الجزء الثالث عشر من رواية ضوء في آخر النفق

وفي الجزء الثالث عشر دعونا نعرف ماذا ستنتهي عليه الرواية هل ستكون نهاية سعيدة يا تري ام حزينة ؟ كل هذا وأكثر سوف نعرفه في السطور التالية .

الجزء الثالث عشر من رواية ضوء في آخر النفق

بينما مؤيد خش لدار وقعد يسحن مع بعضه على رعشت سهيله وحتى الكلام قعد فى رقبه الا قالتهوله هدى … ومنها حلف ولعن ماعاد يغنى وحتى الاتصال ماعاش بى يتصل بيها وخش رقد …
وساد صمت فى حوش عمى جمعه وفاتت الليله وفات اليوم وراء تانى وكان كل يوم بالنسبه لمنى زى السنه بس ….
واخيراااااا جى اليوم الا كانت تستنى فيه منى بعد طول انتظار واول ماناضت صبح نقزت من سريرها لسرير سهيلة وقالتلها …..
منى …. سهييييييييييييييييييييلة نوووووضى اليوم الخميس يابلوووووووه نوووووووضى ..
سهيلة ….. صبببح يافتااااااااااح قولى صبااااااح الخير قبل ..
منى …. صببببباح الخير … ههههههه اسمعى انى كلمت هدى وقتلها تعالينا اليوم باش حتى امى لما تشوفنى لابسه ومتكمه نقولها على خاطر العروسه هدى جايتنى هههههههه وبنمشى نكلم مؤيد نقوله يجبلى حلويات لوز لشاهى وشكلاته ونقوله هدى جايتنا اليوم هدا علاش ههههههه شن رايك ..
سهيله …. باهى باهى خلاص راس نشفتيهولى …
طلعت سهيله من دار وخدت منى نقالها وفتحت اغنية << روحى وخدانى >> وخشت للحمام دارت اللازم وبعد ماطلعت منه قامت شعرها كوده ولبست تيشرت واسع وشورت وبدت فى تسيق جنان وسقى الغرسات وماخداش الجنان منها ساعه لين ولى زى العروسه وبعدها بدت تضم فى صالون وطلع فى تحف وتلمع وببساطه بدت تنتقل من دار الا دار ومن مكان الى مكان زى الفراشه الا تطير من وردة الا وردة بدون مايحس بيها حد وبينما فى هدكا الوقت خشت سهيله للفطور توتى فيه وعجنت بريوش وخلاته على تركينه … واول ماامها طلعت من دار استغربت بصراحه حست انها فى الحوش الغلط ومع الا شخاص الغلط قصدى تنوض صبح تلقى ريحة شاهى بالنعناع على الغاز والقهوه واتيه لااااا مستحيل … تطلع لجنان تلقى الجنان حتى يوم ماتزوجت بوهم مش هكى اكيد مستحيل … قعدت امهم تشبح للوضع المريب شوى وبعدين خشت للمطبخ وقالت ….
امهم …. الله الله منين جتكم هانشاطه يابنياتى ووووووالله كانا مانعرفش اليوم ماجاينا حد راهو قولت خطابه … عارفه انى نشاطه ماتجيش الا لما يجو خطابه ..
سهيله … << هنى هرب عليها ضى وتلكمست وبعدين ضحكت وقالتلها …. هههههههه خطابة شنى ياامى بالله تى هادى عروستنا اليوم جايه هدى …. عاد كيف اول مره تجى بعد فضانيتها وتلبيستها …
امه …. باهى باهى برا نادى اختك وقولها تعالى افطرى هيا …
نادت سهيله منى وقالتلها ….
سهيله ….. مننننننننننننننننننني منننننننننننى تعالى افطرى ..
منى …. ماااااااااااااعنديش نييييييه افطرو انتم …
وهنا ولعت لسهيله ومشتلها وقالتلها ..
سهيلة …. شن انتى بتفضحى بيناااااااااااااا من امتى انتى يجيك خناق العريس ولاكانك ضعيفه معناها بتلعبى دور … برى قدممممى للمطبخ امك توا تزبط انا فى شى ونهار عمك ابيض كانا مانلقاكش تنوضى اخر وحده ….
مشت منى للمطبخ وفطرو وحطو الغدا على نار وفاتت القايله على خير ومنى تستنى فى هدى امتى تخش وفجأه شرين الحوش وهنا قعدت تقول …
منى … يااااااارب مش هما ياررررررررب …
سهيله …. تعااااااااااااااالى هنا ياخفيفه استنى وين بتطلعى استنى مرات هما ..
طلعت سهيله وفتحت الباب ولقت هدى حطها بوها ومشى وقالتلها …
سهيله …. خشى خشى تفضلى هونى منى فى دارها خشى ..
خشت هدى لدار وحضنو بعضهم وقعدو يبكو وبعدين شبحو لبعضهم وضحكو وقالت كل وحده من لتانيه فى نفس اللحظه ..
منى وهدى …. احنا علاش نبكو ….
منى ….. ههههههههههه مش عارفه ..
هدى …. الباين ربى كاتبلنا نعيشو كل شى مع بعض …
منى … تعرفى لو صار وتم الموضوع توعدينى نديرو عرسنا فى يوم واحد …
هدى ….. خلاااااااااص وعد … ياكلببببه خلاااص معاش تبكى …
منى ….. مش عارفه جاينى شعور غريب … خلاص خلاص هادم دموع الفرح ….
هدى ….. هيا هيا قوليلى شن بتلبسى ؟؟
منى ….. مش عارفه مازال ماقررتش ؟؟ انتى شن رايك ؟؟
هدى …. تعالى نفتحو دولاب ونشوفلك لبسه قنينه وشعرك ومكياجك عليا
فتحت هدى دولاب واختارتله منه لبسه وكان الكل منهمك يدير فى شى الا خالتى وريده الا كانت واخده تركينه ومتكيه زى عوايدها وفجأه وبينما الكل منهمك يدير فى شى شرين الحوش وتقريبا كانت وقتها ساعه 6 ونص العشيه …
سهيله …. هيااااااا هيااااااا … وبعدين خشت لدار منى وقالتلها << حسهم جو استعدى …>>
منى … << ييييييييييييييييييييييييييييييييي اوك ولايهمك >>
فتحت سهيله الباب وخششتهم لصالون ومشت لامها وقالتلها …
سهيله … ماما .. ماما … فى ناس فى صالون ..
امها … شن فى .. خلعتنى منى الا فى صالون ..
سهيله … مش عارفه قالولى ضبحى على امك ..
امها … هيا هيا طالعه ..
سهيله … امى ناس اول مره نشوفهم شن طالعتيلهم بقفطانك الا نصه طبايخ برى البسى قونه وبلوزه وقيمى شعيراتك بالتوكه شداده لبين ماصبيتلهم عصير وشكلاته ..
امها … باهى باهى مالا برى انتى وانى توا نلحقك ..
خشت امها لدار بعد ماغسل وجهها وغيرت لبستها وحطتت شوى كحل فى عيونها وقامت شعرها وطلعت واول ماخشت لصالون جاها احساس بالفرح ماكانتش عارفه شن سببه ..
سلمت عليهم ولقت سهيلة مسبقه بالعصير وشكلاته وقعمزة ومافاتتش حتى خمسه دقايق من الاخد والعطى فى كلام حتى قالولها …
ام وائل …. والله شن بنقولك ياحاجه احنا جايين بنشوفو بنيتك منى ونطلبو ايدها … وان شالله يكون النصيب بينا خير
ام منى … والله شن بنقولك مجيتكم على العين وراس واكيد نتشرفو بيكم بس تعرفو انتم كل شى ؟؟
ام وائل … زى شنى ياحاجه ؟؟
ام منى … والله هوا موضوع مش مدسوس اصلا واكيد سامعين انا منى مطلقه ..
ام وائل …. اى اى عارفين وعارفين انا دنيا قسمه ونصيب وبعدين الطلاق لاهوا عيب ولا هوا حرام طالما البنيه عندها سبب وجيه ..
ام منى … والله انتم احرجتونى بصراحه بكلامكم الا مافى منه … ومادما انتم عارفين معناها على بركة الله … دقيقه بس ناديلكم عليها …
طلعت من الصالون وتلاقت هيا وبنتها فى صاله وهنا سهيله قالتلها ..
سهيله … ماما منى هادم ؟؟
امها …. مش وقته توا برى ناديلى على منى وقولها تلبس كويس ..
سهيله … ماشى ماشى ..
خشت سهيله لدار وقالتلها …
سهيله ….. تمااااااااااااااااااااااااااااااام امك قالتلى تعالى بيشوفوك
طلعت منى وهنا سهيله قالتلها ….
سهيله … يابلوه تعالى هنا ماتطلعيش طووووول استنى شوى توا يقولو مسرع موتيه روحها .
قاتت خمسه دقايق وطلعت منى وخشت لصالون وسلمت على الكل وكان لقت باست كل واحده 10 بوسات من الفرحه وبعدين قعدت تسمع وحست انا الوضع مستمخ وعلى احسن مايرام لحد ماامها سالت ام العريس وقالتلها …
ام منى …. باهى حنا عرفنا ماشالله انا وليدك معيد ومحضر برا لكن ماتعرفناش بااسمه ..
وهنا منى جتها كمده فى قلبها وللحظه كانت اغمى عليها وكيف بتقول لامها نستادن … سبقت ام العريس وقالتلها …
ام العريس … سامحينى والله ندهبت شيرتى … اسمه وائل
وهنا ام منى شبحت باص عيون لمنى ومنى علامات ماروكو ودمعت سلام دنك طلعت على جبهتها وزمتطت ريقها وابتسمت ابتسامه صفرا وقالت ..
منى … نستادن منكم توا ..
ام وائل … ادنك معاك حبيبتى ..
وهنا انتفضت ام منى وقالتلهم .. قهوه ولا شاهى بالله ؟؟
ام وائل …. لا لا بنروحو وان شالله جايات اكتر ..
ام منى …. لا عاد كيف والله الاماتشربو عندنا .. << وكانا لقت طلعت من قبل مايجاوبو باش تلحق على شفشوفة منى بشحه باهيه قبل ماتفركها وتخليها فى موقف سخيف هوا …. بس علاش ؟؟؟ لانا ام منى عرفت انا هوا نفسه الاكانت تبيه منى فى الكليه …
ام العريس … مادمك حلفتى خلاص قهوه …
طلعت ام منى من صالون وللاسف مالحقتش على منى لانا منى ولعت ماطور رجليها وفيكت لدار طول وممكن رفدت باب الدار بالدولاب باش امها ماتخترقاش بعد ما يروحو …
نادت امهم على سهيله وقالتلها ….
امهم …. غير يطلعو ناس قسما بالله الا مانلبس الكبوط الاسود ماااااااااااشى وحسابك بعدين معااااى انتى وهيا …. برى اقلبى وجهك توا ديرى القهوه ولما توتى خشى حطى لناس
سهيله << وعلامات تزريط كلها على وجهها >> حاضر ماما ..
خشت سهيله بسرعه للمطبخ ودارت القهوه لضيوف وقعمزت تستنى فى القدر المحتوم ومافاتتش 10 دقايق الا وطلعو ناس وهنا خشت بعد ماسقدت ناس وقربعت الباب ورها وفجأه سهيلة بقدرة قادر تنطرت جنب هدى ومنى وقالتلهم ..
سهيله … انتى مش برانيه تحملى مايجيك هههههههه احم احم 1 …2 …. 3
وماكملتش سهيلة 3 لين فقعت الباب امهم عليها وقالتلها وشبحت لمنى وقالتلها …
امها … انتى تتحدى فياااااااا ؟؟
منى … نزلة عينها ولا كلمه قالتها ….
سهيله …. ماما علاش تتحدى فيك ؟؟؟ بصراحه مفروض منى هادى حياتها وهيا تقررها وتقرر من تاخد ومن لا ياسر انتى الشخص الاول جبرتيها تاخده وبتزيدى حتى هدا … والله بصراحه ياماما انتى حاليا رح تكونى انانيه لو تصرفتى بطريقه هيا ..
امها … وانتى تلهى فى روحك وتلقى الحل لعمرك خير الا قاعده من دون ندادك كلهم بصغارهم الا انتى ..
سهيله …. هنا شبحت لامها شبحت صدمه ودهول ونزلت دمعه من عينها وطلعت وسيبت الدار ومنى مشت تجرى وراها ..
بس اخيرا فى الا صار كله ….. هدى تكلمت وقالت ….
هدى ….. خالتى ممكن نتكلم معاك شوى لو سمحتى ونتدخل فى موضوع ؟؟
تعالى هدى هدى تلقينى فى صالون وانتى مش برانيه …
مشت هدى لصالون ورا ها وسكرو صالون …. بينما منى قعمزة جنب سهيله فى جنان وقالتلها …
منى ….. خلاص معااااش تبكى سوسو خلااااااص .. والله امى ماتقصد هياااااااا خلاص … ههههههههه توا انتى تبكى وتفيلمى على اساس مانعرفش انى بى مجد ولا شنى ؟؟؟ دنا امك يابت هههههههههه
سهيله …. قامت راسها وقالتلها … من قالك ؟؟ قووووولى ؟؟
منى …. علاش مابيتيش تقوليلى انك وخطيبك رجعتو ؟؟؟ تدسى على منى ااااااااااه على اساس مش رح نعرف …
سهيله …. منى احنا لينا 4 سنين مسيبين بعض ولما رجعنا جت اللقطه بسرعه وملخبطه وانى فى حاجات مازال تبى توضيح منه فامنقدرش نقول لحد قبل مايصفى الا فى داخلى ..
منى … فاهمتك حبيبتى .. بس معاش تبكى … صدقينى نصيبك رح يكون احلى مننا كلنا وبعدين مجد شخص متقف وراقى وفاهم ويهببببببل طريفون من الاخير هههههههه ولاتدكرى ايام خطوبتكم لما روح من مالطا شن جابلك
سهيله …. قاعده تتدكرى هههههههه وانى هدا الشى الا خلانى نرجعله لانا فى داخلى نحس فى شى مازال متمسك بيه ..
منى …. قصدك انتى رجعتيله على خاطر تدكرتى انا جابلك حاجه من مالطا ههههههههههههه
سهيله … مصحك … هههههههههههه مبردك هدا وين فهمتها ..
منى … ايوا اضحكى اضحكى وفوتى اهو حتى انى تهزبت ومازلت بس ..

حنا كأن خلينا هدى مع ماما هههههههه تعالى كما تقتلها هههههههه لانا حاليا ماما تشوف فينا حنا 3 شياطين …
خشو يجرو لدار نوم ويضحكو وفجأه مالقوش هدى فى دار فاطلعت منى بسرعه وفجاه لقو هدى قدامهم تغمزلهم وتضحك وتاشرلهم باايدها متع برو تأسفو لامكم
خشت سهيله لصالون .. ومنى قالت لهدى بشوى ..
منى … شن صار ؟؟
هدى …. واااااااااااااااااااااااااااااااااااااااافقت ههههههههههههههههه
منى ….. كداااااااااااااااااااااابه بجددددددددددددددد
هدى …. مش تعرفى بس صاحبتك ههههههههه ومرة خوك مسبقا شن يطلع منها …
منى …. << حضنتها وقالتلها >>انتى تهبببببببببببببببببلي يااحلى خفيفه فى دنيا كلها …
وفجأه هدى وخرت وضربتها على كتفها وقالتلها ..
هدى …. فى عينك هههههههه انتى الخفيفه ههههه خلاص برى شوفى امك ..
خشت منى لامها وتأسفو ليها ونقلب الموضوع بكى ومسح دموع بس واخيرا منى نالت مبتغاها ووفقت امها بس بشرط انا يتم الموضوع على طول ويكون عرسها وعرس مؤيد فى نفس اليوم ..
فات يوم ورا يوم وفاتت فضانية منى على خير وعلى طول مافاتش اسبوع من الفضانيه الا وتم تلبيس دبل واتفقو على موعد العرس وكان بس الوقت الباقى لمنى شهر على ليلة دخولها …
كان الشهر هوا اصعب شهر على حوش عمى جمعه وكان الكل متفركس بين مؤيد وحوشه وبين منى وبتاتها بس برغم هدا عمى جمعه واخيراااا قدر يتهنى على مؤيد ومنى …. بينما سهيله كانت فى كل لحظه تشوف فى هدى ومنى فرحانين ويوتو لكل شى كانت تحس بجرح فى قلبها تتمنى تقدر تدويه مع الايام …
استعدو حوش عمى جمعه لكل تجهيزات العرس ومؤيد قرر انا معاش يكلم هدى لحد اليوم الا تنزف ليه بس كان يشوف فيها تقريبا كل يوم بااعتبار انها تطلع هيا ومنى ويشرو يحجزو مع بعض …. ووصلو اخيرا لاسبوع العرس وكان يوم الحنه وسهريه ويوم حفلة فقط وبالنسبه ليوم الحنه فكان عائلى فقط وجيران وهادى كانت رغبة منى
سهيله …. ماما ماما شنى واتيه رشته على نار ؟؟؟
امها …. اى اى انتى ماتخمميليش برى انتى واختك وبنت خالك للحمام وتعالو … وانى وخالتك ومرة عمك مش رح يخلونى بروحى …
سهيله …. ماشى ماشى … مفتاح دارنا كان تبى منه شى تلقيه فى التحفه الا فوق تلفزيون …. هيا هيا يبنااااااااااات يالله معى … رويده نشطى الدربوكه هياااااااااا
<< لبس البودرى محلاه كل بنيه تتمناه >> << يالله ياغلا زيدو معنااااااااااااا ..
منى …. اه مؤيد شنى احنا واتيين اى اى بنمشى حمام الكبير … ماشى هيا اهو طالعين تعال ارفع سوابيت بس
طلعت منى وسهيله وبنات خالها وخالتها للحمام واتفقت هيا وهدى على نفس الحمام يمشوله …
وفات اليوم وكان احلى يوم فى حياة منى وهدى … ضحكو ولبسو البودرى وغنو مع بعض ورقصو وصورو ووقفو بعيد من نوبه الاضربت لى هدى وصفقو …ونقرت فاتحتهم فى نفس الجامع
وفات اليوم وجى اليوم الا رح تكون النهاية لحياة كانت حافلة بالحب والموقف الجنونيه والنكد والعفوية والبرئه واهم شى العزووووبيه
وصلت كل من العروسين لصاله وماهى الا دقايق ووصلت كل وحده فيهم لفم الباب وبدت مراسم زفة العروسين ….
رووووووووووووووووووووووووووووووووووووووووووووووووووووووووى
الف صلاة وسلام عليك يانبى اللله محمد << صلى الله عليه وسلم >>
رووووووووووووووووووووووووووووووووووووووى
نسألك يامن هوا الله الدى لاالله الا هوا ……

آلرحمن آلرحيم آلملگ آلقدوس آلسلآم آلمؤمن آلمهيمن آلعزيز آلچپآر آلمتگپر آلخآلق آلپآرئ آلمصور آلغفآر آلقهآر

آلوهآپ آلرزآق آلفتآح آلعليم آلقآپض آلپآسط آلخآفض آلرآفع آلمعز آلمذل آلسميع آلپصير آلحگم آلعدل آللطيف آلخپير

آلحليم آلعظيم آلغفور آلشگور آلعلي آلگپير آلحفيظ آلمقيت آلحسيپ آلچليل آلگريم آلرقيپ آلمچيپ آلوآسع آلحگيم

آلودود آلمچيد آلپآعث آلشهيد آلحق آلوگيل آلقوي آلمتين آلولي آلحميد آلمحصي آلمپدئ آلمعيد آلمحيي آلمميت آلحي

آلقيوم آلوآچد آلمآچد آلوآحد آلصمد آلقآدر آلمقتدر آلقيوم آلوآچد آلمآچد آلوآحد آلصمد آلقآدر آلمقتدر آلمقدم آلمؤخرآ

آلآول آلآخر آلظآهر آلپآطن آلوآلي آلمتعآل آلپر آلتوآپ آلمنتقم آلعفو آلرءوف آلمقسط آلچآمع آلغني آلمغني آلمآنع

آلضآر آلنآفع آلنور آلهآدي آلپديع آلپآقي آلوآرث آلرشيد آلصپور مآلگ آلملگ ذو آلچلآل وآلآگرآم >>>

رووووووووووووووووووووووووووووووووووووووووووووووووووي

تمممممممممممممت ….

لقراءة الجزء السابق : الجزء الثاني عشر من رواية ضوء في آخر النفق

للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا

جميع الحقوق محفوظة للكاتبة كيندا .