وفي الجزء الثامن عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الثامن عشر من رواية كنت للروح سقيا
صح شجن وابوي اتوفو بس خلو معاي زكريات كتيره شديد عمري م ح انساها وح تفضل محفوره في بالي شجن كانت قريبه لي شديد كانت عارفه أدق تفاصيلي دايما معاي م حصل مره مشيت ليها مهمومه والا خففت عني من كنت صغيره متعوده على أنها معاي ف صعبه صراحه عدم وجودها جمبي خاصه في أيام زي دي انا متأكده لو انها قاعده كانت ح تكون بتتراجف وعايزه تقضي الف حاجه في وقت واحد وشايفه مفف زمن وكانت قعداتنا ح تبقى احلى 
اما ابوي ف حقيقي عدم وجودو فارق معاي إذا هو ومات ح يفرح لي منو؟ صح في كتار ح يفرحو لي بس فرحتو ح تكون غير دايما بقول لينا عرسو عشان افرح بيكم خلاص… طيب اسي انا ح اعرس قريب بس وين انت؟ الح يوصي لؤي على منو؟ الح يدمع اول م يشوفني عروس منو؟ الح يسلمني ل لؤي منو؟؟
طلعت من كومة الزكريات دي على صوت عبير وهي بتقول
عبير : بكره ح نمشي السوق
هديل : وبعد بكره نشوف موضوع الريح وشنو
وتاني نتم باقي الحاجات عشان تتحبسي خلاص
شهد : لسه بدري يخ
عبير: بدري من عمرك حبيبه مفف شي بدري
شهد : خلاص خلاص اسكتو عايزه اتصل على زوجي قرة عيني 
همس : أن شاء الله ينور ليك ي الأخت
شهد : اصلا منور حبيبه
همس : اتلهي
بعد شهرين
عدو شهرين من سوق ل حبسه ل تعب في تعب عدو بسرعه شديده
(بيني وبينكم حاسه انو لؤي دعاء تعدي بسرعه 
)
حاليا فضل اسبوعين بس وانا خلاص خلصت اي شي شويه وح أوقف الدخان
بتذكر ف اول يوم امي ولعت الحطب وجايه تقول لي اقعدي
لقتني ولعت وقعدت برأي 
امي : غايتو شليقه شلاقه
انا : انتي اتاخرتي ياخ
حاليا عبير وهديل جو استقرو معانا خلاص وناس خالتي وكده عاملين جو حلو شديد
كنت بتنونس معاهم جاتني مكالمه من لؤي طوالي دخلت جوا
لؤي : حبيبي
انا : عيونا
لؤي : اشتقت ليك و الله… وحقك على انشغلت مع ترتيبات البيت بس خلاص ماف حاجه تاني
انا : لالا عادي متعوده على الاهمال… لو من اسي كده بعدين كيف 
لؤي :اها اها بدينا نكد
انا : قصدك انا نكديه؟
لؤي : حاشا وكلا طبعا… اها كيف انتي!
انا : كويسه وانت
لؤي : الحمد لله ينفع اشوفك اسي؟
أنا : بتحلللم
لؤي : يخ طولت منك شهر كامل
انا : هانت هانت قربنا خلاص كلها اسبوعين وخلاص
لؤي : يخ و الله بعيده بس اعمل شنو ماف زول بقدرني في الدنيا دي ماف زول شغال بي ماف زول خاتي لي قيمه
انا: لؤي لؤي بطل لو شغلت اذاعتك دي للصباح م ح الاقيك ف اقنع
لؤي : طيب اغني ليك… صوتي اتصلح على فكره
انا : امري لله انا
لؤي : اها زاتو خليتو
انا : اااي اتمرن على صوتك اكتر
لؤي : يومين بس وتاني ببقا خطير
انا:و الله الشايفاهو ده العمر كلو م بتصلح شوف ليك موهبه تانيه احسن
لؤي : لالا انا الغنا ده حقي
انا : طيب جرب ترسم
لؤي : فكره و الله فكره اصبري بس اسي برسم وحده من صورك وبرسلا ليك
انا : حاضر
بعد نص ساعه رسل لي صوره
استغربت نص ساعة بس؟ وهو م محترف ده لو بعرف اصلا يعني
ف فتحت الصوره وياريت لو م فتحتها شايفه شخابيط بس انا م قادره استوعب هو اصلا كان بفكر في شنو
انا : احسن تنسي الفكره
لؤي : حتى انا شايف كده
لؤي خلاني احبو كل مره اكتر واكتر شخصيتو ماف زيها متفهم جدا ودايما بفكر براحتي دايما بطبطب على لما ازهج والاحلى من ده كلو ظرافتو
جا في اكتر وقت كنت محتاجه لإنسان جنبي وبحمد ربنا عليهو الف مره
عند لؤي :
متخيلين في الوقت ده نسيت تسجيلات شهد؟ لا طبعا بسمعها دايما في كل مره صوتها كان بحلا اكتر وفي كل مره بتاكد انها بتحبني وح تكون جنبي شهد كانت حلمي وحاليا هو بتحقق كل صفه فيها حلوه حتى عيوبا (وان وجدت يعني ) حلوه
ح اوريكم شويه مقتطفات من كلاما
“لؤي.. وجودك بطمني ف م تحاول تبعد”
“ح تفضل ملاذي الأمن وح أفضل احبك كل يوم اكتر واكتر 
”
“ممكن تقيس حبي ليك ب بشاعة صوتك وانت بتغني… ايييييييييك كتير صح؟؟ ”
وبتذكر ف مره كنت بتكلم معاها ف قالت ح تطلع السوق المره دي براها
لؤي : لالا م ممكن ي شهد
وهي اصلا ماسكه لي كم حاجه
ف طوالي غنت لي
صورتك في عيني اتهزت الفتره الاخيره
ضيعت من ايدك معايا فرص كتيره
نرجع ل شهد :.
الايام حالفه تسرع ( وطبعا ده العايزاهو بس عامله فيها تقيله)
حاليا فضل يومين بس
يومين بس وح اكون مع لؤي 
“وجهكِ هذا يلعب الشطرنج في روحّي
يقتل كل جنودي ، يقول لقلبي كش ملك !
يتبع ………
لقراءة الجزء التالي : الجزء التاسع عشر من رواية كنت للروح سقيا
لقراءة الجزء السابق : الجزء السابع عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
