وفي الجزء التاسع عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء التاسع عشر من رواية كنت للروح سقيا
لؤي :
كل يوم بمر وانا حماسي بكتر اكتر الانسانه البحبها. ح تكون ملكي واخيرا 
الانسانه البحبها ح تكون معاي في نفس البيت تفاصيلنا ح تكون مع بعض ح أشوفا اول م اصحى ح اقدر احتضنها وهي خايفه… متوتره… زعلانه مني… و هي مكتئبه… في كل حالاتا ح تكون جنبي ح اقدر اواسي عليها بطريقه احسن ح اشيلها ب عيوني ح احاول اعوضها على فقد ابوها ح احاول أملا حياتها فرح بس لانو الفرح بشبها
زي م قلت ليهم شهد حلم وحاليا يتحقق
ح أكون معاها في كل صغيره وكبيره م ح اسيبها ح اتعالج وأفضل جنبها م تستاهل تزعل بسببي
شهد :
الإنسان البطمن بوجودو م هي إلا ساعات واكون مرتو ح أكون حلالو الإنسان الما ندمت ولا ح اندم على حبي ليهو ابدا انسان قادر يمسح حزني في دقائق وقادر يحولو لفرح لؤي ضماده لجروحي عمري م اقلل في حبي ليهو وح أفضل أحبو
لحظة العقد 
لؤي م نسا طلبات شهد طلب من خالد يصور واتصل عليها عشان تسمع
كانت بتبكي حقيقي بتبكي وم قادره تستوعب انو الحلم بتحقق اللحظات دي ح تفضل محفوره في قلب شهد ولؤي ح يفضلو يبتسمو كل م يتذكروها
شهد وهي لابسه توب العقد مع الرسمه وكلو أقل م يقال عنها أنها كانت ايه من الجمال
كانت متوتره شديد وجيعانه في نفس اللحظة 
شغاله تقول لصحباتا يخوانا و الله انا جيعانه والله م تاكلوني م بطلع عديل كده
فجاءه سمعت صوت زغاريد ف عرفت انو لؤي خلاص جا ف اتوترت أكتر وم عرفت أقبل على وين
عبير وهمس وهدبل وهبه طلعو شويه واحس بخطواتو وهو جاي على ف دنقرت راسي
فتح الباب.. عدت لحظات من غير م اسمع خطواتو ف رفعت راسي ولقيتو مدمع وبعاين لي بكل الحب ألفي الدنيا
جا على وحضني قوي من غير اي مبالغه كنت حاسه ب أمان ودفا غريب جدا جدا 
بكيت من غير م أشعر مسك وشي ب يدو وقال :
حبيبي م تبكي انا جمبك وان شاء الله… ربنا يقدرني واسعدك وم يحرمني منك
بعدها حضني تاني وسمعت صوت همساتو ف عرفت انو بحصني
بعدها قال لي مالك بتنقنقي من قبيل 
شنو جيعانه جيعانه
انا : عرفت كيف اني قلت جيعانه 
لؤي : اتصلت على هبه عشان اعرف حاجه وسمعتك بتنقنقي…. ف قادره تتخيلي انو وقفت خالد وجبت ليك سندويتش
شهد :م بصدق
لؤي : و الله جد وم ح نطلع من هنا الا تاكلي
شهد :الناس منتظرين انت م جادي
لؤي : ينتظرو حبيبي م شغلتي
م صدقت طوالي بديت اكل وانا مستعجله ولؤي كان بس بضحك على حالتي بس م قادره ارد عليهو
دخلت همس وقالت ف شو. ي خوانا مالكم اتاخرتو كده
اتفاجات لما شافتني باكل وقعدت تضحك بس وصورتنا
خلصت وظبطت التوب ومسكت يدو وقلت ليهو يلا
لؤي :م قادر م اضحك و الله بس يلا
طلعنا ومسكونا تبريكات وغنو شويه وكده وكانت أجواء حلوه شديد
جيت لاصعب لحظه وهي لحظه الوداع ممكن تمر على أي إنسان
كل إنسان
مسكت امي شديد وبكيت فيها الا همس فكتني منها اتذكرت شجن وابوي امي وصت لؤي على كتير ف طمنها وقال ليها كلها اسبوعين وح نجي هنا طوالي م تخافي والبيت م بعيد في اي لحظة ممكن تجي
خالد كان دخل الشنط وركبنا اتحركنا انا ولؤي
لؤي كان بحاول يخفف على من ما اتحركنا
آخر شي قال لي خلاص نفتح تسجيل العرس
فتحو كان متحمس جدآ انتظر 30 ثانيه وماف اي صوت
قلت ليهو احترت اقول شنو ف قلت اقولها ليك وجه لوجه
بس م قادره اسي
لؤي: طيب انا ح اقول
شهد : ح اقول ليك جمله وحده بس الجمله الكل م اتذكرك بتخطر على بالي
“كنت للروح سقيا ” الجمله دي على مقاسك طققق
لؤي : وانا ح اقول ليك….
وقف العربيه ومسك يدي…
يتبع ………..
لقراءة الجزء التالي : الجزء العشرون من رواية كنت للروح سقيا
لقراءة الجزء السابق : الجزء الثامن عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
