وفي الجزء الثاني عشر نقترب من نهاية الأحداث وبدأت الكثير من الأمور تتضح كثيراً وفي هذا الجزء دعونا نري المزيد من المواقف بين ابطالها في السطور التالية .
الجزء الثاني عشر من رواية ضوء في آخر النفق
منى …. باهى شن الحل ؟؟ وكانا يجو وامك ترفضهم ؟؟ انتى تعرفى امى لما تسكر دماغها وهيا من هدكا اليوم قالتلى والله مارح يصكر عليك حوش
سهيله … باهى هوا امتى قالك بيجيب اهله ؟؟
منى … الخميس جاى 
سهيله …. انتى غير برى ردى عليه وقوليله اوك وجيب اهلك … وانى عندى ليك خطه ماتخرش الميه .. ههههههه
منى … شن هيا بالله قوليلى شن هيااااااااااااا
سهيله ….. وووووووووووه يامنى لما تعنكشى تولى زى لصقة الاميره هههههههههه يعنى ضرورى مانرشك بالفليت باش تهدى وتسكتى ههههههههه
منى …. اسمعى بلا براده نبى نعرف مانقعدش زى الاطرش فى زفه انى ..
سهيله .. اوك توا لما يجيب امه تعرفى .. بس قوليلى امى تعرف اسمه وائل ؟؟
منى … تعرف اكيد بس مش مركزه هلبه لانا اغلب تعزيرتها تقولى المعيد هههههههههه ..
سهيله … الخطه بسيطه جدا انا نحطو امى فى الامر الواقع هههههههههه لحد مايوقع الراس فى الفاس هههههه وصدقينى هيا بعد مايجو وانتى تقولى لبابا موافقه مش رح تقدر تنطق بكلمه علااااااااش لانا لو بترفض بابا بيقول علاش ولو قالتله بيقولها انتى كيف تندرى وماقولتيليش وانتى سبب فى اى شى يصير لبناتك طالما طالقه الحبل على غالب واحتمال توصل بينهم حتى لطلاق ههههههههه انتى تعرفى بوى وهوا بينى وبينك متسبل على طلاق هاليومين ههههههههههه
منى … ههههههه صكرى فمك ياكلبه حرام عليك ههههههههههه
سهيله …. الخلاصه امى لو لقته كامل ومكمل وشارى وامه وخوته فى الحوش فاصدقينى مش رح ترفض ولا رح تقدر تقول لبابا علاش رافضه لا هوا ولا مؤيد وحتى لو قالت بوى هدكا وين يصر انا راجل ياخدك هههههه فا فى كلتا الحالات امى محاولاتها رح تفشل ببببببس ردى بالك تقوليلها قبل مايجو لانا احتمال اصلا ماتخليهمش يوصلو للباب لو كان تمشى تبات فى حوش جدى قبلها بيوم او هكى ..
منى … قصدك نديروها خطوبة قطوس فى شكاره هههههههه البس وغم طول هههه
سهيله …. ايوااااااااا بس طبعا اكيد هدكا اليوم انى وانتى رح نستعدو على اكمل وجه ورح نطلع نشرى كل الحاجات ماتخافيش .. وانتى شعرك الا رايح زى شمس الحريه ديرله حل من توا هههههههه يعنى فازو زبده على خلطات على نص صفار وزوز بياض بيض تمشى تمام ههههههههههههههههه
منى … مصح وجهك تحسابى شعرك الا ريح زى جودى ابوت هههههههههه
مؤيد …. ياللله يالله اتلموووووو يانساون … نخشششششششششش ؟؟
منى وسهيله … لااااااااااااااااااااااا لااااااااااا خليك برا ههههههههه
مؤيد .. مصح وجهك انتى وياها … انتم الباين ماتربيتوش وتبو من يربيكم يكلاااااااب ياعععععععععععععععععععععععععععع << وشمر دراعه ونقز عليهم >>
منى … ههههههههههههههه والله نحرش امى يابلللللللللللللللللللللللللللللى
سهيله …. اممممممممممممممممممممممممى تعاااااااالى لولدك
امه ….. مؤيد يامزتت شن جيبك انت هناااااااا برا اشقى بعمرك وانت الناس تكبر تعقل وانت تكبر يخف عقلك … خلاص … معاش لقيت الا تريش فى شعر خوتك …
منى … ههههههههههههه اعطيه اعطيه على راسه ياامى هدا مهبوووووول ههههههههه << وبعدين قربت لامها وغمزتله ودارتله سحنه باايدها وقالتلها …
منى .. << ماما حبيبتى ههههههههههه لو ماكنتس انت تدلعنى من هايدلععععععنى ..>> ههههههه
مؤيد ….. توالله الا مانوريكم ياصبايا اليهود … غير تطلع الملازم الاول هيا بس الاما نربيكم ياااوباااااااااش ..
ميمتى من الاخير … تقليلى دحيه ولا نمشى بروحى … جعاااااااااااااااااان بنموت نبى نتعشى
امه … انى بنمشى نصلى ونخش نرقد اعبى على ايدك يابابا .. خلاص توا هيا تشرتع خلى بنات يرقدو بكرا وراهم خدمه وجامعه برااا..
مؤيد …. من غير ماتقولى مااااااشى وانتى ديما تلزى … وعلى عموم معاش شهر هوا بعد كلمتك هياااااااااااااااااااااا وحق المصحف الاما نعطيهولك
امه …. باه برا لدارك اجرى سليمتك برا…
منى … برا مؤيد برا ومعاش تستعمل تحت سرير هلببببببه ههههههههههه
مؤيد … شووووفى شوفى كيف تناشب بنتك هيااااا بعدين قوليلى انت طايش وانت مراهق وانت وانت كلام الافلام هوا …. من الاخير بناخد حقى باايدى حووووووولى تعالى هنا يافرخه تعاااااااااالى …
منى … خلاص خلااااااااااص والله خلاص ..
مؤيد …. متأكده خلااااااااص قولى مؤيد انى اسف قوووووولى … يارمه باجزمه اديمه لازم مانطلع شناباتى باش تخافو منى يا اوبااااااااش … وانتى فازو نوتيلااااااا بعدددددددددى … عيله تجيب رعشه يالطيف ..
طلع من دار وفجاه كبه من الباب وقال لامه …
مؤيد نسيت نقولك ههههههههه نوضينى ساعه 7 غدوا فازو نوتيلا اهو قتلك ..
بس امه ماعطتاش فرصه وحدفت شبشب على وجهه طبعاته عليه خمسه خمساااااات ….
طلع مؤيد من دار وشبشب معلم على خده وامه عرفت وين تصوب الهدف تحديدا … يعنى بدون نزاع ملازم اول ملازم اول …
وبعدها طلعت من دار وخشت للحمام باش تتوضى بوطفت ضى وردت دار عليهم وبينما منى وسهيله كل وحده فيهم تكت على سريرها وتغطت وفقعدت تتأمل فى حيط وتفكر فى حياتها وهيااااااا دقايق بس وشرين تلفون منى وهنا منى قعمزة مخلوعه وقالتلها سهيله …
سهيله …. يابلووووووووه مش نقولك فى الليل ديريه سايلنت ..
منى ….. نسييييييييت .. باهى توا نرد او لا ؟؟
سهيله … ردى وانى توا نطلع نشوف الاجواء برا ونخش للمطبخ ندير روحى بناكل ونلخبط مؤيد …
منى …. ياووووووخيتى سلمهااااااااااااااااا اموووووووووه
ردت منى على وائل وقالت …
منى ….. الووووو
وائل …. بااااى الا رضيتى ورديتى ووووووينك
منى …. خيرك تعيط ؟؟
وائل …. معقوله من امس نكلم فيك وانتى لاحس ولا خبر ؟؟ باهى قولى اقل شى البنى ادم هوا مرات يقلق عليك مرات ينفلق ويهبل ويجى فم حوش …. اى اى نديرررررها ..
منى …. ههههههههههههه << نحبببببببببك >>
وفجأه ساد صمت على الزوز وقاللها ..
وائل …. هوا انى شن كنت نقول هههههههه ..
منى ….. ههههههههه كنت تقلى انك ..
وائل …. نمووووووووووت فيك ونحبك ونعشق الارض الا تمشى عليها ياشفشه يابارده يامركبتلى الاعصاب
نقلبت المكالمه بين وائل ومنى لى ام بى سى درما بينما فى الوقت نفسه وبينما سهيله بتخش للمطبخ سمعت مؤيد يهمس فى المطبخ ويقول …
مؤيد …..تبنى نغنيلك هههههه مصحك صوتى يهرب قبيله هههههههه على خاطرك توا بس بعدها انسى معا فى لو كان تموتى هههههههههه
اوك تمااااام احم احم 1 2 3 تسمعى فيا هههههه
الله من دلع النساء و كيدهن و من جنونك يا حياتي
ما الحل؟
يا مشكلة يا مدللة
ما الحل؟
يا مشاغبة يا مُتعِبَة
ما الحل؟
تتسرعين فتغضبين فتندمين فتطلبين مغازلاتي
الله من دلع النساء و كيدهن و من جنونك يا حياتي
محبوبتي محبوبتي
أنتي الشجر و أنا المطر
لولا جميل عناقنا
ما كان في الدنيا ثمر
نحن بأحلى مكان
و ثالثنا الحنان
من أين يأتي النوم؟
همس يذيب الصدر
و وسادة كالجمر
من أين يأتي النوم؟
الله من كرم النساء و فضلهن على افتعال المشكلات
وفجاه مؤيد سكت وقاللها …
مؤيد …. هههههههههه خلاص برى روحى شن تبي تانى ..
هدى …. تهببببببببببل الاغنيه من يغنى فيها بالله هههههههه وراس دووووى شن اسمها ومن يغنى فيها بنزلها …
مؤيد …. شن تعطينى قبل هههههههههه ..
هدى …. كف باهى قوووووووووول ..
مؤيد … ههههههههههههه قيصر الغناء يابنتى كاظم ساهر والحق الحق انى اعطيتهاله الاغنيه ماهو سخفنى قعد يترجى فيا اسبوع …
هدى … باهى شن اسمها الاغنيه ياكاظم انت
مؤيد …. اسمها << دلع نساء >> يادلوعتى انتى ….
هدى ….. مؤيد …
مؤيد … نعم ..
هدى … نحبببببببك
مؤيد …. شييييت نحرقت بالزيت اخخخخخخخ شن قولتى ؟؟ دقيقه بس << وسكر تلفون >>
سكر مؤيد تلفون لانا شاف شبشب طالع من ورا الباب وتقريباااااااااااا عرف من الا واقف … ومش دروحه لتلاجه ووطلع من الباب تانى وجاها من تالى وشدها من تيشرتها وكودتها من تالى وقاللها …
مؤيد …. شن ديرى هنى اااااااااه قوووولى تتصنتى عليا ولا لا ؟؟ قووولى ؟؟
سهيله … نقولك الحق بس ماتعطينيش عزقه الحق الحق ..
مؤيد … شنى قوووولى …
سهيله …. ماااااااااااااااااالحل يامتعبه يامدلله ماالحل … تتقلبين فاتتمهتكين فاتتصيعين فاتصبحينا حقيررررررررتننننننن هههههههههههههههههه ..
مؤيد …. ياحيوووووووانه تعالى هنا نوريك هيا …
سهيله … وحق مصحف تمسنى نقول لامى وبوى شن كنت توا تدير وفوقها تحت سرير تحسابنى مانندريش ههههههههه
مؤيد …. اقلبى وجهك اقلللللللبى رعشتونى فى هالليل مرض << وفى خاطره قال حتى كلمة نحبك ماستمعتش بيها من الشعبوطات هما … زعمك تقول لامى ؟؟
… ولت سهيله لدار وهيا صايخه بضحك ومشت حكت لمنى ..
بينما مؤيد خش لدار ويسحن مع بعضه على رعشت سهيله وحتى الكلام قعد فى رقبه الا قالتهوله هدى … ومنها حلف ولعن ماعاد يغنى وحتى الاتصال ماعاش بى يتصل بيها وخش رقد …
وساد صمت فى حوش عمى جمعه وفاتت الليله ….. وفات اليوم وراء تانى وكان كل يوم بالنسبه لمنى زى السنه بس ….
واخيراااااا جى اليوم الا كانت تستنى فيه منى ….. تبو تعرفو شن صار .. تعالو نشوفوه مع بعضنا فى الجزء القادم
يتبع………..
لقراءة الجزء التالي : الجزء الثالث عشر من رواية ضوء في آخر النفق
لقراءة الجزء السابق : الجزء الحادي عشر من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
