وفي الجزء الثالث ماذا سيحدث مع ابطال الرواية من جديد ؟ نحن لا نقدر علي التوقع بشكل دقيق فالكاتبة كيندا تفاجئنا دوماً بجميل التفاصيل والأحداث الرائعة لذلك هيا بنا لنبدأ قراءة الجزء في السطور التالية .
الجزء الثالث من رواية حبيبتي لا تنسيني
لاك … اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه … كلبببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببببب …. يامااااااااااااااااااااااااااااااااااااااااااااااااااااااااااااااااااااااااامااااااااااااااااااااااااااااااااااااااااااااااااااااااااااااا
وشبشبها فى الهواء وشدت الخط هيا والكلب …. وتقريبا فى الدقيقه الواحده دارت هيا وياه 20 لفه … ومافاقتش على روحها الا على طلوع احمد قدامها … وفجأه ومن غير اى مقدمات كرشت فى رقبته وغمضت عيونها 
احمد … ياستر ياستر .. شن فى ؟؟
<< وقعد مصدوم ويشبحلها كيف مكرشه فى رقبته ووشاحها طاير والشعر مشرتع فى كل تركينه >>…
ملاك << وهيا مغمضه عيونها >> الكلب الكلب ااااااااااااااااااااااااااااااااااااااااااااااااه << والكلب يدغمر تحتها >> سكته سكتتتتتتتتته انت ماتعرفش انى قداش عندى فوبيا من الكلااااااااااااااااب …
احمد … باهى ممكن شوى ؟؟
ملاك … شن فى ؟؟
وهنا ملاك فاقت لروحها بعد الموقف الشنيع الا كانت فيه ولفت وشاحها .. وقعمزة على الارض وقعدت تخبط وتبكى … وهوا يشبحلها ومصرينه حطهم بضحك ….
احمد … ياوووووودى اهدى والله ماشبحتله شعرك .. والله ماشفت حاجه …
ملاك …. << مع بكى ونواح وتخبيط على الارض >>> ااااااااااااااااااااه انى خلاص ضعت يارررربى .. كلب كلب قدر يمرمط شرف اهلى فى الارض … انى على اخر زمان نحضن واحد برانى ونكر شفى رقبته … ااااااااااااه يارب ااااااه وفوقها شاف شعرى … لا لا خلاص اليوم بناخد حبوب وبننتحر … دبرلى فى حل ماخصنيش فيك الكلب كلبك وزى ماورطتنى فيه تحلها …
احمد …. ياودى والله اول ماشفتك غمضت عيونى .. بس وبينى وبينك ريحة شامبو الا غاسله بيه قووووووى جدااااا .. خلااااص بطلى بكى بتلمى علينا ناس .. توا يحسابو غير فى حاجه نهار اسود … انتى اسكتى وانى عندى ليك حل ….
ملاك … تكلم فبل مانلم عليك ناس … تكلللللللللللللللللللللللللللللللم ..
احمد … انى مستعد نوافق على زواجكم مش هوا مرمط شرفك فى الارض الوطى ابن الكلب هدا … خلاص اليوم اكتبو كتابكم هههههههههههههههههههههههههههههههههههههههههههههههههه
ملاك … << وهنا ناضت وعيونها ولو شرارت حمر وقالتله >> تتسهوك صح ؟؟ عندى ليك انى حل احسن … وجهك ووجه كلب المتوحش هوا معاش نبى نشوفه لين نروح من حوش اختى فااااااااااااااااااهم … وكان لقيت قلبك صايخ اعرف انى انتقمت لحقى … وياريت تنسى اى شى شفته منى .. لانى والله مش هكى << اااااااااااااااااااااه << ورجعت تبكى >>
احمد … وهنا قرب منها وشبحلها شبحت كلها جديه ومليئه بالحنان وقاللها…. اسمعينى خلاص والله بجد ماترعشيش روحك انى مستعد تنكفل بكل مصاريف زواجكم ههههههههههههههههه ..
ملاك …. مازلت تتسهوك عليا صح ؟؟ نكرررررررررهك انت وقلبك المقرف هوا .. وعلى فكره ماتبعدش عليه هلبه انت … << ومشت وسيباته >>
احمد << قعد يشبحلها بتمعن كيف تمشى وبعدين قال >> شن مهبوله هيا .. من اى كوكب نزلت … بس من ناحية جميله جميله
مشى احمد لكلبه يفطره … بينما ملاك ركبت فوق وخشت لدار اختها طول وقعدت تبكى على سرير وتضحك زى مهبوله … وماوقفتش الا على خشت اختها …
فرح … وووووينك خيرك موتى يابنتى لوطه ؟؟ ناس حتى قريب يكملو فطورهم .. تعالى افطرى .. وخيره عيونك منفخات شن فى ؟؟
ملاك … << شبحت لاختها شوى شبحه بلهاء وبعدين بدو دموع ينزلو زى سبنك >> … الكلب نطلق عليااااااا ومافى حد يندرى عليا كان موتت ولا عشت .. وسلفك صفيق هوا من بكرى وهوا يضحححححححححك …
فرح … هههههههههههههههههههههههههههههههههههههههههه انى نقول نسمع فى صوت عياط قولت اكيد فى شارع .. بجد شن صار فيك هههههههههههههههههههههههههه
ملاك … ياريت لهنا وبس … كرشت فى رقبت سلفك … ماتشبحيليش هكى وحق مصحف مانندرى حتى على روحى .. وهدكا الوشاح ندل طار وشعر كتح عل سلفك وهوا مصدوم …. ياخسارة برستيجى بين ناس … ياحى عليا كيف بنبينله وجهى بعد اليوم ..
فرح … ههههههههههههههههههههههههههههه اه ياربى مصارينى من ضحك خلاااااص استنى مواليات ناضو عليا من ضحك ياعطيهااااااالك
ملاك …. تضحكى ؟؟ حى عليا انتى ماريتيش منظرى كيف يشوف فيا مقلعه حفيانه فى جنان ونعيط والكلب ال$#& هوا وراى … بالفعل ماسموه كلب الا لانه كلب واطى …
فرح … ههههههههههههههههههههههههههههههههههههههههههههههههههههههه .. والله الا قسيتو عليك يافرخه .. ياريتنى كنت لوطه وشفت مشهد وصورته بس …
ملاك .. باهى خلاص بطلى ضحك والله نوض نروح .. مبردك انتى وسلفك ..
فرح … مبردنى ؟؟؟ تى انتى من زيك تلقاك واحد طول فى عرض … بينى وبينك شن رايك فى ريحه الا باخها ؟؟
ملاك … <<شبحتلها شوى وابتسمت >> لما شميتها قريب رقدت ..
ملاك وفرح … ههههههههههههههههههههههههههههههههههه
ملاك … فرخ جنتل مان ولابس خلقة لبسه ونظرات … قسما بالله غير ماكنتش مركزه الا مع الكلب ال$& هوا كان هدا رانى تمعنت …
خالتى مهيبه << عزوزتها >> .. فررررررررررح وين ملاك الفطور برد يابنتى ..
فرح … هيا هيا تساعد فيا لتغير صغار بس …. هيا اطلعى افطرى وديرى روحك عاديه … استنى واسى روحك قبل وانتى تقول متفجر فيك لغم هههههههه
ملاك .. مش لغم هوا .. زوز الغام ههههههههه
طلعت ملاك من دار .. وفطرت وناضت غسلت معايين هيا وحماوات فرح وظمو الحوش وحطو الغدى على نار …
فرح … ملااااااااااااااااااااااااك … ملااااااااااااااااااك … تلفونك يرن ..
ملاك … دقيقه بس ننقص نار ونجى …
نقصت ملاك النار على الاكل وبعدين مشت لتلفونها وردت …
ملاك .. اه ماما شن الاخبار ..
امها << خالتى عيشه >> … الحمد لله اه شن الغدى على نار ؟؟
ملاك … اى عزوتها قالت طيبو مكرونه بالبصله … فاوقفت انى على تطيب وهما ساعدونى .. تعرفى انتى هما صغيرات ومانقدرش نخليهم يطيبو بروحهم …
امها … باهى خلاص بعد ماتكملى غسل معايين بخرى الحوش كويس قبل مايخش حد وولعى سيارتك وروحى باش تباتى هنا الليله ..
ملاك .. علاش غيرتى رأيك ؟؟
امها … اى الليله بنبات انى مع اختك بعدين يومن عاش …
ملاك … ماشى خلاص .. سلام ..
رجعت ملاك للمطبخ … وجت فرج جنبها .. وهنا قالتلها …
فرح … خيرها امى علاش متصله ؟؟ توقعتها بتقولك هاتى فرح ..
ملاك … اتصلت باش تقولى كملى الغدى وروحى … لانا الليله بتبات هيا عندك ..
فرح … لااااااااااااا علاش ؟؟ كنت نبيك تقعدى اليوم لانا ال$&* هديكا بتجى …
ملاك … الله غالب انتى تعرفى ماما ماتقدرش تخلى الولاد وباب ا من غير عشى وبكرا ظرورى بنفطرهم .. وبعدين بينى وبينك بكرا ظرورى مانمشى للجامعه لانا فى دسكشن نبى نحضره وعملى بايو … بس رح نتصل بيك وقوليلى شن بيصير معاك …
فرح … ماشى خلاص هاتى نساعدك فى شى ؟؟
ملاك … لا لا خلاص حماوتك عاونونى مبكرى فى غسل معاين يانارى .. برغم انهم صغيرونات لكن والله نويشطات ..
فرح … اى يهبللللللو ديما نقول لعزوزتى ياسعدودك بيهم ..
ملا ك … بنبدا نسقى .. تقولى قداش قعاد ندير ؟؟
فرح .. ديرى قعدين لنساوين داخل وقعدين لرجاله لوطه …
ملاك .. ماشى خلاص …
سقت ملاك القعاد القعاد وحطو الغدى وتغدو …. وهيا قعدت واقفه على غسل معايين لحد ماتمت كل شى .. واول ماكملو العواله وبخرت الحوش وحطت العاله والحلويات لعزوزة فرح .. لبست حوايجها واستأدنت منهم ونزلت… وبمجرد ماوصلت لسيارتها وحطت ايديها على مانلية الباب حست بحاجه داخل ايد باب سياره فاجبدتها وهنا لقت ورقه مطبقه .. فاتلفتت هنا وهنا بعدين خشت لسيارتها وسكرتها وفتحت الورقه … واول مافتحتها لقت مكتوب عليها ….
احمد … بالنسبه لموضوعك انتى والكلب صدقينى سرك فى بير .. ولو احتجتى لى اى شى هدا رقمى …
وهنا ملاك شبحت للورقه واستفزها الكلام وعفجت الورقه ومزقتها ولوحتها برا ووخرت سياره ومشت .. واول ماوصلت للحوش وفتحت الباب لقت امها تستنى فيها .. وقالتلها …
امها .. وصلتى واخيرا ؟؟؟ انى طالعه خوك يستنى فيا لوطه … ردى بالك من الحوش وهونى خوك كلمته … وبعدى على شر انتى وياه مش لازم تضحكو علينا الناس بمشاكلكم ..
ملاك …. ماما انتى بعديه على سيارتى بس وعليا ..وصدقينى مافيش مشاكل … اى ماما حقا خليلى مصروفى بكرا بنمشى للجامعه …
امها …. باهى مالا مادمك ماشيه للجامعه … ظمى من الليله الحوش
ملاك … ماشى ماشى خلاص …
امها …. اهى 5 جنى على طاوله … خوديها قبل مايجى خوك ياخدها … سلام …
طلعت ملاك من دارها وخدت 5 وقامتها … وبعدين خشت للحمام ودارت دوش ورقدت … ومافاقتش الا مع ساعه 8 فى الليل على تقربيعة بوها للباب …
اب ملاك << عمى سالم >> … ملاااااااااااااااااااك … ملاااااااااااك ..
ملاك << ناضت من سريرها … هيا بابا جيت … نعم
بوها … ديرلى طاسة شاهى اخضر … راسى نحسه بيتفجر … بسرعه بنتى عندى موعد مع راجل بعد نص ساعه وحدديلى سوريتى البيضاء ..
ملاك … ااااااااااااووووه << تتاوب >> حاضر بابا ..
حطت الشاهى على نار ومشت حددتله سوريه .. ومدتله طاسة الشاهى وبعد شوى طلع … اما ملاك فافتحت تلفزيون وقعدت تقلب فى قانون لحد ماحطت على اغنية انغام << مابتعلمش >> وهنا تدكرت لقطتها اليوم صبح مع احمد ولقطة نقالها وقعدت ميته بضحك وتفكر فيه للحظات وتبتسم .. وفجأه تدكرت جملته الا فى ورقه كاتبهالها فاتعفلقت ولوحت ريموت وناضت باش تبدا فى ظمان الحوش … وزى العاده … ولعت مكينة الكنس وكنست الحوش وظماته ومسحت الغبره وماكملت الا وهيا وساعه 10 فى الليل … واهنا طفت اضواء الحوش وخشت لدارها … باش توتى لبستها لى بكرا … واول ماسمعت خوها مجدى خش … سكرت دارها واطفت ضى ..وفتحت سهاره وقعدت تقرا لحد مارجعت رقدت …
ترررررررت تررررررن …………….. تررررررررن تررررررررن
ملاك … الوووووو ..
امها … ساعه 9 .. قاعده مانوضتيش ؟؟ بوك مش من غير مايفطر صح ؟؟
ملاك … ماما ااااااااااه صبح ماما خيرك … توا يفطر فى خدمه ..خلاص بنسكر انى تبى شى .. سلاااام
سكرت تلفون وبدلت حوايجها وولعت سيارتها ومش للجامعه .. واول ماوصلت لبركيدجو درست سيارتها واتصلت بى سمر …
ملاك …. اه سمر صباح الخير … وصلتى ؟؟
سمر … اى وصلت تلقينى فى الواجهه ..
ملاك … ماشى ..
نزلت من سيارتها ومشت للواجهه واول ماوصلت لقت سمر تستنى فيها بالقهوه …
سمر … صباح الخير ..
ملاك … صباح الخير … ااااااه جت فى وقتها بصراحه رااااااسى بيتفجر … الصغار يهبلوووو وعسل بس عيطاتهم تسبب صداع صدقينى مافيش اى حبوب يهدوووه …
سمر … احكيلى احكيلى ماصار معاك شى جديد ..
ملاك …. زى شنى ؟؟
سمر …. وووووووووووووووووه منى .. الرجل الغامض بسلامتو
ملاك ….. ماتدكرنيش بالله ماتدكرنيش …
سمر …. شن فى ؟؟ قوووووولى … كلمك ؟؟
ملاك …. طلق عليا الكلب متعه باختصار مفيد ..
سمر …. بجد ههههههههههه وشن درتى …؟؟؟ يافضيحتك ههههههههههههههههههه
ملاك … توا نحكيلك بعدين …. مهم تعالى نمشى للمصور بناخد منه شيت امس نزل وماخديته … وبعدين تعالى نركبو للقسم …
سمر …. شوووووووفى من واقف … شوووووووفى ..
ملاك …. وين ؟؟ منى ؟؟
سمر … تى هونى تحت دروج مقعمز مع موزه تقتتتتتتتتتتتتل مش متحجبه …
ملاك …. اى اى ريته شوفتيه الوقح … انى قتلك نساونى ومتع بنات … ومدايرلى فى روحه اخلاق قدام اهله .. تسمعى امه تقولى شيخ يصلو وراه …
سمر … شفتيه كيف شبحلك وابتسم … خيرك فوتيه ياغبيه …
ملاك …. مش ناقصنى انى عاهات اطلعى …
سمر …. يهبببببببببببببل ياوخيتى تى والله انتى الا مهبوله .. ياريته فرح اختى انى
ملاك …. خشى خشى للمصور لا تجلطينى ونمون منك …
خشت ملاك وسمر للمصور … وخدو شيتات الا ناقصتهم وبعدين ركبو للقسم ولقو دكتور ماجاش فانزلو … واول مانزلو سمر قالت لملاك ….
سمر …. تمشى لزراعه نأكلو بطاطه ؟؟
ملاك … شن بيرفعنا لغادى … تعالى ناخدوها من الوسطيه وخلاص …
سمر … يالله خلاص …. ملاك … مش كأن واحد من شلة شبيه زيد جاى جهتنا ؟؟ تقولى سلف اختك باعته ؟؟
ملاك …. تى شن تقولى انتى … مستحيل مش لهدرجه … والله ويشبحلنا بجد هدا شكله بيوقف علينا …
صاحب احمد … دكتوره ممكن لحظه ..
سمر … برى ينادى فيك ياغبيه شن واقفه …
ملاك … برى معاى … شن يبى … قلبى بيوووووووقف …
سمر … بببببببببببببببرى الولد ينادى فيك ويشبحلك …
ملاك … خلاص اوك … اووووووف ..
خدت ملاك نفس عميق وبعدين مشتله وقالتله …
ملاك …. نعم .. تفضل …
صاحب احمد << اشرف >> .. ممكت ناخد من وقتك 5 دقايق …
ملاك …. ااااه .. تفضل احكى ..
اشرف ….
يتبع………
لقراءة الجزء التالي : الجزء الرابع من رواية حبيبتي لا تنسيني
لقراءة الجزء السابق : الجزء الثاني من رواية حبيبتي لا تنسيني
للإطلاع علي فهرس اجزاء الرواية : جميع أجزاء رواية حبيبتي لا تنسيني كاملة للكاتبة كيندا
جميع الحقوق محفوظة للكاتبة كيندا من ليبيا .
