي الجزء الثامن عشر من رواية حتي الممات يا تري هل سنري فقدان احد ابطال الرواية ام لا ؟ وهل سيكون هناك منعطف جديد داخل الأحداث ؟ كل هذا وأكثر سوف نعرفه في السطور التالية بإذن الله للكاتبة نور عبدالسلام .

الجزء الثامن عشر من رواية حتي الممات

ليان : معلش انت كيف تجرأ تحكي معاي هك
امير : ضحك ب عفوية قصدي اهتمي بنفسك مش معقوله هك
ليان : انت اللي عليك تعطي محاضرتك ونا نقرا ونجاوب
امير : باهي باه
ليان : مشت وسيباته
امير : ياطالبة
ليان : غمضت عيونها بنفاذ صبر
امير : لو تبي نشرحلك المحاضرات اللي فاتنك مافيش مشكلة
ليان : شكرا ناخذ من زميلاتي وسيباته
امير : هز راسه يمين يسار وخش مكتب
ليان : ركبت سيارتها ومشت وقتك اصلا شدخلك ب منظري خزي عالم ماتحشمش يرن تليفونها هاااا
مرام : تجي تاخذيني
ليان : باه توا نجي وخشت لقت الطريق اللي تودي لمدرسة مرام زحمة اوفففففف هذا اللي ناقص
وتبيب دارت ازعاج
مرام : خلاص عدي توا تجي اختي
حلا : منيش مسيبتك
مراد : كيف بتروحن بنات وحدكن
حلا : فنصت في خوها
مرام : قلبت وجهها ماردتش عليه
مراد : نحكي معاك تهيالي
ليان : حاطه يدها ع راسها الجو نووو ومش وقت زحمه اوففففف هيا يلعن سلسبيلك امشي
مرام : مبتش ترد عليه
مراد : مسك يدها ب قوة نحكي معاك نا
ليان : شافت واحد شاد يد اختها نزلت تجري انت ياحيوان كنك شتحس
مراد : انتي من
ليان : كنك ايش تبي فيها اختي هذي
مراد : تروحن وحدكن مامعاكنش راجل
ليان : ونحنا كنا يابابا الراجل من اللي جاباته م وليه اللي جابته وراجل متقولش راجل الراجل يحارب ف جبها مش واقف قدام مدرسة بنات ويكحل
مراد : نكحل
ليان : قلة ادب وسخافة مرة جاية نكلملك الحكومة
مراد :هيا ياحلا شن ه لشلتتت اللي مرافقتهم
ليان : شللتتت شوف روشن يامعصعص ياللي ماعندك ذوق خزي هيا انتي الاخرى قدامي
مرام انحرجت من تصرف ليان
ليان : ه الحيوان هذا خزي
مرام : ليان شن صايرلك امتى عمرك تحكي هك انتي
ليان : نحكي هك نا حرة نحكي كيف مانبي
مرام : سكتت
وصلن للحوش
ليان خشت غيرت دبشها وتفكر ف المادة شن بيصير فيها
مرت بوها ليان تعالي ديري الغداء
ليان غداء مش دايره ومنيش دايره ومش هندير
مرت بوها لو امك تحكي معاها هك
ليان انتي تقارني ف روحك ب امي
مرت بوها موقحك مش متربية
ليان نا نا مش متربية
مرت بوها اها مش متربية لو متربية مكنتي تحكي هك مع اللي اكبر منك
ليان اندلفي من قدام وجهي احسن مانرتكب حنايا
مرت بوها والله نوريك ياليانو
ليان ابتسمت ب استفزاز
مرت بوها طلعت دمها انحرق من ليان وقلة ادبها
ليان ناس تخاف ماتحشمش
روان : حياتي
تيم : قلبي
روان : شدير
تيم : حاجات عيب
روان : معش تقول هك نحبش نا كلام هذا
تيم : نعلي منه المؤدب
روان : شفت
تيم : نحبك
روان : نموت فيك
تيم : دزيلي صورة
روان : ثواني وصبت عند لمرايا نزلت خصلتين من شعرها صورت ودزتله
تيم محلاك زحححح يراا كل مرة تزيدي حلا عن قبل
روان عيونك الحلوين حبي
تيم اااه طالعه منك عسل
روان هههه
خديجة روان
روان هاااااهه
خديجة تعالي تغدي
روان باهييي اوف حبيبي باي نمشي ناكل ونجي
تيم عينك من روحك
روان حاضر هههه ومشت
رهف في المطبخ رافعه شعرها كعكه ب طريقة مش منظمة منظرها كيوت لابسه مريول فوق فستانها الاحمر لمورد فستان صيفي كمه ربع وتغني وتهز ف خصرها ماشي حدي وبعينيك مذوب الكل حواليك
(بنظرة هيك وغمزة هيك (ولا حلوة بتفلت منك
وناسي إني بغار بجن خصوصي لو ضحكولك هن
إنت تقبرني بتحن بيوقع قلبك منك
احمد خش للحوش حبيبتي هيا ماسمعتش لانها
تضرب ف مكونات الكيك خش لقاها تغني ف نفس
الاغنية بتاع وانا اجمل شب بيتمنى بمشوار حضنها
من خلف وباس كتفها حبيبتي من اجمل
رهف انت
احمد كذابة
رهف واللهي انت
احمد شخبار حبيبة بوها
رهف شعرفك انه بنية مرات وليد
احمد من وليد
رهف وليد قصدي ولد ذكر
احمد لا نبي بنية تشبه امها
رهف ضحكت نا سمحه يعني
احمد طرف وقربها له باسها وحاجات عيب
امير روح لشقته حط مفتاح وعزق جسمه ع الكنبه بتعب رن ماسنجر بتاعه فتح فيديو
امه وليدي الغالي
امير امي شخبار
امه مرايفه عليك روحت
امير اها روحت
امه وكنك ماجيت لحوشك
امير قلت خليك انتي والحاج ع راحتكم
امه ياسخيف تحشم كبرنا نا وباتك ع الحاجات هذين
امير اين كبرتو مزلتو شباب
امه هاه مافيش حاجة هكذي ولا هكذي نبي نفرح بيك راك كبير
امير اه شن قلنا نحنا ع الكلام هذا
امه وليدي الوحيد وبنفرح بيه مش من حقي
امير لا من حقك امي مروح تعبان بنرقد نحكو بعدين تم
امه باه عرفتك هربت لكن وين مافيش مفر مني
امير هههه سلام صكر منها حط يده ع جبينه وخطرت ع باله ليان مع انه عارف انها متزوجة
من شاب اللي شافه معاها والمحبس اللي ف يدها
كله علامات اي شاب يبعد عنها بس هو عمره ف حياته ما وحده عاملته هك حتى المتزوجات كانن
هن اللي يطلبن منه بما انه جذاب لكن عجباته هذ
كيف محافظه ع نفسها رغم ان شكلها متعنفه من
عند معاملة راجلها لها مفروض تضعف لكن ملامحها ورازنتها خلاته يزيد يتأثر بيها
مرام بنعرف حاجة وحده دام بتطلقي ليش لابسه المحبس ف يدك
ليان عشان مافيش كلب مخلوق يفكر اني طعم ساهل
مرام ليان تفكيرك رايح بكلل متحجر
ليان اسسس الاغنية هذي حظي
مرام بسم الله كنك
ليان علت تلفزيون قناة مزيكا
و عرفتك ضحكت الدنيا و لمستك دبت انا ف ثانيه و حضنتك حضن حاجه تانيه ولا ف الخيال  على بعضنا يالا نتعود دي الليله مش هتتعوض ده انا وانت قربنا مزود فوق الخيال
ترقص فوق سرير ومرام مصدومه
ليان الاغنية تهبل بكلل ابدع ماجد
مرام هيا نصورو سيلفي
ليان يلا قربن وجوهن لبعضهن وصورن
مرت بوهن هيا غداء
ليان داء ان شاء الله
مرت بوهن شن قلتي
ليان نجك لي عسل يا مرت بابا حنونه انتي
مرت بوهن نحساب ونزلت
مرام فكينا منها جالطة تخلي بابا يلزنا
ليان نا اللي نلزهم
مرام قصدك بابًا
ليان اللي قتل امنا هو وياها
مرام ليان بديت نخاف منك
ليان ضحكت نبصر هيا ننزلو
مرام تشوف ليان ب نظرات انها خايفة منها
سعد عرفتك مايصيرش منك فاشل
مالك خلاص هذا نصيب
سعد بتقعد عظم بو غصاص ف رقبتي
مالك متخافش نسافر
خديجة جابت القهوة وامتى المحكمة
مالك جلسة نهاية الاسبوع
روان تلعب ب شعرها وتضحك ع تليفون
مالك الفرخة هذي شن ادير
روان فيس وقلبت تليفون لوجه مالك هاه بنات ينزلن ف حاجات يضحكن
مالك مشفتكش زعلتي مع ان ليان صاحبتك
روان ما صاحبي لا والي نا صاحبة روحي
مالك باهي نا جيت نقولك بس ياباتي
سعد تمام تمام
مالك طلع لبس نظارته وركب سيارته
حاول يرن ع ليان يعطي فيه مغلق
ليان قاعده تاكل اممم سلم يديك اعميمه
مرت بوها ابتسمت وانصدمت سلمك
ليان ابداع فعلا عطيني طريقة
مرت بوها بااطيبيي
اسامه فرح لأنه بنته قعدت كويسه وطيبه
ليان اكيد طعمته زي العسل حبيت
مرت بوها حاضر توا نعطيك طريقة
مرام ههه سلم يديك اعميمه خلي عنك تو نشيل نا
ليان اي نشيلو نحنا انتو خوذو راحتكم خشن لكوجينة
مرام فهميني انتي شن ف عقلك
ليان هزت كتوفها شي نعامل فيها بااصل بس
مرام ليان رايحه تخوفي
ليان احذري ف الليل اقفلي دارك زين مرات نخش نقتلك
مرام يمييي وطلعت تجري
ليان هههه هبله البنت هذ مزالت صغيرة متعرفش كيف تصرف
ف الليل
ليان تحاول تحكي مع زميلاتها بس كلهن رفضن والحجج يقرن ولا مش مشيرات وهن كذابات رن تليفونها اوف هذا شن يبي الوو
مالك عرفتيني
ليان لا ومانبيش نعرفك
مالك ضحك ههه معناها عرفتيني
ليان يارزيل فوتني
مالك اسف ياليان
ليان اسفك تعرف وين تحطه ولا عيب
مالك شن في تغيرتي مرة وحده اسلوبك اخييي رايح
ليان اسلوبي تعلمته منك من عاشر قوما
مالك خلينا نصلحو اللي تكسر
ليان شقلبت عيونها اوكي يامالك مش فاضية
مالك لا فاضية
ليان قلت مش فاضية نا
مالك طوط طوط طوط عزق تليفونه ف ساس ااااااا
مرام ليان هذي مافهمتهش عادي تشرحيلي
ليان تعالي وبدت تشرحلها
مرام امتى نخش جامعة كيفك ونتريح
ليان صكرت كراسه فرقت راحتي ياحنه زدت هم
مرام واعره
ليان لا بس اللي يقري فيا دراه كبد وحقير واطي
مرام لهلدرجة
ليان واكثر اعوذ بالله منه ومن سيرته هيا ياسمحه ارقدي وراك مدرسة صبح بدري
مرام تصبحي ع خير
ليان تلقي الخير
مرام باست خد اختها
ليان ابتسمت وردت تصفح طلعتلها صفحة امير ف اشخاص قد تعرفهم قعدت ف صفحة لعند الفجر
وهيا تفرج ع منشوراته وصوره من اول فتح الفيس من 2013 وتفرج وتأمل ف صوره ياعليك طرف زح
استغفر الله العظيم ياربي سامحني شن ندير صكرت
تليفون ورقدت
ثاني يوم ليان طلعت من الحوش لقت مالك واقف قدام سيارتها
ليان استغفر الله عليك صبح هو انت بيش تفهم
مالك فرنساوي
ليان شافتله ب ازدراء
مالك لهدرجة نا عفريت
ليان فوق ماتصور كل مانشوفك نحس ب قرف
انت اسوء انسان شفته ف حياتي كلها عمري ماشفت حد كيفك
مالك انا
ليان انت ماصبيتش معاي وقت احتياجي لك
بالعكس استمتعت ب كسرتي ان ماعنديش
سند ان امك ماتتت عادي ماعندها وين تمشي
مالك نا كنت نحاول نطلعك من اللي انتي فيه
ليان نسأل الله لك شفاء يامالك وحب مرتك لعند ماتموت حتى بعد ماتموت حبها انت معش تهمني
ف شي وسع هك بنمشي
مالك حرقه حرق كلام ليان
ليان ركبت سيارتها ومشت
وماحسبتش انها كسرت قلبه ماحسبتش انه كسر العظم هين قدام كسر الخاطر
ليان مشت لجامعة وصلت عند القسم شافت امير
شافها ابتسم او طالبتنا صاحبة اللسان طويل تفضلي
ليان اسمع نا جاية نقرا
امير يضحك
ليان ع شن تضحك نا قلت حاجة تضحك
امير اسمع وانتي معصبه احلى واحلى
ليان استغفر الله خلاص معش نبي نفهم حاجة
امير شن تبي تفهمي
ليان محاضرتين محضرتهمش بسببك
امير بسببك انتي ولسانك
ليان بسببي نا تمام تبي تشرحلي ولا كيف
امير تفضلي
قعد يشرحلها هيا تشوف ف شيت ومركزه
امير يشرح ويشوفلها يسرح ف عالم ثاني معاها
ليان دكتور يادكتور
امير هاه
ليان انت كويس
امير ابتسم ابتسامه خفيفه كويس كويس وين وصلنا
ليان هنا
امير كمل شرح
ليان مرة وحده خطر عليها مالك كيف قست عليه
وقعدت ف صراع بين هيا على حق وبين انها ظالمه
مهما كان هو مش سيء لهدرجة ليش قالت هك هل
لأنه مخلص ف حبه لبشرى لأني غرت منها كرهته
ان محبنيش كيفها انا انسانه حقيرة نغار من وحده
ميته ف قبرها ونعرف انه كان متزوج قبلي نا اللي
جذبته قررت ف عقلها تتصل بيه وتعتذر
معلش يادكتور ممكن نتصل ب زوجي
امير بعصبيه وصوت عالي من الحده نا مش جاي نضيع ف وقتي هنا ونشرحلك ومسيب اشغالي
ع خاطر تقعدي مش مركزة زوجك لو تبيه تقعدي
فحوشكم ومعش تجي شن الاستهتار هذا وعدم المسؤوليه
ليان دموعها نزلو
امير انتبه ع نفسه انه غلط انا اسف غير كنت مش راقد كويس راسي صداع وشرحت محاضرتين وتوا
انتي جت فيك ليش لبكاء
ليان مسحت دموعها شي عادي نمشي
امير واللهي ماصارت انا اسف تبي نتصل بزوجك نتصل توا
ليان متأسفش انت معاك حق
امير بشن نقدر نساعدك قوليلي كان يشوفلها ب نظرات كلهن برائة
ليان : منبيش حاجة تلم ف شيتاتها بتطلع
امير : انا اسف ياليان
ليان : طلعت
امير وراها مافكرش شن ممكن طلاب يقولو عنه
يلحق فيها ميبيهش تزعل منه او تحقد عليه
حتى لو كانت متزوجة ميبيهش تزعل انا اسف
صدقيني تعالي نشرحلك ونتحمل اي حاجة
ليان خلاص يادكتور ناس تشوفلنا مشكور ماقصرت
امير مش زعلانه جديات
ليان لا مش زعلانه نقدر نمشي
امير ع فكرة صفحتك عجبتني
ليان نعمم
امير امس درتيلي اعجاب بالغلط ع صورة قديمة طلعت لناس كلها فضحتيني
ليان حي ع العار
امير ههههههه والله
ليان مش نا را ملخبط انت
امير ليان اسامه بالانجليزي وعرفتك من عند كاتبة تدرس ف قسم …. ومواليدك عرفتك
ايام بالغلط شفتك ف اشخاص قد تعرفهم وقعدت نتفرج لكن الاعجاب مش قصدي والله
امير عادي لو تبي صديقتي را دايرين قروب لدراسة نا معاكم
ليان ما قالي حد
امير خلاص توا نضيفك نا
ليان شكرا انت ذوق بكلل
امير مهم مش زعلانه
ليان هزت راسها بالنفي
امير صافي يالبن
ليان حليب ياقشطة
وحي وحي وحي ع اللي يشوف فيهم بنظرات كلها حقد وسم مالك …
يتبع………

لقراءة الجزء التالي : الجزء التاسع عشر من رواية حتي الممات

لقراءة الجزء السابق : الجزء السابع عشر من رواية حتي الممات

للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام

جميع الحقوق محفوظة للكاتبة نور عبدالسلام .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى