وفي الجزء الحادي عشر سنري الجميل من الإبداع والخيال الذي لا مثيل له، جهز نفسك جيداً لتحفة إبداعية مشوقة ، لنبدأ الآن وسوياً في قراءتها في السطور التالية .
الجزء الحادي عشر من رواية ضوء في آخر النفق
منى وهدى …. هيييييييييييييييييييييييييييييييييييييييييييييييييييييييييييييييييييييييييييييي يادبلة الخطوبه عقبلنا كلنا ونبنى طوبه طوبه فى عش حبنا نتهنى بالخطوبه ونعيش اجمل حياه يادبلة الخطوبه عقبلنا كلناااااا ههههههههههه
… كان اليوم حلو ومميز وخاصة لحوش عائلة عمى جمعه واهل هدى وبالنسبه لمنى فامحستش بالوقت مع هدى نهائيا لحد ماجت اللحظه الا اتصل بيها مؤيد وقاللها ..
مؤيد …. اه هيا شنى ؟؟ اطلعو هيا نستنى فيكم فى الباب ..
منى … اوك اوك خمسه دقايق بس نقول لامى تلبس عبايتها ونطلعو ..
مؤيد … هيا ماتعطلوش نستنى فيكم ..
ناضت منى ولبست وشحها وعبايتها وهيا كيف بتطلع تكلم امها .. سألتها هدى وقالتلها ..
هدى … بتكلميه اليوم بعد ماتروحى ؟؟
منى … مش عارفه شن رايك انتى ؟؟
هدى … كلميه واحكو براحتكم لانك فى نهار مش رح تحصلى فرصه تحكى معاه وفى الجامعه وبعد الفضيحه هديكا مادبيكم معاش توقفو على بعض لين يكون فى شى بينكم رسمى .. فالحل الوحيد ليك كلميه وتفاهمو مع بعض انى هدا رائى الحق ..
منى … اووووك 
رح نديرله رنه بس فى عينه نتصل بيه انى ههههه مالا علاش راجل كان انى بنتصل بيه على قولت حنينا قبل << اعطى بنتك وزيد عصيده >>ههههههه .. << وبعدين طلعت من دار وقالت … ماما ماما … هيا البسى مؤيد لوطى يستنى فينا ..
وهنا ولت منى باش تقول لهدى حاجه بس لقتها شادة تلفون ولاهيه تحكى وتهدرز مع مؤيد واول ماشفتها ابتسمتلها ..
فاقالتلها منى ..
منى … كملى كملى نعرف انكم تكلمو فى بعض هههههه على ماما الكلام ده هههههه حساباتنا بعدين صدقينى رح تاخدى ما كتب ربى من جرماتك .. سلااااام
طبعا هدى ساكته وغامه نقال وتشبح لمنى ووجهها احمرررررر وبعدين ردت تلفون لودنها وقالت ..
هدى … ايوا حبيبى
مؤيد … اه وين مشيتى ؟؟
هدى … لا لا شى ماما كلمتنى بس .. مهم اليوم كيف طلعت انى ههههه هيا قول
مؤيد … اسمعى نروح للحوش ونبدل حوايجى ونصلى ونتعشى لانى الحق جعان وانتى ماحطيتيلش عشى ههههههههه وبعدين قبل مانرقد نكلمك ماشى ونحكيلك كيف كنتى ياسعاد حسنى انتى وعلى طريقى نبعت الشيطان هوا ساهر ساهر معانا اليوم زوز جيلاطى نبردو بيه هههههههههههه
هدى .. انتى ماتتحشمش من قالك شوشو بيسهر معانا
مؤيد …. تعرفى على كلمة شوشو هيا مافيش اليوم ولامكالمه مااااااااااشى … شن قصتك يابنتى انتى والتدليعات الا تلوع رومانسيه هيا … صدقينى صدقينى لاتمت للرومانسيه بصلة .. لاحول الله يعنى يادوووووودى ياشووووشو .. برى برى والله انى لسانى نبرد وانى نعلم فيك … نقولك شى بعد ساعه 12 نكلمك مانبيش نسمع صوتك نبيك كاتم صوت ايوااااا بلا شوشو بلا سوسو قسما بالله حتى كانا فى شويه رومانسيه قتلتيها بالكلام سلاااام
وسكر من هنا وبينه وبين نفسه قعد يقول …
مؤيد … شوووشو دووووودى .. اما مخلوقه غريبه لاتمت لرومانسبه بصله … خودلك هيا نهارررر المش فايت ساعه يسلمو فم الباب تى هيااااااا وانتم قريب ديرو عالة شاى على الباب << وبعدين قعد يضرب فى الكلاكس ططططططووووووططططط .. واتصل بى منى وقاللها ..
مؤيد << جيبى فازو نوتيلا امك هيا الا واقفه فم باب وتعالو والا والله نروح ونخليكم تابتو فم بابهم وانتم تسلمو تسلمو ..
منى …… هههههههههههههههههههههههه
مؤيد …. حشم حالك سكررررررى هالقراج وانتى تقول طانطه تضحك ههه برى اقلبى وهييييييييييييييا تعببببببببببان
وصلة عمتى وريده لاخر مرحله فى تسليم وقالت ..
وريده …. يسلامه اموه اموه اموه اموه بسلامه بسلامه اى اى وسلميلى على الحاج بسلامه يالا سلام ..هيا تصبحو لى خير ..
وركبو لسياره وطلع بيهم مؤيد وامه قالتله …
امه … ماتقوليش خيرك قريب تقلبها سياره … معقوله ماخلتنيش حتى نسلم على ناس باهى .. سلمت عليهم زى مهبوله وطلعت ..
مؤيد …. بجد بجد انتى تدوووووى كانا مش عيب رهو نزلتك هنا وقتلك ولى سلمى عليهم براحتك والفجر بعد ماتكملى سلامك ديرلى رنه باش نروح بيك … ولا مايسدكش سلام للفجر .. ساعه 9 صبح باهى ..
امه … تتبهنك عليا انت والله ماتتحسم ولا تتحشم بالفعل ..
وهيا قاعده كيف يتقول المتل ردو عليها ..
مؤيد وسهيله ومنى …. بااااااااالفعل الضنى ضنااااااااى وفعل مش فعلى هههههههههههههههههههههههههههههه ..
مؤيد …. امى كم اهوااها قولى متل غيره حفضنه بالله هوا … وكيف كنتى زمان والله والله بنولى شاعر وكاتب منك انى هههههه مهم مهم شن صار توا مشت الامور تماااااام ؟؟
امه …. الحمد لله الحق الناس يبوك تناسبهم اليوم قبل بكرا ورضيين بى الا عندنا وامها متفاهمه هلبه والحق عيله يرتفع بيهم رأس غير انت ياوليدى اعقل بس ..
مؤيد …. انتى قصدك قووووولتيهاااااا جمله هيا عندهم …
منى وسهيله …. ههههههههههههههههههههههههههه
مؤيد …. على شن تضخكو معنااها قالتهاااااااااااااااااا اما بالفعل انى المره هادى بنقولهالك << الضنى ضناى والفعل مش فعلى ..
منى هههههههههههههههههه ياعطيهالك يامؤيد اما انت فوق ضحك شى ههههههه لكن بجد بجد والله طالعين على بعض وتهببببببلو وربى يتمملك على خير ..
مؤيد …. شفتى شفتى الكلام مش انتى تقولى اعقل … تى شن تشوفى فيا لبست تسمال مبكرى ولاحزمة فى نص صاله وقعدت نرقص ولا شنى … والله تقول مش ولدها زفت ..
منى …. هههههههههه
مؤيد …. شنى منى دورا دورا فاتحه فمك الا زى شراك بطاطه … هههههههههه هىىىىىىىىىى هوووووو … خلاص اشتغلى على سيلانت لين نروحو وانتم عيله تجيب رعااااااش
امهم …. خلاص اهدو خير ماتو نحى شبشب الا فى راجلى ووالله مانقولك الادرس السياره يمين ونبدا فيكم واحد واحد ..
مؤيد ….. انى قوتلك بناتك هادم يبو شبشب غير انتى ماصدقتيش تى عارف عارف كلامى كله حكم انى هههههههههه ..
منى…. ماما عاجبك ولدك شن يقوووول … اها كانك خديتها هدى … وتزيد كلمه تانيه نقول لامى شن كنت تدير تحت سرير ..
سهيله …. حى يا حى ههههههههههه قولى قولى
مؤيد …. تى تعرفى تقولى والله الا مانخش بيكم الا فى حيط قبل ماتقوليها ونخليكم فداء تحت سرير
امه ….. تعاااااااال هنا يامنجوه شن قصة تحت سرير هيا اماااا سرير وشن كنت تدير
سهيله …. ههههههههههههههه احنا هانتهزء ياقدعان
مؤيد … لا لا هادو مهابيل ماتعدليش عليهم غير تعالى تعالى احكيلى المعاش الا بنعطيهولك شن بتديرى بيه شهر هوا ؟؟؟
امه …. والله ياوليدى بنغير الجلسه العربيه وبناخد معايين مطبخ ..
مؤيد …. اها اها استمرى استمرى لين نوصلو للحوش ..
عرف مؤيد كيف ينسى امه موضوع تحت سرير وفشلت كل محاولات منى لابتزاز مؤيد …. واستمرت امه فى الحكى على احلامها الورديه القائمه على معاش مؤيد شهر هوا لحد ماوصلو للحوش وهنا قالتلهم ..
امه … سهيله منى نوضو شن رقدتم ؟؟؟ وصلنا هيا نوضو وافتحو الباب من غير صوت بوكم راقد ..
خش مؤيد وقال لامه ..
مؤيد …. هيا تصبحى على خير ونوضينى ساعه 7 بكرا ولانقولك بكرا جمعه نسيت ….. وخش لدار بدل وصلى وتكى على سرير وقام تلفونه واتصل بهدى بس الباين انها مشت فى نومه وماقدرتش تستناه …
اما منى فابدلت حوايجها وتكت على سرير ودارت التلفون سايلنت ودارتله رنه ولانه معاودش فى نفس اللحظه فانعسها نوم ورقدت وفاتت الليله على حوش عمى جمعه وكان تقريبا الكل راقد وابتسامة الرضى مطبوبعه فى قلبه ومرسومه على عيونه وفاتت ساعه ورا ساعه وفاتت الليله وجى صبح وفاقت منى على صوت امها فاتحه رديو على صوت بشرى كريم كالعاده وتصبح على الكل بااغنية فيروز واول مافاقت منى فتحت عين وسكرت عين وناضت وشعرها متفجر فيه لغم كاعادة كل البنات وقامت تلفون ولقت 10 مكالمات من وائل وهنا قالت …
منى ….. ااااااااااااى يارب نسيت امس ونعسنى نوم شن هالحظ هدا …
وبعدين ناضت وصبحت على امها وقالتلها …
منى …. صباح الخير ماما …
امها … صباح الخير … هيا خشى للحما م فيسع وتعالى افطرى الفطور واتى … ياسهيييييييله قولى لبوك يحط طوبو المياه فى ليمه ويجى الفطور واتى وقوليه توااااا الشكشوكه تبرد وشاهى ..
مؤيد ….. صباح الخير ياما … اهم السفنزات والخبزه الا قالى بوى برا جيبهم ومن فوق تلقى بدحى ومن لوطا تلفى عادى ..
امه …. سلم وليدى نجه ليا فايتنى بالطول شوى سلمك سلمك ياوليدى … برا اغسل ايدياتك وتعالى هيا باش تفطر مع بوك وخوتك …
التمت العيله كلها على الفطور وقعد الا يشرب ف القهوه ومعاها طريف مقروض والا يدير فى سندوتش والا يشرب فى شاهى وياكل فى سنفز السخون … وفجأه مؤيد قال لبوه ..
مؤيد … بوى … نبى ناخد رايك فى شى … انى فكرت انا ندير العرس وفاتحه بعد تلاته شهور شن رايك ؟؟
بوه …. والله ياولدى كانك انت مستعد وواتى يالله انى نشد باايدك ونقولك هيا ..
مؤيد … والله يابوى انت عارف الحوش واتى الفوقى يعنى على الاتات بس وبالنسبه للاتات سهل قايمله فليسات فى مصرف يعنى على طلوع بس ..
بوه … خلاص ياولدى توكل على ربى وخير البر عاجله … وبعون الله مصاريف العرس كله عليا انى .. عاد كيف حتى انت ولد امك ..
مؤيد …. ربى يخليك ليا يابوى ويدومك فوق راسنا يااااارب .. وانتى ياامى شن رايك ؟؟
امه …. والله بعد كلام بوك معاش فى كلام توكل على ربى ووتى روحك بس ..
مؤيد …. خلاص مالا بعون الله الايامات الجايه تطلعو معاى وكانا هيا وامها طلعت معانا ونختارو الاتات ماشى ..
امه …. يصير خير يصير خير …. سهيله هياااا قيمى صفرة الفطور وحطى الغدا على نار .. منى … ظمى الحوش كله وبخريه خلى انى نشد صابون ونسيق جنان ..
بوه …. مؤيد هيا مالا تعالى انت معاى سلم ولدى عندى الليمه تبى تنضيف والتخفيف والقص من فوق تعالى ساعدنى فيها هيا
مؤيد …. هيا مالا حاج هيا خلى نكملو قبل صلاة الجمعه باش نمشو مع بعض نصلو هيا …
خشت سهيله للمطبخ وحطت الرز بالبصله على ناروبدت تضم فى المطبخ ومنى مشت للحوش وبدت تضم فيه ومن هنا وهنا كملو وبدت صلاة الجمعه وبعد ماتمت روحو الرجاله وحطو الغدا وتغدو وفاتت ساعه ورا ساعه لحد ماجت ساعه 8 فى الليل ومنى كل مايتصل وائل ماتردش عليه لانها تورطت ونست انا امها رافضاته وخايفه يجى وترفضهم بطريقه غير مباشره … وهيا كيف تفكر خشت عليها سهيله وقالتلها ..
سهيله …. خيرك منى شن فى ؟؟
وهنا حكت منى لى سهيله الا صار فى جامعه مع وائل ولحد اللحظه الا بيتقدم فيها وبعدين قالتلها …
منى …. باهى شن الحل ؟؟ وكانا يجو وامك ترفضهم ؟؟ انتى تعرفى امى لما تسكر دماغها وهيا من هدكا اليوم قالتلى والله مارح يصكر عليك حوش
سهيله … باهى هوا امتى قالك بيجيب اهله ؟؟
منى … الخميس جاى
سهيله …. انتى غير برى ردى عليه وقوليله اوك وجيب اهلك … وانى عندى ليك خطه ماتخرش الميه .. ههههههه
منى … شن هيا بالله قوليلى شن هيااااااااااااا
سهيله …..
يتبع……….
لقراءة الجزء التالي : الجزء الثاني عشر من رواية ضوء في آخر النفق
لقراءة الجزء السابق : الجزء العاشر من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
